ULAT NG PUNONGGURO

State of the School Address

Pagtanaw
Ang Sapang Palay Proper, isang yaman ng kasaysayan at kultura, ay lubos
na itinutok sa pagsasanay ng DepEd Matatag Kurikulum at Ukit Marangal. Sa
pagtutok sa kahalagahan ng edukasyon at pagpapahalaga sa sariling kultura,
binibigyang diin ng bayang ito ang pangangailangan ng masusing pag-unlad sa
bawat aspeto ng pambansang edukasyon.

DepEd Matatag Kurikulum: Ang Gabay sa Pagsasanay

Sa implementasyon ng DepEd Matatag Kurikulum, ang Sapang Palay Proper
ay naglalayong maging bahagi ng pangunahing kilusan sa pagpapaunlad ng mga
kakayahan at kaalaman ng mga mag-aaral. Ang paggamit ng makabagong
pamamaraan sa pagtuturo, tulad ng integrasyon ng teknolohiya, ay nagiging
instrumento para sa pagpapalawak ng kaalaman ng mga mag-aaral hinggil sa
kanilang sariling kultura.

Ang DepEd Matatag Kurikulum ay nagbibigay diin din sa pagpapalawak ng

pag-unawa sa iba't ibang aspeto ng lipunan. Ang Sapang Palay Proper, na
mayaman sa kasaysayan at tradisyon, ay nagbibigay ng sariwang konteksto at
halaga sa mga aralin tungkol sa lokal na kasaysayan at kultura, naglalaman ng mga
module at gawain na naglalayong palawakin ang kamalayan ng mga mag-aaral.

Ukit Marangal: Pagpapahalaga sa Kultura at Tradisyon

Bilang bahagi ng Ukit Marangal, ang Sapang Palay Proper ay nagtataguyod
ng pagpapahalaga sa sariling kultura at pagpapakita ng dignidad sa bawat bahagi
ng komunidad. Ang mga guro, bilang mga ukit marangal, ay itinuturo sa mga mag-
aaral ang halaga ng pagpapahalaga sa kasaysayan at kultura upang mapalawak ang
kanilang pang-unawa sa kanilang sariling pinagmulan.
Sa tulong ng Ukit Marangal, ang mga guro ay nagiging tagapamuno sa
pagpapahalaga sa tradisyon. Ang mga lokal na gawain, pista, at ritwal ay kinikilala
bilang mahalagang bahagi ng edukasyon at nagsisilbing inspirasyon sa mga mag-
aaral na maging masigla sa pagsasanay.
Pagpapakita ng Sapang Palay Proper: The Rising Heritage sa Kurikulum
 Lokal na Kasaysayan at Tradisyon: Ang bawat guro ay inaasahan na
maglaan ng oras sa pagtuturo ng lokal na kasaysayan at tradisyon, isinasama
ang mga ito sa pang-araw-araw na gawain at aralin.
 Pakikipagtulungan sa Komunidad: Ang mga guro, kasama ang mga mag-
aaral, ay inaasahan na makilahok sa iba't ibang aktibidad sa komunidad,
tulad ng pag-organisa ng pista at iba pang tradisyunal na gawain.
 Paggamit ng Teknolohiya: Ang pag-integrate ng teknolohiya sa pagtuturo,
lalo na sa pagsusuri ng lokal na kasaysayan at kultura, ay nagbibigay daan sa
mas mabilis at mas epektibong pag-unawa ng mga mag-aaral.
 Pagtuturo ng Pagpapahalaga: Ang mga guro ay inaasahan na maging
huwaran sa pagpapahalaga sa sariling kultura at pagpapakita ng respeto sa
iba't ibang tradisyon.

Sa pagsasanay ng DepEd Matatag Kurikulum at Ukit Marangal, ang Sapang

Palay Proper ay patuloy na nagsusulong ng pag-usbong ng kanilang herensya. Ang
pagbibigay diin sa edukasyon at pagpapahalaga sa sariling kultura ay naglilinang
ng mga mag-aaral na may malalim na pag-unawa at pagmamahal sa kanilang
bayan. Ang Sapang Palay Proper: The Rising Heritage ay patunay na ang
pagpapahalaga sa kasaysayan at kultura ay susi sa tunay na kaunlaran at pag-unlad
ng isang komunidad.

Sapagkat ang bawat SPPESIan na nagtapos, nagtatapos, at magtatapos pa ay

isang PAMANA, isang yamang lakas pangtaon, isang mahalagang salik ap ag-
unlad ng ating pamayanan.

Ulat ng Punongguro: School of the State Address (SOSA)

Kaya naman mga minamahal na mag-aaral, guro, kawani, at mga magulang

at mga panauhin. Ako po si G. Christopher B. Albino, ang inyong Punongguro, at
nais ko sanang ibahagi sa inyo ang ilang mahahalagang pangyayari sa ating
paaralan mula Agosto 8, 2023, hanggang sa kasalukuyang petsa, Nobyembre 17,
2023, sa ating School of the State Address o SOSA (Para sa Unang Markahan)
 Unang-una, ako ay nagagalak na ipaalam sa inyo na mas dumami tayo
ngayong taon. Noong nakaraang Taong Panuruan, mayroon tayong 1,205 na mag-
aaral, ngunit ngayon, umabot na tayo sa 1,290, isang pag-akyat na nang 7%. Ito ay
nagpapakita ng patuloy nating pag-unlad at paglago bilang isang institusyon ng
edukasyon.
Sa ating mga guro, masayang ipaalam sa inyo na tayo ay mayroon nang 31
na mga Gurong Tagapayo at Isang Subject Teacher. Bagamat may dalawang guro
ang nagretiro at isa ang nag-resign, masigla pa rin ang ating hanay sa pagtuturo.
May mga guro rin tayong na-promote: isang Master Teacher I, isang Teacher 3, at
isang Teacher I.
Sa larangan ng karangalan, itinanghal natin ang ating paaralan bilang
nagwaging Matatag School sa Brigada Eskwela, sa tulong ng mga dedikadong
guro at mga volunteers tulad nina Gng. April Joy Olayres at Gng Mary Grace
Talay Chavez. Sa larangan naman ng sports, nag-uwi tayo ng ilang karangalan sa
ilalim ng Project DESS, sa pamumuno ni Gng. Desirre Ellen at mga coaches na
sina Sir Benedicto Antonio, Sir JC Karganilla, at Mam Eliza Merzan.
Hindi rin tayo nagpabaya sa pagpapalaganap ng karunungan sa ilalim ng
ating kurikulum. Ipinagmamalaki natin ang Wandering Minds ng mga Wondering
SPPESialist, kung saan nakaranas ang ating mga mag-aaral ng hands-on
experience sa asignaturang Science. Bilang bahagi ng programa ng The Reading
SPPESialist, idinaos natin ang Buwan ng Pagbasa sa pangunguna ni Gng. Virginia
Venancio.
Bilang suporta sa pagpapataas ng kalidad ng ating kurikulum, isinagawa
natin ang Let's do the MATH Talk, isang adbokasiya para sa pagtuturo ng
numerasiya sa kakaibang at kawili-wiling paraan sa ilalim ng Bawat Batang
SPPESians ay Sanay sa Kwentahan, sa pamumuno ni Gng. Mary Jane T. Guerrero.
Sa aspeto ng seguridad, naging mas epektibo tayo sa pagbibigay ng
proteksyon sa ating mga mag-aaral. Inilabas natin ang mga Fetcher's ID para
masiguro ang kanilang kaligtasan laban sa masamang elemento.
At huli, ngunit hindi kahuli-hulihan, itinanghal ang inyong lingkod bilang
Outstanding School Head o Gawad Patnugot sa Rehiyon III. Ito ay isang
karangalan para sa ating paaralan at nagpapakita ng dedikasyon ng buong
komunidad sa pagbibigay ng dekalidad na edukasyon sa ating mga mag-aaral.
Sa ganitong kaunlaran at pag-unlad, nawa'y patuloy nating sama-samang
pagtuunan ng pansin ang pangangailangan ng ating paaralan at magkaroon ng mas
matagumpay na taon ng pag-aaral. Maraming salamat po sa inyong masigla at
patuloy na suporta. Kayo po ay isang Pamana! Mabuhay ang ating Sintang
Paaralan, Sapang Palay Proper Elementary School ! Mabuhay ang bawat
SPPESian! Yaman at Dangal ng Sapang Palay Proper Elementary School.

CHRISTOPHER B. ALBINO
Head Teacher V
Officer-in-Charge