Ang Module

Masako ang tanan sa paghimos para sa module distribution buas sang aga
samtang si Maam Linda nanglaba pa ini sang iya nga bag o nga Dep Ed t-shirt kag
pink nya nga panyo nga iya paga-usaron nga facemask sa pagka-aga sang biyernes
nga schedule sang module distribution.
Nagaugoy-ugoy pa ini nga ginsab-it sa lansang sa ila tambi kag halayan bag-o
nagbalik sa ila buluthuan.

Dalagan...kag pagdagun-dagun ang mga tikang ni Maam Linda agud makalab-ot sa ila
eskwelahan para maka bati sang last instruction sang ila principal.

Matapos ang isa ka oras natapos ang meeting.

Nagagal-om na kag ang huna-huna ni Maam Linda ,yara sa iya nga gin halay nga Dep
Ed T-shirt kag sinab-it nga panyo nga wala niya natugon nga punpunon.
Madulom ang dalan sang may nabati-an cya nga nagtawag sang iya ngalan.

Maam Linda, Maam Linda…hulat anay …singgit ni Chay Stella

Nanay Stella: Maam, maayong hapon …makadto kuno kami sa buluthuan buas sang
aga…Maam? Maano kami didto? Wala si Pedring sa balay buas ginpatawag ni
Manong Henry sa Hacienda.

Maam Linda: Ay maayong hapon Chay Stella … Huo ang mga ginikanan dapat
magkadto buas kay makuha kamo sang Module…di bala si Junior manug grade 8 na?

Nanay Stella : Huo, Maam si Junior grade 8 na pero indi ako ka pasalig nga maka
kuha ako sang module buas…Maam

Maam Linda: Nga-a? Indi ka kakadto sa eskwelahan buas? Pwede mo man mapakadto
si Pedring kung alang-alang ka…

Nanay Stella : Maam…pwede guid tani galing si banahon indi man kabalo mag basa
kag magsulat…kag bati ko sa iya may isugo pa kuno si Sir Henry sa
hacienda buas sang aga…

Maam Linda: Ay amu gali Chay…pero madali ma lang magkuha sang modules sa
eskwelahan…updan na lang ni Junior si Tatay nya bag-o maglakat sa
Hacienda…di bala grade 8 naman si Junior…kag mataas ang iya nga
mga grado sang nag ligad…kag magdala guid sila sang facemask
Chay Stella ha?
 Nanay Stella: Matuod ina…Maam…nagapasalamat kag nagakalipay guid ako sa
akon nga subang…baw tani mabalik guid na sya sa Grade 7 kung wala
nag bulig ang amon nga tupad balay nga naga obra sa Bacolod…bati
ko “propesor” sa buluthuan didto…

Maam Linda: Ay tuod ka…Chay? Kanami sang performance sang anak mo sa

binalaybay nga ginpadala nya pa sa GC namon sang last year…

Nanay Stella: Ay huo Maam…kasadya kay nagsanto man ang tikab sang baba nya sa
naga hambal nga tupad balay namon.

Maam Linda: Ay amu gali…pero Chay…miskan amo ni ang aton nga sitwasyon
nga ka puraot kag pandemic pa nagatinguha guid kamo ni
Pedring sang pag pa eskwela kay Junior…

Nanay Stella: Huo Maam…amu na lang na ang mahatag namon sa iya…cge Maam
mauna na ako kay matig-ang pa ako kay dugay-dugay maabot naman si banahon,

Pag.abot sa may katubuhan naghinay-hinay si Maam Linda sa paglakat bangud

nahadlok ini kay miskan isa ka landong sang tawo wala guid cya may na kita…
Sang iya natalupangdan nga tuman gid kadulom sang ila sitio gani naghuyab naman
ini sa pagdalagan bisan pa nagapalanandad na ini.
Nagahapo-hapo ini nga nagsampot sa ila balay dayon panawag sa iya iloy. "Brown
out!" sabat sang iloy "naghimo lang si tatay mo sang mitsa"

Nagapangarapkap nga nagderetso si Maam Linda sa ila halayan kag tambi agud
kuhaon ang iya panyo kag Dep Ed T-shirt.

Kag nag ulan sang mabaskog…naga pangngilat sa langit kag naghipos ang mga
sirom-sirom

Ang tingngog ni Chay Stella…nagabalik-balik sa iya paminsaron…”Huo Maam…

amu na lang na ang mahatag namon sa iya”…sa iya…sa iya…(END OF THE
STORY)