PROGRAM (NRP) FILIPINO GRADE 5 – QUARTER 4 April 5, 2024 TEACHER:_______________ OBJECTIVE
Nasasagot ang mga
literal na tanong tungkol sa nabasang kuwento Scattegories -Susulat ang guro ng isang titik sa pisara at magbibigay ng isang kategorya. -Sa loob ng dalawang minuto, kinakailangan makasulat ang mga mag- aaral ng maraming salita na nagsisimula sa tinukoy na titik batay sa kategoryang ibinigay. PAGBAYBAY nayon karukhaan palalong panauhin dilag tapat talisuyo naghinagpis marangya nakayupyop PAGBIGKAS nakasubsob mayaman nalungkot kahirapan mapagmataas dalaga manliligaw bisita baryo tunay PAGHAWAN NG BALAKID Basahin ang mga sumusunod na pahayag at ibigay ang kahulugan ng mga salitang nakasalungguhit. Hanapin ang sagot sa loob ng kahon. 1. Napakatahimik sa aming nayon. 2. Siya ay kabilang sa mayaman at palalong angkan. 3. Si Paz ay isang magandang dilag. 4. Wala siyang napupusuan sa kanyang mga talisuyo. 5. Ang kanyang mga kaibigan ay marangya ang pamumuhay. 6. Sa kabila ng kaniyang karukhaan, ay nakatapos din siya ng pag-aaral. 7. Maraming panauhin ang dumating sa handaan. 8. Tapat ang pag-ibig ng binata. 9. Naghinagpis si Jose sa pagkawala ni Paz. 10.Hindi siya makaalis sa nitso ni Paz nakayupyop siya at siya’y nanangis. Pag-unawang Literal
Ito ay nakapokus sa mga ideya at impormasyong
tuwirang nakalahad sa teksto. Ang mga kasagutan sa tanong na literal ay ang simpleng pag-alaala sa mga impormasyon at detalyeng nakapaloob sa kuwentong binasa o napakinggan. Basahing mabuti ang kuwento. ALAMAT NG PASAY
Maraming taon na ang nagdaan, ang siyudad na
karugtong ng Maynila ay hindi tinatawag na Pasay. Nang lumaganap lamang sa pook na ito ang isang pangyayari saka lamang ito tinawag na Pasay. Isang nayon lamang ito noon sa labas ng Maynila at pinaninirahan ng isang napakagandang dilag: si Paz. Siya ay kabilang sa mayaman at palalong angkan. Ang kanyang mga kaibigan at talisuyo ay pawang mga marangya ang pamumuhay. Subalit wala siyang napupusuan sa mga iyon. Isa sa nananahan sa kanila ay si Mang Pedro na mayroong isang anak na labis ang pagmamahal sa kanya at iyon ay si Jose na kababata at kalaro ni Paz.Subalit habang lumalaki ang dalawa ay unti-unti silang nagkakalayo. Si Paz ay pinag-aral ng kanyang mga magulang sa siyudad, umuuwi lamang siya upang magbakasyon. Habang si Paz ay nag-aaral si Jose naman ay nagpupumilit magkaroon ng edukasyon. Sa kabila ng kanilang karukhaan, ay nakatapos din siya ng pag-aaral sa kolehiyo. Sadyang ang araw ng pagtatapos ay masayang araw sa mga mapapalad. Ito ay sapagkat lihim siyang umiibig kay Jose. Walang kayamanang maipagmalaki si Jose subalit hindi mahalaga sa kanya ang kayamanan. Sapat na sa kaniya ang tapat na pag-ibig ng binata. Isang gabi ang mga magulang ni Jose ay namanhikan sa mga magulang ni Paz. Hindi tanggap ng ama ni Paz ang kanilang pag-iibigan. Sabi ng ama ng dalaga, “magkaiba tayo ng uri, mahirap lamang kayo!”. Napakatinding dagok iyon para kay Jose, subalit higit para kay Paz. Hindi nakayanan ng dalaga ang labis na pagkabigla at pagkabigo. Nahulog ang kanyang pangangatawan hanggang siya’y namatay. Sa kanyang libing naroon ang mamamayan at mga kaibigan. Gayundin ang kaawa-awa at naghihinagpis na si Jose na nakatayo sa di kalayuan. Nakayanan niyang masdan ang paglilibing ngunit nang makaalis na ang lahat ay parang napako siya sa kanyang kinatatayuan. Hindi siya makaalis sa nitso ni Paz nakayupyop siya at nanangis, “Paz-ay”. Malinis at marangal ang kanyang pag-ibig. Bilang ganti ng mga magulang ni Paz sa pagpapahalaga ni Jose sa kaniyang pag-ibig, tinawag nila ang kanilang hasyenda ng Pasay. Pagkatapos ang ilang taon ang buong nayon ay nabansagan na sa tawag na Pasay. ACTIVITY Sagutin ang mga katanungan batay sa kwentong nabasa: 1. Ano ang pamagat ng kuwento/ alamat? 2. Sino- sino ang mga tauhan sa kuwento. Ilarawan ang bawat isa. 3. Saan naganap ang kuwento? 4. Ano ang nangyari kay Paz ayon sa alamat? 5. Ayon sa alamat, saan hinango ang pangalang Pasay? ACTIVITY Pair Reading. Basahin nang mabuti ang isang teksto. Sagutin ang mga tanong. Isulat kung Tama o Mali ang bawat pahayag. Bilang mga taong may Diyos na pinaniniwalaan, mahalaga ang paggawa ng kabutihan sa kapwa tao. Pagdamay sa mga nalulungkot , pagpawi sa iyak , pagtulong at marami pang gawain na nagpapakita ng kabutihan sa kapwa. Sa ating panahon ngayon marami ang nangangailangan ng tulong. Halimbawa na lamang ang mga residente sa Mindanao na tinamaan ng magkakasunod na lindol at ang mga mamamayang higit na naapektuhan sa pandemya.Ang ating paniniwala ang naguudyok sa atin na tumulong ng bukal sa loob at higit sa lahat tumulong ng walang hinihintay na kapalit. _______ 1. Mahalaga ang kabutihan sa kapwa tao. _______ 2. Ang pagdamay sa kapwa ay hindi mahalaga sa atin. _______ 3. Hindi na kailangan ng ibang tao ang ating tulong. _______ 4. Masarap sa pakiramdam ang tumulong ng walang hinihintay na kapalit. ________5. Ang pagdamay natin sa nalulungkot ay gawaing nagpapakita ng kabutihan sa kapwa. ACTIVITY Basahin nang mabuti ang kuwento. Ang pagtulong sa kapwa ay naging ugali na ni Angela. Bawat pulubing lumapit sa kaniya ay kanyang nililimusan. Madalas niyang iniimbitahan ang mga batang mahihirap na makipaglaro sa kanya. Si Angela ay madasalin. Tuwing araw ng Linggo, siya ay nagsisimba.Pagkatapos namimigay siya ng mga laruan, damit, at pera sa hanay ng mga pulubi. Napamahal na si Angela sa kanyang mga kababayan. Nakaugalian na ng mga tao na dalawin si Angela kung araw ng Pasko. Kakatok sila sa pintuan ng kaniyang tahanan at sila’y masayang patutuluyin at hahainan ng sari-saring pagkain. Isang araw ng Pasko, sa kanilang pagtataka, walang sumasagot sa kanilang pagkatok. Umakyat ang mga tao sa kabahayan at laking gulat nila nang makitang nakahandusay sa sahig at wala ng buhay si Angela. Nalungkot at nag- iyakan ang mga tao sa sinapit ng kanilang idolong si Angela. 1. Sino ang matulungin sa kapwa? 2. Ano ang ginagawa niya sa bawat pulubing lumalapit sa kanya? 3. Ano ang ginagawa niya tuwing araw ng Linggo? 4. Kung araw ng Pasko, ano ang ginagawa ng mga tao? 5. Ano ang nangyari sa pangunahing tauhan sa kuwento? THANK YOU!