PANALANGIN NG BAYAN ( Biyernes, Disyembre 16, 2022 )

Ikalawang Araw ng Simbang Gabi

PARI : Idulog natin ang ating mga kahilingan sa Panginoon nang may mga
pusong
puspos ng pag-asa at pagtitiwala.

Komentaytor: (Ang ating itutugon sa bawat panalangin )

PANGINOON, DINGGIN MO ANG AMING PANALANGIN

NAMUMUNO :

1. Ang mga namumuno ng Simbahan, nawa matugunan nila ang panawagan ng

Panginoon para sa pagbabago alinsunod sa ilaw ng Ebanghelyo upang
maging inspirasyon sa sambayanan. Manalangin tayo sa Panginoon.

2. Ang mga namumuno sa ating bansa, nawa ay patuloy na maging tapat sa

pagtupad sa kanilang tungkulin bilang lider ng magdadala ng pagbabago sa
lipunan. Manalangin tayo sa Panginoon.

3. Ang mga Pilipinong mag-anak, lalo na ang nahaharap sa iba’t ibang

pagsubok, nawa ang Nobenang Pamaskong ito’y maging bukal ng paggaling
at pagpapalakas. Manalangin tayo sa Panginoon.

4. Ang lahat ng walang trabaho, walang tirahan, maysakit o nagdurusa, nawa

pukawin sa kanilang puso ang matibay na pag-asa para sa magandang
pagbabago. Manalangin tayo sa Panginoon.

5. Ang ating mga mahal sa buhay na yumao, nawa’y magkamit ng walang

hanggang kapayapaan sa piling ng Poong Diyos. Manalangin tayo sa
Panginoon.

PARI : Panginoong Hesus, itulot Mong ang Simbang Gabing ito’y, maging
panahon
ng taimtim na pagbabagong espirituwal. Nawa magsikap kaming
makapaghanda para sa pagdiriwang ng Iyong kaarawan. Ikaw na
nabubuhay
at naghahari magpakailanman.

LAHAT : AMEN