Professional Documents
Culture Documents
Aralin 2 Akademikong Pagsulat
Aralin 2 Akademikong Pagsulat
I. PAGGANYAK
Gamit ang Venn Diagram, ilahad ang pagkakatulat atpagkakaiba ng paraan ng pagsulat ng mga
manunulat noon at ngayon. Pagkatapos, sagutin ang tanong sa ibaba.
Noon Ngayon
I.
Sintesis – ito ay ang buod o pinakamaikli pero pinaka importanteng impormasyon galing sa
isang kwento o pangyayari. Hindi ito isang panibagong kwento ngunit ang pinakaikling
pagsasadula ng mga importanteng ganap sa isang kwento.
Buod – ito ay ang pinaikli o pinaiksing bersyon ng isang teksto. Ito ay maaaring
pinanood,pinakinggan o nakasulat. Sa pagbuod pinipili dito ang mga pinaka-mahahalagang ideya
at mga sumusoportang ideya o datos.
Abstrak – karaniwang gamit sa pagsulat ng akademikong papel na kalimitan ding inilalagay sa
mga tesis, pananaliksik, mga pormal na papel siyentipiko, at mga teknikal na papel, mga lektyur,
at pati sa mga report. Layunin nitong mapaikli o mabigyan ng buod ang mga akademikong papel.
Talumpati – akademikong sulating na nagpapaliwanag ng isang paksang naglalayong
manghikayat, tumugod, mangatwiran at / o magbigay ng mga kabatiran o kaalaman. Maaaring
pormal at nakabatay sa uri ng mga tagapakinig at may malinaw ang ayos ng ideya.
Rebyu – Kadalasan itong ginagamit upang tukuyin ang ginawang pagbabago o pag-iba maaaring
sa aklat, sulat o liham at iba pang na bagay. At ito ang detalyadong pagsusuri ng isang pelikula,
kwento, o akda. Ginagawa ito ng isa na may akda upang malaman ang tingin ng iba sa kaniyang
ginawa.
Replektibong Sanaysay – isang uri ng sanaysay kung saan nagbabalik tanaw ang akda at siya ay
nagninilay. Nangangailangan ito ng reaksyon at ng mga opinyon. Ito rin ay isang uri ng panitikan
na nakapasailalim sa isang anyong tuluyan o prosa.
Posisyong Papel - Naglalayong maipaglaban kung ano ang alam na katotohanan.Dapat ay
nagtatakwil ng kamalian o mga kasinungalingang impormasyon. Ito ay nararapat lamang na
isulat sa pormal at organisadong pagkakasunod-sunod ng mga ideya.
lakbay sanaysay – ito ay mga uri ng sulatin kung saan ang may akda ay nagbibigay ng
paglalarawan ng kaniyang mga naranasan, gabay, o damdamin sa paglalakbay. Maaring maging
replektibo o impormatibo ang pagsulat ng isang lakbay sanaysay.
Pictorial essay – isang sulatin o educational article na naglalayong magpahayag ng isang
partikular o higit pa na mga tema sa pamamagitan ng mga larawan. At mas maraming litrato ang
laman ng sanaysay kaysa sa mga salita. Pero dapat organisado at may makabuluhang
pagpapahayag sa mga litrato. Maaring may 3-5 na pangungusap ang paliwanag sa bawat
larawan.
Bionote – Ginagamit naman ito para sa personal na profile ng isang tao. Maaaring nakalagay rito
ang mga academic career ng isang tao o kaya naman iba pang impormasyon ukol sa kanya.
Dapat ay hindi katha at may makatotohanang paglalahad sa isang tao.
Panukalang Proyekto – isang kahilingan para sa pondo o iba pang pangangailangan mula sa
isang nagbibigay ng pondo o suporta para maisagawa ang ninanais gawin. Ang kahilingang ito
ay karaniwang nasa anyo ng isang kasulatan na binibigyang-katuwiran ng kalakip nitong plano.
Agenda – ito ay talaan ng mga pag-uusapan sa isang pormal na pulong. Sumusulat ng agenda
upang bigyan ng impormasyon ang mga taong kasangkot sa mga temang pag-uusapan at sa mga
usaping nangangailangan ng pansin at pagtugon. Binibigyang-halaga rin dito ang
rekomendasyon na lulutas sa isang isyu
katitikan ng pulong – ito ay ang dokumentong nagtatala ng mahahalagang diskusyon at
desisyon. Ibinabatay sa adyendang unang inihanda ng tagapangulo ng lupon na maaaring gawin
ng kalihim, typist, o reporter sa korte maaaring maikli at tuwiran o detalyado.
II.
HALIMBAWA NG ABSTRAK