PILIPINO, AT FILIPINO TAGALOG, PILIPINO, at FILIPINO
• Magkakaiba ang kahulugan ng Tagalog, Pilipino, at Filipino. Kahit parehong
naging wikang Pambansa ang Filipino at Pilipino, magkaiba ang konsepto ng mga ito. TAGALOG
• Ang wikang Tagalog ay malawakang ginagamit sa National Capital Region
o Metro Manila, gayundin sa rehiyong katagalugan kasama ang Bulacan, Batangas, Cavite, Rizal, Laguna, Quezon, Mindoro, Marinduque, at malaking bahagi ng Palawan.
• Ang Tagalog ay opisyal na kinilala ni dating Pangulong Manuel L. Quezon
bilang batayan ng Wikang Pambansa noong Disyembre 1937 at sinimulan itong ituro sa mga paaralan sa buong kapuluan noong 1940. PILIPINO
• Noong Agosto 1959, sinimulang tawaging “Pilipino” ang Tagalog sa utos ng
dating kalihim ng Kagawaran ng Edukasyon na si Jose Romero. Sinasabing isinagawa ito upang mapawi ang isip-rehiyonalista. At dahil na rin sa ang bansa natin ay tinatawag na Pilipinas, normal lang na tawaging Pilipino ang pambansang wika tulad ng mga pangunahing lenguahe sa daigdig na kung ano ang bansa ay siya ring tawag sa wika. • Ngunit dahil maraming Pilipino ang gumagamit ng iba pang mga katutubong wika, ang pagpili ng pambansang wika na nakabatay sa Tagalog ay nananatiling pinagtatalunan ng marami. FILIPINO
• Unang nalahad sa Saligang Batas ng 1973 ang konsepto ng isang wikang
panlahat na tinatawag na “Filipino”. Nakasaad sa Saligang Batas,“Ang Batasang Pambansa ay dapat gumawa ng hakbang tungo sa pagpapaunlad at pormal na adapsiyon ng isang wikang Pambansa na tatawaging Filipino.” • Sa kasalukuyan, ang wikang Filipino ang ginagamit bilang wika ng komunikasyon sa buong kapuluan. Sapagkat isang wikang buhay, mabilis itong umuunlad sa paraan ng paggamit sa iba’t ibang pook at sitwasyon. Ito ay nililinang sa iba’t ibang antas ng pagsasaliksik at talakayang akademiko sa paraang maugnayin at mapanghalina.