Professional Documents
Culture Documents
sa
Pagpapakatao
Ikatlong Markahan – Modyul 10:
Paggalang sa Buhay
Edukasyon sa Pagpapakatao– Ikasampung Baitang
Alternative Delivery Mode
Ikatlong Markahan – Modyul 10: Paggalang sa Buhay
Unang Edisyon, 2020
Isinasaad sa Batas Republika 8293, Seksiyon 176 na: Hindi maaaring
magkaroon ng karapatang-sipi sa anomang akda ang Pamahalaan ng Pilipinas.
Gayonpaman, kailangan muna ang pahintulot ng ahensiya o tanggapan ng
pamahalaan na naghanda ng akda kung ito ay pagkakakitaan. Kabilang sa mga
maaaring gawin ng nasabing ahensiya o tanggapan ay ang pagtakda ng kaukulang
bayad.
Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit
sa modyulna ito ay nagtataglay ng karapatang-ari ng mga iyon. Pinagsumikapang
matunton ang mga ito upang makuha ang pahintulot sa paggamit ng materyales.
Hindi inaangkin ng mga tagapaglathala at mga may-akda ang karapatang-aring
iyon. Ang anomang gamit maliban sa modyul na ito ay kinakailangan ng pahintulot
mula sa mga orihinal na may-akda ng mga ito.
Walang anomang parte ng materyales na ito ang maaaring kopyahin o ilimbag sa
anomang paraan nang walang pahintulot sa Kagawaran.
Inilathala ng Kagawaran ng Edukasyon
Kalihim: Leonor Magtolis Briones
Pangalawang Kalihim: Diosdado M. San Antonio
2
Para sa mag-aaral:
Malugod na pagtanggap sa Edukasyon sa Pagpapakatao ng Alternative Delivery
Mode (ADM) Modyul ukol sa Paggalang sa Buhay!
Ang kamay ay madalas gamiting simbolo ng kakayahan, aksyon at layunin. Sa
pamamagitan ng ating mga kamay tayo ay maaaring matuto, lumikha, at
magsakatuparan ng gawain. Ang kamay sa tulong-aral na ito ay sumisimbolo na
ikaw, bilang isang mag-aaral, ay may angking kakayahang matutuhan ang mga
kaugnay na kompetensi at kasanayan. Ang iyong pang-akademikong tagumpay ay
nakasalalay sa iyong sarili o sa iyong mga kamay.
Ang modyul na ito ay ginawa bilang tugon sa iyong pangangailangan. Layunin
nitong matulungan ka sa iyong pag-aaral habang wala ka sa loob ng silid-aralan.
Hangad din nitong madulutan ka ng mga makabuluhang oportunidad sa
pagkatuto.
Ang modyul na ito ay may mga bahagi at icon na dapat mong maunawaan.
Sa bahaging ito, malalaman mo ang mga
Alamin dapat mong matutuhan sa modyul.
3
Binubuo ito ng mga gawaing para sa
Pagyamanin malayang pagsasanay upang mapagtibay
ang iyong pang-unawa at mga kasanayan sa
paksa. Maaari mong iwasto ang mga sagot
mo sa pagsasanay gamit ang susi sa
pagwawasto sa huling bahagi ng modyul.
Naglalaman ito ng mga katanungan o
Isaisip pupunan ang patlang ng pangungusap o
talata upang maproseso kung anong
natutuhan mo mula sa aralin.
Ito ay naglalaman ng gawaing
Isagawa makatutulong sa iyo upang maisalin ang
bagong kaalaman o kasanayan sa tunay na
sitwasyon o realidad ng buhay.
Ito ay gawain na naglalayong matasa o
Tayahin masukat ang antas ng pagkatuto sa
pagkamit ng natutuhang kompetensi.
4
6. Pakibalik ang modyul na ito sa iyong guro o tagapagdaloy kung tapos nang
sagutin lahat ng pagsasanay.
Kung sakaling ikaw ay mahirapang sagutin ang mga gawain sa modyul na ito,
huwag mag-aalinlangang konsultahin ang inyong guro o tagapagdaloy. Maaari ka
rin humingi ng tulong sa iyong mga magulang, sa nakatatanda mong kapatid o
sino man sa iyong mga kasama sa bahay na mas nakatatanda sa iyo. Laging
itanim sa iyong isipang hindi ka nag-iisa.
Umaasa kami, sa pamamagitan ng modyul na ito, makararanas ka ng
makahulugang pagkatuto at makakakuha ka ng malalim na pang-unawa sa
kaugnay na mga kompetensi. Kaya mo ito!
5
Alamin
Subukin
1
Panuto: Basahin at unawain ang sumusunod na pahayag. Piliin ang letra ng
wastong sagot at isulat ito sa iyong kuwaderno.
1. Paano maiiwasan ang kawalan ng paggalang sa buhay?
A. Magkaroon ng kaalaman hinggil dito.
B. Maging bukas ang isipan sa mga nangyayari.
C. Kung ang bawat isa ay nakikita ang kanyang kapuwa.
D. Kung ang bawat isa ay nakikita ang halaga ng buhay at may paggalang dito.
2. Sa pagharap sa buhay lalo na sa gitna ng problema ano ang unang dapat gawin?
A. Magmadali upang maresolba ito agad.
B. Mag-isip agad ng solusyon
C. Maging mahinahon
D. Magsawalang bahala.
3. Alin sa mga susumusunod ang nagpapakita ng pagpapahalaga sa buhay?
A. Maglaro ng ML maghapon.
B. Tumulong sa gawaing bahay upang hindi magalit ang nanay.
C. Pagkakaroon malinaw na dereksyon sa buhay patungo sa pangarap.
D. Dahil sa hirap ng buhay, titigil na lang sa pag-aaral at tutulong na lang sa
magulang.
4. Alin sa mga sumusunod ang hindi masyadong nagpapakita ng paggalang
sa buhay?
A. Makita ang sarili sa iba at kung magkaganun, hindi mo iisipin na gawin sa
iba ang ayaw mong gawin sa iyo.
B. Hindi mo hahayaang magkamali ka ng pasya, upang hindi pangit sa paningin
ng iba.
C. Ang makita mo ang iyong halaga at halaga ng iba.
D. Hindi lamang sarili ang nakikita sa bawat pasya, kasama ang iba dahil sa
pakikipag-ugnayan.
5. Bakit mahalaga ang paggalang sa buhay?
A. Dahil lahat ng tao ay may buhay.
B. Dahil ang buhay ay dakilang kaloob ng Diyos sa tao.
C. Dahil ang buhay ay nag –iisa lamang.
D. Dahil ang buhay ay puno ng kaligayahan.
6. Ano ang pinakadakilang handog ng Diyos sa tao?
A. Isip at kilos-loob
B. Konsensiya
C. Kalayaan
D. Buhay
7.Ano ang sinasabi sa aklat na “Perspective:” Current Issues in Values Education”?
A. Ang buhay ng tao ay maituturing na pangunahing pagpapahalaga.
B. Ang buhay ng tao ay maituturing na pangunahing biyaya ng Diyos.
C. Ang buhay ng tao ay maituturing na pangunahing dapat pagyamanin
D. Ang buhay ng tao ay maituturing na pangunahing dahilan ng pagmamahal.
8. Ang mga sumusunod ay mga kilos ng hindi paggalang sa buhay maliban sa isa.
A. Paggalang sa buhay.
B. Paglaglag ng bata sa sinapupunan.
2
C. Pagalipin o pag alis ng karapatang mabuhay ang tao.
D. Paghalay sa mga kababaihan, kabataan o kalalakihan.
9. “Huwag magpapadala sa mga problemang pinagdaraanan” Ano ang nais
ipahiwatig ng pangusap?
A. Tawanan mo ang iyong problema.
B. Ipagwalang bahala ang problema.
C. Normal na magkaproblema ang tao kaya dapat wag itong pansinin.
D. Mahalaga na makita ang bawat pinagdaraan bilang isang hamon at hindi
problema.
10. Ito ay salitang Latin bilang isang uri ng pagtingin sa hinaharap (foresight).
A. Ens ammans
B. Prudentia
C. Iustetia
D. Amare
11. Ang mga sumusunod ay mga kilos ng hindi paggalang sa buhay maliban sa
isa.
A. Pagkitil ng buhay.
B. Pagtrato ng tama sa isang tao.
C. Pagalipin o pag alis ng karapatang mabuhay ang tao.
D. Paghalay sa mga kababaihan, kabataan o kalalakihan.
12.“Ang karuwagan ay pagpikit ng mata sa tawag ng halaga. Yuyuko at titiklop
ang isang duwag sa kaniyang sariling kahinaan.” Ang pahayag na ito ay:
A. Tama, dahil nakikita ng isang duwag ang wala sa kaniya sa halip ng
napakaraming mayroon siya.
B. Tama, dahil hindi umaatras sa anumang hamon ang isang duwag.
C. Mali, dahil tiyak na susubukan harapin ng isang duwag ang hamon kahit
walang kasama.
D. Mali, dahil batid ng isang duwag ang halaga ng mga nakapaligid sa kaniya.
13. Alin sa sumusunod ang tinaguriang “ina” ng mga birtud?
A. Prudentia
B. Katarungan
C. Kahinahunan
D. Katapangan
14. Sino sa sumusunod ang nagpapakita ng karuwagan?
A. Si Belle na takot sa lumilipad na ipis
B. Si Abby na ayaw maglakad sa madidilim na kalye
C. Si Drew na takot mahulog kung sasabit sa jeep
D. Si Marie na nahihiyang mag-ulat sa harap ng klase
15. Alin sa mga sumusunod ang nagpapakita ng paggalang sa buhay.
A. Lubos pag ukol ng sarili sa mga gadgets at material na bagay.
B. Ang paniniwalang; uminom, kumain at magpakasaya sapagka’t bukas ay
mamatay na.
C. Lubos na paglalaan ng oras upang maging pasakit at pahirap sa iba sala ng
paghihiganti.
D. Ang pagpapatuloy ng pabubuntis ng isang teen ager kahit na alam niyang
3
itatakwil siya ng kanyang magulang.
Balikan
4
5
Tuklasin
Gawain 1
Panuto:
1. Balikan ang mga mahahalagang pangyayari sa iyong nakaraan.
a Pumili ng isang pangyayari na: a. kailangang gumawa ka ng isang maingat
na pagpapasiya matapos husgahan o timbangin ang dalawang pagpipilian
kung alin sa mga ito ang tama at dapat mong piliin.
b. naging matinding pagsubok ito sa iyo dahil kung maaari lang ay wala kang
gustong piliin sa dalawang pagpipilian.
2. Isalaysay ang buong kuwento sa iyong kuwaderno o papel.
Pagkatapos, sagutin ang sumusunod:
a. Bakit ka nahirapang pumili sa dalawang pagpipilian?
b. Ano ang ginawa mo bilang pagtugon sa hinihinging sitwasyon?
c. Ipaliwanag ang iyong dahilan kung bakit mo ito ginawa.
d. Ano ang kinalabasan ng iyong ginawang pagpapasiya?
Gawain 2
Panuto:
1. Sa itaas na bahagi na mga kahon, itala ang iyong magandang pangyayari na
hindi mo malilimutan mula grade 7 hanggang grade 10.
2. Sa ibabang bahagi na mga kahon, itala naman ang mga hamon o pagsubok
na iyong naranasan mula grade 7 hanggang grade 10.
3. Gayahin ang pormat sa iyong journal/papel.
6
4. Ano ang naramdaman mo habang ginagawa mo ang gawain?
5. Ano ang mga napuna mo sa iyong mga karanasan?
6. Sa iyong palagay, bakit kaya nangyari sa iyo ang mga ito?
7. Ano ang mga mahahalagang aral ang natutunan mula sa iyong karanasan na
maiuugnay mo sa paksang tinalakay?
Suriin
Basahin at Unawain
Paggalang sa Buhay
Ang buhay ay dakilang kaloob ng Diyos sa tao. Ang paggalang dito ay
paraan ng pagpapahalaga at pagmamahal sa Diyos. Hindi maaaring isakripisyo ang
buhay para lamang sa material na kagalingan.(EPIV Modyul 6)
Sa aklat na “Perspective:” Current Issues in Values Education” (De Torre,
1992) sinasabi na, “Ang buhay ng tao ay maituturing na pangunahing
pagpapahalaga. Ang isang tao ay hindi maaaring gumawa at mag-ambag sa
lipunan kung wala siyang buhay. Ang isang tao ay dapat unang isilang upang
mapaunlad ang kaniyang sarili at makapaglingkod sa kapuwa, pamayanan, at
bansa. Kaya kinakailangang isilang at mabuhay siya.”
Kung ang bawat isa ay may malalim kagustuhan na magpunyagi sa buhay
sa pamamagitan ng positibong pagtingin sa sarili at ang pagtupad sa mga
pangarap, sa kabila ng mga kakulangan mo bilang tao ay magsisilbing gabay ang
mga karanasan at mga natutunan na mga konsepto sa pag-aaral ng Edukasyon sa
Pagpapakatao ay makikita mo ang iyong sarili na may halaga at nararapat na
igalang ng iyong sarili mismo.
Bahagi ng buhay ang mga problema o krisis na maaring magresulta sa
pagkawala ng paggalang at pagpapahalaga sa sarili niyang buhay kung hindi
magiging handa at pagkakaroon ng wastong kaalaman sa pagharap sa mga ito.
Ang mga sumusunod ay ilan lamang sa kawalan paggalang sa buhay.(
brainly.ph/question/204927)
1. Pagkitil ng buhay
Ang pagpatay ng buhay ay isang paglabag sa buhay. Sinabi ng Diyo's na ang
buhay na kanyang ibinigay ay hindi kailanman puwedeng bawiin ng tao.Nakalagay
ito sa sampung utos ng Diyos.
2. Paglaglag ng bata sa sinapupunan.
7
Ang paglaglag ng bata sa sinapupunan ay isa ring uri ng pagpatay at isa sa
paglabag ng karapatang mabuhay. Ang tao ay binigay ng Diyos dahil mayroon
siyang misyon sa buhay at wala tayong karapatang patayin ito o pigilan siyang
mabuhay.
3. Pagtrato ng hindi tama sa isang tao
Halimbawa nito ay ang hindi tamang pagbibigay ng pagkain at pag kontrol
ng kinikilos nito sa pamamagitan ng pagiging alipin.
4. Paghalay sa mga kababaihan, kabataan o kalalakihan
May mga ginagawang negosyo o naman ay sadyang ginagawa ito ng mga
taong mapanira ng buhay.
5. Pagalipin o pag alis ng karapatang mabuhay ang tao
Hindi pagbigay ng sahod at hindi binibigyan ng tamang benepisyo para
mabuhay ng maayos.
Bakit nga ba nangyayari ang mga ito? Nangyayari ang mga ito dahil sa
pagiging makasarili ng tao na nagbubunga ng kawalan ng pakialam sa iba.
Nagiging makasarili ang tao dahil ito ang pinamabilis na paraan upang maresolba
ang problema na inaakala niyang solusyon. Dulot ito ng kawalan ng maingat na
paghusga. Dahil dito nagreresulta ito ng kawalan ng paggalang sa buhay.
Ngunit paano ba ito maiiwasan? Maiiwasan lamang ang lahat ito kung ang
bawat isa ay nakikita ang halaga ng buhay at may paggalang dito. At magkakaroon
ng maingat na paghuhusga sa bawat sitwasyon. Nag-uumpisa ito sa sarili.
Makakatulong ang pagkakaroon ng kamalayan sa sarili upang makita ang
dahilan ng iyong pag-iral. Sa pag-iral na ito, marami kang karanasan na
nakakasalamuha na magbibigay sa iyo ng kaalaman sa buhay, kasama na riyan
ang mga problema na hindi kayang maiiwasan, bagkos, nangangailangan ng
tamang pagtugon para sa tamang solusyon. Sa iyong pagtugon nang hinihingi ng
sitwasyon, makakatulong ang pagkakaroon mo ng maingat na paghusga sa bawat
pangyayari. Kung magkakaganun, makikita mo ang mga dahilan kung bakit mo
pinagdaraanan ang mga ito. Ngunit
Huwag magpapadala sa mga problemang pinagdaraanan. Mahalaga na
makita ang bawat pinagdaraan bilang isang hamon at hindi problema. Inihanda ka
ng mga nauna mong mga karanasan sa buhay upang makagawa ng mapagmalay
at mapanimbang na mga pagpapasiya. Nararapat rin na harapin ito ng may
katapangan. Imbis na matakot at maduwag ay papaghariin sa iyo ang pagtingin sa
halaga ng iyong buhay upang matapang mong harapin ang lahat ng ito. Nguni’t
tandaan iba ang karuwagan sa takot. Ang pagiging duwag ay pagsuko sa hamon
dahil sa kawalan ng tiwala sa sarili o sa iba. Kapag duwag ka, pipikit ang iyong
mga mata sa tawag ng halaga, daan ito upang hindi mo harapin ang katotohanan
sa iyong harapan.
8
Sa pagaharap sa hamon ng buhay, napakahalaga na maging mahinahon sa
lahat ng pagkakataon. Ang kahinahunan bilang angkop bago magdesisyon upang
maiwasan ang pagkakamali. Angkop ang maging makatarungan bilang paggalang
sa buhay ng iyong kapwa at sa lipunan. Mahalaga na maging patas at walang
tinatapakang tao sa bawat pasyang gagawin. Kung ginagawa ang dapat,
nangyayari ang sakto. Sa ganyang paraan nagaganap ang katarungan. Sa pamimili
ng pasyang gagawin, napakahalaga na maiugnay ito sa serye ng iyong pagkatao,
prudential ang tawag dito.
Ang prudentia ang ina ng mga birtud, tinuturuan tayo nito sa pag-aangkop
bilang sumasapanahon. Nauunawaan ang prudentia sa Latin bilang isang uri ng
pagtingin sa hinaharap (foresight). Sa maagap na pagtingin sa hinaharap,
inuugnay ang kahapon, ngayon, at bukas sa isa’t isa. Ang prudentia ay hindi
lamang upang pangunahan ang mga posibleng epekto ng pagpili, kundi isang
pag-uunawa na may isang kuwento ang mga pangyayari sa kahapon at ngayon na
siyang magiging bukas. Ang mga pamimili ay hindi reaksiyon lamang sa mga
hinihingi ng kasalukuyan. Tugon ito sa hamon na gawing makabuluhan ang serye
ng kahapon, ngayon, at bukas—ang kuwento ng ating pagkatao.
Sa bawat pagpili sa mga opsyon, dapat tandaan na piliin kung alin ang mas
magbubunga. Masasabing mabunga ang paghusga kung nakalilikha ito ng
magagandang oportunidad upang magtagumpay at umunlad ang tao. (Aristotoles)
Sa pagkakaroon ng maingat na paghusga, makikita mo ang mga dahilan ng
pag-iral at magiging daan ito upang masilayan mo mismo ang halaga ng mga ito na
magbibigay daan upang igalang at pahalagahan ang buhay na kaloob ng Diyos.
Mahalaga ang buhay dahil kung wala ang buhay, hindi mapahahalagahan ang mas
mataas na pagpapahalaga kaysa buhay.
Pakatandaan, huwag iukol sa mga material na bagay bilang sentro ng iyong
buhay sapagkat ang buhay ng tao ay lilipas at matatapos sa mundo. Lahat nang
ito ay mawawala. Mahalaga na gugulin ang buhay sa pamamagitan ng pagtuklas
sa katotohanan at harapin ito ng buong tapang nang may maingat na paghuhusga,
may pagmamahal at paggawa ng kabutihan gaya ng pagtulong at kawang gawa sa
kapuwa. Ituon ang sarili sa pinakahuling layunin at ito ay ang makapiling ang
Diyos sa kabilang buhay.
Kung nauunawaan mo na ang mga konsepto ng paggalang sa buhay, ay
makakaya mo nang bumuo ng mga posisyon tungkol sa mga isyu sa buhay bilang
kaloob ng Diyos ay kailangan upang mapatibay ang ating pagkilala sa Kaniyang
kadakilaan at kapangyarihan at kahalagahan ng tao bilang nilalang ng Diyos. Ang
pagsasabuhay nito ay isang hamon na nangangailangan ng maingat na
paghuhusga.
9
Pagyamanin
Isaisip
10
Isagawa
Gawain 3
Panuto:
1.Paano mo pinahahalagahan ang buhay na kaloob sa iyo ng Diyos? Iugnay ang
iyong sagot sa inyong tahanan, sa paaralan, at pamayanan. Sagutin ito sa inyong
journal at gayahin ang pormat sa ibaba
Sa Sarili:
Sa Tahanan:
Sa Paaralan:
Sa Pamayanan:
Tayahin
11
A. Tama, dahil nakikita ng isang duwag ang wala sa kaniya sa halip ng
napakaraming mayroon siya.
B. Tama, dahil hindi umaatras sa anumang hamon ang isang duwag.
C. Mali, dahil tiyak na susubukan harapin ng isang duwag ang hamon kahit
walang kasama.
D. Mali, dahil batid ng isang duwag ang halaga ng mga nakapaligid sa kaniya.
3. Alin sa sumusunod ang tinaguriang “ina” ng mga birtud?
A. Prudentia
B. Katarungan
C. Kahinahunan
D. Katapangan
4. Sino sa sumusunod ang nagpapakita ng karuwagan?
A. Si Belle na takot sa lumilipad na ipis
B. Si Abby na ayaw maglakad sa madidilim na kalye
C. Si Drew na takot mahulog kung sasabit sa jeep
D. Si Marie na nahihiyang mag-ulat sa harap ng klase
5. Alin sa mga sumusunod ang nagpapakita ng paggalang sa buhay.
A. Lubos pag ukol ng sarili sa mga gadgets at material na bagay.
B. Ang paniniwalang; uminom, kumain at magpakasaya sapagka’t bukas ay
mamatay na.
C. Lubos na paglalaan ng oras upang maging pasakit at pahirap sa iba sala ng
paghihiganti.
D. Ang pagpapatuloy ng pabubuntis ng isang teen ager kahit na alam niyang
itatakwil siya ng kanyang magulang.
6. Paano maiiwasan ang kawalan ng paggalang sa buhay?
A. Magkaroon ng kaalaman hinggil dito.
B. Maging bukas ang isipan sa mga nangyayari.
C. Kung ang bawat isa ay nakikita ang kanyang kapuwa.
D. Kung ang bawat isa ay nakikita ang halaga ng buhay at may paggalang dito.
7. Sa pagharap sa buhay lalo na sa gitna ng problema ano ang unang dapat gawin?
A. Magmadali upang maresolba ito agad.
B. Mag-isip agad ng solusyon
C. Maging mahinahon
D. Magsawalang bahala.
8. Alin sa mga susumusunod ang nagpapakita ng pagpapahalaga sa buhay?
A. Maglaro ng ML maghapon.
B. Tumulong sa gawaing bahay upang hindi magalit ang nanay.
C. Pagkakaroon malinaw na dereksyon sa buhay patungo sa pangarap.
D. Dahil sa hirap ng buhay, titigil na lang sa pag-aaral at tutulong na lang sa
magulang.
9. Alin sa mga sumusunod ang hindi masyadong nagpapakita ng paggalang
sa buhay?
A. Makita ang sarili sa iba at kung magkaganun, hindi mo iisipin na gawin sa
iba ang ayaw mong gawin sa iyo.
12
B. Hindi mo hahayaang magkamali ka ng pasya, upang hindi pangit sa paningin
ng iba.
C. Ang makita mo ang iyong halaga at halaga ng iba.
D. Hindi lamang sarili ang nakikita sa bawat pasya, kasama ang iba dahil sa
pakikipag-ugnayan.
10. Bakit mahalaga ang paggalang sa buhay?
A. Dahil lahat ng tao ay may buhay.
B. Dahil ang buhay ay dakilang kaloob ng Diyos sa tao.
C. Dahil ang buhay ay nag –iisa lamang.
D. Dahil ang buhay ay puno ng kaligayahan.
11. Ano ang pinakadakilang handog ng Diyos sa tao?
A. Isip at kilos-loob
B. Konsensiya
C. Kalayaan
D. Buhay
12. Ano ang sinasabi sa aklat na “Perspective:” Current Issues in Values
Education”?
A. Ang buhay ng tao ay maituturing na pangunahing pagpapahalaga.
B. Ang buhay ng tao ay maituturing na pangunahing biyaya ng Diyos.
C. Ang buhay ng tao ay maituturing na pangunahing dapat pagyamanin
D. Ang buhay ng tao ay maituturing na pangunahing dahilan ng pagmamahal.
13. Ang mga sumusunod ay mga kilos ng hindi paggalang sa buhay maliban sa isa.
A. Paggalang sa buhay.
B. Paglaglag ng bata sa sinapupunan.
C. Pagalipin o pag alis ng karapatang mabuhay ang tao.
D. Paghalay sa mga kababaihan, kabataan o kalalakihan.
14. “Huwag magpapadala sa mga problemang pinagdaraanan” Ano ang nais
ipahiwatig ng pangusap?
A. Tawanan mo ang iyong problema.
B. Ipagwalang bahala ang problema.
C. Normal na magkaproblema ang tao kaya dapat wag itong pansinin.
D. Mahalaga na makita ang bawat pinagdaraan bilang isang hamon at hindi
problema.
15. Ito ay salitang Latin bilang isang uri ng pagtingin sa hinaharap (foresight).
A. Ens ammans
B. Prudentia
C. Iustitia
D. Amare
13
Karagdagang Gawain
Gawain 4
Panuto:
1. Gumawa ng isang poster na nagpapakita ng iyong paggalang at pagpapahalaga
sa buhay mula sa natutuhan sa paksang Paggalang sa Buhay.
2. Ipaliwanag ito nang hindi lalampas ng isang daang (100) salita.
14
Susi sa Pagwawasto
15
Sanggunian
Project EASE: Edukasyon sa Pagpapahalaga IV, Modyul Blg. 6. ph. 8 / 11
www.brainly.ph/question/204927
Kagawaran ng Edukasyon (2015) Edukasyon sa Pagpapakatao 10, Modyul para sa
Mag-aaral pahina 170-179.
16