Pangunahin sa mga tungkulin ng guro ang pagtuturo. Ang mahabang oras sa panahon ng guro ay ginugugol sa harap ng klase sa loob ng silid-aralan upang magbigay ng impormasyon, gumigising ng kawilihan ng mga mag-aaral sa paksang tinatalakay, magpaliwanag, makipagtalakayan, magtanong at tumugon sa mga katanungan ng mga mag-aaral. Ang guro ay modelo o huwaran. Ang pagiging uliran o modelo ay isa sa mga 'roles' ng guro. May mga asignaturang higit na mabisang 'maituro' o ' maikintal' sa pamamagitan ng Values Education, higit na maihahawa ng guro ang mag-aaral sa kanyang kabutihang-asal, pagiging modelo ng integridad, moralidad at kabutihang loob. Gayon din naman sa pagtuturo ng mga kasanayan at kakayahan sa Physical Education, sa H.E at iba pang kauring asignatura. Ang guro ay tagapamahala o manedyer.
Nasa mabuting pangangasiwa ng guro ang pagkakaroon ng
episyenteng galaw at mga gawain at pamamahala ng mga gawaing higit na mag dudulot sa mag-aaral ng mga kapaki- pakinabang na karanasan. Kasali sa mabuting pangangasiwa ng guro ang paghahanda ng mabuting banghay-aralin, paghahanda ng pagsusulit, pagbibigay ng grado o marka at iba pa. Naisasagawa ng klase ng mabilis, maayos at hindi nagkakagulo ang mgaroutines, gaya ng pagpasok at paglabas sa silid, pagpasa ng aklat o papel o kagamitan, mga pangkatang gawain at iba pa. Ang guro ay tagapayo at tagapatnubay.
Bagaman at sa malalaking paaralan ay may
sadyang tanggapan pra sa tinatawag na mga guidance counsellors, hindi pa rin maiiwasan ng guro ang pagiging tagapayo at tagapatnubay ng mag-aaral upang matulungan ang mga mag-aaral sa paglutas ng kanilang suliranin. Malaking bagay na sa mga mag-aaral na may mga guro silang handang makinig ng kanilang suliranin. Ang guro ay magulang/ina/ama sa paaralan.
Ang mga guro ay mga surrogate parent.
Pinangangalagaan nila ang kanilang mga mag- aaral tulad ng pag-aalaga ng isang magulang sa kanyang mga anak. Pinangangalagaan o intelektuwal na pagkalinang kundi maging ang ibang kapakanan ng mag-aaral sa aspektong emosyonal, sosyal, moral-ispiritual at pisikal man.