Kabanata III

Metodo ng Pananaliksik

Ang kabanatang ito ay naglalaman ng mga pamamaraang ginamit sa pag-aaral, paraan ng

pagpipili ng kalahok at ang kanilang deskripsyon, mga instruementong ginamit, at pamamaraan

ng pangangalap ng datos.

Pamamaraang Ginamit

Ginamit ang case study sa pag-aaral na ito upang lubusang maintindihan ng mga

mananaliksik ang rape culture. Hango sa masusing imbestigasyon ng isang indibidwal, grupo, o

pangyayari ang case study upang matuklasan ang mga dahilan ng mga kalakip na alituntunin ng

isang pag-aaral (PressAcademia). Gumamit din ng deskriptibong pamamaraan ang pag-aaral na

ito. Nararapat ang deskriptibong pamamaraan sa pag-aaral upang malaman kung sino, ano, at

saan naganap ang mga pangyayari o karanasan ng tao. Mainam din ito upang makakalap ng

pananaw mula sa mga kalahok ng pag-aaral ukol sa isang bagay. Malimit ginagamit ang

pamamaraang ito upang makuha ang hinihinging tuwirang deskripsyon o kapag ang

impormasyon ay naglalayong mapabuti at mapaganda pa ang pag-aaral (Neergaard, et. al, 2009;

Sullivan-Bolyai, et. al, 2005). Nakita ng mga mananaliksik na naaangkop ang mga pamamaraang

kanilang ginamit upang pag-aralan ang Karanasan sa Rape Culture ng mga Piling

Kababaihan ng Far Eastern University – Diliman Taong 2017-2018

Populasyon

Sa apat na strands ng Academic Track ng Far Eastern University – Diliman, tanging

HUMSS lamang ang kukuhaing populasyon ng respondente para sa nasabing pag-aaral. Ang
pag-aaral na ito ay sasaklaw sa 229 mag-aaral ng HUMSS. May mga pagpipili pang gaganapin

sa pangkabuoang populasyon ng nasabing strand.

Baitang at Pangkat Bilang ng Mag-aaral sa Silid-aralan

HUMSS 11 - Happiness 46

HUMSS 11- Honesty 42

HUMSS 11 - Hopeful 21

HUMSS 11 - Humility 36

HUMSS 12 - Harmony 38

HUMSS 12 - Honor 46

Total: 229

Paraan ng Pagpili ng Kalahok

Kababaihan at kalalakihang mag-aaral ng Far Eastern University – Diliman ang kalahok

ng pag-aaral na ito. Tiniyak ng mga mananaliksik ang mga kalahok ay manggagaling sa nasabing

unibersidad dahil sa kanila naka-patungkol ang pag-aaral na isinagawa. Kababaihan ang

pinakapokus ng paksang ito kaya marapat lamang na sila pakipanayaman ng mga mananaliksik.

Ang mga kalalakihan, sa isang banda, ay napiling mahalaga ng mga mananaliksik upang

magbigay ng suportang impormasyon ukol sa kanilang pagtangkilik sa rape culture.

Gumamit ng purposive sampling ang mga mananaliksik upang mapili ang mga kalahok

sa pag-aaral na isinagawa. Hindi gagamit ng anumang estatistikang pamamaraan ang pagkuha ng

sample sapagkat ang pagpipili ay ibabatay sa pakikipanayam sa kanila sa focus group discussion.

Ayon kay Crossman (2017), ang purposive sample ay isang sample na pinipili nang ayon sa

katangian ng isang populasyon at layunin ng pag-aaral.

22
Deskripsyon ng mga Respondente

Pipiliin ang mga kalahok na kabilang sa HUMSS strand ng Academic Track ng paaralan

bilang mag-aaral sa kursong HUMSS ang mga mananaliksik. Ang pag-aaral na ito ay

magbibigay ng tatlong pangunahing criteria upang matiyak ang mga kalahok:

a. Mga kababaihang nakaranas na ng kahit anong uri ng sekswal na pambabastos (o kahit

anong karanasan sa rape culture); at

b. Mga kalalakihang nakaranas nang mambastos (o kahit anong gawing pagtangkilik sa

rape culture).

Instrumentong Ginamit

Para sa pag-aaral na ito, gagamitin ang Focus Group Discussion (FGD). Mainam ang

Focus Group Discussion upang pagsama-samahin ang mga kalahok na may pare-parehong

karanasan o kaalaman para mapag-usapan ang isang tiyak na interes ng paksa (ODI, 2009).

Titipunin ng mga mananaliksik ang mga respondents upang maisagawa ang nasabing talakayan.

Naghanda ng limang katanungan ang mga mananaliksik na maaaring masundan ng follow-up

questions sa pagkakataong kailangan pang humingi ng karagdagang datos ukol sa isang

katanungan. Ang mga katanungang inihanda sa mga kalahok ay hango sa tatlong pangunahing

katanungan ng pangkabuoang pag-aaral. Nakabatay sa ang mga katanungan sa karanasan sa

kultural na pambabastos, pagrarason kung bakit nangyayari ang mga pambabastos na iyon, at

kung paano pinakitutunguhan ng mga kalahok ang rape culture sa kontemporaryong panahon.

Ang talakayan na isinagawa ay nakikita bilang mahalaga dahil ang mga nakalap na impormasyon

ay makatutulong na patunayan at pagtibayin ang buong proseso ng pananaliksik.

23
Paraan ng Pangangalap ng Datos

Nagsimula ang pangangalap ng datos nang gumawa ng research questions ang mga

mananaliksik at pinaaprubahan nila sa guro sa asignaturang Pagbasa at Pagsusuri ng Iba’t-Ibang

Teksto Tungo sa Pananaliksik ang kanilang paksa. Pagtapos nitong maaprubahan, naghanap ang

mga mananaliksik ng mga babasahin, mga thesis, mga online magazine, mga online news

article, mga PDF, at iba pang makatutulong sa kanilang pag-aaral noong ika-26 ng Disyembre

2017. Hindi nakapunta ang mga mananaliksik sa silid-aklatan dahil hindi sila pinayagan ng

biblyotekaryo na lumabas at magpunta sa ibang unibersidad at aklatan. Ngunit, sinigurado ng

mga mananaliksik na makatotohanan at maaasahan ang mga pinagkuhanan nila ng impormasyon

upang sumuporta sa kanilang pananaliksik.

Nangalap ng mga kaugnay na pag-aaral at literatura ang mga mananaliksik at tinapos ang

ikalawang kabanata ng pananaliksik noong ika-29 ng Disyembre 2017. Kasunod nito ay ang

paggawa sa unang kabanata ng pananaliksik. Nagtalaga ng isang encoder ang grupo para may

magtala sa iisang dokumento ang mga nahanap na impormasyon. Ang mga mananaliksik ay

naghati-hati ng mga impormasyong dapat saliksikin.

Napag-usapan ng pangkat na gagamitin ang Focus Group Discussion (FGD) para mas

madali ang pangangalap ng impormasyon mula sa mga kalahok ng pag-aaral. Gagawa ang mga

mananaliksik ng listahan ng mga itatanong sa respondents. Magpapasa ng liham ang mga

mananaliksik para masimulan na ang pakikipagpanayam sa mga kalahok. Ang talakayan na

isasagawa ay ire-rekord para maitala ang mga datos na nabanggit ng mga kalahok. Samantala,

ipapangako ng mga mananaliksik na pananatilihin ang kompedensiyal na impormasyon tulad ng

pangalan at ibang pagtitiyak sa kalahok upang respetuhin ang kanilang panig.

24