Ang Nagbabagong-Bihis na Sambitla

Ni Marc Angelo C. Parumog, LPT

Wika ang siyang pinakamakapangyarihang behikulo na kayang gamitin ng tao ito

ay isang likas at makataong pamamaraan ng paghahatid ng mga kaisipan, damdain at
mithiin (Sapir, 1921). Binanggit ni Chomsky, (1965) na ang pagkamalikhain ng wika ay
makikita sa kakayahan ng tao lamang at wala sa ibang nilalang. Tanging tao ang may
kakayahan nagamitin ang wika sa pinakamataas na kaparaanan. Ang pangunahing
layunin sa paggamit nito ay ang pagkakaroon ng isang matibay at maayos na
komunikasyon. Ngunit sa paglipas ng panahon ang wika ay nagbabago, bahagi ito ng
katangian ng wika ang maging dinamiko. Kaya’t ano mang pagbabago ang mangyari sa
wika ito ay maituturing na positibo at mainam dahil isa itong paraan upang patuloy itong
mabuhay.
Sa Pilipinas, ang wika ay buhay na buhay at patuloy na nakikiayon sa panahon.
Mula sa pagiging tradisyunal ng Wikang Filipino ay unti-unti itong nabahiran ng
pagiging impormal. Sa pag-usbong ng iba’t ibang sosyolingwistikong komunidad ay
nabago ang ating nakasanayang paraan ng pananalita. Nagulo ang pormolasyon ng mga
salita sa pag-usbong ng wikang jejemon, at naging feminista naman ang himig ng wika sa
pagdating ng gaylinggo. Kalimitang kinukonsidera ng iba na ang dalawang wikang ito ay
nabibilang sa wikang balbal. Ngunit dahil sa ito ay ginamit ng iba’t ibang personalidad at
mga taong may posisyon sa lipunan ay unti-unti itong naging trend sa bawat labi ng mga
Pilipino. Pinatingkad pa ito ng pagkakabuo ng mga wika buhat sa mga online games,
social media sites, at mga kulturang popular na kasalukuyang umuusbong sa
kasalukuyang panahon. Isa sa mga pangunahing pagbabago na makikita sa paraan ng
paggamit ng wika ng mga kabataan ay ang mga bagong sambitla na kanilang ginagamit
sa pakikipagtalastasan sa loob man o labas ng silid-aralan. Ang mga sambitla ay iisahin o
dadalawahing pantig na nagpapahayag ng damdamin. Halimbawa nito ay ang salitang
naku!, Huwag!, at lagot!. Ngunit sa kasalukuyan ay nagkakaroon ng mga maiikling
ekspresyon ang mga kabataan, mga salita na nagiging daan ng komunikasyon (para sa
mga kaedad nila) at kung minsan ay diskusyon (para sa mga may-edad na di
nakakaunawa). Minsan sa labas ng silid aralan ay nagkaroon ng maikling diskusyon sa
pagitan ng isang guro at isang mag-aaral. Ang pangunahing dahilan ay ang pagsagot ng

1
 mag-aaral sa kanyang guro matapos na masabi na mali ang kaniyang sagot. Ang agad na
nasabi ng mag-aaral ay ang salitang “ awtsu”at sinundan pa ng salitang “awit”. Habang
kinagagalitan ng guro ang kanyang mag-aaral ay nabanggit naman ng isa ang salitang
“Triggered na”. Kaya’t ito naman ang napagbalingan ng tuon ng guro. Hanggang sa may
mabanggit nanaman ay ang isa pang estudyante “ ok boomer na talaga” sabi ng isa.
Karaniwan ang ganyang sitwasyon na kinahaharap ng mga gurong may-edad na.
Sinasabing bastos daw ang mga mag-aaral dahil sa kanilang mga binabanggit. Ngunit
hindi ito isang kabastosan, bahagi ito ng wikang milenyal, bagama’t ang pinagmula ay
mula sa wikang balbal, kung aanalisahin nating maiigi ay makikita na bahagi na ito ng
kanilang wika. Ito na ang mga bagong paraan ng maikling salita ng mga kabataan na
nagtataglay ng kahulugan (sambitla).
Sa libro ni Villafuerte ay tinalakay niya ang apat na uri ng sambitla ng mga
pilipino. Mayroong sambita ng matinding damdamin, sambitlang pautos, pantawag, at
panagot sa tawag. Binaggit din niya na ito ay lumalabas sa bibig ng mga pilipino sa
paraang unconsicous, nagagamit ito sa pakikipag-usap ng hindi binabalak o pinag-iisipan
dahil simple lang ang kahulugan ang maglabas ng ekspresyon. Bahagyang kakaiba ito sa
mga sambitla ng mga kabataan. Hinalughoy ko ang kahulugan ng dalawamput limang
(25) salita na karaniwang nababangit ng mga kabataan sa pamamagitan ng internet,
obserbasyon at kaunting panayam.
Kategorya ayon sa
Sambitla Kahulugan mula sa mga Millenyals
Kahulugan
1.Lodi Binaliktad na Idol, taong hinahangaan Sambitlang Panawag
2.Petmalu Kasing kahulugan ng mahusay Matinding damdamin
3.Mamshie Mula sa Gaylinggo, ang kahulugan ay nanay Sambitlang Panawag
4.Taratitat Madaldal Sambitlang Panawag
5.Charot Bula sa gaylinggo ang kahulugan ay biro lamang Matinding damdamin
6.Arbor Nangangahulugang hiram Sambitlang Pautos
7.Swabe Ekspresyon na nangangahulugang mahusay
Matinding damdamin
dumiskarte
8. Shunga Sambitlang Panawag/
Ang kahulugan ay “ tanga”
Matinding damdamin

2
9.Keri Mula sa gaylinggo anag kahulugan ay kaya, o
Matinding damdamin
kaya ay go sa ingles, dipende sa sitawasyon.
10.Awit Nangngahulugan ng di pangsang-ayon o kaya ay
Matinding damdamin
disappoinment sa Ingles.
11.Eut Ginagamit ng mga lalaki bilang ekspresyon
kapag nakakakita ng magandang babae. Mula ito
Matinding damdamin
sa salitang “Iyot” ng mga bisaya na terminong
ginagamit sa pakikipagtalik.
12.GG Nangangahulugang tama o mahusay. Mula sa
Sambitlang Panagot
daglat ng Good game
13.Agik Nangangahulugan ng pagsang-ayon o alright Sambitlang Panagot
14.Awtsu Nangangahulugang ng maling disisyon o kaya
Matinding damdamin
nama’y offended sa Ingles
15.Orb Ang kahulugan ay Bro. o kaya ay pare Sambitlang Panawag
16.Flex Nangangahulugang ipakita, o ipagmalaki Matinding damdamin
17.Triggered Salitang Ingles na nangngahulugang biglaang
Matinding damdamin
pagkagalit ng sobra
18.Ok boomer Ekspresyon para sa pagkakataong nagsesermon o
Sambitlang Panawag
nangngalaral ang mga nakatatanda.
19.Ekis Nangangahulugang di pagsang-ayon Sambitlang Panagot
20. Tae Nangangahulugang pagkatalo. Matinding damdamin
21. Lugi Isang ekspresyon na nagbabadya ng pagkatalo. Matinding damdamin
22. Hayop Isang ekspresyon kapag maganda ang ginawa ng
Sambitlang Panawag
kaibigan.
23.Rak na itu Isang Ekspresyon sa pagpayag ng mga kaibigan
Matinding Damdamin
upang umalis, gumala, o maglaro.
24. Edi wow Isang eskpresyon na nagpapakita na
Matinding Damdamin
nangangahulugang walang pakiaalam.
25. Iyak Isang ekspresyon ng pang-aasar Matinding Damdamin

3
 Hindi bago ang mga salitang ito, kung mapapansin ang iba ay karaniwang ng
naririnig sa pang-araw-araw na usapan ng mga tao kahit na noon pa man. Ang nabago
lamang ay ang kahulugan nito. Sa mas malalimang pagsipat makikita na sa pramatics
partikular na sa semiotika nagkaroon ng pagbabago. Ang dating salita na may taglay na
sariling kahulugan ay nanatili (halimbawa ay ang taratitat, Momsahie, at okay boomer)
Salita Pagpapakahulugan ng mga
Unang Kahulugan
Milenyal
Mamshie Mula sa Gaylinggo, ang kahulugan ay Panumbas ng mga bakla sa
nanay Nanay
Taratitat Madaldal Maingay na babae
Ok Ang boomer ay mula sa baby
boomer boomer, tawag sa henerasyon
Ekspresyon para sa pagkakataong
ng mga edad 56-74,
nagsesermon o nangngalaral ang mga
samantalang ang “ok” ay isang
nakatatanda.
ganap na sambitlang panang-
ayon.

o kaya nama’y nabago ng bahagya at nagkaroon ng bagong kahulugan (lodi, ekis, eut).
Salita Pagpapakahulugan ng mga Milenyal Unang Kahulugan
Ekis Pangalan ng simbolong
Nangangahulugang di pagsang-ayon (x) na
nangangahulugang mali
Lodi Idol, mula sa salitang
Ingles na
taong hinahangaan o magalaing sa isang aspeto
nagngahulugang
paghanga.
Eut Mula ito sa salitang
Ginagamit ng mga lalaki bilang ekspresyon “Iyot” ng mga bisaya na
kapag nakakakita ng magandang babae. terminong ginagamit sa
pakikipagtalik.

4
 Maari rin namang walang nabago sa porma ng salita at kahulugan ngunit
nagagamit ang salitang ito sa panibagong kaparaanan at ito ay sa pagpapahayag ng
damdamin o ekspresyon ( swabe, triggered, awit).
Salita Pagpapakahulugan ng mga Milenyal Unang Kahulugan
Awit n. 1. song; 2. Anthem
Nangangahulugan ng di pangsang-ayon o
(Tagalog online
kaya ay disappoinment sa Ingles.
dictionary)
Swabe Ekspresyon na nangangahulugang mahusay Panumbas sa salitang
dumiskarte smooth
Triggered Mula sa salitang Ingles
na ang kahulugan ay
Salitang Ingles na nangngahulugang
(of a response) caused
biglaang pagkagalit ng sobra
by particular action,
process, or situation

Ang isang paraan nama ng pagkakabuo ng mga salita ay dahil sa likas na pagiging
mapaglaro sa mga salita ng mga tao. May mga sambitla rin na nabuo dahil sa social
media kagaya ng ng agik, awtsu at flex. At ang kahuluhulihan ay mga salitang nabuo
mula sa mga online games na binabanggit ng mga kabataan kapag sila ay naglalaro nito.
Walang masama sa mga pagbabagong nagaganap sa ating wika mas mahihirapan
ang susunod na henerasyon kung sakaling hindi makasasabay ang ating wika sa
pagbabagong nagaganap sa lipunan. Lahat ng ito ay bunga ng katangian ng wika kagaya
ng sinasabi ng maraming dalubhasa sa wika. Bahagi ito ng pag-unlad at hindi ito
mapipigilan ng kahit sino. Nagkakaroon lamang tayo ng problema kapag hindi natin
nauunawaan ang mga salita na ginagamit ng ating kausap. Nagkakaroon tayo ng ideya na
bastos ang bata bata’y sa wikang kanyang ginagamit dahil sa hindi natin alam ang
kahulugan nito. Kailangan nating makiayon upang hindi tayo mapag-iwana. Likas sa tao
ang pagkatuto ng wika ngunit kailangan nating mag-aral muli, mula sa paraan ng
pagbigkas nito hanggang sa kahulugan nito (Chang, 2012). Kagaya lamang ito ng mga
sosyolinguistikang wika na umusbong ilang taon na ang nakararan. Sa una ay hirap
tayong unawain at intindihin ito ngunit dumating din ang panahon kung kailan

5
nauunawaan na natin ito at nagagamit sa pakikipag-usap. Ang pag-usbong ng mga
bagong salita at ang pagbabagong bihis nito ay isang dahilan kung bakit binuo ang
sawikaan, isang saliksikan at presentasyon ng mga salitang maaaring maisama sa ating
diksyunaryo (FIT Inc, 2014). Isa itong patunay na nakikita ng mga dalubhasa sa wika sa
ating bansa ang pagbabagong nagaganap sa ating wika.
Sa lahat ng nabanggit na imporasyon sa itaas, kasabay ng pagkaunawa sa mga
salitang ito ay mas mainam na maituro sa mga mag-aaral ang tamang paggamit ng mga
salitang ito. Kailan ito dapat gamitin at anu ano ang nagiging epekto nito sa mga taong
hindi nakauunawa ng mga bagong sambitlang ito. Kailan man ang pag-aaral at
pagbabahagi ng kaalaman ay hindi maihihiwalay sa gampanin ng mga edukador, lalo’t
higit ang mga dalubwika. Ang kamangmangan pagdating sa usapin ng wika ay dapat na
masolusyunan dahil maaring magbunga ito ng pangmatagalang problema. Sa huli isang
bagay lang ang makikita sa konseptong papel na ito. Buhay ang wika at patuloy itong
nagiging makulay.
Sanggunian

Abel, M. (2016). Wika ng mga manlalarong Pilipino: Pagsusuri sa pinagmulan at saysay

ng mga salitang ginagamit sa mundo ng DotA 2 at LoL. Malay, 45-68.

Cariño, J. (2017, August 09). Tama ba ang mga pagbabago sa wikang Filipino.
Retrieved January 23, 2020, from ABS CBN News: https://news.abs-
cbn.com/life/08/08/17/tama-ba-ang-mga-pagbabago-sa-wikang-filipino

Chang, F. (2012). Language adaptation and learning: Getting explicit about implicit
Learning. Language and Linguistic Compass, 259-278.

Chomsky, N. (1965). Aspects of the Theory of Syntax. Cambridge,Massachusetts: MIT

Press.

Sapir, E. (1921). Language The Instroduction of speach. New York.: Dover Books on
Language.

Translation, F. I. (2014, July 04). Facebook. Retrieved February 01, 2020, from
Sawikaan: https://www.facebook.com/103452386367437/photos/pambansang-
kumperensiya-sa-pagpapayaman-ng-wikang-filipino-at-sawikaan-2014-
pagp/737628046283198/

Villafuerte, P. (1994). Wika at Panitikan. Rex Book Store.