Implikasyon

Batay sa resulta at konklusyon na binuo mula sa pag-aaral, ang mga sumusunod

ay mga implikasyong binuo para sa teorya at pagsasanay.

Ang resulta ng pag-aaral na ito ay nagdala ng kaukulang implikasyon sa mga

guro sa paggamit ng ilang social media sites sa pagtuturo. Ipinapakita ng pag-aaral na

ito batay sa mga tugon ng mga guro na walang gaanong hamon sa pagtuturo gamit

ang ilang social media sites. Hindi magiging hamon sa mga guro ang pagtuturo gamit

ang ilang social media sites kung sila ay may kaalaman sa paggamit ng mga ito at kung

tinutulungan nila ang kanilang mga sarili na hindi manibago sa bagong paraan ng

pagtuturo.

Ang pag-aaral na ito ay mahalaga upang mabatid ng mga guro ang kailangan

nilang gawin upang maging makabuluhan ang kanilang pagtuturo gamit ang ilang social

media sites.

Para sa teorya, may ilang implikasyong nabuo ang mga mananaliksik mula sa

kinalabasan ng pag-aaral.

Ang teoryang konstruktivismo ay angkop na teorya sa pag-aaral ng mga hamon

ng mga guro sa pagtuturo gamit ang ilang social media sites dahil sa teoryang ito

pinapayagan silang gumawa ng iba’t ibang paraan ng paglutas ng mga problema o

pagtugon sa mga hamon na kanilang hinaharap.