WIKANG KATUTUBO: TUNGO SA ISANG

BANSANG PILIPINO
kay JENNIFOR AGUILAR

Lahat
Hinuhubog, binubuo, nilililok
Bansang sa panahon ay sinubok
Napakaraming dayuhan ang sa ati’y sumakop
Niyurakan, nilapastangan, tayo’y inilugmok
Group 1 (Girls)
Namangha sa kagandahang binubuo ng mga pulo
Sa angkin nating yamang puro’t dalisay na ginto
Maging sa mga wikang iba-iba at katutubo
Taglay ng mamamayang matitikas at tribo-tribo
Lahat
Hinati-hati, pinagwatak-watak, ginrupo-grupo
Nagsipangalat mga katutubong Pilipno
Itinaguyod kani-kaniyang tribo
Nalimot ang pagkalahing iisang dugong Pilipino
Group 2 (Boys)
Paunlarin at suportahan MTB-MLE sa bawat baryo
Wikang katutubo ang gamitin sa pagtuturo
Buwagin at ibasura CMO-20 sa Kolehiyo
Ibalik ang mga asignaturang Filipino
Lahat
Mga wikang katutubong maliliit man at iba-iba
Hitik naman sa yaman ng gawi nati’t kultura
Kung bibigyang pansin at pahahalagahan ng madla
Mabisang kasangkapan upang maging isang
Pilipinong Bansa

Solo 1 (EYERAH)
Ivatan, Itneg, Ibanag, Ilocano
Tagalog, Bicolano, Waray at Cebuano
Ilan sa mga katutubong wikang bumubuo sa
Filipino
Pinipigil, sinusupil, pinapatay ng pagbabago

Solo 2 (VICTOR)
Binabansot, nililimot, unti-unting naglalaho
Wikang banyaga’y, lumalaki’t lumalago
Ikinikintal sa utak ng mga Pilipino
Wika ng Bayan ko, saan kaya magtatagpo?

Lahat
Linangin, payabungin, pagyamanin ang wikang
Filipino
Ibatay sa mga Wikang umiiral sa bayan ko
Mga wikang angkin, mga wikang katutubo
Tungo sa pagtataguyod ng isang bansang Pilipino