1st FLAG RAISING CEREMONY

PINUNO: Sa ngalan ng Ama, at ng Anak, at ng Espiritu Santo! Amen!

PINUNO: Kasama natin ang Panginoon!

LAHAT: Amen!

PINUNO: Ang Mabuting Balita ng Panginoon ayon kay San Mateo.

LAHAT: Papuri sa iyo, Panginoon!

Noong panahong iyon, nang nagkakatipon sa Galilea sina Hesus at ang mga
alagad, sinabi niya sa kanila, “Ang Anak ng Tao ay ipagkakanulo at papatayin,
ngunit muling mabubuhay sa ikatlong araw.” At sila’y lubhang nagdalamhati.

Pagdating nila sa Capernaum, lumapit kay Pedro ang mga maniningil ng buwis
para sa templo. Tinanong siya, “Nagbabayad ba ng buwis para sa templo ang
inyong Guro?” “Opo,” sagot ni Pedro. At nang dumating siya sa bahay,
tinanong na siya agad ni Hesus, “Ano ba ang palagay mo, Simon? Kanino
sumisingil ng bayad sa lisensya o buwis ang mga hari sa lupa? Sa mga
mamamayan ba o sa mga dayuhan?” “Sa mga dayuhan po,” tugon niya. Sinabi
ni Hesus, “Kung gayun, hindi pinagbabayad ang mga mamamayan. Gayunman,
para wala silang masabi sa atin, pumaroon ka sa lawa at ihagis mo ang kawil.
Kunin mo ang unang isdang mahuhuli. Ibuka mo ang bibig nito at may makikita
kang isang salaping pilak. Kunin mo ito at ibayad sa buwis nating dalawa.”

PINUNO: Ang Mabuting Balita ng Panginoon!

LAHAT: Pinupuri ka namin, Panginoong Hesukristo!

 PANALANGIN NG BAYAN
Ika-19 Linggo sa Karaniwang Panahon – Lunes

PINUNO: Sa ating kahinaan at pangangailangan, dumulog tayo sa Diyos na

ating dapat sundin at paglingkuran sapagkat siya ang pinagmumulan ng lahat ng
kapangyarihan sa sandaigdigan.

Panginoon, dinggin mo ang aming panalangin.

LAHAT: Panginoon, dinggin mo ang aming panalangin.

PINUNO: Ang Simbahan saanmang dako ng daigdig nawa’y walang takot na

magpahayag ng pinahahalagahang katarungan at kapayapaan, manalangin tayo
sa Panginoon.

LAHAT: Panginoon, dinggin mo ang aming panalangin.

PINUNO: Ang lahat ng tao nawa’y makabahagi nang tama sa mga materyal at
espiritwal na bagay ng daigdig at ang mga organisasyong sibiko at estado
nawa’y makatulong sa pagtatanggol sa mga mahihina at mga mahihirap,
manalangin tayo sa Panginoon.

LAHAT: Panginoon, dinggin mo ang aming panalangin.

PINUNO: Ang lahat ng mamamayan nawa’y magkaroon ng malakas na

kamulatan sa sibikong tungkulin at maging aktibo sila na makilahok tungo sa
pangkalahatang kabutihan, manalangin tayo sa Panginoon.

LAHAT: Panginoon, dinggin mo ang aming panalangin.

PINUNO: Tayo nawa’y maging mga daan ng pag-ibig at kalinga ni Kristo para
sa mga maysakit at mga nagdurusa, manalangin tayo sa Panginoon.

LAHAT: Panginoon, dinggin mo ang aming panalangin.

PINUNO: Para sa ating paaralan Concordia College, Inc. Sa pagbubukas ng
Taong Panuruan 2023-2024, nawa’y maging mabunga, masagana at punong
puno ng inspirasyon at lakas ang pamunuan, mga guro, empleyado, mga mag-
aaral at mga magulang tungo sa maayos na pag-aaral at pagbibgay ng
makabuluhang gawain para sa mga mag-aaral, manalangin tayo sa Panginoon.

LAHAT: Panginoon, dinggin mo ang aming panalangin.

PINUNO: Tahimik natin ipanalangin ang ating mga pansariling kahilingan

(pause 5 seconds after nito ay sasabihin na), manalangin tayo sa Panginoon.

LAHAT: Panginoon, dinggin mo ang aming panalangin.

PINUNO: Panginoon ng awa, dapat na gamitin ang lahat ng talento sa lupa,

para sa pagsusulong ng paghahari ng iyong katarungan, kapayapaan, at
pagkakapatiran ng iyong bayan. Sa pamamagitan ng aming bukas-loob na
pagsuporta nawa’y maging instrumento kami ng pagtatatag ng iyong Kaharian
dito sa lupa. Hinihiling namin ito sa pamamagitan ni Kristong aming
Panginoon. Amen.

PINUNO: San Vicente de Paul at Santa Luisa!

LAHAT: Ipanalangin mo kami!

PINUNO: O Maria, ipinaglihing walang kasalanan!

LAHAT: Ipanalangin mo kaming dumudulog sa iyo!

PINUNO: Mabuhay si Hesus!

LAHAT: Habang buhay sa aming mga Puso!

PINUNO: Sa ngalan ng Ama, at ng Anak, at ng Espiritu Santo! Amen!