Professional Documents
Culture Documents
G6-Week 1-2nd Grading
G6-Week 1-2nd Grading
ARALIN sa FILIPINO
Baitang 6
UNANG LINGGO
A. Pamantayang Pangnilalaman
Pakikinig
Naipamamalas ang kakayahan sa mapanuring pakikinig at pag-unawa sa napakinggan.
Pagsasalita
Naipamamalas ang kakayahan at tatas sa pagsasalita at pagpapahayag ng sariling ideya, kaisipan, karanasan at
damdamin.
Pagbasa
Naisasagawa ang mapanuring pagbasa sa iba’t ibang uri ng teksto at napapalawak ang talasalitaan.
Naipamamalas ang iba’t ibang kasanayan upang maunawaan ang iba’t ibang teksto.
Pagsulat
Napauunlad ang ksanayan sa pagsulat ng iba’t ibang uri ng sulatin.
Panonood
Naipamamalas ang kakayahan sa mapanuring panood ng iba’t ibang uri ng media.
B. Pamantayan sa Pagganap
Pakikinig
Nakagagawa ng dayagram, dioarama at likhang sining batay sa isyu o paksang napakinggan.
Pagsasalita
Nakapagsasagawa ng radio broadcast/teleradyo, sabayang bigkas, reader’s theatre o dula-dulaan.
Pagbasa
Naiguguhit ang mensahe ng binasang teksto at nakagagawa ng orihinal na rap batay sa mensahe ng binasang
teksto.
Pagsulat
Nakasusulat ng iskrip para sa radio broadcasting o teleradyo, editoryal, lathalain o balita.
F6PN-IIa-g-3.1
Nasasagot ang mga tanong tungkol sa napakinggang kuwento
F60L-IIa-e-4
Nagagamit nang wasto ang pang-uri sa paglalarawan sa iba’t ibang sitwasyon
F6RC-IIa-4
Nailalarawan ang tauhan at tagpuan sa binasang kuwento
F6SS-IIa-6
Nagagamit ang pangkalahatang sanggunian ayon sa pangangailangan.
UNANG ARAW
I. LAYUNIN
Nasasagot ang mga tanong tungkol sa napakinggang kuwento F6PN-IIa-g-3.1
II. NILALAMAN
Pagsagot ng mga tanong tungkol sa napakinggang kuwento
IV. Pamamaraan
A. Balik-Aral
Balik-aralin ang tinalakay na aralin.
1. Paunang Pagtataya
(Ang guro ay magbibigay ng paunang pagtataya upang malaman ang kahandaan ng mga mag- aaral.)
PANUTO: Alin sa mga icons ang tumutugon sa inyong pang-unawa sa mga katanungang makikita sa
projector.
- Sumasang-ayon Hindi
- sumasang-ayon
- Lubos na hindi sumasang-ayon
1.) Gumagamit ng salitang naglalarawan upang mailahad ang katangian ng tauhan sa kuwento.
2.) Kinakailangang tandaan ang mahahalagang detalye sa kuwentong napakikinggan upang masagot
ang mga kaukulang tanong mula sa teksto.
3.) Matalas na pakikinig ang dapat linangin upang lubos na maunawaan ang teksto.
4.) Maaari kang makipag-usap sa iyong katabi habang nakikinig sa tekstong binabasa ng iyong guro.
5.) Mahalaga na magtala ng mga impormasyong pinakikinggan.
6.) Pang-uri ang tawag sa salitang naglalarawan.
7.) Pang-uring pamilang ang tawag sa salitang naglalarawan na tumutukoy sa bilang ng
inilalarawang pangngalan o panghalip.
8.) Pang-uring panlarawan ang uri ng pang-uri kung inilalarawan nito ang pandiwa sa
pangungusap.
9.) Ang pahayagan ay isang uri ng pangkalahatang sanggunian.
10.) Ang paggamit ng google sa pamamagitan ng internet ay maituturing ding paggamit ng
pangkalahatang sanggunian.
PANUTO: Pumili ng icon na tutugon sa iyong pang-unawa sa mga salitang makikita sa projector.
- Nakita ko na ang salitang ito dati ngunit hindi ko alam kung ano ibig sabihin.
1.) Salot
2.) Kapilya
3.) Kura
4.) Debosyon
3. Talasalitaan
PANUTO: Pag-ugnayin ang mga salita at ang kahulugan na may larawan sa loob ng kahon. Isulat ang
titik ng tamang sagot.
1.) Salot –
2.) Kapilya -
3.) Kura –
4.) Debosyon –
5.) Minyatura –
1.
PANAGBENGA
FESTIVAL
PAGODA FESTIVAL
ATI-ATIHAN FESTIVAL
2.
MORIONES FESTIVAL
PAHIYAS FESTIVAL
3.
4.
Pagganyak na tanong
Bilang Pilipino, ano ang kahalagahan ng pagdiriwang ng pista?
Pamantayan sa Pakikinig
Ipabanggit sa mga mag-aaral ang pamantayan sa pakikinig.
2. Paglalahad/Pagmomodelo
PAHIYAS
Pula, dilaw, berde, rosas at bughaw,
Ang hugis-dahon na pinatuyong galapong;
Maingat na pinalulutong at ginagawang dekorasyon, Sa mga
bahay ng magigiliw na taga-Lucban, Quezon.
4. Paglalahat
Mayaman sa iba’t ibang pagdiriwang ang mga Pilipino. Ito ay repleksyon ng mga kaugalian at
tradisyong sariling atin. Bawat panig ng bansa ay may kanya-kanyang kultura na karapat-dapat
ipagmalaki. Iisa lamang ang nais iparating ng mga ganitong pagdiriwang- ang pagbuklurin ang
sambayanang Pilipino at ipagmalaki ang sariling atin.
Gawin Natin 1
Tumawag ng piling mag-aaral upang basahin ang kasaysayan ng Pista ng Pahiyas. PANUTO:
Pakinggang mabuti ang kasaysayan ng pista ng Pahiyas.
Ayon sa mga naitalang kasaysayan ng Lucban, ang piyesta ng San Isidro Labrador ay naunang
ipinagdiriwang ng mga Katagalugan na naninirahan sa paanan ng Bundok Banahaw noong panahon ng
pagpapalaganap ng Kristiyanismo sa Lucban noong 1500. Ang mga mamamayan sa Lucban sa panahong
iyon ay nagdiriwang sa pamamagitan ng isang simpleng pag-aalay sa mga Anito para sa kanilang
masaganang ani.
Sa panahon ng ani, nakaugalian ng mga magsasaka na ipunin ang kanilang ani sa loob ng kapilya
("Tuklong") kung saan sila nagtitipon-tipon at kumakain. Matapos nito ay iinom sila ng tuba na nagmula
sa katas ng bulaklak ng niyog, buri o cabo negro (kaong). Naniniwala ang mga katutubo na sa
pamamagitan ng pagdiriwang ng ganitong kasiyahan ay magkakaroon silang muli ng masaganang ani sa
susunod na taon.
Nang maipatayo ang kauna-unahang simbahan, sa panahon ni Kapitan Lukas Martin (1630) sa ilalim ng
pamamahala ni Fr. Alfonso de San Miguel (1628), naging mas hayag ang pagiging Kristiyano ng mga
katutubo. Naging matulungin ang mga katutubo sa Kura Paruko. Pagsapit ng anihan, dinadala ng mga
magsasaka ang kanilang mga napiling produkto sa loob ng bago at mas malaking simbahan, kung saan
naroon ang kura upang basbasan ang mga ani bilang pasasalamat sa Panginoon. Bunga nito, naging
masagana ang kanilang ani sa mga sumunod na taon at ito ang nagpatibay sa kanilang debosyon kay San
Isidro Labrador bilang tagapag-ugnay sa Panginoon.
PANUTO: Pakinggang mabuti mula sa recorder kung paano ipinagdiriwang sa Lucban, Quezon ang
Pahiyas. Maaaring magtala ng mga mahahalagang impormasyon na makukuha mula sa seleksyon.
Pagdiriwang ng Pahiyas
Isang bahagi din ng pagdiriwang ang pagbabasbas sa mga kalabaw. Ipinaparada ng mga magsasaka ang
kanilang mga kalabaw patungong simbahan upang mabasbasan ng pari sapagkat pinaniniwalaang
malalayo sila sa sakit at maging ang kanilang alagang kalabaw kung mababasbasan ang mga ito.
Sa pagdiriwang, nagpapamalas ang mga magsasaka ng kanilang mga ani tulad ng sayote, labanos,
paminta at mga butil ng palay. Mayroon ding mga minyatura na kilala sa tawag na "Anok", prutas, gulay,
at longganisa. Ang ibang mga residente na may ibang kabuhayan ay nagpapamalas din ng kanilang
produkto sa pagpapasalamat. Ang isang nahango sa mga gawaing pangkamay ay naglalagay ng palamuti
sa kanyang tahanan gaya ng mga buri hats, bag at iba pa samantalang ang isang manlilitson ay nagsabit
ng isang ulo ng litson sa kanyang bintana.
Noong Mayo 1963, ang Art Club ng Lucban, kasama ng tagapag-tatag at presidente nito na si Fernando
Cadeliña Nañawa, ay nag-organisa ng isang pista na bumubuo ng pagpapalitan ng produkto, palabas
kultural, at iba't ibang patimpalak, parada at pagtatanghal upang gawing mas magara ang pagdiriwang ng
Pahiyas. Ang layunin ng pistang ito ay ang ipagmalaki ang Lucban at ipakilala ang selebrasyon ng Pista
ng San Isidro.
Si Nañawa rin ang unang gumamit ng salitang "Pahiyas", na hango sa salitang lokal na "Payas" na ang
ibig sabihin ay "palamuti."
May Kasanayan
PANUTO: Magsaliksik ng iba pang mga lugar sa ating bansa na may katangi-tanging paraan ng
pagdiriwang ng pista ng bayan. Ilahad ito sa klase.
Tumutugon
PANUTO: Magsaliksik kung paano ginagawa ang kiping na ginagamit pandekorasyon sa Pahiyas.
V. Mga Tala
Bilang ng mga mag-aaral: 27
5- 13 65
4- 11 44
3- 2 2
2- 1 2
1- 0 0
0- 0 0
27 x 5 = 135 117/135= 86%
I. LAYUNIN
Nagagamit nang wasto ang pang-uri sa paglalarawan sa iba’t ibang sitwasyon F60L-IIa-e-4
II. NILALAMAN
Paggamit nang wasto ng pang-uri sa paglalarawan sa iba’t ibang sitwasyon (Pang-
uri at uri ng Pang-uri)
IV. Pamamaraan
A. Balik-Aral
Balik-aralin ang paksang tinalakay kahapon. Ano ang kahalagahan ng pagdiriwang ng pista sa mga
Pilipino? Anong mabuting pag-uugali ang ipinakikita rito?
2. Paglalahad/Pagmomodelo/Pagtalakay
Pagkatapos tumula talakayin muli ang nilalaman nito. Itanong:
Ano ang sinasabi tungkol sa Pahiyas?
Ano ang paglalarawang inilapat dito? (Isusulat ng guro ang sagot ng mga mag-aaral sa pisara).
Ano ang tawag sa mga salitang ito?
Tatalakayin ng guro ang uri ng pang-uri.
Pag-aralan ang mga pahayag sa pisara.
1. Ibinibitin ang mga sariwang gulay at prutas sa labas ng bahay upang maging
dekorasyon.
2. Libo-libong tao ang dumarayo sa Lucban tuwing pista.
3. Napakasarap ng longganisang Lucban.
Itanong:
1. Pansinin ang mga salitang nakasalungguhit sa bawat pangungusap.
2. Ano ang inilalarawan sa unang bilang? Ano ang gamit ng salitang inilalarawan sa
pangungusap?
3. Paano naman inilarawan ang pangngalan sa pangungusap bilang dalawa?
4. Ano ang masasabi mo sa ikatlong pangungusap? Ano ang kaibahan nito sa unang
dalawang pahayag.
5. Ilahad sa klase ang tatlong uri ng pang-uri.
1. Panlarawan – naglalarawan ng isang pangngalan o panghalip.
May Kasanayan
PANUTO: Bumuo ng isang patalastas na nanghihikayat sa mga tao na bumisita sa Lucban tuwing
Pahiyas. Gumamit ng mga salitang naglalarawan sa pagbuo ng patalastas.
Nagsisimula
PANUTO: Tukuyin ang salitang naglalarawan sa pangungusap.
1. Matigas na galapong ang ginagamit na pandekorasyon sa kani-kanilang mga bahay.
2. Hindi magkamayaw ang mga taong pumupunta sa Lucban tuwing Pahiyas dahil sa mga
makukulay na disenyo ng mga bahay dito.
3. Maging ang mga malulusog na kalabaw ay lumuluhod sa harap ng simbahan upang
magbigay pasasalamat sa Panginoon sa araw ng pista.
4. Sikat ang produktong longganisa sa bayan ng Lucban.
5. Sariwa ang mga prutas at gulay na ikinakabit bilang pandekorasyon sa mga kabahayan.
Mga Tala
VI. Pagninilay
IKATLONG ARAW
I. LAYUNIN
Nailalarawan ang tauhan at tagpuan sa binasang kuwento F6RC-IIa-4
II. NILALAMAN
Paglalarawan ng tauhan at tagpuan sa binasang kuwento
IV. Pamamaraan
A. Bago Bumasa
Balik aralin ang Pang-uri. Ilarawan ang pagdiriwang ng Pahiyas sa Lucban, Quezon. Ano ang
masasabi ninyo sa paraan ng kanilang pagdiriwang?
Gamitin ang Vocabulary Knowledge Scale upang mataya ang kaalaman ng mga bata sa talasalitaan.
5- Alam ko ang salita at kaya ko itong gamitin sa pangungusap. 4-
Alam ko ang salita at alam ko ang kahulugan nito.
3- Nakita ko na ang salitang ito at palagay ko ito ang kahulugan.
2- Nakita ko na ang salitang ito ngunit hindi ko alam ang kahulugan. 1-
Hindi ko pa ito nakita at hindi ko alam ang kahulugan nito.
2.
Pababa: Pahalang:
1. nagagalit 1. kayabangan
2. galaw ng mga dahon kung hinihipan ng 2. pairap
malakas na hangin.
Mga sagot: Pababa:
1. nagpupuyos Pahalang:
2. Pagaspas 1. Kahambugan
2. Paismid
3. Pamantayan sa Pagbasa
Ipabanggit sa mga mag-aaral ang pamantayan sa pagbasa.
1. Pagganyak
Kanta.
Pangkatin ang klase sa lima. Pangalanan ang bawat pangkat ng ASO, IBON, BABOY,
PUSA, PATO at KAMBING.
Kantahin sa tono ng (Mary had a little lamb)
2. Pangganyak na tanong
Paano natin pinahahalagahan ang mga bagay na nasa ating paligid?
3. Paglalahad/Pagmomodelo
Ipabasa sa mga mag-aaral ang kuwento.
PANUTO: Basahin nang tahimik ang kuwentong “Si Bunchukoy at si Balete” at humanda sa
talakayan.
May buhay ang mga bagay sa ating kapaligiran. Kabilang dito ang mga
punungkahoy na nasa kagubatan. Alam mo bang maging edad at kasaysayan ng
matatandang punungkahoy ay nakikilala sa kanilang mga katawan? Alamin ang iba
pang bagay tungkol sa buhay ng punungkahoy.
Noong unang panahon, may isang punong balete malapit sa isang sakahan. Malaki at
malabay ang puno nito. Dahilan ito upang maraming magsasaka o pastol ng mga hayop-bukid
ang payapang namamahinga rito kapag kainitan ng araw.
Isa si Bunchukoy sa madalas mamahinga sa lilim ng balete. Hindi kaiba ang Sabadong
iyon sa dating ginagawa ni Bunchukoy. Umupo siya sa lilim ng puno at nagpahinga. Malilim
sa paanan ng puno at malamig ang simoy ng hangin. Namimigat na ang talukap ng mga mata
ni Bunchukoy nang siya ay mapatingala sa mga sanga. Napagmasdan niya ang maliliit na
bunga ng punong balete.
May kahambugan si Bunchukoy. Madalas niyang ipagyabang ang kanyang talino at tikas
ng katawan. Nang pansinin niya ang bunga ng punungkahoy, paismid niyang sinabi,
“Napakaliliit naman ng mga bunga mo, Balete. Kinatatakutan ka pa naman ng lahat, e, ang
liit-liit naman ng mga buto at bulaklak mo!” Nagpatuloy si Bunchukoy. “Alam mo, maliit
man ako, higit akong matalino. Balang-araw, ang bunga ng talino ko ay hindi mo na
mapapantayan! Marami akong magagawa na di mo kayang gawin.”
Malinaw na narinig ni Balete ang sinabi ni Bunchukoy ngunit pinili nito ang manahimik
nagpupuyos man ang loob niya. Pinagalaw ni Balete nang marahan ang kanyang mga sanga.
Sa simoy ng hangin at sa saliw ng pagaspas ng kanyang mga dahon, nakatulog si Bunchukoy.
“Tok!” Tumama sa pagitan ng mata ni Bunchukoy ang isang maliit na bunga. “Ano ba!”
naiinis na singhal niya kay Balete. “Wala ka bang magawang matino?”
“Binibigyan lang kita ng aral. Pinagtatawanan mo kasi ako,” wika ni Belete. “Talaga
namang di ka marunong! Di gawain ng matino ang manakit at manggising
ng natutulog,” wika ni Bunchukoy.
“Di naman gawain ng matalino ang magyabang,” wika ni Balete. “Huwag mong
hamakin ang aking katangian pagkat lahat ng bagay sa bawat isa sa atin ay isinasaayos ng
kalikasan. Kung sinlaki ng buko ang bunga ko, marahil ay sumalangit nawa ang kaluluwa mo
ngayon,” wika nito.
Natahimik si Bunchukoy. Hindi niya naisip agad iyon.
“Dapat ay matuto kang makipag-kaibigan sa mga bagay sa paligid mo. Kailangan natin
ang isa’t isa. Tulad ko. Kaibigan ko ang mga bubuyog pagkat tinutulungan nila akong maging
bunga ang aking mga bulaklak. Namumugad ang mga ibon sa aking mga sanga na
napagkukunan nila ng mga higad na makakain. Ibinibigay ko naman sa mga higad ang dahon
ko upang sila ay may makain. Ang mga ibong nakikinabang sa akin ay pinakikinabangan mo
rin. Sila ang pumupuksa sa mga peste ng inyong pananim.
“Oo nga, ano? Dapat nga pala ay magpasalamat ako sa iyo, Ginoong Balete,” magalang
nang wika ni Bunchukoy.
“Tingnan mo ang mga ugat ko. Unan mo pa iyon kapag mahihiga ka sa lilim ko. Ang
mga ugat kong iyon ang sumisipsip ng tubig kapag malakas ang buhos ng ulan. Sa tulong ng
aking ugat, hindi sinasalanta ng baha ang inyong sakahan,” mahinahong paliwanag ni Balete.
“Kapag binuksan mo ang katawan ko, makikita mo ang mga singsing na palatandaan ng
aking edad. Matanda pa ako sa lolo ng iyong tatay. Nakilala ko silang lahat ngunit wala sa
kanila ang hambog na tulad mo!” patuloy ng puno.
5. Paglalahat
Gumagamit ng mga angkop na salitang panlarawan upang wastong mailarawan ang mga
tauhan at tagpuan sa nabasang kuwento.
Gawin Natin 1
Gagawa ang guro ng larawan ng isang lalaking matikas ang katawan at isang puno ng
Balete.
Gabayan ang mga bata sa pagsagot sa mga tanong.
PANUTO: Idikit sa larawan ang mga katangian ng tauhang nakasulat sa loob ng kahon.
Gawin Ninyo 1
PANUTO: Basahin ang kuwento ng “Ang Leong Maysakit”. Sagutin ang word organizer sa ibaba.
Sa mga huling sandali ng kanyang buhay, pinilit ng leong makaipod sa may pinto ng yungib na
kanyang kinaroroonan upang masilayan kahit saglit ang kagubatang kanyang pinagharian sa loob ng
mahabang panahon. Nanlalabo na ang kanyang paningin.
Nasa gayon siyang kalunus-lunos na anyo nang siya’y lapitan ng mga hayop na kanyang kampon
na sa mga mukha’y nakalarawan ang paghihiganti.
Pagdaka’y sinuwag siya ng toro, sinugod ng mabagsik na baboy-ramo at pinagkakagat ng
matatalas na pangil nito. Ang lahat ng hayop na naroroon ay nagsasamantala sa pagkakataong iyon.
Walang nagawa ang leong dati’y sagisag ng kapangyarihan. Nang makita ng kabayong malapit nang
malagutan ng hininga ang leon at sadyang walang munti mang pinsalang magagawa ang dating
panginoon, pinatamaan niya ng lamakas na sikad ang mukha nito.
Bago nalagutan ng hininga ang kahabag-habag na leon, naisumbat din niya sa mga taksil ang
ganitong pasaring:
“Anong pait na kamatayan! Mga duwag lamang na katulad ninyo ang naghihiganti sa inyong
dati’y itinuturing na haring nasa bingit ng kamatayan.”
TAUHAN
TAGPUAN
Tagpuan 1 Tagpuan 2
BAYANI PARKE
Mahuhusay na mag-aaral
PANUTO: Magbasa ng isang uri ng kuwentong bayan at ilarawan ang tauhan at tagpuan ng kuwento.
Iguhit ito sa manila paper at humandang ilahad ito sa klase.
Katamtamang mag-aaral
Pandalawahang gawain
PANUTO: Magbasa ng isang uri ng parabula at ilarawan ang katangian ng tauhan at tagpuan ng
binasang kuwento. Buuin ito gamit ang dayagram at makukulay na papel.
Mahihinang mag-aaral
PANUTO: Ilarawan ang tauhan sa sitwasyon.
1.) Si Cindy ay nasa ikaanim na baitang at panganay sa pito pa niyang kapatid. alas-sinko pa lamang ng
umaga ay bumabangon na siya upang tumulong sa kaniyang ina sa paghahanda ng kanilang agahan.
Pagkatapos nilang kumain ay agad naman niyang hinuhugasan ang kanilang pinagkainan habang
hinihintay ang ilan niyang mga kapatid upang maghanda sa pagpasok. Anong katangian mayroon si
Cindy? Sagutin sa kumpletong pangungusap.
2.) Malamig, masukal at madilim ang kagubatan. Wala kang ibang maririnig kundi mga huni ng hayop
sa paligid. Kapag tumingin ka sa itaas, tila may mga nagliliyab na mga matang
V. Mga Tala
VI. Pagninilay
IKAAPAT NA ARAW
II. NILALAMAN
Paggamit ng pangkalahatang sanggunian ayon sa pangangailangan
A. Sanggunian
Pluma 6 Wika at Pagbasa para sa Batang Pilipino. Pah. 44. Haraya 6
Pagbasa at Wika pah. 80.
Filipino sa Pakikipag-ugnayan Wika at Pagbasa pah. 385-386.
IV. Pamamaraan
A. Balik-aral
Balik-aralin ang paksang tinalakay kahapon. Paano inilalarawan ang mga tauhan at tagpuan sa
kuwento? Maliban sa mga aklat na inyong binabasa, anong uri pa kaya ng babasahin ang maaari
ninyong gamitin upang makakuha ng impormasyon?
1. Pagganyak
Pangkatin ang klase sa lima at Ipabuo ang picture puzzle sa bawat pangkat. Pangalanan
kung anong uri ng babasahin ang nabuong larawan.
PANUTO: Buuin ang puzzle at pangalanan kung ano ang nabuong larawan sa puzzle.
2. Paglalahad/Pagmomodelo
Sabihin: Ano kaya ang datos o impormasyong makikita sa bawat babasahing iyan? Tukuyin
natin ang nilalaman ng bawat babasahin.
Talakayin ang sagot ng mga mag-aaral at ibigay ang ilan pang mga halimbawang pangkalahatang
sanggunian tulad ng mapa at globo.
3. Paglalahat
Ang pangkalahatang sanggunian tulad ng ensayklopedia, atlas, almanac, pahayagan, mapa,
globo at diksyunaryo ay mga kagamitang nakatutulong sa paghahanap ng mahahalagang
impomasyon tungkol sa isang paksa.
Gawin Natin 1
Isulat kung anong sanggunian makikita ang mga sumusunod na paksa:
1. Tamang baybay ng salita.
2. Libro ng mga mapa
3. Kalagayan ng panahon ngayong araw.
4. Datos ng pinakamahabang ilog sa buong mundo.
5. Kahulugan ng salitang dalisay.
PANUTO: Tingnan ang set ng encyclopedia at sagutin ang kasunod na mga tanong.
Gawin Ninyo 1
Pangkatin ang mga mag-aaral sa lima. Bigyan ang bawat pangkat ng iba’t ibang uri ng sanggunian.
Bigyan ng tig-tatlong minuto ang bawat pangkat upang suriin ang nilalaman ng sangguniang hawak
nila. Pagkatapos, ipa-ikot ang mga babasahin at ulitin ang pagsusuri hanggat makaikot lahat sa lahat
ng pangkat. Sagutin ang talahanayan pagkatapos ng gawain at ilahad ang napag-usapan sa klase.
PANUTO: Sa loob ng tatlong minuto, suriin ang nilalaman ng sangguniang hawak ng inyong
pangkat. Pagkatapos ay ipaiikot ang sanggunian sa bawat pangkat hanggang matapos ang
lahat. Isulat at sagutan ang talahanayan sa manila paper.
Pangkat 1: Diksyunaryo
Pangkat 2: Atlas
Pangkat 3: Almanac
Pangkat 4: Encyclopedia Pangkat 5:
Mapa at globo
Gawin Ninyo 2
Papagdalhin ang mga mag-aaral ng diksyunaryong tagalog para sa gawain ito. Maghahanda ang
guro ng mga salitang pabibigyan ng kahulugan ng bawat pangkat. PANUTO: Gamit ang
diksyunaryo, unahan sa paghahanap ng kahulugan ng mga salitang ibibigay ng guro. Unang
pangkat na makatapos sa gawain ang mananalo.
Gawin Mo
PANUTO: Tukuyin ang uri ng sangguniang angkop gamitin sa sumusunod na paksa.
1. Wastong bigkas ng salita.
2. Bilang ng bansa sa South America
3. Kultura ng Pilipino
4. Kahulugan ng mga salita
5. Kabisera ng mga bansa
Mahuhusay na mag-aaral
Gamit ang google, magsaliksik tungkol sa kalagayan ng ekonomiya ng Singapore. Bakit sila ang
nangungunang maunlad na bansa sa Asya?
Katamtamang mag-aaral
Gamit ang encyclopedia, kumuha ng isang impormasyon na makukuha mula rito. Ilahad ito sa klase.
Mahihinang mag-aaral
Gamit ang pahayagan, kumuha ng mga pangunahing balitang tampok sa araw na ito.
V. Mga Tala
VI. Pagninilay
IKALIMANG ARAW
I. LAYUNIN
Nasasagot nang may 80%-100% tagumpay ang mga tanong sa lingguhang pagsusulit.
II. NILALAMAN
Pagsagot nang may 80%-100% tagumpay ang mga tanong sa
Lingguhang pagsusulit.
IV. Pamamaraan
A. Balik-aral
Magbalik-aral sa mga araling tinalakay mula noong Lunes hanggang huwebes.
B. Panapos na Pagtataya
1.) Pamamaraan
a. Ihanda ang mga mag-aaral sa lingguhang pagsusulit.
b. Ipabanggit sa mga mag-aaral ang mga pamantayan sa pagsusulit.
c. Ipaliwanag sa mga mag-aaral ang panuto.
d. Ipamahagi ang sagutang papel.
2.) Pagtataya
- - Lubos na sumasang-ayon
- Sumasang-ayon
- Hindi sumasang-ayon
- Lubos na hindi sumasang-ayon
Katangian Katangian
V. Mga Tala
VI. Pagninilay