ARELLANO UNIVERSITY

ELEMENTARY DEPARTMENT

MODYUL 2 - Aralin Blg 1.2: Pagkilala sa Aking Komunidad

PANGALAN: PETSA :
BAITANG AT PANGKAT: GURO:
ASIGNATURA: Araling Panlipunan 2 PANURUANG TAON: 2022 – 2023 UNANG KAPAT

Paksang- Aralin: Pagkilala sa Aking Komunidad

Mga Layunin: Sa pagtatapos ng aralin, ang mga mag-aaral ay inaasahang:

1. Natutukoy ang mga katangian ng isang komunidad
2. Nailalarawan ang katangian ng sariling komunidad

Konsepto Blg. 1.2

Tandaan:

 Ang bawat komunidad ay may sariling pagkakakilanlan tulad ng:

a. Pangalan
- Ang barangay ay isang halimbawa ng komunidad. Ang barangay
ay ang pinakamaliit nay unit ng pamahalaang local sa Pilipinas.
Sa kasalukuyan, ang Pilipinas ay binubuo ng 42, 045 na barangay.
May mga pangalang nagmula sa prutas tulad ng Duhat at Santol.
May mga pangalan naming tumutukoy sa lokasyon nito tulad ng
Tabing – ilog at Tabing – dagat. Ang ilan ay numero tulad ng
Barangay 21, Zone 90.
b. Lokasyon
- Bawat bahagi ng Pilipinas ay nasasakop ng isang barangay. May
mga barangay na matatagpuan sa mga lungsod. Mayroon din
naming matatagpuan sa mga probinsiya. Ang ilang barangay
ay matatagpuan sa tabi ng ilog at dagat. Malaki ang kaugnayan
nito sa uri ng pamumuhay ng mamamayan sa inyong lugar.

c. Mga Pinuno
- Nararapat din na kilala mo ang mga namumuno sa komunidad.
Tungkulin nila na panatilihing maayos at mapayapa sa inyong
barangay. Ang mga pangunahing pinuno ng komunidad ay
ang mga opisyal ng barangay. Ang kapitan ang puno ng
barangay. Katuwang niya sa paglilingkod ang mga kagawad,
gayundin ang mga tanod.
d. Ang Wika
- Ang wika ay ang salamin ng kultura ng isnag komunidad. Ito ay
ginagamit sa pakikipag – ugnayan sa iyong kapuwa. Dahil sa
wika, nagkakaintindihan ang mga kasapi ng komunidad.
Kabilang sa mga pangunahing wika sa bansa ay Tagalog,
Cebuano, Ilocano, at Waray.
- Ang pangkat – etniko ay tumutukoy sa pangkat ng mga taong
 may magkakatulad na katangian. Magkakatulad sila sa ginagamit
na wika, sa kultura, tradisyon, kaugalian, paniniwala, at lugar
na pinagmulan.
e. Populasyon
- ay tumutukoy sa bilang ng mga taong naninirahan sa isang lugar.
May mga komunidad na Malaki ang populasyon.
- Ang isang komunidad na urban ay matatagpuan sa mga
lungsod. Maituturing na urban ang isang barangay kapag
ang populasyon ay umabot sa 5,000 o higit pa.
- Ang isang komunidad na rural ay madalas matatagpuan sa
mga lalawigan.

 Mahalagang malaman ang pangalan at lokasyon ng mg komunidad.

 Mahalagang malaman din ang iba’t ibang katangian ng komunidad

tulad ng wikang ginagamit ng mga tao at ang populasyon nito.