Ikalawang Markahan – Modyul 5 Sitwasyong Pangwika sa Panahon ng Modernisasyon Ano nga ba ang kalagayan ng ating wika ng wikang pambansa sa modernong panahon natin sa kasalukuyan? Kung titignan natin sa dami ng mga pagbabago sa ating kapaligiran paano na nga ba ang nagiging katayuan at kalagayan ng ating wika? Na maging larangan ng ating sitwasyong pangwika dito sa panahon ng modernisasyon masasabi natin ang kasabihang walang permanente maliban sa pagbabago. Filipino ang ating nakasanayan at nalinang na wika at ating patuloy na ginagamit bilang pangunahing instrumento sa pakikipag-ugnayan ng mga filipino pero sa panahon natin ngayon marami nang pagbabago. Marami nang nag iba katulad na lamang sa pag-usbong ng mga call center ay may iba pang bahaging teknolohiya ng ating bayan. At kaalinsabay pagbabagong yan nagkakaroon din ng iba’t ibang T pangangailangan, naroong tumataas ang pangangailangan ng higit lalo sa paggamit at paglinang ng ating kasanayan sa paggamit ng wikang dayuhan. Tulad ng wikang Ingles at maaaring ito ay nagiging dahilan para pabayaan o hindi na linangin ang sarili nating kasanayan para sa sarili nating wika na wikang Filipino. Pero bagamat nagkakaroon mga pagbabago at walang permanente maliban sa pagbabago dapat patuloy at isinasabay din natin sa pagbabago ang ating wikang Filipino. Nagbabago ang paligid at mga pangangailangan pero wag nating kalimutan ang una nating instrumento sa pakikipag-ugnayan ay ang ating unang wikang natutunan kung alin ang wikang Filipino. IMPLUWENSIYA NG MASS MEDIA AT TEKNOLOHIYA
Kapag pinag-uusapan natin ang
sitwasyong pangwika sa panahon ng modernisasyon hindi natin agad maihiwalay yung usapin ukol sa mass medya at teknolohiya. Marami ang nagaganap na pagbabago sa kasalukuyan lalo na sa larangan ng ating teknolohiya at kaakibat ng mga teknolohiyang ito at gayundin ang kabatiran kung saan nagmula ang mass midya ito ay mula sa konsepto at imbensyon ng ibang bansa at kaakibat ng pagdadala ng teknolohiya sa ating bansa. Ilang mga teknikal na salita mula sa kanilang wika at itong mga salitang ito ay nagiging bahagi ng ating pang-araw-araw na pagsasalita at pakikipag-ugnayan isa yan sa mga nagiging impluwensya sa ating sitwasyong pangwika ng wikang Filipino sa panahon ng modernisasyon. Kaya’t nagpapatuloy nagkakaroon ng modernisasyon umuunlad ang ating paligid dapat isabay din natin ang pag- unlad ng ating wika bagamat ito ay may kaakibat na paggamit ng ibang wika. Wag nating kalimutan na gamitin pa rin ang ating wika. Ang telebisyon, radyo, dyaryo, internet ay ilan lamang yan sa instrumento dapat isaisip natin ang mass medya. At ang ating teknolohiya ay nagiging instrumento natin para magkaroon ng mas mabuting pakikipag-ugnayan o pakikipag komunikasyon. Wag natin hayaan na hilahin tayo pababa nito o hilain ang wika natin pababa nito bagkus isabay natin sa paglinang ang ating wikang pambansa. Bagama’t maraming wika o salita ang naghahalo-halo na dahil sa pakikipagkomunikasyon dahil din sa teknolohiya tayo bilang mga Pilipino, tayo bilang mga mag-aaral ay maging mapagmasid sa tamang paggamit ng wikang Filipino. At iiwasan kung hindi kinakailangan ang code switching lalo na kung ano ang antas ng paggamit kung ito ba ay pormal o di pormal na paggamit ng wika bagama’t tayo ay kabilang sa panahon ng modernisasyon. Nasa ating kamay ang pagpapanatili at ang kalagayan ng ikabubuting ating wikang Filipino. Nariyan ang ating wikang pambansa, nasa sa atin na lamang para ito ay panatilihin payabungin, palaguin, at paunlarin pa, tayo ang magpapanatili nito sa pamamagitan ng patuloy na paggamit. Gamitin natin nang wasto, angkop at batay sa pangangailangan din sa bawat sitwasyon. Kaya nga na pag-aaralan natin yung iba’t ibang sitwasyon pangwika ng wikang Filipino hanggang sa kasunod na henerasyon. Maraming salamat sa inyong pakikinig👍🏿