PHIL IRI (PROGRAMANG AKBAY-BASA) YUGTO 3

PANGALAN: __________________________________ Puntos:______/6

SEKSYON:_____________________ Oras ng Pagbasa (Gaano katagal):___________

LARUANG DYIP
Araw na ng Sabado. Kausap ni Romy ang kaibigang si Bert. Gusto
nilang maglaro, pero pareho silang walang dalang laruan.

“Alam ko na! Gumawa tayo ng laruang dyip,” naisip ni Romy.

“Paano?” tanong ni Bert.

“Ihanda muna natin ang mga takip ng bote o tansan para sa gulong. Pagkatapos,
kailangan nating maghanap ng kahon ng posporo para sa katawan. Manghingi
naman tayo ng kapirasong tela kay Nanay para sa upuan,” paliwanag ni Romy.

“Paano kaya ito tatakbo, kahit walang baterya?” tanong ni Bert.

“E, di talian natin at hilahin,” sagot ni Romy.

(Bilang ng Salita: 92)

Mga Tanong.
PANUTO. Bilugan ang iyong sagot.
1. Sino ang magkaibigan? (Literal)
a. Romy at Bert
b. Remy at Betty
c. Ronald at Ben

2. Ano ang gusto nilang buuin? (Paghinuha)

a. laruang kahon
b. laruang sasakyan
c. laruang telepono

3. Anong salita sa kuwento ang may ibig sabihin na maliit na bahagi? (Paghinuha)
a. kailangan
b. kapiraso
c. tansan

4. Bakit gusto nilang gumawa ng laruan? (Literal)

a. Wala silang laruan.
b. Gumaya sila sa kaklase.
c. Nainggit sila sa mga kalaro.

5. Ano ang mga ginamit nila upang buuin ang laruan? (Paghinuha)
a. mga lumang laruan
b. mga nakita nila sa halamanan
c. mga gamit na maaari nang ibasura

6. Anong katangian ang ipinakita ni Romy? (Pagsusuri)

a. masipag
b. malikhain
c. maalalahanin