“Implementasyon ng Paggamit ng Wikang Ingles sa lahat ng

Asignatura maliban sa Filipino”

Kabanata I: Ang Suliranin at Sanligan ng Pag-aaral

A. Panimula

Ang lingguwaheng Ingles ay isa sa mga pinakaginagamit at

nagagamit na wika sa buong mundo. Ito rin ang pangunahing wika na
ginagamit sa larangan ng komersyo. Tinatayang 25% ng tao sa mundo ang
may alam ng wikang ito o kaya nama’y marunong makapagsalita at
makaintindi ng wikang Ingles. Napag-alaman din namin na may 52 bansa
na ginagamit ang Ingles bilang opisyal na lingguwahe sa lugar nila. Kaya
masasabing ito rin ay isa sa pinakamagagamit na wika sa paglalakbay at
kasalukuyang maituturing na lingua franca ng diplomasya.

Dahil dito, ang mga eksperto ay nagbigay ng ilang dahilan kung bakit
masasabing laganap ang wikang Ingles sa buong mundo. Mayroong
inilahad na 5 dahilan kung bakit popular ang wikang Ingles sa buong
mundo, at ito ay ang mga sumusunod: 1) marami ang nakakaalam ng
lingguwaheng ito; 2) proseso ng globalisasyon; 3) impluwensyang pang-
ekonomiya ng Estados Unidos at maging ang kanilang kultura; 4)
pagtataguyod ng turismo sa masa at pagkalat ng wikang Ingles; at 5)
Migrasyon

Sa aming mga nakalap ay namataan namin ang kagandahan at

kahalagahan ng Ingles lalo na’t malaki ang naitutulong nito sa ating
pagiging madunong pagdating sa paggamit ng wikang ito, kung kaya’t
nabatid naming gamitin ito bilang batayan sa aming pag-aaral ukol sa
paggamit ng wikang Ingles sa lahat ng asignatura maliban sa Filipino.

Sapagkat bilang mga mag-aaral na nakapailalim sa kursong

nangangasiwa ng negosyo, masasabi namin na kung kami ay sasanayin
ngayon pa lamang sa pagsasalita ng wikang Ingles ay tiyak na malaki ang
magiging ambag nito sa ating ekonomiya sa paraan pa lamang na
magagamit namin ang wikang ito sa aming magiging hanapbuhay sa
hinaharap at maging sa pakikipagkomunikasyon sa iba’t ibang taong aming
makakasalamuha sa industriya.

B. Paglalahad ng Suliranin

B. 1. Pangkalahatang Suliranin

Kilala ang Pilipinas bilang isa sa mga bansang may higit na

nakararaming bilang sa populasyon ang nakaaalam ng wikang
Ingles. Ngunit bakit nga ba hindi natin ito gamitin sa ating paaralan
sa pang araw araw na mga asignatura? Pakay naming magsagawa
ng pag-aaral ukol sa implementasyon ng wikang Ingles sa loob ng
Colegio de San Juan de Letran, at ang pagtutuunan namin ng pansin
ay ang mga mag-aaral sa kolehiyo.

B. 2. Tiyak na Suliranin

- Sa aming pakay ay may ilang katanungan na sa amin ay

bumungad at nais namin itong bigyang kasagutan sa
pamamagitan ng pananaliksik na aming isasagawa. Ang
mga katanungang ito ay ang mga sumusunod: 1) bakit
kailangan natin maging bihasa sa paggamit ng wikang
Ingles? 2) makatutulong nga ba ang wikang ito sa ating
kinabukasan? 3) paano mapapalawak ang intelektuwal na
aspeto sa personalidad ng isang mag-aaral ang paggamit ng
Ingles?

C. Layunin at Kahalagahan ng Pag-aaral

C. 1. Layunin

- Layunin naming malutas ang suliranin sa pamamagitan ng

paggamit ng Ingles sa lahat ng asignatura maliban sa
Filipino sa Colegio de San Juan de Letran lalo na pagdating
sa mga mag-aaral sa kolehiyo. Pakay namin sa aming pag-
aaral na itaguyod ang implementasyon nito sa Colegio
upang mahasa ang mga mag-aaral sa paggamit nitong wika
sapagkat sa paraang ito’y magiging bihasa ang mga mag-
aaral sa Ingles at ito’y kanilang magagamit sa hinaharap.
 Nais din naming mahubog ang mga mag-aaral hindi lamang
sa pagsasalita kung di maging sa pagsusulat gamit ang
wikang Ingles upang hindi mapag-iwanan sa abilidad na
sumulat.

C. 2. Kahalagahan

- Ang kahalagahan ng pag-aaral na ito ay makatutulong sa

mga sumusunod:

Mag-aaral. Mahahasa agad ang kanilang abilidad sa

pagsasalita gamit ang wikang Ingles upang magsilbing
paghahanda sa hinaharap at upang mas lumalim pa ang
kanilang bokabularyo at lumawak pa ang pang-unawa sa
wikang ito.

Guro. Sa pang araw araw na paggamit ng wika ay

magiging bihasa rin sila.

Mga personalidad sa loob ng Colegio. Sila rin ay

maiimpluwensyahan sa paggamit ng wikang Ingles sa
pamamagitan ng mga nakapalibot sa kanilang gumagamit din
nito.

D. Batayang Konseptwal o Paradaym

E. Katuturan ng mga Talakay

F. Saklaw at Hanggahan ng Pag-aaral

Saklaw ng pag-aaral naming ito ang mga mag-aaral, mga guro at mga
personalidad sa loob ng Colegio de San Juan de Letran. Ang mga
repondenteng nais namin sa pag-aaral na ito, partikular ay ang mga mag-
aaral sa antas ng kolehiyo na maaaring sa ilalim ng kursong nangangasiwa
rin sa negosyo, babae at lalaki na nakapaloob sa mga 17 hanggang 20
taong gulang.

Ang pag-aaral na ito ay nagbibigay diin sa paggamit ng wikang Ingles sa

lahat ng asignatura maliban sa Filipino ng mga mag-aaral sa kolehiyo ng
Colegio de San Juan de Letran upang mapabuti pa ang kanilang paggamit
nito hanggang sa hinaharap.

Kabanata II: Mga Kaugnay na Literatura at Pag-aaral

Napag-alaman namin ayon sa iba’t ibang pinagmulan ng aming

nakalap na literatura at pag-aaral na may kaugnayan sa aming
pananaliksik ukol sa mga epekto ng paggamit ng Ingles bilang midyum sa
lahat ng asignatura sa Colegio de San Juan de Letran maliban sa Filipino
kung gaano na lamang nauunawaan ng mga mag-aaral ang kanilang aralin
na tinatalakay sa bawat asignatura, gaya na lamang ng matematiks na isa
sa nilalaman ng aming pagsasalik.
Ilan sa aming mga naging motibasyon upang pagtibayin ang aming
pagsasaliksik at lalong palawakin ang aming mga kaalaman ay ang mga
sumusunod:

A. Kaugnay na Literatura

A. 1. Kaugnay na Literatura (Lokal)

Mula sa lokal na publikasyon ng booklore na akda ni Nenita Papa

(2000), na sa muling pagbabago ng ating Saligang Batas noong 1972,
nabago rin ang mga probisyong pangwika. Ganito ang isinasaad sa Artikulo
XV, Seksyon 3 pa rin:

1. Ang Saligang Batas na ito ay dapat ipahayag na Ingles at

Pilipino ang mga wikang opisyal, isalin sa bawat
diyalektong sinasalita ng mahigit sa 50 libong taong
 bayan at sa Kastila at Arabic. Sakaling may hidwaan, ang
tekstong Ingles ang mananaig.

A. 2. Kaugnay na Literatura (Internasyunal)

Mula naman sa isang masasabing internasyunal na may kaugnayang

panliteratura sa aming paksa na ang pamagat ay Motibasyon at Atityud sa
Paggamit ng Wikang Ingles sa Pilipinas at ang Implikasyon nito sa Filipino
bilang Wikang Pambansa: Panimulang Pagtalakay sa Sikolohikal na
Aspekto sa Pagpaplanong Pangwika, ayon kay Jayson D. Petras:

Sa mahigit isang siglo, litaw ang malaking papel na

ginagampanan ng wikang Ingles sa kasaysayang linggwistiko ng
Pilipinas. Nang sakupin ng mga Amerikano ang Maynila noong 1898,
kaagad silang bumuo ng mga paaralan kung saan nagsilbing unang
guro ang mga Sundalong Amerikano at Ingles ang naging midyum
ng pagtuturo.

Simula noon, nagpatuloy ang pag-iral ng nasabing wika sa

pagtuturo at pagkatuto. Sa antas primarya pa lamang ay hinahasa
na ang mga mag-aaral sa pagsasalita ng wikang Ingles na nakabatay
sa pamantayang Amerikano. Marami pa ring asignatura, gaya ng
Matematika at Agham, na konserbatibong itinuturo sa Ingles. Lahat
ng ito ay nagbubunsod ng positibong atityud sa wikang Ingles –
pagtingin dito bilang wika ng edukado at nakapangyayari – ng mga
Pilipino.

Ang papel na ito ay naglalayong suriin ang motibasyon at

atityud sa wikang Ingles ng mga Pilipino at ang implikasyon nito sa
pambansa at mga panrehiyong wika. Tinitingnan nito ang naging
epekto ng mga patakaran sa edukasyon mula pananakop ng mga
Amerikano hanggang kasalukuyan sa paghubog ng kamalayan ng
mga Pilipino hinggil sa Ingles at kulturang Amerikano.

Sa inisyal na pagtataya, kapwa lumilitaw ang instrumental at

integratibong motibasyon sa pagkatuto ng Ingles na siyang lumilikha
ng mga partikular subalit nag-uugnayang resulta na pumapabor sa
nasabing wika.
 Bilang kongklusyon, inilutang sa pag-aaral ang usapin hinggil
sa sikolohikal na aspekto ng pagpaplanong pangwika na may
mahalagang gampanin sa hamong nililikha ng global na wika sa
pambansang realidad.

Ito ay mula sa pinagkunan ng impormasyon na inilahad na nasa

wikang Ingles hindi pa naisasalin:

For more than a century, English has played a vital role in the
linguistic history of the Philippines. When the Americans occupied its capital
Manila in May 1898, they immediately started building schools wherein
American soldiers served as the first teachers and English was the medium
of instruction.

Since then, the teaching and learning of this foreign language has
continued. As early as preschool, children are trained to speak American
Standard English. Subjects, especially Science and Mathematics are solely
taught in the said language. All of these contribute to the positive attitudes
toward English of many Filipinos – seeing it as the language of the learned
and the influential.

This paper investigates the language motivations and attitudes of

Filipinos toward learning English and its implications on Filipino as a
national language as well as on other regional languages in the country.
This article examines the effect of the educational policies implemented in
the country from the American period up to the present in shaping the
minds of Filipinos toward English and the American culture.

In an initial assessment, results show that both instrumental and

integrative motivations for learning English are present and thus create
distinct yet complementing attitudes that favor the foreign language in
higher functions compared to Filipino and other Philippine languages.

As a conclusion, the study raises issues regarding the psychological

aspect of language planning in the Philippines that is crucial in answering
these challenges imposed by a global language on the national realities.
 B. Kaugnay na Pag-aaral

B. 1. Kaugnay na Pag-aaral (Lokal)

Ayon sa lokal na pag-aaral ni Amamio (2000), mas magandang

gamitin ang Ingles bilang midyum ng pagtuturo dahil mas maipapaliwanag
ang mga ideya at konsepto sa mas madaling paraan.

Ayon sa pag-aaral ni Jolly Ray Bederico, nang dumating ang mga

Amerikano, malaki ang naging impluwensya ng salitang Ingles sa bansa.
Mula nang makamit natin ang kalayaan, ang gobyerno ay nagpatupad ng
“bilingual system” sa pagtuturo sa mga eskwelahan. Ang nagsilbing
predominant language ay Ingles, at Filipino naman ang mother-tongue
language.

B. 2. Kaugnay na Pag-aaral (Internasyunal)

Sa isang pananaliksik na internasyunal naman na ginawa ni Abraham

at Kaidonis (2006), nakasaad ang kanilang pagbibigay diin sa pagsasama
ng linggwaheng Ingles upang mapabuti pa ang karunungang bumasa’t
sumulat na naaayon sa antas pang-akademiko o pang-propesyonal.