• Termi semiotikë vjen nga greqishtja (semeion = shenjë dhe
tekne = art) dhe përfshin metodologjinë për të vënë në dukje shenjat dhe simptomat e sëmundjeve.
• Semiotika kirurgjikale përmbledh teknikat për eksplorimin
sistematik të organeve dhe aparateve të ndryshme, duke nxjerrë në pah në mënyrë kritike shenjat dhe simptomat patologjike të sëmundjeve kirurgjikale.
• Semiotika kirurgjikale ka si objekt studimi pacientin kirurgjikal,
te i cili vlerëson shenjat dhe simptomat e mbledhura gjatë anamnezës (ana = nëpërmjet dhe mnasthai = kujtim) për të mbërritur te diagnoza përfundimtare e sëmundjes kirurgjikale dhe trajtimi eventual. Semiotika kirurgjikale studion me hollësi edhe ekzaminimet instrumentale – imazherike që përdoren në diagnostikimin e sëmundjeve kirurgjikale. Objekti i Semiotikes Kirurgjikale 2 • Termi “kirurgji” (nga greqishtja kira = dorë), që në kuptimin e thjeshtë të fjalës do të thotë “punë dore”, nuk i përgjigjet në mënyrë të plotë përmbajtjes së saj bashkëkohore.
• Semiotika kirurgjikale, përveç shenjave dhe
simptomave, studion edhe problemet e përgjithshme të punës në kirurgji, si dhe patologjinë kirurgjikale, asepsinë e antisepsinë, problemet e përgjithshme të traumave e ndërlikimet e tyre; jep njohuri për operacionet dhe përgatitjen paraoperatore, për periudhën mbas operacionit dhe ndërlikimet që mund të ndodhin në këtë periudhë, për problemet e përgjithshme të infeksionit akut e kronik kirurgjik. Shenjat, simptomat, diagnoza • Shenjat janë shenjat objektive që një i sëmurë paraqet (për shembull skuqje, tumefaksione etj.). • Simptomat janë shprehja spontane e sëmundjes, ose ndjesitë për të cilat ankohet subjektivisht i sëmuri (nauzeja, dhimbja, marramendja). • Diagnoza (nga greqishtja: dia = me anë të dhe gnoseon = me kuptuar) është akti mjekësor nëpërmjet të cilit, me anë të shenjave dhe simptomave, mjeku njeh një sëmundje të përcaktuar mirë. Parimet deontologjike 1 • “Detyra e mjekut është mbrojtja e jetës, e shëndetit fizik dhe psikik të njeriut, në respekt të dinjitetit njerëzor, pa asnjë diskriminim.”
• “Në ushtrimin e profesionit, mjeku, duhet të frymëzohet
vazhdimisht nga njohuritë shkencore dhe nga ndërgjegja e vet dhe nuk duhet të ndikohet nga interesat, diktati dhe sugjerimet e çdo lloj natyre qofshin.”
• “Sjellja e mjekut edhe jashtë ushtrimit të profesionit, duhet
të jetë në përputhje me nderin dhe dinjitetin profesional. Mjeku nuk duhet abuzojë me pozicionin e tij profesional.”
• “Mjeku duhet të ruajë sekretin për gjithçka i është besuar
ose që mund të mësojë gjatë ushtrimit të profesionit të tij.” Parimet deontologjike 2 • “Mjeku duhet t’i garantojë pacientit përkushtim dhe kompetencë profesionale. Mjeku duhet të diskutojë problemet e diagnozës me kujdesin maksimal, duke i kushtuar pacientit kohën e nevojshme në një bisedë të qetë dhe të kryejë ekzaminimin objektiv korrekt, duke shfrytëzuar të gjitha ekzaminimet ndihmëse të nevojshme.”
• “Mjeku që ndodhet përballë situatave klinike, për të cilat mendon se nuk
është në gjendje t’i zgjidhë, duhet t’i propozojë pacientit ndërhyrjen dhe konsultimin e specialistëve të aftë dhe kompetentë”.
• “Mjeku nuk duhet ta braktisë të sëmurin e konsideruar të pashërueshëm, por
duhet të vazhdojë t’i rrijë pranë me qëllim që t’i lehtësojë vuajtjet fizike dhe psikike, për ta ndihmuar dhe për t’i dhënë shpresë.”
• “Zgjedhja e lirë e mjekut përbën parimin themelor të marrëdhënies mjek-
pacient – askush nuk mund të mjekohet kundër dëshirës.” Semundjet kirurgjikale • Sëmundje kirurgjikale quhen ato sëmundje që për shërimin e tyre kërkojnë përdorimin e metodave kirurgjike, domethënë kryerjen e operacioneve. Të gjitha sëmundjet kirurgjikale mund t’i ndajmë në disa grupe. Kështu, sipas shpejtësisë të zhvillimit të procesit patogjenetik të sëmundjeve kirurgjikale dallojmë:
a)sëmundje kirurgjikale akute, që kërkojnë ndërhyrje urgjente;
b)sëmundje që kanë një ecuri të ngadaltë, të cilat operohen në mënyrë të planifikuar.
• Përveç kësaj, sipas parimit të mekanizmit dhe të llojit të
zhvillimit patologjik, sëmundjet kirurgjike grupohen në: sëmundje traumatike, infeksioze, tumorale, sëmundje të çrregullimit të qarkullimit të gjakut, dhe të veseve të lindura. Historia e kirurgjise ne bote • Studimi i mumieve në piramidat egjiptiane, si dhe deshifrimi i hieroglifeve, dëshmojnë se në Egjiptin e vjetër shkalla e zhvillimit të mjekësisë dhe të kirurgjisë ka qenë i një niveli të pranueshëm. Më shumë se 6000 vjet para erës së re, atje janë kryer me sukses operacione të tilla si amputacionet, nxjerrja e gurëve nga fshikëza urinare, trepanacioni i kafkës, fashatura ortopedike me material që ngurtësohet etj. Historia e kirurgjise ne bote • Njohuri të tjera mbi zhvillimin e mjekësisë dhe të kirurgjisë mund të nxjerrim nga historia e Greqisë së vjetër. Kështu, p.sh., në veprat e Hipokratit (viti 460-370 p.e.r.) jo vetëm përshkruhet gjendja e mjekësisë dhe e kirurgjisë e asaj kohe, por jepen edhe bazat shkencore të artit mjekësor. Hipokrati ka përshkruar infeksionet purulente kirurgjikale, si flegmonën, simptomat e tetanusit dhe mënyrat e mjekimit të tyre. Hipokrati zotëronte një teknikë të lartë kirurgjikale. Ai ka realizuar rezeksionin e brinjës, fashaturat imobilizuese gjatë frakturave etj. Historia e kirurgjise ne bote • Në periudhën e mesjetës do të përmendim mjekun e shquar arab Abu-Ibn-Sina (980-1037), i cili në Evropë njihet me emrin Avicena. Avicena shkroi “Kanunin mbi artin mjekësor”; vepër që gjeti përhapje të madhe dhe ndihmoi shumë në vendosjen e bazave shkencore në mjekësi. Avicenna përdorte opiumin për të luftuar dhimbjen gjatë operacioneve. Kishte njohuri mbi tumoret, disa prej të cilave u afrohen dijeve bashkëkohore, p.sh. ekstirpimi i gjerë i tumorit deri në indet e shëndosha, si dhe djegien e indeve me hekur të nxehtë; ka kryer operacione për nxjerrjen e gurëve nga veshkat. Historia e kirurgjise ne bote • Sfidat madhore të shekullit të XIX në fushën e mjekësisë ishin parandalimi i dhimbjeve gjatë operacionit, trajtimi i hemorragjisë akute, diagnoza imazherike dhe parandalimi dhe trajtimi i infeksioneve kirurgjikale purulente Historia e kirurgjise ne bote • Në fillim të shekullit të XX kirurgët e zgjeruan shumë rrethin e veprimtarisë së tyre duke e përdorur mjekimin operator në sëmundjet që deri atëherë mjekoheshin vetëm në mënyrë terapeutike, por njëkohësisht u studiuan përgatitja preoperatore dhe ndërlikimet post-operatore, shkaqet, mundësitë e mënjanimit dhe mjekimit të tyre. Zbulimi i grupeve të gjakut mundësoi trajtimin e shokut hemorragjik nëpërmjet hemotransfuzioneve të sigurta dhe përmirësoi ndjeshëm trajtimin e traumës. Historia e kirurgjise ne bote • Zbulimi i penicilinës nga Aleksandër Flemingu dhe më vonë i antibiotikëve të tjerë, i bëri kirurgët t nderhynin në ato organe e sisteme që më parë nuk mund të prekeshin. Zbulimi i rrezeve rëntgen dhe përsosja e mëtejshme e aparateve të rinj, sidomos tomografia aksiale e kompjuterizuar (skaneri), kateterizimi i zemrës dhe metoda e kontrastografisë, ekzaminimi me ultratinguj (efekti Doppler), futja e rrezeve lazer dhe kompjuterizimi e monitorizimi i shumë veprimeve dhe të dhënave të marra gjatë diagnostikimit dhe mjekimit të të sëmurëve, aplikimi i metodave endoskopike të diagnozës dhe terapisë kirurgjikale, kanë bërë një revolucion të vërtetë në mjekësinë dhe në kirurgjinë bashkëkohore. Historia e kirurgjise ne Shqiperi • Në gërmimet arkeologjike janë gjetur vegla kirurgjikale, po kështu edhe tempuj kushtuar perëndive greke mjekësorë Asklepiosit dhe Hygeas. Të pakta janë të dhënat për periudhën e Mesjetës së hershme dhe të vonë. Përmendet në shekullin e VI, Filonidh Dyrrakioni, një mjek bizantin, që ka punuar në Durrës dhe ka shkruar disa vepra mjekësore dhe kirurgjikale. Sfera e influencës bizantine dhe më pas italiane mori fund në shekullin e XV, me futjen e vendit nën perandorinë otomane për shekuj me rradhë. Gjatë kësaj kohe arti mjekësor dhe ai kirurgjikal u mbajt gjallë nga mjekët popullorë shqiptarë ose xherahët si edhe nga murgjit, kryesisht me origjinë italiane të Urdhërit Benediktin (fretërit). Arti kirurgjik, sikurse edhe në shumë vende të tjera të Evropës, trashëgohej brez pas brezi. Këta kirurgë xherahë shëtisnin nëpër zona të ndryshme të vendit, duke i kryer operacionet në banesat e pacientëve me mjete e instrumente të krijuara prej tyre, si brisqe të mprehta, grepa e leva metalike për nxjerrjen e trupave të huaj, herniotom, instrumente metalike për bërjen e trepanacioneve të kockave etj. Historia e kirurgjise ne Shqiperi • Ka të dhëna që në shekujt XV – XVI shumë studentë shqiptarë kanë studiuar për mjekësi në universitetet e huaja të kohës, por nuk dihet në se janë kthyer më pas në atdhe për të ushtruar mjekësinë dhe kirurgjinë. Mjeku i parë i diplomuar, që ka punuar në Shkodër, ka qenë Kolë Heqimi në vitin 1795. Në gjysmën e parë të shekullit të XIX (mbas lëvizjeve politike të vitit 1848) emigruan në trojet shqiptare disa mjekë italianë, të cilët punuan me përkushtim dhe u natyralizuan me popullatën shqiptare • Mjekët e parë shqiptarë të përgatitur në universitete filluan të shfaqen në qytetet e vendit tonë vetëm në shekullin XIX sidomos, në gjysmën e dytë të tij. Gjatë kësaj kohe u hapën disa spitale në qendrat kryesore të vendit, të drejtuara nga mjekë turq, italianë, austriakë etj. Operacionet e para të kryera nga kirurgë të diplomuar janë bërë në spitalin e Shkodrës në vitin 1889. Historia e kirurgjise ne Shqiperi • Pas shpalljes së pavarësisë kombëtare u krijuan disa qendra kirurgjikale në qytetet kryesore të vendit. Në këtë kohë shumë mjekë të formuar në universitetet turke u kthyen në Shqipëri dhe punuan me përkushtim dhe nivel të lartë profesional. Mes tyre do të përmendim kirurgët Dr. Fahri Rushitin, Dr. Ismet Gegën, Dr. Basri Qadhimin dhe Dr. Osman Jonuzin. Dr. Jonuzi në vitin 1926 filloi kirurgjinë në Spitalin Civil të Tiranës, duke realizur ndërhyrje kirurgjikale të kirurgjisë të ditës (apendektomi, herniotomi, splenektomi, nefrektomi etj). Historia e kirurgjise ne Shqiperi • Në vitin 1932 në Tiranë i ngrit Spitali i Ri Civil (Qendra e sotme Spitalore Universitare “Nënë Tereza”) dhe më pas Spitali Ushtarak, ku punuan mjekë kirurgë të shquar si Dr. Frederik Shiroka. Dr. Shiroka i përkiste një plejade mjekësh të formuar në Austri dhe Gjermani. Historia e kirurgjise ne Shqiperi • Në vitin 1952 u hap Instituti Mjekësor në Tiranë. Ndër kirurget pedagoge te ketij Fakulteti po përmendim Prof. Petrit Gaçen, Prof. Ferdinand Papariston, Prof. Petro Canin, Dr. Llambi Ziçishtin etj, të cilët dhanë një kontribut të madh për zhvillimin e Shërbimeve Universitare të kirurgjisë. • Kirurgjia shqiptare, ndonëse e re, është e një niveli të lartë. Janë krijuar dhe zhvilluar shumë specialitete e degë të veçanta, që drejtohen nga ekipe specialistësh. Këto shërbime janë të pajisura tashmë me stafet, pajisjet dhe eksperiencën e nevojshme për mjekimin e sëmundjeve të rënda e të ndërlikuara kirurgjikale.