makabagong imbensyon // dulot ng malawak na imahinasyon

pagunlad ay natatamasa // dahil sa paggamit ng malaya

sa isang iglap // pamumuhay, abot-alapaap

Salamat sa teknolohiya //
mga gawai'y kay dali na.
trabahong mabigat bato
ngayo'y tila hangin sa balikat ko.

mundo'y bumaliktad ang ikot,

nang teknolohiya'y sumulpot
kagawian, kaalaman ito'y karagdagan kasaganaan, kalayaan, ating kamtan

kamay naghulma ng masaganang likha

sa pagtayog ng gawa, ginhawa syang dala
kay sarap ngang talaga
pakiramdam magaan na

mga agam- agam sa buhay

teknolohiya ang makakasagot niyan
sa isang click mo lang,
mga palaisipan ay mawawala na parang bula

ika nga nila, sa panahon ngayon mahirap mamumuhay ng walang teknolohiya

Dahil ni isang bagay na makikita mo ay isang produkto ng modernisasyon
Nakakatulong sa pagbuo ng iba’t ibang suhestisiyon
Gamit dito, gamit doon, bawat busilig nakatutok sa selpon

sa paglago yaong kaalaman

disiplina'y nakalimutan

ahhh!!! andaming nagbago

hindi pa ba tayo kuntento
teknolohiya! teknolohiya! teknolohiyang sisira sa iyo
matatanda'y nagalit, nagkuribok, nagtampo

ina'y nagngangalit
dahil sa teknolohiyang sakit
kabantugan ang natutunan
batang disiplina'y nalimutan

kung malimot yaong responsibilidad

mabuti pang di na lang umusad
kung pagiging tao'y nalimutan
sana'y teknolohiya'y di nagsulputan

laging pakatatandaan
kinabukasa'y maliwanag pa sa buwan
kung responsibilidad di malilimutan