Ang 'Edukasyon ay Magpapatuloy' - ito ang pamosong linya ng dating Kalihim
ng Kagawaran ng Edukasyon na si Kalihim Briones. Lalo na itong nakilala at
pumatok sa bawat isang guro at mag-aaral noong panahon ng pandemya, siya ay nanindigan na hindi ang CoVid19 o kahit ano pa man ang magiging dahilan ng pagkatigil ng daloy ng kaalaman, dahil ang edukasyon ang magsisilbing sandata laban sa kahit na anong pandemya. Tayo man ay ginupo, sinindak at binalot ng takot ng kasakuyang pagsubok Ngunit hindi ang edukasyon, dahil ito ay nagpatuloy. Ano na nga ba ang ating kalagayan sa kasalukuyan? Ako ay si Jalen Mhir T. Inciong at ang aking talumpati ay sa Kalagayan ng Karunungan sa Kasalukyan, sa Gitna ng Pandemya Juana, kumusta ka na? Ano na nga ba ang lagay mo gayong nasa gitna ka pa din ng pandemya? Sa panahong kasalukuyan punong puno ang news feed marahil ng mga estudyanteng katatapos lang ng written works o di kaya ay gumagawa ng para sa PETA at yung iba katatanggap pa lamang ng kanilang grado sa unang taon ng panuruang kasalukuyan. At marahil hanggang ngayong meron pa ring estudyante at guro na nasa estado pa din ng adjustment upang makasabay sa pagbabalik eskwela. Bago pa man dumating ang COVID19, ang ating edukasyon ay dumadaan na sa pandemya. Nariyan ang kakulangan sa gamit, upuan, libro at iba pa. Kung ako ang tatanungin, bago pa man ang dinaranasan na pandemya dulot ng banta ng COVID19, ang estudyanteng tulad natin ganon din ang mga guro at mga namumuno sa departamento ay humaharap na sa hamon ng de kalidad at libreng edukasyon. Sa aking palagay lalo pang dumanas ng hamon ang kagawaran ng mapasailalim na tayo sa pandemya, nandyan ang hamon ng bagong pamamaraan sa pagtuturo, hamon ng pagpapatuloy ng pasukan at hamon ng kaligtasan ng bawat isa lalo’t higit ng mga guro na nagsilbing frontliner ng edukasyon. Ngunit kung hindi ako nagkakamali, gumawa ng paraan ang ating kagawaran at hindi sila nagpagapos bagkus ay hinarap ang pandemya sa pamamagitan ng bagong pamamaraan, mga bagong polisiya, bagong hakbang. Pinilit makipagsabayan sa ibang bansa, pinilit ipagpatuloy ang edukasyon at magbigay ng kalidad sa kabila ng lahat. Dumaan ang mga araw, buwan at taon, may mga batang nagsipagtapos at nagtuloy sa susunod na antas. Hindi lang ako kundi ng lahat ay buong igting na sinuportahan ang tinatawag na ‘new normal’ sa kasalukuyang panahon sa larangan ng edukasyon. Dahil sa kasalukuyan, kahit ang simpleng mag-aaral na tulad ko ay walang pagpipilian kundi ang magpatuloy para sa karunungan. Sa papamagitan ng modyular at pag-aaral gamit ang makabagong teknolohiya at pamamaraan. Lubos kong pinaniwalaan na may katapusan ang pagsubok na dala ng pandemya at hindi ito ang magpapahinto sa aking pagkatuto. Ngayon Juana, kumusta ka na? pagkatapos ng dalawang taon na pagkakakulong sa apat na haligi ng tahanan na tanging ang kausap lang ay papel, libro ay monitor ng laptop mo, masasabi mo bang nakabalik ka na sa normal na agos ng buhay mo? Lubos kong pinaniniwalaan na nakaalpas ka na sa dalawang taon ng pagkakakulong dahil hindi ka pinabayaan ng kagawaran, marahil naninibago pero andito na tayo sa new normal, umuusad ang mga recovery plan ng departamento, ito lahat ay para sa ikabubuti mo Juana. Kaya kapit lang para sa hamon ng karunungan, sa rurok ng pandemya.