MASTER OF ARTS IN TEACHING – FILIPINO SULTAN KUDARAT STATE UNIVERSITY – ACCESS CAMPUS Pananda ay nagbabadya o nagsisilbing tanda ng gamit ng pambalarila ng isang salita sa loob ng pangungusap. 1. Pantukoy – ay kataga o mga katagang lumilinaw sa kailanan ng kasamang pangngala o panghalip at kung ito ay tumutukoy sa tao, bagay o pook.
Tandaan:
Si at sina ang mga pantukoy sa pantanging ngalan ng tao.
Ang at ang mga ang mga pantukoy sa pangngalang pambalana at pangngalang
pantangi ng pook o bagay.
a. Ang bagong halal na Brangay Chairman na si G. Jose Santos, ay nanawagan sa
mga may-ari ng mga industriyang pambahay na taasan ang kalidad ng kanilang mga produkto. 2. Pang-ukol
2.1 Pang-ukol na ng:
Pananda ng Pangngalang Ginagamit na Layon ng Pandiwa
a. Nagtatayo ngayon ng pangkontrol sa baha sa Kamaynilaan.
Pananda ng Pangngalang Ginagamit sa Panuring ng Paari.
b. Ang mga estero ng Kamaynilaan ay nilinis upang malayang dumaloy ang
tubig hanggang sa lawa,
Pananda ng Pangngalang Ginagamit na Tagaganap ng Pandiwa
c. Winasak ng pamahalaan ang mga illegal na konstruksyon sa mga estero
upang mawala ang sagabal sa pagdaloy ng tubig. 2.2 Pang-ukol na sa: Pananda ng Pangngalang Ginagamit sa Layon ng Pandiwa
a. Nakipagtulungan sa maykapangyarihan ang mga taong-
bayan upang malinis nang mabuti ang mga malalaking kanal. Pananda ng Pangngalang Ginagamit na Panuring
b. Maliligaya at nasisiyahan ang mga naninirahan sa paligid
ng mga esterong nilinis. 2.3 Pang-ukol na ni:
Ang ni Bilang Pananda ng Pangngalang Ginagamit na Panuring na Paari
a. Ang talumpati ni Kalihim Torres ay nagbibigay-diin sa kahalagahan ng
mga kursong bokasyunal.
Panandang ni sa Unahan ng Pangngalang Ginagamit na Tagaganap ng
Pandiwa
b. Ipinaliwanag ni Kalihim Torres na higit nating kailangang ngayon ang
mga dalubhasa sa mga kursong tekniko. 2.4 Pang-ukol na kay:
Ang kay Bilang Pananda ng Pangngalang Ginagamit na Layon ng
Pandiwa
a. Nakikipagtulungan kay Minister Roco ang lahat ng mga direktor ng
rehiyon sa lahat ng kanyang mga proyekto.
Ang kay Bilang Pananda ng Pangngalang Ginagamit na Panuring
b. Ang paggalang ng mga mag-aaral kay Bb. Santos na kanilang guro
ay kahanga-hanga. 3. Ang Pangawing na (ay) Ito ay ginagamit upang ipakita ang ayos ng pangungusap.