Ծրագրի դասավանդման նպատակն է ձևավորել անգլերեն լեզվին
տիրապետող անձ, որն ունակ է հաղորդակցվել
Ծրագրի խնդիրներն են՝
Լեզվական գիտելիքների փոխանցում և ձևավորում,
Յուրացված լեզվական գիտելիքների կիրառման և հաղորդակցման հմտությունների և կարողունակությունների ձևավորում, Ուսումնառողների համար օտար լեզվով հաղորդակցվելու համար նպաստավոր միջավայրի ստեղծում,
Ծրագրը նպատակաուղղված է հետևյալ կարողունակությունների
ձևավորմանը՝
օտար լեզվով արդյունավետ հաղորդակցվելու հմտություններ,
լեզվական գրագիտություն՝ որպես ուսումնառության համապիտանի գործիք. վստահություն սեփական ուժերի հանդեպ, ինքնագնահատման կարողություն. ինքնավար սովորելու և աշխատելու հմտություններ.
Ծրագրի վերջնարդյունքներն են՝
առնվազն օտար լեզվով հասկանա և օգտագործի ծանոթ և
պարզ նախադասություններ՝ բավարարելու կոնկրետ կարիքները, կարողանա ներկայանալ, ներկայացնել իր շրջապատի մարդկանց՝ իր և նրանց մասին հաղորդելով պարզ տեղեկություններ, հաղորդակցվել՝ գործածելով պարզագույն կառույցներ. մտքերն արտահայտելիս բերի պարզ հիմնավորումներ, դրսևորի տրամաբանական և ստեղծագործական մտածողություն, ընդհանրացնելու պարզ հմտություններ և կարողանա անդրադառնալ ու արձագանքել սեփական և ուրիշների ստեղծած աշխատանքին, գիտակցի սովորելու կարևորությունը և ցուցաբերի հետաքրքրություն սովորելու նկատմամբ, ստեղծի ընկերական հարաբերություններ, լսի, հասկանա, ապրումակցի, քաջալերի և աջակցի մյուսներին, համագործակցի տարբեր ձևաչափերով, դրսևորի դրականություն, գտնի իր սխալները և ձգտի դրանք ուղղել ինքնուրույն կամ աջակցությամբ,
Ծրագրի բովանդակությունը կառուցվել է նկատի առնելով վերը նշված
կարողունակությունների և ուսումնառության վերջնարդյունքների ձեռքբերման համար անհրաժեշտ թեմաների ընտրությունը։
Ծրագրի բովանդակային մշակման հիմքում ընկած են մի շարք
առանցքային հիմնադրույթներ, մասնավորապես՝
Անգլերենը առաջնայնորեն հաղորդակցության միջոց է,
Լեզվական փաստացի գիտելիքի՝ բառապաշարի, կամ օրինաչափությունների տիրապետումը, առանց հաղորդակցական կարողունակությունների, ցանկալի արդյունք չէ, քանի որ լեզվական նյութը ծառայում է հաղորդակցության գերնպատակին,
Ծրագրային նյութն ընտրված է այնպես, որ նպաստի սովորողների
հետաքրքրությունների խթանմանը, ձևավորի այս կամ այն երևույթի վերաբերյալ սեփական կարծիքն արտահայտելու և հիմնավորելու մշակույթ:
Ծրագիրը նախատեսում է լեզվի հաղորդակցական ուսուցում՝
հնարավորինս զերծ մնալով լեզվի դասավանդման քերականական և թարգմանության մեթոդներից։ Դասընթացը նախատեսում է անդրադարձ լեզվին բնորոշ արտասանական և առոգանական առանձնահատկություններին աութենտիկ խոսքին հաղորդակից դառնալու միջոցով։