Sa ating school president, Atty. Sison, sa ating punong guro, Dr. Paulino T.

Gureng, sa
ating mga sisters, Mother Divine, sa ating bisita ngayong araw, Mam Marivic Leano, sa ating
mga guro, ating mga pinakamamahal na mga magulang, kapamilya, at sa ating lahat na gra-
graduate ngayong taon, isang magandang umaga po sa inyong lahat.

Ako po si Nikki Joy Moscardon, mula sa ika-anim na baiting. Ikinagagalak ko po na

ako’y nabigyan ng pagkakataon na makapaghatid ng aking labis labis na kasiyahan sa
pamamagitan ng aking mensahe.

Isa pong napakahalagang araw ito para sa akin, sa mga kamag-aral ko, sa aking mga
magulang, sa lahat ng magulang na narito ngayon at lalo na din po sa aking mga guro na
hindi nagsawang nagturo upang matuto kami at makatuntong ngayon sa entablado.

Bago po ang lahat. Nais kong magpasalamat sa Diyos na ako, tayo ay nakapagtapos sa
araw na ito, na kahit nakaranas tayo ng pandemya hindi tumigil ang MSFI upang patuloy na
ipaabot ang de kalidad na edukasyon sa pamamagitan ng “Modular Modality at On line
Classes Napakalaking kasiyahan ang nadama naming ng manumbalik ang “Face to Face
Classes” dahil nakita at nakasama po namin ang mga classmates, kaibigan lalong lalo na po
ang aming mga guro. Sa F2F lalo po naming naipakita ang aming kagalingan sa klase at
maaayos na nalbabahagi namin ang aming mga ideya at talento.

Isang malugod na pasasalamat sa aking mga magulang na tumulong sa akin sa buong

paglalakbay na ito. Ang inyong pagmamahal, gabay, at mga sakripisyo ang nagpatupad ng
araw na ito. Pinahahalagahan ko na kayo’y palaging nandyan, sumusuporta at nagtuturo sa
amin ng mga mahahalagang aral sa buhay.

Gayundin sa lahat ng mga guro, lalong lalo na po sa aming pinakamamahal na adviser

na si Ms. Alyssa Camille De Leon, maraming salamat po sa walang sawang pagtuturo sa
amin para lang may matutunan po kami lalong lalo na po nung pandemya, sa matiyagang
paggagawa ng mga modules maraming salamat po sa inyong lahat. Mahalaga na intindihin
natin natin ang papel ng ating mga magulang at guro. Sila ang nagbigay sa atin ng gabay,
suporta at pagkalinga upang lahat tayo ay matupad ang pangarap sa buhay.

Ako po ay nagsimulang mag-aral dito sa Makabata noong ako po ay nasa ika-unang

baitang, unang pasukan palang ay di nako nag alinlangang makisali sa aking mga kaklase at
maging aktibo sa mga diskusyon sa klase at dito ako nakabuo ng panghabambuhay na mga
kaibigan, Ngunit dumating ang COVID-19 at maraming naapektuhan, kabilang na ang
edukasyon, ngunit di tayo nawalan ng pag-asa, gumawa ng paraan ang Deped at ang MSFI
upang maipagpatuloy ang pag-aaral sa pamamagitan ng modular modality, at ngayon tayo
na ay nasa face to face classes na.

Huwag natin kalimutan ang papel natin bilang mga kabataan. Pinagsumikapan nating
magkaisa sa kabila ng mga pagsubok, nabuo tayo bilang mas matatag at makadiyos na
indibidual.

Ngayon sa aking mga kaklase, tapos na natin ang elementarya at tayo ay mapupunta
na sa bagong kabanata, ang sekondarya. Sa ating pagpasok sa sekondarya, tayo ay umasa sa
marami pang mga karangalan at kasiyahan na darating

At pa PARA ra naman sa ating lahat na nagtapos ngayong araw na ito, habang

naglalakbay tayo patungo sa hinaharap, hinihikayat ko kayong manatiling punong-puno ng
pangarap, determinasyon, at pagiging matatag sa kabila ng mga hamon ng buhay. Dalhin
ang mga aral na ating natutunan. Itaguyod natin ang edukasyon, yakapin ang pagkaunawa,
at magsumikap para sa kahusayan sa lahat ng ating mga ginagawa. Patuloy nating
pagbutihin ang ating mga gawain, mag-aral nang mabuti, at sundin ang ating mga pangarap
upang maabot ang ating nais sa buhay. Gawin nating pundasyon ang tagumpay na ito para
sa ating kinabukasan.

Sa pagtatapos, gusto ko sanang iparating ang aking taos-pusong pasasalamat sa

inyong lahat. Napakaligaya kong maging isang valedictorian, ngunit hindi ko magagawa ito
nang nag-iisa. Lahat tayo ay mayroong espesyal na tungkulin sa buhay ng bawat isa. Nawa’y
patuloy tayong magkaisa sa paglago sa ating mga pangarap hanggang sa dumating ang
magandang bukas.

Bago ko po tapusin ang aking mensahe, nais ko pong ipahatid sa lahat na……

“SA MGA BATANG KATULAD KO, ANG KAHIRAPAN AY HINDI HADLANG UPANG
MAKAMIT NATIN ANG ATING PANGARAP SA BUHAY.” MAGTIYAGA, MAGSIKAP AT
MAGTAGUMPAY.

KASIHAN NAWA TAYO NG POONG MAYKAPAL!!

Maraming salamat po.