Ayon kay Joel L.

Tan-Torre , ang chairman ng BOA, may kakulangan sa mga Filipino certified public
accountants (CPAs) dahil sa lokal at dayuhang pangangailangan para sa mas maraming propesyonal na
ito. Taun-taon, mayroong 7,500 hanggang 8,000 accountants na sertipikado sa Pilipinas, at karamihan
sa mga CPAs ay nagtatrabaho sa ibang bansa, kabilang ang Middle East at Singapore.

Sa kasalukuyan, mayroong mga 200,000 sertipikadong accountant (CPA) sa taong 2023. Ang mga
kamakailang CPA licensure examinations ay nagdagdag lamang ng ilang libong CPA taun-taon dahil
hindi umaabot sa 25 porsyento ang passing rate

Sa kasalukuyan, maraming accountant ang pumipili na magtrabaho sa ibang bansa o magtrabaho

bilang online accountant para sa mga kompanya sa ibang bansa dahil mas mataas ang sahod at mas
madaling trabaho. Ang pandaigdigang kakulangan ng mga accountant ay nagpapadali para sa mga
Filipino accountant na makahanap ng mas magandang oportunidad sa ibang lugar. Ang pagkuha ng
kurso sa accounting, at higit pa ang pumasa sa licensure examination, ay hindi madaling gawain.
Mahirap isipin na ang matinding prosesong ito ay, sa karamihan, ay nakakabenepisyo sa ibang bansa
maliban sa ating sarili.

Ang layunin ng proposal na ito ay unawain ang kasalukuyang estado ng propesyon ng pagiging
akawntant sa Pilipinas, kabilang ang mga hamon at oportunidad na kinakaharap ng mga CPA at non-
CPA. Alamin ang mga pangunahing dahilan kung bakit maraming CPA ang pumipili na magtrabaho sa
ibang bansa o sa online, at ang epekto nito sa lokal na merkado. Baguhin ang pangkalahatang
persepsyon sa propesyon ng pagiging akawntant upang ito ay maging mas kaakit-akit sa mga
kabataan at sa mga naghahanap ng karera.

Ang mga layuning ito ay naglalayong tugunan ang mga pangunahing isyu na nagdudulot ng
kakulangan ng mga akawntant sa Pilipinas at magbigay ng direksyon para sa mga hakbang na
maaaring gawin upang mapabuti ang sitwasyon. Sa pamamagitan ng pagtugon sa mga layuning ito,
maaaring mapalakas ang ekonomiya at mapataas ang kalidad ng propesyonal na serbisyo sa
accounting sa bansa.