Globalisasyon – Hadlang sa Intelektuwalisasyon

ng Wikang Filipino?

Ang wikang Fillipino ay ginagamit sa pang araw-araw na pamumuhay ng mga

modernong Pilipino. Ito ay unti-unting nababago gawa ng pag-unlad ng bansa at ang
pagkakaiba-iba ng kultura ng mga modernong Pilipino. Sa ngayon, ang kahalagahan ng
wika ay nananatili pa rin. Ginagamit pa rin ito sa pormal at impormal na pananalita,
depende sa kung ito ay naaayon sa lugar at konteksto. Gayunpaman, hindi rin
maikakaila na mas pinahahalagahan ang wikang Ingles sa mga pormal na konteksto ng
paggamit ng wika dahil sa pag-usbong ng Globalisasyon.

Ano nga ba ang Globalisasyon at paano ito nakakaapekto sa Intelektuwalisasyon

ng Wikang Filipino?

Ayon sa Wikipedia, ang globalisasyon ay isang pandaigdigang sistema na

naglalarawan sa pakikipag-ugnayan at mga pagbabagong nagbubuklod-buklod sa mga
tao, kompanya, gobyerno, at bansa sa buong mundo. Tumutukoy rin ito sa paraan ng
pagdaloy ng impormasyon, produkto serbisyo at kapital sa pagitan ng pandaigdigang
lipunan. Sa ganitong paraan, kumakalat at naging global ang mga lokal o pambansang
mga gawi. Ang globalisasyon ay maaaring tumutukoy sa mga larangan ng ekonomiya,
at kalakalan, teknolohiya, politika, kalinangan, o kultura. Isang paraan upang
mapalaganap ang globalisasyon ay sa pamamagitan ng isang unibersal na wikang
maaaring gamitin sa tuwing may transaksyon o negosasyon ang dalawang tao o grupo
na nagkakaiba ang nasyonalidad at kultura.

Ang globalisasyon din ay naaapektohan ng inflation dahil sa iba’t ibang

patakaran at istratehiyang ekonomikal ng mga bansa. Dahil dito, mas maraming mga
Pilipino ang pinili na maghanap ng trabahong naaayon sa mga pamantayan ng
globalisasyon, sapagkat mas malaki ang kikitain nila kesa sa mga trabahong hindi
sakop ng global na kalkal tulad ng mga panggobyernong trabaho at lokal na agrikultura.
Kalakip ng mga pahayag na ito, maoobserbahan rin natin na naimpluwensyahan ang
wikang inuuna nating gamitin sa pang araw-araw na pamumuhay. Kung dati ay tanging
Filipino lang ang ginagamit natin sa pangangalakal, ngayon ay mas ginagamit na natin
ang wikang Ingles dahil gusto nating makipagsabayan sa internasyonal na ekonpomiya,
at makikita naman natin na dapat lang na hindi tayo mahuhuli sa progreso.

Bagama’t masasabi natin na mahalaga ang pagkolekta ng malaking kapital at

ang pagunlad ng ekonomiya ng bansa, may mga kawalan rin na naging resulta ng pag-
usbong ng globalisasyon sa Pilipinas. Isa na rito ang hindi pag-unlad ng wikang Filipino
na pinagtatalunang mahalaga na ito ay magiging intelektuwalisado. Hindi na tayo
nasanay sa pormal na paggamit sa wikang Filipino dahil mas ginagamit na natin ang
wikang Ingles, at kung gagamit man tayo ng wikang Filipino, hindi natin maiiwasang
angkopan ng mga salitang Ingles na hindi natin magawang isalin sa sariling wika dahil
walang katumbas na salita ang mga ito sa Filipino. Kapalit ng praktikal na pananaw sa
pamumuhay, unti-unting nawawala ang purong wika at kultura nating mga Pilipino, at sa
halip ay pinagsama natin ang banyagang kultura ng Pilipino at mga banyagang kultura
– ito ang modernong Pilipino.

Paano nga ba natin magagawang intelektuwalisado ang wikang Filipino?

May iba’t – ibang paraan upang ating mapaunlad ang sariling wika at tuluyang
maisakatuparan ang intelektuwalisasyon ng wikang Filipino. Isa na rito ang
pagimplementa ng mga asignaturang may layunin sa intelektuwalisasyon, sa antas ng
elemtarya hanggang sa sekondaryang edukasyon. Kung ating ididiin ang kahalagahan
ng edukasyon at ang kahalagahan ng wikang Filipino sa larangan ng akademika,
siguradong mapapaunlad natin ang ating wika. Maari ring itatag natin sa mga sektor ng
gobyerno ang pormal na paggamit ng wikang Filipino.

Bilang pagwawakas, makikita natin na kailangang isakatuparan ang

intelektwalisasyon ng wikang Filipino, sapagkat ito ay may malaking epekto sa buhay
ng mga mamamayang Pilipino. Importanteng mapanatili natin ang ating kultura at ang
paggamit ng sariling wika natin ay nagsisimbolo na mayroon tayong kasarinlan at hindi
tayo hawak ng ibang bansa. Subalit, kailangan rin nating iayon sa praktikal na paraan
dahil ibang kwento na kapag sa totoong buhay. Sa aktuwal na sitwasyon, hindi natin
madalas na magagamit ang pormal na pananalita, lalo na’t dahil sa globalisasyon, mas
kadalasan nating nagagamit ang wikang Ingles dahil kailangan nating makipagsabayan
sa ibang bansa at sa global na kalakalan. Aasahan nating magkikita ang dalawang
parte ng dilemang ito sa kalagitnaan at may maiisip na mas malinaw at praktikal na
solusyon sa intelektwalisasyon ng wikang Filipino.

Sanggunian:

ECB Economic Bulletin, (2021).

https://www.imf.org/en/Publications/fandd/issues/Series/Back-to-
Basics/Inflation#:~:text=In%20an%20inflationary%20environment%2C%2
0unevenly,payers%20of%20fixed%20interest%20rates.

Wikipedia, (2022). https://tl.m.wikipedia.org/wiki/Globalisasyon

A.J.Liddicoat & Bryant P. (2010). Intellectualisation: A Current Issue in Language

Planning
https://www.tandfonline.com/doi/abs/10.1080/14664200208668033?journa
lCode =rclp20#:~:text=The%20intellectualisation%20of%20a
%20language,at%2 0various%20levels%20of%20education