PETA PARA SA

ASIGNATURANG FILIPINO

Ipinasa ni Karlenne Raiza Batalla

Ipinasa kay Bb. Jannilyn D. Tonedo, LPT
9 - Talisay
 Mga Tagak

Ang "Mga Tagak" ni Hwang Sun-won ay isang maikling kwento na nabuo sa gitna ng
Digmaang Koreano. Ang kwento ay emosyonal na paglalakbay ng mag-asawang sina Tok-chae
at ang kanyang asawa. Sila ay naghiwalay sa gitna ng kaguluhan. Pero bago maghiwalay,
nagkasundo sila na magkita sa ilalim ng lilim ng isang puno ng pino kapag natapos na ang
digmaan. Maraming taon ang dumaan ngunit hindi sila nagkatagpo. Bumalik si Tok-chae sa
kanyang bayan at natuklasan na namatay na ang kanyang asawa. Inilarawan sa kwento ang
malalim na epekto ng digmaan sa mga personal na relasyon. Ang paghihiwalay ng mag-asawa ay
naging halimbawa ng malalim at malawak na epekto ng kaguluhan sa isang lipunan.

Sa kwento, ang simbolismo ng mga grano, ay ang pinaimportante. May pinaniniwalaang

iisa lang ang kanilang kapares sa buong buhay ayon sa mitolohiyang Koreano. Ang mga grano
ay sumisimbolo ng matatag na pagmamahalan ng mag-asawa. Ang paghihiwalay ni Tok-Chae at
ng asawa nito ay nagpapakita ng matindi at hindi maibabalik na epekto ng digmaan. Ang
paglalakbay ni Tok-chae ay naging metapora ng tao sa gitna ng kaguluhan. Ang matinding
kinaharap niya ay ang emosyonal na pagod, hindi lamang pagkawala ng kanyang asawa kundi
pati na rin ang pangarap ng kanilang ipinangako na pagkikita. Maayos na inilatag ng awtor ang
mga temang pag-ibig, pagkawala, at ang hindi malilimutang mga bakas ng digmaan, na lumikha
ng isang makabagbag-damdaming at mapanuring pagsusuri ng karanasan ng tao sa panahon ng
kaguluhan.

Ang “Mga Tagak" ay isang akada na makakapag bukas ng isipan sa malawak na epekto
ng digmaan. Sa matapang na pamamahayag ng kwento ni Hwang Sun-won, mahusay niyang
inilarawan ang kahalagahan ng pamilya at ang mga pang-matagalang epekto ng digmaan.
Si Madam Aoi

Ang kwentong "Si Madam Aoi" ay naglalahad ng masalimuot na relasyon sa pagitan nina
Rokujō-no-Miyasudokoro at Hikaru Genji. Sila ay nagbigay-buhay sa kwento na umiikot sat
ema ng pang-aakit, selos, at espiritwal na elemento.

Si Rokujō-no-Miyasudokoro, na isang espiritu, ay nagbigay ng kakaibang dimensyon sa

kwento. Ang kanyang ambisyon at ang paghaharap nila ni Lady Aoi ay nagdala ng tensiyon at
misteryo sa kwento. Ito ang naging sanhi ng pagkakaroon ng komplikasyon sa buhay ni Lady
Aoi. Inilahad sa kwento ang dahilan ng selos na nagpalala sa karamdaman ni Lady Aoi.

Sa kabilang banda, si Hikaru Genji ang asawang ni Lady Aoi, ay naging ahente ng
kaguluhan sa kwento. Ang kanyang reaksyon at talino sa pagunawa sa mga pangyayari ay
nagbibigay ng pananaw sa kanyang karakter at nagpapakita ng kanyang kahinaan at kakulangan
bilang asawa. Ang pagsusuri sa kanyang bahagi ay naglarawan ng mga matitinding emosyon at
ang pagsisikap na maunawaan ang mga pangyayari ay nagbibigay ng kahulugan sa kanyang
karakter.

Ang interaksyon ng dalawang karakter na ito ay ang naglikha ng magulong landas ng

kwento. Ito din ang nagbigay ng makulay na tema ng pag-ibig, selos, at espiritwal na elemento.
Ang madamdaming aspeto na ito ng kwento ay pinalalim ng kanilang ugnayan sa pamamagitan
ng mga pagkilos at damdamin ng bawat isa sa masalimuot na sitwasyon.
Ang Mangmang na Matandang Lalaki na Nagpatag ng mga Bundok

Ang Mangmang na Matandang Lalaki na Nagpatag ng mga Bundok ay isang kilalang

kwentong. Ang kwento ay naglalarawan ng kapangyarihan ng pagtitiyaga at kolektibong
determinasyon. Sa kwento, isang matandang lalaki, na naharap sa dalawang humarang bundok sa
kanyang daanan. Dito nagsimula ng ambisyosong proyektong alisin ang mga bundok na harang.
Maraming kinaharap na pang-aalipusta at pang-uuyam ang matandang lalaki mula sa iba na nag-
aakalang imposible ang Gawain. Ngunit nananatili ang matandang lalaki na matatag. Naniwala
siya na sa pamamagitan ng matibay na determinasyon at patuloy na pagsisikap, maaaring
mapatag niya ang mga bundok. Ang kuwento na ito ay naglalarawan ng kahalagahan ng
pagtitiyaga sa harap ng tila hindi malampasanang mga hamon.