Pagharap sa di
inaasahang
pagsubok sa
buhay
"Matuto kang tumayo sa
sarili mong mga paa"
Siyan na letra lamang ang salitang
TAGUMPAY ngunit kinakailangan ng
dugo at pawis upang makamit ito.
Hindi lahat ng tao ay nagiging
matagumpay sa buhay, marahil
kahirapan ang naging dahilan kung
bakit hindi ito makamit ng lahat.
Lumaki ng walang ama ang aking tiya,
si Abegail T. Larida, isang taong gulang
pa lamang siya nang pumanaw ang
kanyang ama. Hirap na hirap siya at
ang kanyang ina na si Anicia T. Larida
kung paano sila mabubuhay kung
wala ang haligi ng tahanan.
Bunso si Abegail sa tatlong
magkakapatid, sya lamang din ang
nag-iisang nakatapos ng pag-aaral.
Siya ay nagtapos ng kolehiyo sa
Araullo University sa Cabanatuan,
Nueva Ecija. Nagawa niyang
makatapos ng pag-aaral sa tulong ng
scholarship. Nagsumikap sa pag-aaral
kahit alam niyang hirap na hirap na
siya.
Akala nya’y kapag nakatapos na siya
ng pag-aaral ay magiging
matagumpay na sya, iyan ang inaakala
niya. Nakaranas si Abegail ng
matinding pagsubok sa buhay,
nahirapan siyang makahanap ng
trabaho kahit nakapagtapos sya ng
kursong kolehiyo.
Totoo nga ang sabi na “hindi
magiging madali ang lahat kapag
nakatapos ng pag-aaral.” Ngunit hindi
ito ang naging dahilan ng pagsuko ni
Abegail sa buhay. Natuto syang
tumayo sa sariling mga paa hanggang
sa makamit nya ang tagumpay. Hindi
sya pinanghinaan ng loob dahil alam
niyang may naniniwala sa kanya at
yon ay walang iba kung di ang
kanyang ina.
Ang lahat ng pagsubok ay
may magandang
kalalabasan sa dulo ng
ating paghihirap.
Pinangakuan ni Abegail ang ina na
balang araw, magiging matagumpay
din sya, kaunti man ang naniniwala sa
kanya pero sisikapin niyang
magtagumpay para sa kanyang ina na
nagpalaki at nag-aruga sa kaniya nang
mag-isa.
Natanggap si Abegail sa isang trabaho
sa Cabanatuan, hindi ito masyadong
kilala ngunit nagpapasalamat pa rin
siya sa biyayang ito. Unti-unting
naka-angat si Abegail sa buhay at
nagawang magpatayo ng sariling
bahay para sa kanyang ina.
Hindi man siya naging isang doctor,
engineer o lawyer, ngunit nakamit nya
pa rin ang tagumpay na inaasam nya
sa buhay. Nagawa niyang iahon sa
hirap ang ina at masaya na sya sa
kung anong meron sya ngayon.