Taon 37 Blg.
21 Ika-33 Linggo sa Karaniwang Panahon (A) — Luntian
I sang malaking pagpapala ang
pagtiwalaan tayo ng Diyos.
Una at higit sa lahat, ipi-
nagkakatiwala niya sa atin ang
buhay na ating tinataglay. Ka-
lakip ng buhay na ito ay ang
mga biyaya at pagpapala upang
magawa natin itong paunlarin
at palaguin. Kung ituturing na-
ting isang biyaya ang pagtitiwa-
la ng Diyos, tiyak na iingatan
natin ito at pahahalagahan.
Ito rin ang magdadala sa atin
upang mamuhay tayo bilang
mabuting katiwala. Ngunit
anu-ano ba ang mga katangian
ng isang tapat at mabuting kati-
wala?
Ang mabuting katiwala ay
nagpapahalaga. Lagi niyang
binabalikan kung paano siya
pinagkatiwalaan ng Pangi-
noon at hindi niya sasayangin
ang pagtitiwalang ito. Gaga-
win niya ang lahat upang ma-
pangalagaan ang tiwala na
ipinagkaloob sa kanya. Alam
niya na katiwala lamang siya at
hindi ang may-ari. Kaya naman
lagi niyang iniisip kung paano
Nobyembre 19, 2023
Mabuting
Katiwala
P. Randy De Jesus
mapalalago ang ipinagkatiwala
sa kanya. Tinatanggap niya ang
pagtitiwalang ito bilang pagka-
kataon upang siya ay lumago
at umunlad bilang tao at anak
ng Diyos.
Ang mabuting katiwala ay
malikhain. Iniisip niya kung
paano niya magagawang mag-
bahagi ng mabuting halimba-
wa upang magdulot ng inspi-
rasyon sa buhay ng mga taong
nasa paligid niya. Ibinabahagi
niya ang dahilan kung bakit
siya pinagkatiwalaan, hindi
upang magmalaki o magya-
bang, kundi upang tumulong
at umalalay sa kanyang kapwa.
Alam niya na anumang oras
ay darating ang sandali ng
paghuhukom kaya hindi niya
sasayangin ang bawat sandali
at pagkakataon na ipinagka-
kaloob sa kanya.
Ang mabuting katiwala ay
mapagpakumbaba. Nababatid
niya kung ano ang kanyang
mga kakayahan at mga kahi-
naan. Kaakibat nito, bukas
din siyang matuto at mahubog
ng proseso. Alam niyang ang
pagtitiwalang ipinagkaloob
sa kanya ay pagkakataon din
upang matuto sa mga bagong
karanasan niya sa buhay.
Ang mabuting katiwala ay
may kapayapaan sa kalooban.
Alam niya na anumang oras,
babalik din ang nagtiwala.
Ngunit wala siyang takot at
pangamba sapagkat batid ni-
yang ginawa niya ang lahat ng
kanyang makakaya, ang tama
at mabuti para sa ipinagkati-
wala sa kanya.
Tayong lahat ay inaasahang
mamuhay bilang mabubu-
ting katiwala sapagkat tayo ay
magsusuri din ng ating buhay
sa harap ng Diyos. Hindi natin
dapat sayangin ang mga biyaya
at pagpapala na ating tinatang-
gap. Bakit? Dahil lahat ng ito ay
pamamaraan ng Diyos upang
tayo rin ay lumago sa karunu-
ngan, magagandang katangian,
at mapagmahal na ugnayan sa
Diyos patungo sa ating kaga-
napan bilang mga tao at mga
anak ng Diyos.