Matuwid silang nakatayo habang nakikinig sa tagapamuno, habang ang mga pawis ay tumutulo. Nakakamangha ang kanilang taglay na galling at alisto. Isang saludo sa inyo!
Muling nanumbalik ang saya sa mata ng mga estudyante
ng Libudon National High School nang malamang may gaganaping pagsasanay tungkol sa mga estudyante na interesadong sumali sa Senior’s Scout. Lahat ng guro sa bawat baiting ay inihayag ang gaganaping pagsasanay. Maraming ni rekluta ang iba pang mga mag-aaral, at ika nila’y ito ay masaya at mapaghamon.
May 8, 2023 nang sinimulan nila ang pag-iinsayo, at ito
ay pinamumunuan ni Renan Nunez bilang isang kumander ng mga tagamanman. Ito rin ay nasa ilalim ng kamay ni Sir Christian Consigna, bilang isang guro at tagapamuno ng pampa-aralang tagamanman. Umabot ng 105 na mga estudyante ang sumubok na sumali sa ginawang pagsasanay. Marami ang nag sabing mahirap ito at hindi madali sa gayon marami ring nag sabing masaya ito. Pero sa dinami-daming sumubok, hindi lahat ay nakalagpas. Maraming sumuko dahil napagod, marami rin ang hindi kayang tustusan ang pambili ng uniform, at iba pa.
Noon ay mayroong 105 na mga estudyante ang nais na
sumali, subalit 77 na mga estudyante na lang ang natira sa ngayon. Kabilang na rito ang pangalawang kumander, platon leaders, at walong pinuno sa bawat pangkat.
Ang pagsasanay na ito ay lubos na binigyang diin ng
paaralan. Isang itong paghahanda para sa gaganaping Jamboree sa darating na Hunyo 2023. Bago magsi-uwian ay palaging nagsasanay ang mga tagamanman na nanggagaling sa iba’t-ibang baitang. Mula baitang 7 hanggang baitang 12 ang kwalipikadong maging tagamanman. Ma babae man, bakla, tomboy o lalaki. Walang pinipiling anyo, basta’t mabait, masipag, at marespeto ay sapat na upang maging isang tagamanman. Hindi man madali sa kanila ang gawaing ito, tungkulin pa rin nilang pagsilbihan at protektahan ang paaralan. Ang mga tagamanman sa Libudon National High School ay kilala bilang marespeto, masipag, aktibo, matulungin at magaling. Kaya nga ang kanilang motto ay “Laging Handa”. Palagi silang handa sa lahat ng bagay, lalo na kapag may nangangailangan ng tulong.
Isa. Dalawa. Tatlo… Handa na!
Matuwid a ring nakatayo, maraming pawis ang tumutulo. Pero ang pagod ngayon, alam mong pinaghirapan mo. Hanggang ngayon, nakakamangha pa rin ang galing at alisto. At sa wakas napatunayan mo ring handa kang magsakripisyo para sa paaralang ito. Isang saludo sa inyo!