ⵜⴰⵥⵍⴰⵢⵜ ⵏ ⵜⵎⴰⵣⵉⵖⵜ

ⴰⵙⴼⵙⵔ ⵅⴼ :

lpajj blpid

ⵙ ⵓⵙⵏⵎⴰⵍⴰ ⵏ ⵉⵙⵍⵎⴰⴷⵏ ⵉⵎⴰⵏⵓⵏⵏ : S wuttuy n tsmattagt :

• ^ⵟⵟⴰⵢⵢⵉⴱ ⴱⵕⴽⴰ
• ⵃⴰⵎⵉⴷ ⵏⵉⴷ ⵢⴰⵙⵉⵏ ⵎⴰⵙⵙⴰ ⵃⴰⵙⴰⵏⴰ
• ⵎⵓⵃⴰⵎⵎⴷ ⵖⴰⵏⵎ ⴱⵓⵍⵃⴼⴰ
• ⵅⴰⵍⵉⴷ ⴰⵣⵓⵍⵉ

2022/2972
 amamk

ⵜⴰⵣⵡⵓⵔⵜ

ⴰⵙⵎⵍ ⵙ ⵕⵕⴰⵢⵙ ⵍⵃⴰⵊ ⴱⵍⵄⵉⴷ

ⴰⵜⵉⴳ ⴰⵏⴰⵥⵓⵕ, ⴰⴷⵍⵙⴰⵏ ⴷ ⵓⵏⴰⵎⵓⵏ ⵏ ⵜⴰⵍⵍⵖⴰⵜⵉⵏ ⵏ ⵕⵕⴰⵢⵙ ⵍⵃⴰⵊ ⴱⵍⵄⵉⴷ

ⵜⵓⵙⵙⵉⴼⵉⵏ ⵙⴳ ⵓⵥⴰⵡⴰⵏ ⵏ ⵕⵕⴰⵢⵙ ⵍⵃⴰⵊ ⴱⵍⵄⵉⴷ ⴷ ⵓⵙⵙⴼⵙⵉ ⵏⵏⵙⵏⵜ

ⴰⵣⵔⵔⵓⵢ ⵏ ⵜⵉⵏⵎⵍ ⵏ ⵜⵉⵕⵕⵓⵢⵙⴰ

 ⵜⴰⵣⵡⵓⵔⵜ
ⵣⵣⵖ ⵎⴰⴷ ⵉⴷⴷⵔ ⵓⴼⴳⴰⵏ ⵖ ⵉⴳⴳⵉ ⵏ ⵡⴰⴽⴰⵍ ⴰⴷ ⵉⵙⵙⵏⵜⵉ ⴰⵙⵉⴳⴳⵍ ⵏⵏⵙ
ⴼ ⴽⵔⴰ ⵏ ⵎⴰⴷ ⵙ ⵉⵙⵙⵏⵙⴰ ⵜⵓⴳⴳⵓⵎⵉⵏ ⵏⵏⵙ, ⵉⴳ ⵓⵥⴰⵡⴰⵏ ⵢⴰⵏ ⵣⵣⵖ
ⵉⵎⵓⵙⵙⵓⵜⵏ ⵍⵍⵉ ⵉⵙⵙⵎⵔⴰⵙ ⵣⵣⵖ ⵓⵣⵎⵣ ⴰⵏⵏ ⴰⵣⴰⵢⴽⵓ ⴰⵔ ⴰⵣⵎⵣ ⴰⴷ ⵏⵏⵖ.

ⵎⴽⴰⵏⵏ ⴰⴼ ⵉⵙⵓⵍ ⵓⵎⴰⵔⴳ ⵉⵍⴰ ⵢⴰⵏ ⵡⴰⵜⵉⴳ ⴰⵎⵇⵇⵔⴰⵏ ⴷⴰⵔ ⵉⵎⴰⵣⵉⵖⵏ ⵍⵍⵉ
ⴼ ⴱⴰⵀⵔⴰ ⵙⵡⵓⵔⵉⵏ ⴰⴼⴰⴷ ⴰⴷ ⵙⵖⵓⴷⵓⵏ ⵉⵎⴰⵙⵙⵏ ⵏⵏⵙ ⴷ ⵡⵓⵔⴰⵔ ⵏⵏⵙ ⴰⵛⴽⵓ
ⵓⵔ ⴷ ⵉⵙⴰⵔ ⴽⴰ ⵙⵉⵙ ⵜⵜⴷⵔⴰⵣⵏ ⵎⴰⵛ ⴰⵔ ⵙⵉⵙ ⵓⵍⴰ ⵙⵙⵍⴽⴰⵎⵏ ⴽⵉⴳⴰⵏ ⵏ
ⵜⴱⵔⴰⵜⵉⵏ ⴼ ⵜⵓⴷⵔⵜ ⵏⵏⵙⵏ ⵉ ⴰⴽⴽⵯ ⵎⴰⴷ ⵉⵙⵙⴼⵍⵉⴷⵏ ⴰⵔ ⵉⵜⵜⵔⵎⴰⵙ.

ⴰⵢⴰ ⴷ ⴰⴷ ⵢⵓⵊⵊⴰⵏ ⴰⵙⵙⵎⵔⵙ ⵏ ⵉⵎⴰⵙⵙⵏ ⵉⴱⵓⵖⵍⴰⵏ ⴰⴷ ⵉⴼⴽ ⵉ ⵓⵥⴰⵡⴰⵏ

ⴰⵎⴰⵣⵉⵖ ⵢⴰⵏ ⵡⴰⵜⵉⴳ ⵓⵔ ⵉⵍⵉⵏ ⴰⵏⴰⵡ, ⵉⴼⴽ ⵓⵍⴰ ⵡⵉⵍⵍⵉ ⵜⵏ ⵙⵙⵎⵔⵙⵏⵉⵏ ⵢⴰⵏ
ⵡⴰⴷⴷⵓⵔ ⴰⵅⴰⵜⴰⵔ ⵖ ⵓⵎⵣⵔⵓⵢ ⵏ ⵉⵎⴰⵣⵉⵖⵏ ⵣⵓⵏ ⴷ ⵏⵉⵜ ⵕⵕⴰⵢⵙ ⵍⵃⴰⵊⵊ
ⴱⵍⵄⵉⴷ.
1. ⴰⵙⵉⵙⵙⵏ ⵙ
ⵙⵎⵍ ⵙ ⵕⵕⴰⵢⵙ
ⵍⵃⴰⵊ ⵊ ⴱⵍⵄⵉⴷ
ⴰⵙⵉⵙⵙⵏ ⵙ ⵕⵕⴰⵢⵙ ⵍⵃⴰⵊj ⴱⵍⵄⵉⴷ :
 
ⵉⵙⵎ ⵏⵏⵙ ⴷ ⵜⴰⵡⵊⴰ ⵏⵏⵙ, ⵢⵉⵡⵉⵙ ⵏ ⴱⵕⴰⵀⵉⵎ,
ⵉⵎⵎⴰⵙ ⴷ ⵜⴰⴷⴷⴰⴱⵉⵀⵉⵜ ⵜⴳⴰ ⵓⵍⵜ “ⵜⴰⵍⵄⵉⵏⵜ ⵏ ⴱⵏ
ⵢⴰⵄⵇⵓⴱ” ⴰⵢⴰ ⵏⵏ ⴰⴼ ⴷ ⵏⵉⵜ ⵙⵓⵍ ⵉⵖⴰⵎⴰ ⵡⴰⵙⵙⴰⵖ ⵏ
ⵜⴰⵡⵊⴰ ⵏⵏⵙ ⵉⴳⴰ ⴷⴷⴰⴱⵉⵀⵉ.
ⵉⵟⵟⴰⴼ ⵍⵃⴰⵊⵊ ⴱⵍⵄⵉⴷ ⵢⴰⵏ ⴳⵯⵎⴰⵙ
ⴼⵍⵍⴰⵙ ⵎⵥⵥⵉⵢⵏ ⴰⵙⵙⴰⵖ ⵏⵏⵙ ⴷ ⵄⵍⵉ ⵢⵉⵍⵉ
ⵓⵍⴰ ⵢⴰⵜ ⵓⵍⵜⵎⴰⵙ ⵉⴳⴰⵏ ⵜⴰⵎⴷⵢⴰⵣⵜ, ⵉⵜⴰⵀⵍ
ⵍⵃⴰⵊⵊ ⴱⵍⵄⵉⴷ ⵙ ⵢⴰⵜ ⵜⵎⵖⴰⵔⵜ ⴰⵙⵙⴰⵖ ⵏⵏⵙ
ⵔⵇⵢⵢⴰ ⵣⵣⵖ ⵜⵎⴰⵣⵉⵔⵜ ⵏ ⵜⵎⴰⵄⵉⵜ ⵢⴰⵔⵓ
ⴷⵉⴷⵙ ⴽⴽⵓⵥ ⵏ ⵜⴰⵔⵡⴰ ⵎⵓⵃⴰⵎⵎⴰⴷ, ⵉⵊⵊⵓ,
ⴼⴰⵟⵉⵎⴰ ⴷ ⵣⵉⵏⴱ.
 ‫ⵜⴰⵢ ⴷⵉⵄⵍⴱ ⵊⵊⴰⵃⵍ ⴰⵍⵉ‬
‫ⵖ ⴷⵉⴷⵙⵓ ⴳⵉ ⵏⵢⵓⵜⵜⴰⵢ ⵉⴷⴷⵉⵜ‬
‫‪ⵜⵓⵔⵔⵓⵜ ⵏⵏⵙ, ⵉⴳⴰ ⴰⵙⵓⵇⵇⵉⵢ,‬‬
‫ⵙⵏⵏ ⵏⵛⵓⵛⵏⴰⵡ ⴼ ⵚⵕⴱⵍ ⴰⵍⵍⵉ‬
‫ⵏ ⴰⵙⵍⵎⵉⵜ ⴰⵙⵙⵍⵉ ⵔⴰ‬
‫ⴳⵉ ‪ⵉⵏⵎⵖⵓⵔⵏ ⵖ ⵉⵏⵏⴰ ⵉⴽⴽⴰ,‬‬
‫ⵙⵏⵏ ⴰⴳⵙⵜ ⵖ ⵙⵏⵏ ⵜⵢⵉⵎⵎⵯⴽⵍ‬
‫ⵙⵉⵍⴷⵓ ⵏⴰⵢ ⴳⵉ ⵜⴹⴰⵎⵍⵥⴰⵜ‬
‫)دليل الخيرات( ⵏⴰⵙⵙⵓⵜⵜⵉ ⴰⵔⵀⴰⴱ‬
‫‪ⵖ ⵜⵙⴳⴰ ⵏⵏⵙ ⵜⴰⴼⴰⵙⵉⵢⵜ.‬‬
 ⵉⵍⵓⵍ ⵍⵃⴰⵊⵊ ⴱⵍⵄⵉⴷ ⵖ ⵢⴰⵜ ⵜⴰⵡⵊⴰ ⵉⴳⴰⵏ
ⵜⴰⵎⵥⵍⵓⴹⵜ, ⵜⵣⴷⴰⵖ ⵜⴰⵡⵊⴰ ⵏ ⵍⵃⴰⵊⵊ ⴱⵍⵄⵉⴷ ⵖ
ⵜⵎⴰⵣⵉⵔⵜ ⵏ "ⴰⵏⵓ ⵏ ⵄⴷⴷⵓ" ⵖ ⵜⴳⵔⴰⵡⵜ ⵏ
"ⵡⵉⵊⵊⴰⵏ", ⵜⴰⵙⴳⴰ ⵏ ⵜⵣⵏⵉⵜ, ⵣⵣⵖ ⵢⴰⵏ ⵓⵣⵎⵣ
ⵓⵔ ⵉⵜⵜⵓⵙⵙⴰⵏⵏ.
ⵓⵔ ⵉⵜⵜⵓⵣⵎⵎⴰⵎ ⵡⴰⴽⵓⴷ ⵏ ⵜⵍⴰⵍⵉⵜ ⵏ ⵍⵃⴰⵊⵊ
ⴱⵍⵄⵉⴷ, ⵎⴰⵛⵛ ⴰⵔ ⵎⵎⴰⵍⵏ ⵉⵡⵏⵏⴰⵏ ⵖ ⴽⵉⴳⴰⵏ ⵏ
ⵉⵙⵓⴳⴰⵎ ⴷ ⵉⵙⴰⵖⵓⵍⵏ ⵉⵙⴰⴽⵓⴷⵏ, ⵉⵙ ⵉⵍⵓⵍ ⵖ
ⵓⵣⴳⵏ ⴰⵎⴳⴳⴰⵔⵓ ⵖ ⵜⴰⵙⵓⵜ ⵜⵉⵙⵙ 19 ⵏⴳⵔ
ⵓⵙⴳⴳⵯⴰⵙ ⵏ 1870 ⴷ ⵓⵙⴳⴳⵯⴰⵙ ⵏ 1875.
 ⵉⵎⵇⵇⵓⵔ ⴰⴽⴽⵯ ⵍⵃⴰⵊⵊ ⴱⵍⵄⵉⴷ ⵖ ⵥⵥⵍⴹ ⴷ
ⵜⵎⵎⴰⵔⴰ ⴰⵛⴽⵓ ⵉⴳⴰ ⵉⴳⵉⴳⵉⵍ (ⴰⴳⵓⵊⵉⵍ) ⵎⴰⴷ ⵏⵉⵜ
ⵙⵓⵍ ⵉⵎⵥⵥⵉⵢ ⵍⵍⵉⵖ ⵉⵎⵎⵓⵜ ⴱⴰⴱⴰⵙ ⵓⵔ ⵜⴰ
ⵉⵍⴽⵎ 12 ⵏ ⵓⵙⴳⴳⵯⴰⵙ, ⵜⵙⵙⴽⵛⵎ ⵜ ⵎⴰⵙ ⵙ
ⵍⵃⴹⴰⵕ ⵏ ⵜⵎⵣⴳⵉⴷⴰ ⵖ ⵡⴰⵏⵓ ⵏ ⵄⴷⴷⵓ ⴰⴼⴰⴷ ⴰⴷ
ⵉⵍⵎⴷ ⴽⵔⴰ ⵖ ⵜⵓⵙⵙⵏⴰ ⵉⵍⴰⵏ ⴰⵜⵉⴳ ⴷⴰⵔ ⵎⵉⴷⴷⵏ ⵏ
ⵜⵎⴰⵣⵉⵔⵜ ⵣⵓⵏⴷ "ⵍⵇⵓⵔⴰⵏ" ⴷ "ⵓⵙⵉⵟⵟⵏ".
ⵓⵔ ⵉⴳⴳⵓⵜ ⵎⴰⴷ ⵉⵍⵎⴷ ⵍⵃⴰⵊⵊ ⴱⵍⵄⵉⴷ ⵖ
ⵜⵎⵣⴳⵉⴷⴰ ⵍⵍⵉⵖ ⴷ ⵉⵇⵇⴰⵏ ⴰⴷ ⵉⴼⴼⴰⵖ ⵜⴰⵎⴰⵣⵉⵔⵜ
ⵢⴰⵡⵙ ⵉ ⵉⵎⵎⴰⵙ ⵖ ⵙⵙⵉⵄⵔ ⵏ ⵜⴰⵡⵊⴰ ⵙⵍⴰⵡⴰⵏ
ⴰⴽⴽⵯ ⵎⴽⵍⵍⵉ ⵉⴳⴰ ⴰⵎⵇⵇⵔⴰⵏ ⵏ ⴰⵢⵜⵎⴰⵙ ⵜⵉⵍⵉ
ⵜⴰⵡⵊⴰ ⵖ ⵜⴰⵙⵙⴰⵙⵜ.
 ⵉⴼⴼⵓⵖ ⵍⵃⴰⵊⵊ ⴱⵍⵄⵉⴷ ⵜⴰⵎⴰⵣⵉⵔⵜ ⵏⵏⵙ ⵉⵎⵎⵓⵜⵜⵉ ⵙ
ⵜⵎⴰⵣⵉⵔⵜ ⵏ "ⵉⴷⴰⵡ ⴱⴰⵄⵇⵇⵉⵍ" ⴷ ⵜⵎⴰⵣⵉⵔⵜ ⵏ "ⴰⵏⵣⵉ" ⵖⵉⵏⵏ
ⴰⵖ ⵉⵙⵙⵏⵜⵉ ⵜⴰⵡⵓⵔⵉ ⵏ ⵜⵢⵙⵙⴰ ⵙ ⵢⴰⵏ ⵡⴰⵜⵉⴳ ⴱⴰⵀⵔⴰ
ⵉⴷⵔⵓⵙⵏ.
ⵉⴳⴰ ⵍⵃⴰⵊⵊ ⴱⵍⵄⵉⴷ ⵢⴰⵏ ⵓⵎⵥⵥⵉⴹⵕ ⵣⵣⵖ ⵎⴰⴷ
ⵉⵎⵥⵥⵉⵢ, ⴰⵔ ⵉⴽⵙⵙⴰ ⵖ ⵢⵉⴳⵔⴰⵏ ⵏ ⵡⴰⵔⴳⴰⵏ ⵢⴰⵡⵙ ⵉ ⵉⵅⴼ
ⵏⵏⵙ ⵙ ⵢⴰⵜ ⵜⴰⵍⵄⵡⵡⴰⴷⵜ ⴰⵔ ⵙⵔⵙ ⵉⵙⵙⵜⵜⵓ ⵜⵉⵣⵉ ⵏ ⵍⴰⵥⵥ ⴷ
ⵉⵔⵉⴼⵉ ⴷ ⵓⵣⵡⵓ ⵉⵇⵇⵓⵔⵏ.
ⵉⵍⵍⴰ ⵍⵃⴰⵊⵊ ⴱⵍⵄⵉⴷ ⵖ ⵜⵎⵎⴰⵔⴰ ⴰⴷ ⵙ ⵢⴰⵏ ⵓⵥⵥⵉⴹⵕ
ⴱⴰⵀⵔⴰ ⵉⴳⴳⵓⵜⵏ, ⴰⵢⵍⵍⵉⵖ ⵜ ⵢⵓⴼⴰ ⵢⴰⵏ ⵓⵏⵎⵖⵓⵔ ⵏ ⵕⵕⵎⴰ ⵏ
ⵜⵥⵕⵡⴰⵍⵜ, ⵍⵍⵉⵖ ⵉⵥⵕⴰ ⴰⵙⵏⴼⵍⵓⵍ ⵏ ⵍⵃⴰⵊⵊ ⴱⵍⵄⵉⴷ ⴷ
ⵜⵣⵎⵔⵜ ⵏⵏⵙ ⴱⴰⵀⵔⴰ ⵢⴰⵜⵜⵓⵢⵏ ⵖ ⵡⵓⵔⴰⵔ ⵏ ⵜⵍⵄⵡⵡⴰⴷⵜ ⵏⵏⵙ,
ⴰⴼⴰⴷ ⴰⴷ ⴰⵙ ⵢⴰⵡⵙ ⵖ ⵜⵔⴰⴱⴱⵓⵜ ⵏⵏⵙ ⵖ ⵓⵎⵏⵉⴷ ⵏ ⵢⴰⵏ ⵡⴰⵜⵉⴳ
ⵢⵓⴼⵏ ⵡⵉⵏ ⵜⴰⵢⵙⵙⴰ.
 ⵉⴼⵜⴰ ⵍⵃⴰⵊⵊ ⴱⵍⵄⵉⴷ ⵙ ⵜⵥⵕⵡⴰⵍⵜ ⵉⵙⵙⵏⵜⵉ ⴳⵉⵙ
ⵓⵔⴰⵔ ⵏ ⵍⵓⵟⴰⵕ ⴷ ⵔⵔⵉⴱⴰⴱ ⵉⴳ ⵢⴰⵏ ⵓⴼⴳⴰⵏ ⴱⴰⵀⵔⴰ ⵉⵍⴰⵏ
ⴰⵜⵉⴳ ⵙ ⵓⵡⵇⵇⵔ ⵏⵏⵙ ⵉ ⵎⵉⴷⴷⵏ.
ⴷ ⵜⴰⵢⵔⵉ ⵏ ⵜⵡⵓⵔⵉ ⵏⵏⵙ ⴷ ⵜⵉⴽⵍⵉ ⵏⵏⵙ ⵢⵓⵖⴷⵏ ⵖ ⵓⵎⵏⵉⴷ ⵏ ⵎⴰⴷ
ⵉⵎⵥⵥⵉⵢⵏ ⵓⵍⴰ ⵎⴰⴷ ⵉⵎⵇⵇⵓⵔⵏ, ⵉⵡⵜⵎⴰⵏ ⵓⵍⴰ ⵜⵉⵡⵜⵎⵉⵏ, ⴰⵢⴰ
ⴷ ⴰⴷ ⵜ ⵢⵓⵊⵊⴰⵏ ⴰⴷ ⵉⵙⴱⵓⵖⵍⵓ ⵜⵉⵣⵎⵎⴰⵔ ⵏⵏⵙ,
ⵉⵙⵙⵉⵎⵖⵓⵔ ⴰⵙⵏⴼⵍⵓⵍ ⵏⵏⵙ.
ⵉⵎⵎⵓⵜ ⵍⵃⴰⵊⵊ ⴱⵍⵄⵉⴷ ⵖ ⵜⴳⵉⵔⴰ ⵏ ⵓⵣⴳⵏ ⴰⵎⵣⵡⴰⵔⵓ ⵖ
ⵜⴰⵙⵓⵜ ⵜⵉⵙⵙ 20 ⵏⴳⵔ 1943 ⴷ 1948 ⴷⴼⴼⵉⵔ ⵏ ⵢⴰⵜ ⵜⵥⵓⵕⵉ
ⵉⵎⵇⵇⵓⵔⵏ ⴷ ⵢⴰⵏ ⵓⵙⵏⴼⵍⵓⵍ ⵓⵔ ⵉⵍⵉⵏ ⴰⵏⴰⵡ ⵉⴽⴽⴰⵏ ⵉⴳⴳⵉ ⵏ 50
ⵏ ⵓⵙⴳⴳⵯⴰⵙ, ⵉⴼⵍ ⴷ ⵢⵉⵡⵉⵙ ⵎⵓⵃⵎⵎⴰⴷ ⴱⵏ ⴱⵍⵄⵉⴷ ⵍⵍⵉ
ⵔⴰⴷ ⵏⵉⵜ ⵙⵓⵍ ⵢⵉⴹⴼⵓⵕ ⵜⴰⵖⴰⵔⴰⵙⵜ ⵏ ⴱⴰⴱⴰⵙ ⵖ ⵜⵕⵕⵓⵢⵙⴰ
ⴱⵃⵔⴰ ⴷⴰⵔⵙ 7 ⵏ ⵉⵙⴳⴳⵯⴰⵙⵏ.
2. ⴰⵜⵉⴳ ⴰⵏⴰⵥⵓⵕ, ⴰⴷⵍⵙⴰⵏ ⴷ
ⵓⵏⴰⵎⵓⵏ ⵏ ⵜⴰⵍⵍⵖⴰⵜⵉⵏ ⵏ
ⵕⵕⴰⵢⵙ ⵍⵃⴰⵊⵊ ⴱⵍⵄⵉⴷ
 ⵉⵎⵇⵇⵓⵔ ⵕⵕⴰⵢⵙ ⵍⵃⴰⵊⵊ ⴱⵍⵄⵉⴷ
ⵢⴰⴼ ⴽⵉⴳⴰⵏ ⵏ ⵕⵕⵡⴰⵢⵙ ⵢⴰⴹⵏⵉⵏ ⵙ
ⵜⵖⴰⵔⴰ ⴷ ⵜⵏⴷⵉⵜⵉⵏ ⵍⵍⵉ ⴳⵉⵙ ⵉⵍⵍⴰⵏ ⴷ
ⵡⴰⵜⵉⴳ ⵍⵍⵉ ⵉⵍⴰ ⵖ ⴷⴰⵔ ⵎⵉⴷⴷⵏ, ⵎⴰⵛⵛ
ⵓⵍⴰ ⴰⵎⴳⴳⵕⴹ ⵉⵙⴷⵉⴷⵏ ⵉⵥⵉⵍⵏ ⵍⵍⵉ ⴰⵙ
ⵉⴼⴽⴰ ⵕⴱⴱⵉ ⴷ ⵓⵙⵏⴼⵍⵓⵍ ⵏⵏⵙ ⵖ
ⵡⵓⵔⴰⵔ ⵏ ⵔⵔⵉⴱⴰⴱ ⴷ ⵍⵓⵟⴰⵕ ⴷ
ⵉⵍⵎⵎⴰⵏ ⵜⴰⵎⴷⵢⴰⵣⵜ ⵏⵏⵙ ⵉⵀⵢⵢⴰⵏ ⵢⵓⵙⵉⵏ
ⵉⵏⵓⵎⴰⴽ ⵏ ⵜⵓⴷⵔⵜ ⵉⵥⵉⵍⵏ ⴷ ⵜⵉⵍⴰⵡⵜ ⴷ
ⵜⴷⵍⵙⴰ, ⴰⵛⴽⵓ ⵉⴳⴰ ⵢⴰⵏ ⵓⵏⴰⵥⵓⵕ
ⴰⵎⴷⵍⴰⵙ ⵉⵣⵓⵣⵣⵓⵔⵏ ⵙ ⵜⵎⴷⵢⴰⵣⵜ ⵏⵏⵙ
ⵜⵉⵏⴷⵉⵜⵉⵏ ⴼⵓⵍⴽⵉⵏⵉⵏ ⴰⵔ ⵙⵉⵙ
ⵉⵙⵙⵍⴽⴰⵎ ⵉⵏⵖⵎⵉⵙⵏ ⵣⵣⵖ ⵜⴰⵙⴳⴰ ⴰⵔ
ⵜⴰⵢⵢⴰⴹ.
 ⴰⵢⴰ ⴷ ⴰⴷ ⵉⵕⵥⵎⵏ ⵉ ⵍⵃⴰⵊⵊ ⴱⵍⵄⵉⴷ ⴰⵖⴰⵔⴰⵙ ⵉ
ⵜⵓⵙⵙⵏⴰ ⵏ ⴽⵉⴳⴰⵏ ⵏ ⵉⵏⵎⵖⵓⵔⵏ ⵖ ⵢⵉⴳⵔⴰⵏ ⵎⵢⴰⵏⴰⵡⵏⵉⵏ
ⵣⵓⵏ ⴷ ⵜⴰⵙⵔⵜⵉⵜ ⴷ ⵜⵥⵓⵕⵉ.
ⵎⴽⵍⵍⵉ ⵉⴳⴰ ⵍⵃⴰⵊⵊ ⴱⵍⵄⵉⴷ ⴳ ⵕⵕⵡⴰⵢⵙ
ⵉⵇⴱⵓⵔⵏ ⵍⵍⵉ ⴷⴷⵔⵏⵉⵏ ⵜⵉⵣⵡⵉⵔⵉ ⵏ ⵜⵙⵓⵜ ⴰⴷ
ⵏⵉⵣⵔⵉⵏ,
ⵓⵎⴷⵓⵔⵔⵓⵢ ⴰⴼⵕⴰⵏⵕⵉⵙ, ⵜⵉⵣⵉ ⴰⵏⵏ ⴰⴷ ⵖ
ⴰⵣⵎⵣ
ⵉⵜⵜⵢⴰⵡⵙⵙⴰⵏ ⵙ ⵓⵛⴱⴱⵕ ⵏⵏⵙ ⵉⴷⵔⴰⵏ ⵖ
ⵓⵙⵖⴰⵏ, ⴷ ⵜⴰⵍⵍⵖⴰⵜⵉⵏ ⵏⵏⵙ ⴼⵓⵍⴽⵉⵏⵉⵏ ⴰⵔ
ⵙⴰⵡⴰⵍⵏⵜ ⵅⴼ ⵓⵙⵖⴰⵏ ⴷ ⵎⴰⴷ ⴰⴽⴽⵯ ⵉⵃⵍⴰⵏ.
 ⵖ ⵓⵎⵎⵓⴷⴷⵓ ⵏⵏⵙ ⵙ ⵍⵃⵉⵊⴰⵣ ⵉⴼⴽⴰ ⵢⴰⵜ ⵜⵉⵏⴷⵉ
ⵜⴰⵅⴰⵜⴰⵔⵜ ⵉ ⵓⵙⵖⴰⵏ ⴰⵛⴽⵓ ⴰⵔ ⵜ ⵉⵜⵜⴰⵏⵏⴰⵢ ⵢⴰⵜ ⵜⴰⵏⵏⴰⵍⵜ ⵍⵍⵉ ⴼ
ⵜⵙⵏⵏⴷ ⵜⵓⴷⵔⵜ, ⴷ ⵎⴽⵍⵍⵉ ⵓⵍⴰ ⵉⵙⴰⵡⵍ ⵉⵏⴹⵎ ⴼ ⵜⴰⵢⵔⵉ ⵙ
ⵜⴱⵔⵉⴷⵜ ⵜⴰⵔⵓⵙⵔⵉⴷⵜ ⵏⵏⵙ ⴰⵛⴽⵓ ⴷⴰ ⵉⵙⵙⵎⵔⴰⵙ ⵖ
ⵓⵎⴰⵔⴳ ⵏⵏⵙ ⵜⵉⴳⵓⵔⵉⵡⵉⵏ ⴼⴼⵔⵏⵉⵏ ⵣⵓⵏ ⴷ ⴰⵜⴱⵉⵔ,
ⴰⵥⵏⴽⵯⴹ, ⴰⵢⵢⵉⵙ,…
ⴰⵔ ⵉⵙⴽⴰⵔ ⵖ ⵡⴰⵢⵍⴰⵍ ⴷ ⵡⴰⵢⵢⵉⵙ ⴷ ⵉⵣⵏⴽⵯⴰⴹ ⵜⴰⵙⵉⵍⴰ
ⵉ ⵜⵓⵚⴽⴰ ⵏ ⵜⵎⴷⵢⴰⵣⵉⵏ ⵏⵏⵙ,
ⵎⵇⵇⴰⵔ ⵏⵉⵜ ⵉⵛⵇⵇⴰ
ⵡⴰⴷⴷⴰⴷ
ⴰⵙⵔⵜⴰⵏ ⵖ ⵡⴰⴽⵓⴷ ⴰⵏⵏ ⵍⵍⵉⵖ
ⵉⴷⴷⵔ, ⵉⴳⴰⵏ ⵢⴰⵏ ⵡⴰⴷⴷⴰⴷ ⵏ
ⵉⵎⵏⵖⵉ ⴰⴽⴷ ⵓⵎⴷⵓⵔⵔⵓⵢ.
 ⵎⴰⵛⵛ ⵡⴰⵅⵅⴰ ⴽⵓⵍⵍⵓ ⵎⴰⵢⴰⵏⵏ ⵉⵥⴹⴰⵕ ⴰⴷ ⵉⵙⵙⵍⴽⵎ
ⴰⵡⴰⵍ ⵏⵏⵙ ⵙ ⵜⴱⵔⵉⴷⵜ ⵉⴼⵊⵊⵉⵊⵏ, ⴷ ⵡⴰⵅⵅⴰ ⵖⵉⴽⴰⵏⵏ ⵓⵔ
ⵉⵍⵍⵉ ⴽⵔⴰ ⵏ ⵡⴰⵔⵔⴰ ⴰⵇⴱⵓⵔ ⵉⵃⴹⴰⵏ ⴰⵎⵣⵔⵓⵢ ⴷ ⵎⴰⵎⵏⴽ
ⵉⵙⴰⵡⵍ ⵅⴼ ⵡⴰⴷⴷⴰⴷ ⵏ ⵓⵙⴷⵓⵔⵔⵉ.
ⵉⴳⴰ ⵍⵃⴰⵊⵊ ⴱⵍⵄⵉⴷ ⴰⵏⴰⵥⵓⵕ ⴷ ⵓⵎⴷⵢⴰⵣ ⴰⵅⴰⵜⴰⵔ ⵖ ⵙⵓⵙ
ⵉⴱⴷⴷ ⵉ ⵜⵎⴷⵢⴰⵣⵜ ⴷ
ⵓⵎⴰⵔⴳ ⴰⴷ ⴷ ⴼⴼⵖⵏ ⵙ
ⵜⵉⵍⴰⵡⵜ, ⵙ ⵓⵙⵎⵓⵜⵜⵉ
ⵏⵏⵙ ⵣⵣⵖ ⵉⴷⵔⴰⵔⵏ
ⵉⵙⵙⵓⴼⵖ ⵜⵜ ⵙ
ⵜⵖⵔⵎⵉⵏ, ⵉⴳ
ⴰⵎⵣⵡⴰⵔⵓ ⵉⵙⴽⵔⵏ
ⵜⴰⵔⴰⴱⴱⵓⵜ ⵏ
ⵕⵕⵡⴰⵢⵙ ⵖ ⵜⵎⵏⴰⴹⵜ ⵏ
ⵙⵓⵙ.
3. TUSSIFIN ⵙⴳ
ⵓⵥⴰⵡⴰⵏ ⵏ ⵕⵕⴰⵢⵙ
ⵍⵃⴰⵊⵊ ⴱⵍⵄⵉⴷ
 ⵔⴰⴷ ⵉⵏⵉⵖ ⴽⵔⴰ ⵏ ⵜⴳⵣⵣⵓⵎⵉⵏ ⵙⴳ ⵜⴰⵍⵍⵖⴰⵜⵉⵏ ⵏ ⵍⵃⴰⵊⵊ ⴱⵍⵄⵉⴷ
ⵉⵜⵜⵓⵙⵙⴰⵏⵏ ⴱⴰⵀⵔⴰ ⵣⵓⵏ ⴷ ⵜⴰⵍⵍⵖⴰⵜ ⵏ ⵓⵥⵥⵉⴹⵕ ⴷ ⵜⴰⵍⵍⵖⴰⵜ ⵏ ⵓⵜⴱⵉⵔ ⵓⵎⵍⵉⵍ.

ⵚⵚⴱⵕ (ⴰⵥⵥⵉⴹⵕ):
ⵎⴰⴷ ⵉⵥⵍⵉⵏ ⵙ ⵜⴰⵍⵍⵖⴰⵜⵖ ⵏ ⵓⵥⵥⵉⴹⵕ ⵉⵏⵏⴰ ⵍⵃⴰⵊⵊ ⴱⵍⵄⵉⴷ:

ⴰⴷ ⴽⴰ ⵉⵚⴱⵕ ⵢⴰⵏ
ⵉⵎⵎⴰ ⴷⴷⵓⵏⵉ ⴰⵔ ⵓⴽⴰⵏ ⵣⵔⴰⵢⵏⵜ
ⵢⵓⴼ ⴰⴷ ⵉⵊⵍⵓ ⵢⴰⵏ
ⵓⵍⴰ ⴰⴷ ⴽ ⵏⴼⴽ ⴰ ⵉⵅⴼ ⵉⵏⵓ ⵉ ⵜⴷⴰⵍⵍⵉⵜ
ⴰⴷ ⴽⴰ ⵉⵚⴱⵕ ⵢⴰⵏ
ⵉⵎⵎⴰ ⴱⵓⵍⵎⴰⵍ ⴰⴷ ⵏⵏ ⵉⵣⵣⵔⵉⵏ ⴷⴷⵓⵏⵉⵜ

ⵣⵣⵖ ⵜⴰⵍⵍⵖⴰⵜ ⴰⴷ, ⵉⵙⴰⵡⵍ ⵍⵃⴰⵊ ⴱⵍⵄⵉⴷ ⴼ ⵜⵎⵎⴰⵔⴰ ⵏ ⵜⵓⴷⵔⵜ ⵉⵇⵇⵓⵔⵏ

ⵍⵍⵉ ⵎⵉ ⵓⵔ ⵉⵕⵡⵉ ⴰⵎⵔ ⴰⵥⵥⵉⴹⵕ.
ⴰⵜⴱⵉⵔ ⵓⵎⵍⵉⵍ:
ⴰⵜⴱⵉⵔ ⵓⵎⵍⵉⵍ *** ⵏⵔⴰ ⴰⴷ ⵏⵎⵓⵏ ⵙ ⴷⴰⵔⵓⵏ
ⵉⵖ ⵉⵢⵉ ⵜⵔⵉⵜ *** ⵏⵔⴰ ⴰⴷ ⴱⴷⴷⴰ ⵏⴳ ⵡⵉⵏⵏⵓⵏ
ⴰⴷ ⵏⵎⵓⵏ ⴰⴷ ⵏⵥⵕ *** ⵡⴰⵍⵍⵉ ⵏⵔⴰ ⵖ ⴷⴷⵓⵏⵉⵜ
ⵉⵇⵇⴰⵏ ⴰⵖ ⴷ ⵓⵙⵎⵓⵏ *** ⵍⵅⵢⴰⵕ ⴷ ⴽⵢⵢⵉⵏ
ⵎⴰⴷ ⵉⵢⵉ ⵉⵎⵍⴰⵏ *** ⵉⵙ ⵉⵊⵍⴰ ⵓⵜⴱⵉⵔ
ⵉⴳⴰ ⵡⴰⵃⴷⴰⵜ *** ⵓⵔ ⵉⵎⵓⵏ ⴷ ⵢⴰⵏ
ⴰ ⵅⵓⵢⴰ ⴰⵜⴱⵉⵔ *** ⵏⵉⵖ ⴰⵃⴱⵉⴱ ⵏ ⵢⴰⵏ
ⴰⴷ ⵜ ⵓⴽⴰⵏ ⵍⴰⵃⵃ *** ⵉⵇⵇⴰⵏ ⴷ ⴰⴷ ⵊⵍⵓⵏ
ⵍⵎⵓⵍⵓⵄ ⵢⴰⵏ *** ⵉⵚⵢⵢⴷⵏ ⴰⵜⴱⵉⵔ
ⵏⴽⴽⵉ ⵏⵏⵉⵖ ⵢⵓⴼ *** ⴰⴷ ⵜⵏ ⵉⴹⴰⵍⴱ ⵢⴰⵏ
ⵉⵖ ⵉⵔⴰ ⴰⴷ ⵜ ⵜⵕⴱⴱⵓⵜ *** ⴰⴷ ⴱⴷⴷⴰ ⵉⴳ
ⵡⵉⵏⵏⵓⵏ
ⵍⵎⵓⵍⵓⵄ ⵢⴰⵏ *** ⵉⵚⵢⵢⴷⵏ ⴰⵜⴱⵉⵔ
ⵏⴽⴽⵉ ⵏⵏⵉⵖ ⵢⵓⴼ *** ⴰⴷ ⵜⵏ ⵉⴹⴰⵍⴱ ⵢⴰⵏ
ⵉⵖ ⵉⵔⴰ ⴰⴷ ⵜ ⵜⵕⴱⴱⵓⵜ *** ⴰⴷ ⴱⴷⴷⴰ ⵉⴳ
ⵡⵉⵏⵏⵓⵏ
ⵏⴽⴽ ⵏⵏⵉⵖ ⵢⵓⴼ *** ⴰⴷ ⵜⵏ ⵉⴹⴰⵍⴱ ⵢⴰⵏ
ⵉ ⵡⴰⵍⵍⵉ ⵜ ⵢⵓⵔⵓⵏ *** ⵏⵖ ⵜⵏ ⵕⴱⴱⴰⵏ
ⵉⵎⵎⴰ ⴰⵅⵍⴰⵡⵉ *** ⵓⵔ ⵙⴰⵔ ⴳⴳⴰⵡⵔⵏ
ⵎⵍⴰⴷ ⵍⵀⵡⴰ ⵏⵏⵙ *** ⵉⵙ ⵉⵔⴰ ⴰⴷ ⵊⵍⵓⵏ
ⵜⴰⵍⵍⵖⴰⵜ ⵏ ⵓⵜⴱⵉⵔ ⵓⵎⵍⵉⵍ ⵉⵙⴰⵡⵍ ⴳⵉⵙ ⵕⵕⴰⵢⵙ
ⵍⵃⴰⵊⵊ ⴱⵍⵄⵉⴷ ⴼ ⵜⴰⵢⵔⵉ ⵙ ⵢⴰⵜ ⵜⵖⴰⵔⴰⵙⵜ ⵖ ⵓⵔ
ⵉⵍⵍⵉ ⵓⵙⵏⵃⵉⵛⵛⵎ ⵉⵥⴹⴰⵕ ⴰⴷ ⴰⵙ ⵉⵙⵙⴼⵍⴷ
ⵎⴰⴷ ⵉⵎⵥⵥⵉⵢⵏ ⵓⵍⴰ ⵎⴰⴷ ⵉⵎⵇⵇⵓⵕⵏ.
ⵉⵙⴽⵔ ⴳⵉⵙ ⵢⴰⵜ ⵜⵡⵓⵔⵉ ⴱⴰⵀⵔⴰ ⵉⵥⵉⵍⵏ ⴰⵛⴽⵓ
ⵉⵙⵙⵔⴽⵙ ⵜⵉⴳⵓⵔⵉⵡⵉⵏ ⵉⵥⵍⵉⵏ ⵙ ⵓⵜⴱⵉⵔ ⵍⵍⵉ
ⵉⵎⵎⴰⵍⵏ ⵉⵏⵓⵎⴰⴽ ⵏ ⵡⵓⵍ ⵎⵍⵍⵓⵍⵏ ⴷ ⵜⴳⵓⵔⵡⵉⵏ
ⵉⵥⵍⵉⵏ ⵙ ⵓⵎⴰⵔⴰⵢ ⴷ ⵜⴰⵢⵔⵉ ⴰⴼⴰⴷ ⴰⴷ ⵉⵙⵙⵍⴽⵎ
ⵜⴰⵡⵏⴳⵉⵎⵜ ⵏⵏⵙ ⵉⵜⵜⵉⵏⵉⵏ ⵎⴰⵙ ⴷ ⵉⵇⵇⴰⵏ ⴰⴷ ⵉⵙⵜⵉ
ⵓⴼⴳⴰⵏ ⴰⵎⴰⵔⴰⵢ ⵏⵏⵙ ⵣⵣⵖ ⵓⵥⵖⵔ ⵏⵏⵙ ⵉⵖ ⵉⵥⵉⵍ
ⵓⵥⵖⵕ ⵏ ⵓⴼⴳⴰⵏ ⵀⴰⵜ ⵉⴳⴰ ⵡⵉⵏ ⵍⵉⵜⵉⵀⴰⵍ.
4. ⴰⵣⵔⵔⵓⵢ ⵏ ⵜⵉⵏⵎⵍ
ⵏ ⵜⵕⵕⵓⵢⵙⴰ
 ⵉⴳⴰ ⵓⵥⴰⵡⴰⵏ ⵏ ⵜⵕⵕⵓⵢⵙⴰ ⵢⴰⵏ ⵓⵎⴰⵜⴰⵔ ⵏ
ⵜⴳⵔⴰⵡⵍⴰ ⴷ ⵢⴰⵏ ⵉⵎⵙⵍⵉ ⵉ ⵉⵎⴰⵣⵉⵖⵏ ⵇⵇⴰⵃ,
ⴷⴰ ⵉⵙⴳⵓⵍⵓ ⴰⵙⵡⵓⵜⵜⵓ ⴷ ⵢⵉⵙⵉⵏ ⵙ ⵜⵓⵜⵍⴰⵢⵜ ⴷ
ⵜⴷⵍⵙⴰ ⴷ ⵜⵉⵍⴰⵡⵜ ⵏ ⵉⵎⴰⵣⵉⵖⵏ ⵇⵇⴰⵃ.
ⵎⵇⵇⴰⵔ ⵏⵉⵜ ⵓⵔ ⵓⴷⵉⵏ ⵉⵎⴰⵙⵙⵏ ⵏ ⵓⵣⵎⵣ ⴰⵏⵏ,
ⵉⵙⵙⵏⵜⵉ ⵓⵥⴰⵡⴰⵏ ⴰⵎⴰⵣⵉⵖ ⴳ ⵢⴰⵏ ⵓⵎⵓⵙⵙⵓ
ⴰⵎⵇⵇⵔⴰⵏ ⴰⵣⵣⵉⴳⵣⴰⵏ ⵉⵎⵙⴰⵙⴰⵏ ⴰⴽⴷ ⵜⵉⵍⴰⵡⵜ ⵏ
ⵡⴰⵎⵓⵏ ⴰⵎⵖⵔⵉⴱⵉⵢ ⴳ ⵢⴰⵏ ⵓⵣⵔⵔⵓⵢ ⴰⵙⴰⴽⵓⴷ
ⵉⵎⵢⴰⵏⴰⵡⵏ ⴳ ⵉⵎⵙⵓⵜⴰⵍ ⵏⵏⵙ ⵉⵙⵔⵜⴰⵏⵏ ⴷ ⵉⵏⴰⵎⵓⵏⵏ,
ⵉⵎⵎⴹⴼⴰⵕⵏ ⵖ ⵡⴰⴽⵓⴷ.
 ⵜⵎⵓⵏ ⵜⵉⵏⵎⵍ ⵏ ⵜⵕⵕⵓⵢⵙⴰ ⴰⴽⴷ
ⵜⵉⵍⴰⵡⵜ ⴰⴷ ⵏ ⵉⵎⵖⵔⵉⴱⵉⵢⵏ ⵙⴳ ⵢⴰⵜ ⵏ
ⵜⵙⵓⵜ ⵜⴰⵣⴰⵢⴽⵓⵜ ⵍⵍⵉ ⴷ ⴱⴰⵀⵔⴰ
ⵢⵓⴳⴳⴰⵏ ⵣⵣⵉ ⵎⴰⴷ ⵉⵣⵎⵎⵉⵎ
ⵓⵎⵇⵇⵔⴰⵏ ⵏ ⵕⵕⵡⴰⵢⵙ ⵍⵃⴰⵊⵊ
ⴱⵍⵄⵉⴷ ⴰⵥⴰⵡⴰⵏ ⵏⵏⵙ ⴳ 1937, ⵉⴹⴼⵓⵕ ⵜ
ⵉⵏ ⵉⵍⵎⵎⴰⵏ ⴽⵉⴳⴰⵏ ⵏ ⵕⵕⵡⴰⵢⵙ ⵢⴰⴹⵏⵉⵏ
ⴳ ⵉⵣⵎⴰⵣ ⵎⵢⴰⵏⴰⵡⵏⵉⵏ ⴽⵓ ⵢⴰⵏ ⴷⴰ ⴷ
ⵉⵜⵜⴰⴳⵎ ⵜⴰⵎⴷⵢⴰⵣⵜ ⵏⵏⵙ ⵙⴳ ⵜⵏⵉⵍⴰ ⵏⵏⵙ,
ⵣⵣⵉⴳⵙⵏ
ⵕⵕⴰⵢⵙ ⴰⵍⴱⵏⵙⵉⵔ (1937-1989):
ⴰⵔ ⵙⵉⵙⵙⵉⵏⴻⵏⵜ ⵜⵎⴷⵢⴰⵣⵉⵏ ⵏ ⵕⵕⴰⵢⵙ
ⴰⵍⴱⵏⵙⵉⵔ ⵙ ⵉⵎⵓⴽⵔⵉⵙⵏ ⵍⵍⵉ ⴳ ⵉⵍⵍⴰ ⵡⴰⵎⵓⵏ
ⴰⵎⵖⵔⵉⴱⵉⵢ ⴳ ⵜⵙⵓⵜ ⵏ ⵜⴰⵎⵎⵔⴰⵡⴰⵏⵉⵏ ⵙⵍⴰⵡⴰⵏ ⴰⴽⴽⵯ
ⵖ ⴽⵉⴳⴰⵏ ⵏ ⵢⵉⴳⵔⴰⵏ.
ⵣⵣⵉ ⵜⴰⵍⵍⵖⴰⵜⵉⵏ ⵏⵏⵙ ⵜⵍⵍⴰ ⵜⴰⵍⵍⵖⴰⵜ ⵏ "ⴰⴳⴳⵯⵔⵏ"  
(1982) ⴳ ⵉⵏⵏⴰ:
"ⵜⵃⵕⵕⴰ ⵍⵅⵏⵛⴰ ⵏ ⵓⴳⴳⵯⵔⵏ ⵜⵓⵜⵉ ⵜⵜⴰⵎⴰⵏ ⵏⵏⵙ

***
ⴰ ⵅⵉⵣⵣⵓ ⴷ ⴱⴰⵟⴰⵟⴰ ⴷ ⵓⵅⵙⴰⵢ ⵓⴼⵏ ⵜⴰⵎⵎⵏⵜ"
ⵉⴳⴰ ⵖⴰⴷ ⵎⴰⴷ ⵅ ⵉⵜⵜⵓⵀⴰⵎ ⵢⴰⵏ ⵏⵅ ⴰⵔ ⴰⴽⴽⵯ ⴰⵍⵍⴰⵏ

ⵓⵔ ⵊⵊⵓ ⵏⵄⴰⵇⵇⵍ ⵙⵙⵔⴱⵉⵙ ⴰⴷ ⵢⵉⵍⵉ ⴼ ⵓⴳⴳⵯⵔⵏ

ⵓⵍⴰ ⵜⵓⵎⵥⵉⵏ ⴰⴷ ⵉⴳⴰⵏ ⵅⵎⵙⵎⵢⵢⴰⵜ ⵔⵢⴰⵍ

ⵓⵍⴰ ⵊⵊⵓ ⴷ ⵎⴰⵟⵉⵛⴰ ⴰⴷ ⴷ ⵏⵙⵖⴰ ⵙ ⵙⵜⵜⵉⵏ ⵔⵢⴰⵍ

ⴰ ⵅⵉⵣⵣⵓ ⴷ ⴱⴰⵟⴰⵟⴰ ⴷ ⵓⵅⵙⴰⵢ ⵓⴼⵏ ⵜⴰⵎⵎⵏⵜ

ⵉⴽⴽⴰⵜⵜⵉⵏⵏ ⵢⴰⵏ ⵓⵣⵎⵣ ⵓⵛⵛⵏ ⴰⴷ ⵜ ⴰⴽⴽⵯ ⵓⵔ ⵉⵔⵉⵏ

ⵉⴳⴰ ⵍⵎⵙⴽⵉⵏ ⵖ ⵜⵓⵥⵥⵓⵎⵜ ⵏ ⵙⵙⵓⵇⵇ ⵍⵢⴰⵜⵉⵎ

ⴰ ⵜⴰⵏⵏⴰ ⵙ ⵏⵏ ⵉⵎⵉⵍ ⵉⴳⴰ ⵉⴼⴰⵙⵙⵏ ⵍⴰⵃⵃ ⴰⵙⵏ ⵜⵜ

ⵜⴰⵎⵎⴰⵔⴰ ⵏ ⵍⵅⵏⵛⵜ ⵏ ⵓⴳⴳⵯⵔⵏ ⵜⵓⵜⵉ ⵜⵜⴰⵎⴰⵏ ⵏⵙ

ⴰ ⵡⴰⵏⵏⴰ ⵜⵅⴰⵚⵚⴰ ⵣⵓⵏ ⴷ ⵉⵖ ⵔⴰⴷ ⴽⴽⵏ ⵚⵚⵉⵕⴰⵟ

ⵍⴰⴱⵓⴷⴷ ⴰⴷ ⵖⵉⵏ ⵙⵙⵔⴱⵉⵙ ⴼⵍⵍⴰⵙ ⵉⵎⴰⵍⴰⵙⵙ

ⴰ ⵙⵓⵍ ⴰⵔ ⴷ ⴰⵅ ⵉⵙⵉⴳⴳⵉⵍ ⵎⴰⴷ ⴰⵙ ⵏ ⵜⵜ ⵉⵜⵜⴰⵙⵉⵏ

ⵉⵔⴰ ⴱⵓ ⵍⴽⵕⵕⵓⵚⴰ ⴳⵉⵙⵏ ⵎⵢⵢⴰⵜ ⵔⵢⴰⵍ

ⴰ ⴽⵓⵍⵍⵓ ⴽⵔⴰ ⴷ ⵉⵜⵜⴰⴳⴳⴰⵏ ⴰⵔ ⴰⵙⵏ ⵜⵜⵉⵏⵉⵏ

ⴰ ⵀⴰⵏⵏ ⵉⵔⵖⵓⴷ ⴰⴽ ⵕⴱⴱⵉ ⵍⵍⵉⵖ ⵜⵜ ⴽⴰ ⵜⵓⴼⵉⵜ

ⵣⵓⵏ ⴷ ⵜⴰⴼⴰⵙⴽⴰ ⵏ ⵍⵄⵉⴷ ⵉⵖ ⵔⴰⴷ ⴰⵙ ⵓⴽⴰⵏ ⵉⵖⵔⵙ

ⵜⴰⵕⵕⴰⵢⵙⵜ ⴼⴰⵟⵉⵎⴰ ⵜⴰⴱⴰⵄⵎⵕⴰⵏⵜ (1962 - ⴰⵍ
ⵜⵓⵔⴷⴷⵖ) :
ⴰⵙⵙⴰⵖ ⵏⵏⵙ ⴼⴰⵟⵉⵎⴰ ⵛⴰⵀⵓ, ⵜⴻⵜⵜⵡⴰⵙⵙⵏ ⴳ ⵢⵉⴳⵔ ⵏ
ⵜⵥⵓⵕⵉ ⵙ ⵜⴱⴰⵄⵎⵕⴰⵏⵜ, ⵜⵍⵓⵍ ⴳ ⵜⵎⵏⴰⴹⵜ ⵏ ⴰⵢⵜ ⴱⴰⵄⵎⵕⴰⵏ ,
ⴰⵥⵓⵕ ⵏⵏⵙ ⵙⴳ ⵜⵎⴰⵣⵉⵔⵜ ⵏ ⵉⴼⵔⴰⵏ ⵜⴰⵎⴰ ⵏ ⴳⵯⵍⵎⵉⵎ.
ⴰⵔ ⴷ ⵜⵜⴰⴳⵯⵎ ⵜⴰⵍⵍⵖⴰⵜⵉⵏ ⵏⵏⵙ ⵙⴳ
ⵓⵢⴷⴰ ⵏ ⵍⵃⴰⵊⵊ ⴱⵍⵄⵉⴷ ⴷ ⵡⴰⵍⴱⵏⵙⵉⵔ
ⵜⴼⴽ ⴱⴰⵀⵔⴰ ⴳⵉⵙⵏⵜ ⴰⵏⵣⴳⵓⵎ ⵉ
ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵜⵎⴰⴳⵉⵜ
ⵜⴰⵎⴰⵣⵉⵖⵜ.
ⴷⴰ ⵜⵙⵙⵎⵔⴰⵙ ⵉⵏⵓⵎⴰⴽ ⵏ ⵜⴰⵢⵔⵉ ⵉ
ⵜⵎⴰⴳⵉⵜ ⴷ ⵜⵖⵔⵎⴰ ⵜⴰⵎⴰⵣⵉⵖⵜ ⵙ
ⵓⵎⴰⵜⴰ
ⵙⴳ ⵎⴰⴷ ⵜⵙⵍⵍⵖⴰ :
ⵏⵖ ⵜⴰⵎⴰⴳⵉⵜ ⵓⵍⴰ ⵜⵓⵜⵍⴰⵢⵉⵏ ⴰⵊⵊⵉ
ⵖⴰⵔ ⵜⵉⵏⵏⵓⵏ
ⵎⵔⴰ ⴷⴰⵔⵓⵏ ⵍⵍⵙⴰⵙ ⵓⵔ ⴽⵯⵏ
ⵏⵃⵙⴰⴷ ⵓⵔ ⴰⴽ ⵜ ⵏⴽⴽⵉⵙ
ⴰⴼⴳⴰⵏ ⵉⵖ ⵉⵍⵍⴰ ⵖ ⵜⵓⴷⵔⵜ ⵍⴰⴱⵓⴷⴷ
ⴰⴷ ⴳⵉⵙ ⵉⵟⵟⴼ ⴰⴽⴰⵍ
ⴰⴽⴰⵍ ⵏⵜⵜⴰ ⴷ ⵓⴼⴳⴰⵏ ⵓⵔ ⴳⵉⵙⵏ ⵡⴰⴷ
ⵉⴼⴼⵓⵖ ⵡⴰⵡⴰⵍ
ⵉⴼⴼⵖ ⴰⴽ ⴰⴷ ⵜⵏⵏⵉⵜ ⵓⵔ ⵉⴳⵉ ⵖⵉⴽⴰ
ⴷ ⴰⴷ ⵉⵢⵉ ⵉⵅⴰⵚⵚⴰⵏ
ⴰⵔⴰ ⵊⴷⴷⵉⴷ ⵍⵍⵙⴰⵙⴰⵍⵍ ⵜ ⴰⵡⴰ ⴰⴷ
ⴱⵉⴷⴷⵏⵜ ⵜⴰⵛⵛⵕⴰⴼⵉⵏ
ⵀⴰⵏ ⴽⵓⵍⵍⵓ ⵜⵉⴷ ⵍⵍⵉ ⵜⴼⵍⵜ ⴰⴷ ⵜⵔⴰ
ⴷⴷⵓⵏⵉⵜ ⴰⴷ ⵜⵏⵜ ⴷ ⵜⴰⵡⵉⵜ
ⴼⴽ ⴰⵜ ⴰⵏⵖ ⵉⵎⴰⵡⴰⵙⵏ ⵍⵍⵉ ⵉⵎⵍⴽ
ⵍⵃⵓⴱⴱ ⵏⴽ ⴰ ⵍⵡⴰⵟⴰⵏ
ⵃⴰⵕⴱ ⴰⵜ ⵍⵊⴰⵀⵍ ⵖ ⵡⵉⵍⵍⵉ ⵖⵔⴰⵏⵉⵏ
ⵉⴳⴳⴰⵎⵎⵉ ⴰⴷ ⵜⵏ ⵉⴼⴼⵓⵖ
ⵢⵓⴼ ⵢⴰⵏ ⴰⴽⴽⵯ ⵓⵔ ⵉⵖⵔⵉⵏ ⴰⵔ ⴽⵉⵅ
ⵙⴳⴰⴷⴷⴰⵏ ⵍⵍⵙⴰⵙ ⵏⵙ
ⵍⵄⵕⴱⵉ ⵉⵎⵖⵔⴰⵏ (1978 - ⴰⵍ ⵜⵓⵔⴷⴷⵖ):
ⵉⴳⴰ ⵍⵄⵕⴱⵉ ⵉⵎⵖⵔⴰⵏ ⵢⴰⵏ ⵓⵏⴰⵥⵓⵕ ⵉⵍⵓⵍⵏ ⵖ ⵜⵎⴰⵣⵉⵔⵜ ⵏ
ⵍⵃⴰⵊⵊ ⴱⵍⵄⵉⴷ ⵜⴰⴳⵔⴰⵡⵜ ⵏ ⵡⵉⵊⵊⴰⵏ ⴰⴹⵡⵡⴰⵔ ⵏ ⵓⵙⴰⴽⴰ
ⵉⴹⴼⵕ ⴰⵙⵙⵍⵎⴷ ⵏⵏⵙ ⴰⵎⵣⵡⴰⵔⵓ ⵖ ⵜⵣⵏⵉⵜ ⵉⴳ ⵢⴰⵏ ⵓⵔⴱⴰ
ⵉⵃⵕⵛⵏ ⴰⵟⵟⴰⵚ.
ⵎⴰⵛⴰ ⵓⵔ ⵉⵙⵎⴷ ⵜⵉⵖⵔⵉ ⵏⵏⵙ
ⵍⴰⵃⵇⵇⴰⵛ ⵉⴼⴼⵖ ⵣⵣⵉ ⵜⵉⵏⵎⵍ ⵙⴳ
ⵜⵎⵣⵢⵉ ⵏⵏⵙ ⵉⵙⵙⵏⵜⵉ ⴰⵔ ⵢⴰⵇⵔⴰ ⵉ
ⵡⴰⴹⵓ ⵏⵏⵙ ⵉ ⵉⵎⴷⵢⴰⵣⵏ ⴰⵄⵕⴰⴱⵏ ⴰⵎ
ⵎⵚⵟⴰⴼⴰ ⵍⵓⵟⴼⵉ ⵍⵎⴰⵏⴼⴰⵍⵓⵟⵉ ⴷ
ⵊⴰⴱⵕⴰⵏ ⵅⴰⵍⵉⵍ ⵊⴰⴱⵕⴰⵏ ⴰⵢⴰ ⴷⴰⵜ ⵏ ⵎⴰ
ⵉⵙⵙⵏⵜⵉ ⴰⴷ ⵉⵜⵜⴰⵔⴰ ⵢⵓⵔⴰⵔ ⵉⵖⵏⵏⵉⵊⵏ
ⵏⵏⵙ ⴰⴽⴷ ⵜⵔⴰⴱⴱⵓⵜ ⵏ ⵉⵎⴰⵏⴰⵔⵏ ⴼⴼⵉⵔ
ⴰⵙ ⵜⴰⵔⴰⴱⴱⵓⵜ ⵏ ⵉⵎⵖⵔⴰⵏ.
 ⵢⵓⵎⵥ ⵍⵄⵕⴱⵉ ⵉⵎⵖⵔⴰⵏ ⵜⴰⵖⴰⵔⴰⵙⵜ ⵏ
ⵕⵕⴰⵢⵙ ⵍⵃⴰⵊⵊ ⴱⵍⵄⵉⴷ ⵖ ⵉⵙⵏⵜⴰⵍ ⵏⵏⴰ ⵅⴼ ⴷ
ⵜⵜⴰⵡⵉⵏ ⵉⵖⵏⵏⵉⵊⵏ ⵏⵏⵙ ⵖ ⵜⵍⵍⴰ ⵜⴰⵢⵔⵉ ⴷ ⴰⴽⴽⵯ ⵎⵉⵏ
ⵉⵇⵇⵏ ⴰⴽⴷ ⵉⵄⵔⵔⵉⵎⵏ ⴷ ⵜⵄⵔⵔⵉⵎⵉⵏ ⵙⵍⴰⵡⴰⵏ
ⴰⴽⴽⵯ ⴱⴰⴹⴰⴹ.
ⵎⴰⵛⴰ ⵢⵓⵍⵙ ⵓⵔⴰⵔ ⵏ ⴽⵉⴳⴰⵏ ⵏ ⵉⵖⵏⵏⵉⵊⵏ
ⵉⵇⴱⵓⵔⵏ ⵏ ⵕⵕⵡⴰⵢⵙ ⴰⵎ ⵍⵃⴰⵊ ⴱⵍⵄⵉⴷ ⴷ
ⵄⵓⵎⴰⵔ ⵡⴰⵀⵔⵓⵛ ⴷ ⴱⵓⵢⵣⵎⴰⵡⵏ ⴷ ⵙⴰⵄⵉⴷ
ⴰⵛⵜⵓⴽ ⴷ ⴼⴰⵟⵉⵎⴰ ⵜⴰⵍⴱⵏⵙⵉⵔⵜ ⴷ ⵓⵏⵛⵛⴰⴷ … ⵙ
ⵜⴱⵔⵉⴷⵜ ⵜⴰⵜⵔⴰⵔⵜ ⵉⵎⵙⴰⵙⴰⵏ ⴰⴽⴷ ⵜⵙⵓⵜ ⴰⴷ ⵖ
ⵜⵡⵓⵔⵉ
ⵏⵍⵍⴰ ⵙⵏⵏⵙ,ⵉⵎⴰⵙⵙⵏ
ⴰⵢⴰ ⴷ ⴰⴷ ⵢⵓⵊⵊⴰⵏ ⵜⴰⵙⵓⵜⴰ
ⵉⵎⴰⵢⵏⵓⵜⵏ ⴷ ⴰⴷⵍⵎⵓⵏⵟⴰⵊ
ⴷⴷⵔⵏ ⵜⵉⵍⴰⵡⵜ
ⵉⵣⵣⵉⴳⵣⵏ ⴷ ⵉⵙⵏⵜⴰⵍ
ⴷ ⵓⴼⵉⴷⵢⵓ ⵏ ⵉⵎⴰⵔⵉⵔⵏ
ⴽⵍⵉⴱ ⵎⵉ ⵜⵖⵓⴷⴰ
ⵉⵇⴱⵓⵔⵏ ⵣⵣⵉ ⵉⵖⵏⵏⵉⵊⵏ ⴰⴷ.
ⴷⴷⵓⵏⵉⵜ ⵜⵣⵔⵉ ⵢⴰⵏ ⴷⴰⵅ ⵉⵏⵏⴰⵏ ⵓⵀⵓⵢ ⵉⵣⴰⵢⴷ
ⴰⴷ ⴷ ⵉⴽⴽ ⴼ ⵍⵇⵓⴱⵓⵔ ⴰⴷ ⵉⵥⵕ ⵎⴰⴷ ⴽⵓⵍⵍⵓ ⵛⵛⴰⵏ ⵉⴽⴰⵍⵏ
ⵢⴰⵏ ⵎⵉ ⵜⵣⵔⵉ ⵙⵙⴰⵄⵜ ⵏⵙ ⴰ ⵢⴰⵏ ⵎⵉ ⵜⵍⴽⵎ ⵜⵉⵏⵏⵙ
ⵔⴰⴷ ⴰⵙⵏ ⵜⵣⵔⵉ ⴰⵛⴽⵓ ⵜⴰⵡⴰⵍⴰ ⴽⴰ ⴰⴷ ⵙ ⵍⵍⴰⵏⵜ
ⴽⵎⵎⵍⵏ ⵍⵄⴷⵓⵔ ⵉ ⵢⴰⵏ ⵎⵉ ⴽⵎⵎⵍⵏ ⵓⵙⵙⴰⵏ ⵏⵏⵙ
ⵉⵖ ⵉⵎⴷⴰ ⵍⴰⵊⴰⵍ ⵚⵕⵕⴼⵏ ⵍⴰⵢⵢⴰⵎ ⵉⵜⵎⵎⵓ ⵍⵄⵎⵎⵕ
ⵎⴰⴷ ⴰⵏⵖ ⵉⵙⵙⵓⴳⵔ ⵢⴰⵏ ⵢⴰⵍⵍⴰⵏ ⵓⵍⴰ ⵢⴰⵏ ⵉⴼⵕⵃⵏ
ⵉⵇⵇⴰⵏ ⴷ ⴰ ⵢⴰⵏ ⵉⴼⵓⵍⴽⵉⵏ ⴰⴷ ⴰⴽ ⵉⵛⵉⴱ ⵉⵅⴼ
ⵉⴽⴽⵯⵙ ⴰⴽ ⵕⴱⴱⵉ ⵜⵓⵅⵙⵉⵏ ⵏⴽ ⵉⴱⴷⵓ ⵖ ⵍⵄⵎⵎⵕ ⵏⴽ
 tamrgalt
ⵜⵉⴳⵉⵔⴰ ⵏ ⵡⴰⵡⴰⵍ ⵉⴼⴽⴰ ⵍⵃⴰⵊⵊ ⴱⵍⵄⵉⴷ ⵢⴰⵏ ⵓⵙⵙⵏⵜⵉ ⴱⴰⵀⵔⴰ
ⵉⵥⵉⵍⵏ ⵉ ⵓⵥⴰⵡⴰⵏ ⴰⵎⴰⵣⵉⵖ ⵓⵔ ⴷ ⵖⵉⵔ ⵙ ⵓⵎⴰⵔⴳ ⵏⵏⵙ ⵉⵎⵎⵉⵎⵏ ⵖ
ⵜⵡⵉⵍⴰ ⵓⵍⴰ ⵖ ⵜⵓⵎⴰⵢⵜ, ⵎⴰⵛⵛ ⵓⵍⴰ ⵙ ⵉⴼⵔⵉⵙⵏ ⵏⵏⵙ ⴱⴰⵀⵔⴰ
ⴼⵓⵍⴽⵉⵏⵉⵏ ⵍⵍⵉ ⵜ ⵢⵓⵊⵊⴰⵏ ⴰⴷ ⵉⴳ ⴰⵏⴰⵥⵓⵕ ⴰⵎⵇⵇⵔⴰⵏ ⵏ ⵜⴰⵙⵓⵜ ⵏⵏⵙ ⵖ
ⴳⵔ ⵉⵎⴰⵣⵉⵖⵏ.
ⵎⴰⵛⵛ ⵉⵡⵙⵏ ⴽⵉⴳⴰⵏ ⵏ ⵉⵏⵓⵥⴰⵕ ⵜ ⵉⴷ ⴹⴼⵕⵏⵉⵏ ⵖ ⵜⴰⵙⵓⵜ
ⵉⴹⴼⵓⵕⵏ ⵜⴰⵖⴰⵔⴰⵙⵜ ⵏ ⵓⵥⴰⵡⴰⵏ ⵏⵏⵙ, ⵖ ⵓⵙⵉⵙⵙⵏ ⵙⵉⵙ ⴷ ⵓⵙⵉⵙⵙⵏ
ⵙ ⵓⵎⴰⵔⴳ ⵏⵏⵙ ⴷ ⵓⵎⴰⵔⴳ ⵏ "ⵜⵉⵕⵕⵓⵢⵙⴰ" ⵙ ⵓⵎⴰⵜⴰ.
ⴷ ⴰⴷ ⵓⵔ ⵏⵜⵜⵓ ⵉⵙ ⴷ ⵓⴳⴳⴰⵏⵜ ⵜⵉⵎⴰⵍ ⵢⴰⴹⵏⵉⵏ ⵖ ⵓⵥⴰⵡⴰⵏ ⴰⵎⴰⵣⵉⵖ ⵖ
ⵙⵓⵙ ⵣⵣⵖ ⵜⴳⵉⵔ ⵏ ⵜⵙⵓⵜ ⴰⴷ ⵉⵣⵔⵉⵏ ⴰⵎ ⵜⵉⵏⵎⵍ ⵏ « ⵜⴰⵔⵛⴰⵛⵜ »
ⵍⵍⵉ ⵏⵏ ⵉⵙⵙⴽⵛⵎⵏ ⴰⵏⴰⵡ ⵏ ⵓⵃⵡⴰⵛ ⵖ ⵜⴰⵍⵍⵖⴰⵜⵉⵏ ⵏⵏⵙ ⵖ ⴰⴽⴽⵯ ⵓⵔ
ⵉⵍⵍⵉ ⵔⵔⵉⴱⴰⴱ, ⴷ ⵜⵉⵎⵍ ⵏ « ⵜⴰⵥⵏⵥⴰⵕⵜ» ⵍⵍⵉ ⴱⴰⵀⵔⴰ ⵉⵙⵏⵏⴷⵏ ⴼ
ⵓⵥⴰⵡⴰⵏ ⵏ « ⵜⴰⴳⵓⵜ » ⵖ ⵜⴰⵍⵍⵖⴰⵜⵉⵏ ⵏⵏⵙ.
 Isavuln
Idlisn
 ⵎⵓⵃⴰⵎⵎⴰⴷ ⵍⵡⵊⵊⴰⵏⵉ: "ⵜⴰⵎⴷⵢⴰⵣⵜ ⵏ ⵍⵃⴰⵊⵊ ⴱⵍⵄⵉⴷ",
ⴰⵙⵏⵓⴱⴱⵛ ⵏ ⵜⴳⵉⵔⴰ ⵏ ⵓⵙⵎⵓⵜⵜⴳ ⵖ ⵓⵎⴰⵙⵜⵔ.
 ⵎⵓⵃⴰⵎⵎⴰⴷ ⵍⵎⵓⵙⵜⴰⵡⵉ: "ⵜⵏⵣⴱⴰⵢⵜ ⵏ ⵜⵎⴷⵢⴰⵣⵜ
ⵜⴰⵎⴰⵣⵉⵖⵜ ⵖ ⵙⵓⵙ".
 ⵕⵕⵡⴰⵙ ⴷ ⵜⵉⵕⵕⵓⵢⵙⴰ, ⴰⵙⵏⵓⴱⴱⵛ ⴼ ⵜⴰⵏⴽⵔⴰ ⵜⴰⵎⴰⵣⵉⵖⵜ
Amarg:
 Tallvat : « atbir umlil », Lpajj bloid.
 Tallvat : « SSBR », Lpajj bloid
 Tallvat: « izm », tabaomrant, 2015.
 Tallvat: «aggrn», Albnsir.
 Tallvat: «lmUT», lorbi imvran.
tanmmirt f ussfld nnun