Republic of the Philippines

Department of Education
REGION V- BICOL
SCHOOLS DIVISION OFFICE OF CAMARINES NORTE
Labo East District
BULHAO ELEMENTARY SCHOOL
Brgy.Bulhao, Labo, CamarinesNorte

Mga Teorya at Istratehiya sa Pagkatuto

ng Wika:Isang Panrehiyonal na Palihan

PAKITANG-TURO

Masusing Banghay-Aralin sa Filipino 6

I. LAYUNIN
A. Pamantayang Pangnilalaman

Naipamamalas ang kakayahan sa mapanuring pakikinig at pag-unawa sa napakinggan.

B. Pamantayan sa Pagganap

Naisasagawa ang mga hakbang o panutong napakinggan.

C. Mga Kasanayang Pampagkatuto/Layunin

Naibibigay ang sanhi at bunga ng mga pangyayari. (F6PB-IIIb-6.2)

Naipaliliwanag ang kahalagahan ng kapaligiran/kalikasan.
Nakagagawa ng ugnayang sanhi at bunga ng mga pangyayari.

II- PAKSA/NILALAMAN
Pagbibigay ng Sanhi at Bunga ng mga Pangyayari

MGA KAGAMITAN
Sanggunian: A.TG: Grade 6 Curriculun Guide pp.12 ; MELC blg.6 Quarter 2 , LM 53-54,
B.TXT: Landas sa Pagbasa 6 pp. 148-151
Filipino 6 Banghay Aralin pahina 64-69
C. Iba pang kagamitang panturo: tsart, larawan, ,laptop,
aklat, meta card, diksyonaryo,slate board,power point presentation
Integrasyon: ESP, Araling Panlipunan, Science, TLE
III- PAMAMARAAN

A.Panimulang Konsepto
Magandang buhay! Sana ay nasa mabuti kayong kalagayan.Handa na bang kayong matuto
ng panibagong aralin? Isang panibagong paglalakbay ito sa iyong pag-aaral. Magiging bahagi
ng paglalakbay mo ang pagbasa ng iba’t ibang pahayag ,sitwasyon o pangyayari.Sa araling
ito ay tatalakayin natin ang tungkol sa pagbibigay ng sanhi at bunga ng mga pangyayari.
1.Pangganyak
Pagpapakita ng larawan( nasa laptop/telebisyon) ( Localization )

Panuto: Pagmasdan ang mga larawan, at sagutin ang mga tanong sa ibaba.

Tanong:

- Ano ang masasabi ninyo sa bawat larawan?

- Saan ninyo ito makikita o matatagpuan?
-Sino na sa inyo ang nakarating sa ganitong lugar?
-Anong gawain ang ipinakikita ng mga kabataan?
-Bakit kailangang gawin natin ang pagtatanim ng halaman?
-Ano kaya ang sanhi kung bakit nawala ang mga puno o halaman sa paligid ?
-Kapag pinabayaan natin ito ano ang maaring maging bunga nito?
-Bakit mahalagang pangalagaan natin ang ating kapaligiran?

2.Paghahawan ng Balakid ( Guessing Game)

Magkaroon ng palaro kung saan unahan sa paghula at pagbubuo ng bawat pantig upang
mabuo ang isang salitang tinutukoy ng bawat pangungusap.

B U N G A 1.Nagsasabi ng resulta o kinalabasan ng mga pangyayari

S A N H I
N 2. Nagbibigay paliwanag o dahilan kung bakit naganap ang pangyayari.

B.Paglalahad ng Aralin

1.Paghahabi sa Layunin ng Aralin ( Reflective Approach)

Panuto: Magmasdan ang larawan,at ibigay ang sanhi at bunga kung bakit nagkaroon ng
ganitong pangyayari.

Larawan A Larawan B

2. Pagtalakay
-Ano ang masasabi ninyo sa larawan A? Larawan B?
-Alin ang mas pipiliin ninyo, ang larawan A? o ang larawan B? Bakit?
- May mga lugar pa ba tayong nakikita o natatagpuan tulad ng nasa larawan A? Larawan B?
-Ano kaya ang sanhi ng maruming kapaligiran tulad ng nasa larawan A?
-Ano ang maaring maging bunga ng pagkakaroon ng maruming kapaligiran?
-Paano natin mabibigyang solusyon ang ganitong problema?
-Tingnan naman ang larawan B,ano kaya ang sanhi kung bakit malinis ang kapaligiran?
-Ano ang dulot o bunga kapag tayo ay may malinis na kapaligiran?
-Paano tayo makakatulong sa ating pamayanan upang mapanatili ang kalinisan ng ating
kapaligiran?
-Bakit kailangang pangalagaan natin ang ating kapaligiran,ano ang kahalagahan nito sa atin?
3.Pag-uugnay sa Bagong Aralin (Integrative/Reflective Approach)
Panuto:Sabihin kung ano ang maaring sanhi at bunga sa mga pangyayari na nasa larawan.

:
4.Gawaing Pagpapaunawa (tungo sa pormatibong pagtataya #1)(Collaborative Approach)
Pagtalakay ng bagong konsepto at paglalahad ng bagong kasanayan#1

Panuto:Bumuo ng pangungusap mula sa pinag-ugnay na sanhi bunga na nasa hanay A

at hanay B. Sabihin ang sa klase ang nabuong pangungusap mula sa pinag-ugnay na
sanhi at bunga.

Hanay A
1.Dumudumi ang ilog
2.Maraming halaman sa bakuran
3.Malinis ang kapaligiran
4. Si Lea ay huli na sa klase
5.Maraming natanggap na regalo
si Mia
Hanay B
a. dahil maibigin sa kalinisan ang mga mamamayan
b. kasi kaarawan niya.
c. dahil sa mga basurang tinapon
d. dahil masipag magtanim ang mga tao
e. kaya hindi siya pumasok sa klase
5.Gawaing Pagpapalalim (tungo sa pormatibong pagtataya #2) (Reflective Approach)
Pagtalakay ng bagong konsepto at paglalahad ng bagong kasanayan#2

Panuto: Sabihin ang sanhi at bunga ng sumusunod na pangyayari

1. Ginagawa ang lahat ng Kagawaran ng Edukasyon upang matugunan ang pangangailangang

pangkaalaman ng mga mag-aaral sa kabila ng nararanasang pandemya.
Sanhi:_________________________
Bunga:________________________
2. Maraming mag-aaral ang huminto sa pag-aaral sapagkat natakot ang mga magulang noong
magkaroon ng matinding pandemya.
Sanhi:_________________________
Bunga:________________________
3. Marami pa rin ang hindi sumusunod sa social distancing at pagsuot ng facemask,bunga nito
patuloy ang pagdami ng mga taong nagkakasakit ng corona virus.
Sanhi:_________________________
Bunga:________________________
4. Nag-aaral ako nang mabuti dahil gusto kong magkaroon ng mataas na marka.
Sanhi:_________________________
Bunga:________________________
5. Napakalakas ng ulan noong nakaraang Linggo kaya bumaha sa iba’t ibang parte ng bayan ng
Labo.
Sanhi:_________________________
Bunga:________________________

6.Gawaing Paglinang sa Kabihasaan (tungo sa pormatibong pagtataya #3)

( Collaborative Approach)
-Pagbibigay ng mga pamantayan sa Pangkatang Gawain
-Pagbibigay ng mga tuntunin sa Gawain.

Panuto:.Hahatiin ang sa dalawang (2) pangkat ang mga mag-aaral.Isagawa ang gawain sa loob
ng limang (5) minuto. Basahing mabuti ang talata at pag-ugnayin ang mga sanhi at bunga ng mga
pangyayari. Isulat sa Fish Bone Organizer ang mga pangungusap na nagpapahayag ng sanhi
at bunga ng pagkasira ng kagubatan.

Pagkasira ng Kabundukan
Genevie V. Alegre

Laganap na ang ilegal na pagpuputol ng mga punongkahoy sa kabundukan. Ginagamit ang

mga pinutol na kahoy sa paggawa ng bahay, papel, muwebles at iba pang mga kasangkapan.
Ang gawaing ito ay nagdudulot ng kasamaan. Sa patuloy na pagpuputol ng mga puno,na hindi naman
pinapalitan ng panibagong pananim ay unti-unti nang nararanasan ang masamang naidudulot
nito.Nagkakaroon ng baha kung tag-ulan at ang mga pananim ay nasisira, maraming bahay ang lubog
sa baha, nasisira ang mga kasangkapan, at walang pasok ang mga tanggapan at mga eskwelahan.
Marami ang naaapektuhan dahil sa ilegal na gawaing ito.
 Pagka-
sira ng SANHI
Kabun
-dukan

BUNGA

RUBRIKS

5 Napakahusay Buo ang kaisipan, may sapat na

4 Mahusay
3 Katamtaman
2 Mapaghuhusay pa
1 Nangangailangn pa ng
pantulong na pagsasanay
impormasyon ayon sa teksto,
malinaw, at lohikal ang pagkakaayos
ng mga pangungusap
Buo ang kaisipan, may sapat na
impormasyon ayon sa teksto, di-
gaanong malinaw, at maayos ang
pagkakaayos ng mga pangungusap.
Buo ang kaisipan ngunit kulang ang
impormasyon, di-gaanong malinaw
ang pangungusap at di-gaanong
naisaayos ang ideya.
Hindi ganap ang pagkabuo, kulang
ang impormasyon , at hindi gaano
maayos ang mga pangungusap.
Hindi buo ang kaisipan, walang
sapat na impormasyon, at magulo
ang mga pangungusap.

C.PAGLALAHAT
-Ano ang natutunan mo sa aralin? Ano ang ibig sabihin ng Sanhi? Bunga?
-Paano mo malalaman ang sanhi o bunga sa isang pangyayari?
- Ano ang mga hudyat na dapat tandaan upang masabi ang sanhi at bunga ng isang pangyayari?
TANDAAN:
Ang SANHI ay tumutukoy sa pinagmulan o dahilan ng isang pangyayari. Ito pagbibigay
kung bakit naganap ang mga pangyayari.

MGA HUDYAT NA NAGPAPAHAYAG NG SANHI

sapagkat dahil palibhasa ngunit kasi

Ang BUNGA ay resulta , kinalabasan o dulot ng pangyayari.Ito ang epekto ng kadahilanan ng

pangyayari.

MGA HUDYAT NA NAGPAPAHAYAG NG BUNGA

kaya kaya naman kung kung kaya bunga nito tuloy

IV- PAGTATAYA

Panuto:Pag-ugnayin ang mga pangyayari na nagpapakita ng sanhi at bunga. Isulat ang titik na
tamang sagot sa patlang.

HANAY A HANAY B
______1.Paggamit ng dinamita a. Pag-init ng paligid
______2. Panghuhuli ng mga hayop b. Pagkamatay ng mga isda
______ 3.Pagpuputol ng mga punong kahoy c. Pagkawala ng mga hayop
______ 4.Pagsusunog sa kabundukan d. Pagdumi ng tubig sa mga ilog at dagat
______5. Pagtapon ng mga basura sa ilog at dagat e. Pagbaha
V- KARAGDAGANG GAWAIN
Panuto: Sa tulong ng inyong magulang o nakatatandang kapatid o kasama sa bahay ,sagutin ang
tanong at isulat sa inyong sagot sa kwaderno.
Ano-ano ang sanhi at maaring maging bunga ng mga sumusunod na suliranin ng
ating bansa.?
1. Maagang pagbubuntis
2.Kawalan ng hanapbuhay
3.Kahirapan
4.Mahabang Traffic
5.Pagkalulong sa droga
Inihanda ni:
GENEVIE V. ALEGRE
Guro-III

Nabatid:
ZOILO D. CERENO
Punong-guro I