pananaliksik ang maingat na pagkilala sa pinagmulan ng mga hiniram na idea, datos o impormasyon. Kailangang mabatid at magamit ng mananaliksik ang iba’t ibang paraan ng pagkilala sa mga ginamit na hanguan sa pagsulat ng pamanahong-papel. Ito ang tinatawag na dokumentasyon. Kahalagahan at Tungkulin ng Dokumentasyon Manipestasyon ito ng katapatan ng isang mananaliksik. Nagbibigay ito ng kredibilidad sa mga datos o impormasyon na kaniyang ginamit. Nagiging lubos na kapani-paniwala ang mga datos o impormasyong iyon kung binabanggit ng mananaliksik ang awtor ng akdang kaniyang pinaghanguan. Kahalagahan at Tungkulin ng Dokumentasyon Lubhang mapanganib para sa isang mananaliksik ang pagbabale-wala sa halaga at tungkulin ng dokumentasyon. Ang hindi pagkilala sa pinagmulan ng mga hiram na ideya ay isang uri ng pagnanakaw ng intelektuwal na pag-aari ng iba na sa larangan ng pananaliksik, pamamahayag at literatura ay tinatawag na plagyarismo. Mga Paraan ng Dokumentasyon Dati-rati, footnoting o paggamit ng talababa ang pinakagamiting paraan ng dokumentasyon ng mga mananaliksik. Sa ngayon, mas pinipili na ng marami ang paraang iminungkahi ng A.P.A. o ng M.L.A. American Psychological Association Modern Language Association Ito ang tinatawag na talang-parentetikal (parenthetical citation). ANG A.P.A AT M.L.A. Higit na simple at madaling gawin kaysa footnote. Nagagawa nitong maging tuloy-tuloy ang daloy ng teksto sa pagbabasa. Sa M.L.A. , ang pangalan (apelyido) ng awtor at bilang ng pahina (ng akda kung saan matatagpuan ang ideya, datos o impormasyong hiniram) ang inilalagay sa loob na panaklong o parenthesis. Mga pangkalahatang tuntunin sa paggamit ng A.P.A. Kung nabanggit na ang pangalan ng awtor sa mismong teksto, taon na lamang ng publikasyon ang isulat sa loob ng parenthesis. Hal. Ayon kay Nunan (1977), mahalaga ang pakikinig sa pag-aaral ng dayuhang wika. Ngunit sa pag-aaral ng katutubong wika, binibigyan ng higit na pansin… Mga pangkalahatang tuntunin sa paggamit ng A.P.A. Kung si Nunan ay may ko-awtor (dalawa o higit pa), kailangang may et. al. matapos ang kanyang pangalan at kuwit na naghihiwalay dito, bago ang taon ng publikasyon na nasa loob ng panaklong. Hal. Ayon kina Nunan, et. al. (1977), mahalaga ang pakikinig sa pag-aaral ng dayuhang wika. Ngunit sa pag-aaral ng katutubong wika, binibigyan ng higit … Mga pangkalahatang tuntunin sa paggamit ng A.P.A. Kung hindi nabanggit ang awtor sa mismong teksto, banggitin ito sa hulihan ng pangungusap kasama ang taon ng publikasyon. Paghiwalayin ang dalawang entry sa loob ng panaklong sa pamamagitan ng kuwit (,). Hal. Ang lingua franca ay ang wikang ginagamit ng mga taong may iba’t ibang katutubong wika upang sila’y magkaunawaan (Wardaugh, 1986). Mga pangkalahatang tuntunin sa paggamit ng A.P.A. Kung dalawa ang awtor, banggitin ang apelyido ng dalawa at ang taon ng publikasyon. Hal. Inihayag ng mga guro ng Oral Communication sa Estados Unidos na ang isang tipikal na mag-aaral sa kolehiyo ay pinakukuha ng mga kurso sa pagbasa, pagsulat at pagsasalita, ngunit iilan lamang ang nagkakaroon ng pagkakataong kumuha ng kurso sa pakikinig (Seiler at Beall, 2002). Mga pangkalahatang tuntunin sa paggamit ng A.P.A. Kung tatlo o higit pa ang awtor at hindi nabanggit ang pangunahing awtor sa mismong teksto, banggitin na lamang ang unang awtor sa loob ng panaklong at sundan ng et al. bago ang taon ng publikasyon. Hal. Kaysa panghihiram, mas tumpak na tawaging adapsyon ang “pag-ampon” ng salitang banyaga upang tukuyin ang kaisipang hindi mula sa ating kultura (Nucasa, et al.,2010). Mga pangkalahatang tuntunin sa paggamit ng A.P.A. Kung may babanggiting dalawa o higit pang awtor na pareho ang apelyido, banggitin ang inisyal ng mga awtor bago ang kani-kanilang apelyido at sundan ng taon ng publikasyon. Hal. Ang pananaliksik ay pangangalap ng mga datos sa masinop at kontroladong sitwasyon para sa layunin ng prediksyon at eksplanasyon (E. Trece at J.W. Trece, Jr., 1977). Ayon kina E. Trece at J.W. trece, Jr., (1977), ang pananaliksik ay pangangalap ng mga datos sa masinop at kontroladong… Mga pangkalahatang tuntunin sa paggamit ng A.P.A. Kung pamagat lamang ang available na impormasyon, banggitin ang pinakamaikling bersyon ng pamagat at sundan ng taon ng publikasyon. Ipaloob ang pinaikling pamagat sa panipi o di kaya’y i-italized ang tipo ng font. Hal. Ang mga mag-aaral ay may karapatang maglathala at mamahala ng regular na publikasyon na sumasalamin ng responsableng pamamahayag at ng misyon-bisyon ng Kolehiyo (CSB Student Handbook, 1996). Mga pangkalahatang tuntunin sa paggamit ng A.P.A Kung ang babanggitin ay bahagi ng akdang may higit sa isang volume, banggitin ang bilang ng volume kasunod ng pangalan ng awtor o mga awtor, ngunit tutuldok (:) ang gamiting bantas upang paghiwalayin ang unang entry sa taon ng publikasyon. Hal. Nang sakupin ng Amerika ang Pilipinas, muling ipinahayag ni Mabini ang kanyang paghihimagsik. Isinulat niya ang El Liberal na isang panunuligsa sa mga bagong mananakop (Bernales 4 : 2002). Mga pangkalahatang tuntunin sa paggamit ng A.P.A Kung may babanggiting dalawa o higit pang akda ng iisang awtor, banggitin na lamang ang mga akda at paikliin hangga’t maaari. Ipaloob sa panipi o i- italized ang mga pamagat. Hal. Sa mga aklat ni Bernales (Sining ng Pakikipagtalastasan at Mabisang Komunikasyon ), tinukoy ang mga pangunahin at unibersal na katangian ng wika.