Theo’s Grill

PAGKAING LIGAOEÑO:
KULTURA AT TRADISYON
Ang Travelogue na ito ay naglala-
man ng mga sikat na pagkaing Ligaoeño na
subok na sa bawat henerasyon mula noon
hanggang ngayon. Sa paglipas ng maha-
bang panahon ang lasa ng mga lokal na
pagkaing ito ay di kumukupas at kayang
makipagsabayan sa anumang pagkaing im-
pluwensya ng makabagong panahon.
Source: ligaocity.albay.gov.ph/where-to-dine/

Mga Manunulat:
Joshua J. Tiglao
Jeanne P. Colima
Lorna P. Tabisaura
Virginia N. Datoon
Vivian V. Arjona
Norberto J. Manjares Jr.
Jenica M. Borebor
Elena M. Olavario
Shirley C. Ribaya
Discelie Joy L. Lozano
 Mga pagkaing hinubog na ng panahon…
SARAP NA SUBOK NA NG
PANAHON
KONSERBA (Minatamis na Niyog)
Mula noon hanggang ngayon, isa ang
konserba sa pinakapaboritong panghimagas ng mga
Ligaoeño. Gawa sa minatamis na bao ng niyog, ang
mga sangkap ng konserba ay pulang asukal at niyog
na sagana saan man sa Ligao kung kaya’t sikat ang
pagkaing ito na pinatibay na ng panahon.
Ayon kay Aling Amparo Locardo, 87 taong gu-
lang, siya ay mahigit 35 taon ng nagluluto ng konserba.
Sa kanyang pagtitiyaga, napagtapos niya ang 5 niyang
mga anak sa pag-aaral. Dagdag pa niya, ang sikreto ng
kanyang tagumpay sa negosyong ito ay ang kasipagan
na hinaluan ng pagmamahal kaya’t masarap na
konserba ang naging bunga nito.
Sa kasalukuyan ang kanyang anak na si Eda
Locardo ang siyang tumutulong at maaaring magmana
ng pagluluto ng konserba.
Mga pagkaing tatak-Ligaoeño…
SARAP NG PAGKAKAKILANLAN
PINANGAT—LIGAO
Laing, niyog at talangka ang mga
pangunahing sangkap ng pinangat. Dito
nakilala ang mga Bicolano. Sa lungsod ng
Ligao, kakaiba rin ang paghahanda ng
pinangat na sakto sa panlasa ng mga Liga-
oeño. Bukod sa malasa, malinamnam at
masustansya, ito ay mabibili sa presyong
abot-kaya. Tuwing pistahan ito ay isa sa
mga putaheng inihahain sa hapag-kainan.
PANSIT- RINUGUAN
I sa sa mga paniniwala nating mga
Pinoy na ang pansit ay pampahaba ng buhay.
Hindi maikakailang isa sa pinakatanyag at
paboritong meryenda ng mga Ligaoeño ang
‘’pansit-rinuguan”. Naiiba ang pansit na ito
dahil sa perpektong kombinasyon ng
pansit—bato at dinuguan. Malimit itong igi-
nigisa pagkatapos ay hinaluan ng dinuguan
bilang pampadagdag sa lasa. Maari itong
matikman saan mang kainan sa Ligao lalo na
sa mga karinderia na talagang dinarayo kahit
ng mga taga-ibang lugar.
Mga pagkaing binabalik-balikan...
SARAP NA ANGAT SA IBA
PUTO- MACAPUNO
P utong Bigas ang
masarap na meryendang
saktong ipares sa pansit –
rinuguan. Ito ay mabibili sa
Ligao tuwing araw ng
palengke at anumang oras
sa Barangay Paulog. Naka-
huhumaling na sarap ang taglay ng puto-
macapuno na tinatangkilik ng lahat di lamang ng
mga Ligaoeño kundi pati na rin ng mga dumarayo
dito . Si Lynda Reoleo, 65 taong gulang ng Pau-
log, Ligao City, katulong ng kanyang anak ay ma-
higit 20 taon ng gumagawa ng putong bigas na
may macapuno. Ayon sa kanya, “Ali kan pan-
garan na ALDA’s Puto Macapuno sa pangaran
naming duwang mag-asawa na Alfredo min
Lynda. Wana, kadakul nang nagaararug samu
pero kami pa ligayon kan pigaparaanap-anap min
babaklan”. Pinong-pino at manamis-namis—
dalawang salitang maaaring mailarawan sa kanil-
ang puto-macapuno.