Camiguin Polytechnic State College

Baitang na Kurso

Iza Fia A. Sagrado

FILDIS Student

Ika-Pito : Wikang Filipino sa Sosyal Medya

Nilalaman

Sa aking paggamit ng social media, kapansin-pansin ang pagbabago sa paggamit

ng wikang Filipino. Maraming kabataan, kasama na ako, ang madalas gumamit ng
halo-halong wika tulad ng beki language at conyo. Nakakaaliw gamitin ang mga ito
dahil moderno at nakakasabay sa uso, pero minsan, naiisip ko rin na baka ito ay
nagiging sanhi ng unti-unting pagkalimot sa tamang gamit ng ating sariling wika.

Karanasan

Araw-araw, nakikita ko sa aking newsfeed sa Facebook at mga tweet ang paggamit

ng Taglish, at kahit sa mga komento, lumalabas ang mga salitang gaya ng "edi wow"
at "trulalu". Nakakatuwa silang basahin at minsan, nakakarelate ako dahil parte na
ito ng kung paano tayo nakikipag-usap araw-araw. Pero may mga oras din na
nagtataka ako kung tama pa ba ang patuloy na paggamit ng mga salitang ito, lalo na
kung isipin na baka hindi na maunawaan ng ibang tao, lalo na ng mga hindi sanay
sa ganitong paraan ng pagsasalita.

Repleksyon:

Sa pagmumuni-muni ko tungkol sa paggamit ng wikang Filipino sa social media,

naisip ko na mahalaga ang pagbabalanse. Mahalaga na maging malikhain sa
paggamit ng wika, pero kailangan din nating isipin na may responsibilidad tayong
pangalagaan ang kalinisan at kagandahan ng ating wika. Bilang kabataan, may
kapangyarihan tayo na hugis ang hinaharap ng Filipino sa pamamagitan ng paraan
ng ating paggamit dito sa social media.

Aplikasyon

Sa hinaharap, gusto kong maging mas maingat at malay sa aking paggamit ng

wikang Filipino sa social media. Sisikapin kong gamitin ito sa paraang
magpapayabong pa lalo sa ating wika. Magpo-post ako ng mga nilalaman na hindi
lang basta uso, kundi yung magtatampok din ng tamang gamit ng wika. Magiging
aktibo rin ako sa pagkokomento at pagtutuwid sa maling gamit ng iba, hindi para
manghusga kundi para tumulong na mapabuti ang kaalaman ng bawat isa sa atin sa
tamang paggamit ng Filipino.

Camiguin Polytechnic State College

Baitang na Kurso

Iza Fia A. Sagrado

FILDIS Student

Ika-walo : Wikang Filipino sa pandaig

Nilalaman

Sa makabagong panahon, ang wikang Filipino ay patuloy na nahaharap sa mga

hamon, kabilang ang maling paggamit nito sa social media at ang pagtangkilik sa
wikang banyaga. Maraming Pilipino, lalo na ang mga kabataan, ang mas pinipiling
gamitin ang Ingles kaysa sa sariling wika, na isang malaking pagsubok sa
pagpapanatili ng kahalagahan ng wikang Filipino.

Karanasan

Bilang estudyante, madalas kong mapansin na mas ginagamit ang Ingles kaysa
Filipino sa paaralan at online platforms. Gayunpaman, sa mga pagkakataong
nakikipag-usap ako gamit ang Filipino, nadarama ko ang yaman at lalim ng ating
wika, na nagbibigay inspirasyon at nagpapalakas ng aking pagmamalaki sa ating
kultura.

Repleksyon

Ang aking repleksyon sa kasalukuyang kalagayan ng wikang Filipino ay

magkahalong pag-asa at pangamba. May pag-asa dahil sa mga pagsisikap na
buhayin at palaganapin ang tamang paggamit ng Filipino, ngunit may pangamba rin
dahil sa impluwensya ng globalisasyon. Kinakailangan ng suporta mula sa
pamahalaan at sektor ng edukasyon upang patuloy na palakasin ang paggamit ng
Filipino.

Aplikasyon

Bilang tugon, nais kong maging aktibo sa paggamit ng Filipino araw-araw. Sa

pamamagitan ng pag-post sa social media gamit ang malinis at maayos na Filipino,
at sa paggamit nito sa paaralan, maaari kong ipakita na ang wikang Filipino ay
mahalagang bahagi ng ating identidad bilang Pilipino.