JENNIFER

Olive M. Lego

Jen, an agnay nga sukot itawag ha imo,

Han imo kasangkayan, kaurosa ha trabaho,
Halipot yaknon, maupay panunggon,
Madali ig tx kon kami may hahangyuon.

Edukasyon nga kurso imo natapusan,

Ha Burauen NHS mga bata imo gin tutduan,
Makarit ha English kay imo major man,
Pero nagretire Filipino imo gin kakaptan.

Nagin adviser hin duha ka dekada,

Ha mga bata maalagyam, pasensyosa,
Mga estudyante namamati ha leksyon nira,
Behave, saypa kon napa ice cream ka.

Nanay ka ha mga bata diri la maestra,

Madadaupan kon may problema hira,
Maupay magsagdon kon hira may problema,
Kon kulang an ira iparasahe, nabilad pa.

Ikaw an madadaupan diri la han mga bata,

Pati imo kasangkayan kon kami may problema,
Ha personal, eskwelahan, estudyante, love life pa,
Labis na gud kon may problema ha kwarta an pamilya.

Fair o sobra pa kon ikaw maghatag hin grado,

Gusto mo mga bata malipay, waray nabido,
Salit hira segurado waray back subject ha imo,
Kay grado nga sitenta ha imo diri uso.

Enero tiarabot ha eskwelahan diri na hikikit-an,

Kami namimingaw sugad man an imo tinututduan,
Kon ini nga desisyon makakalipay ha imo man,
Suportado ka namon, pasyada la paminsan-minsan.

Recuerdo namon ha imo aton pagsarangkay,

Kami andam sumuporta kon ano man im ikakalipay,
Ig kaurusa sukot hi Yan-yan, Enzo ha panimalay,
Maatiman hi Ted, iton an ha imo pinakanakakalipay.
RR
J