Sa ating mabait na tagamasid pampurok,__________________,sa
ang ating panauhing tagapagsalita,mga magulang,mga guro,
kaibigan at mga kamag-aral,isang matagumpay na araw sa inyong lahat!
Ang pagpasok sa paaralan ay nangangahulugang mula Lunes
hanggang Biyernes ,idagdag na rin natin ang sabado para sa general sciences. kailangan nating gumising ng maaga para sa pang alas syeteng lectyur. Naalala ko pa noon ,nakakuha pa ako ng perfect attendance kahit lagi akong late.Naranasan kong magcutting class makapanood lang netflix .Gayunpaman, sa pagpasok sa paaralan higit kong nakita ang pangangailan na makapagaral para sa ating bayan.
At dahil higit kong minatamis ang pakinabang ng pag-
aaral,akoy nagpunyat ngunit nanatili, bumagsak ngunit nagpunyagi at ngayo’y magtatapos na. Sa aking paglampas sa isang nakaraan ako’y hahakbang patungo sa kinabukasan, sapagkat ang pagtatapos kong ito’y isang bagong simula sa aking pagtahak sa landas ng patuloy pang pag-aaral sa medical school.Isang mahaba at matagal pang pagaaral. Sa aking pananaw, mas higit na mahahasa ang ating murang isipan upang labanan ang kamangmangang nagdudulot ng kahirapan at pagbutihan ang anumang pagbabagong magaganap sa ating lipunan. Huwag nating akalaing makakapagpabaya tayo sa ating pagaaral at kinabukasan ay maaring na tayong makapaglingkod sa bayan. Mapapanday at mahuhubog ang ating pagkatao mula sa talinong taglay na nilinang ng mga gintong araw natin sa paaralan. Kaalamang inimbak at pinagyabong ng mga taong higit na nagsanay sa iba’tibang larangang may kinalaman sa edukasyon. Tayo ang mangunguna sa pagtatatag ng isang makabagong lipunang aangkop sa kabutihan ng lahat ng mga Pilipino tungo sa pag-unlad.
Lubha akong mapalad kasama kayong lahat na magsisipagtapos
sa araw na ito. Naikintal sa ating puso at isip ang mga mahahalagang kaalaman at kasanayang maghahanda sa ating higit pang huhubog at pagkatuto. Mapalad ang ating mga magulang at kapamilya dahil tayo ay kasama sa mga nagtagumpay sa pagsulong sa maraming taon ng tiyaga at pagtitiis sa paaralan.
Mapalad ang lipunan sapagka’t sa kanya’y daragdag tayo
bilang mga bagong mamamayang may malasakit at may pakinabang.Dahil diyan ay papalaring lubos ang bansa na magkakaroon ng mga edukadong indibidwal na maglilingkod sa pamahalaan at mga pribadong institusyon.
Sa pamamgitan ng edukasyong aking tinanggap tulong at gabay
ng lahat na naging bahagi ng aking buhay bilang mag-aaral ng institusyong ito, ako’y nakarating sa tugatog ng aking tagumpay at nagkamit ng papuring sa hinawa ko ay higit na dapat kong igawad sa inyo. Dahil diyan, ang lahat ng bunga ng mga taon ng aking pagsisikap bilang mag-aaral ay sa inyo ko rin iniaalay at lubos ko ring ibinabahagi ang karangalang ito sa aking mga magulang.Talino at pangalan nating taglay ay nakaukit na at patuloy na lilikha ng magandang halimbawa sa lahat! Muli, magandang araw!