Introduksyon

Ang pagbasa ay isa sa mahahalagang kasanayang pangwika na dapat malinang ng

tao.Ito ang nagsisilbing daan sa pagtuklas ng mas malawak na kaalaman at karunungan na

nagiging puhunan ng tao sa pakikipag-ugnayan sa kanyang mundong ginagalawan. Mahalaga

ang pagbasa nang may pag-unawa sa buhay ng tao. Halos lahat ng kaalaman ay nasusulat, sa

pagbili ng pagkain, gamot, bahay na titirahan, pagpasok sa trabaho, at kahit sa paraan ng

transportasyon. Isa ito sa pinakamahalagang bagay na dapat taglayin ng tao. Ito ang

nagsisilbing daan ng kanyang tagumpay, kaligtasan at mabungang pamumuhay.

Ang pagbasang may komprehensyon o pagbasang may pag-unawa ay pagbuo ng

kahulugan habang nagaganap ang interaksyon sa teksto. Sinasabing kung walang pag-unawa

ay walang pagbasang nagaganap.

Ayon kay Goodman ang pagbasa ay isang saykolinggwistikong larong pahulaan. Sa

larong ito, ang mambabasa ay nagsisilbing “taya” kung saan siya ay bumubuo ng sariling

hula, hinuha ipotesis kaugnay ng kanyang tekstong binasa. Kung saan ang nagbabasa ay

bumuong muli ng isang mensahe o kaisipang hango sa tekstong binasa. Isa itong sariling

panghuhula, pagpapatunay, pagtataya, pagrerebisa, at pagbibigay pa ng iba pang

pakahulugan o prediksyon. Sinabi naman ni Coady na ang kaisipang binigay ni Goodman na

nagwikang ang dating kaalaman ng mambabasa ay kailangan niyang maiugnay sa binabasa

niyang konsepto o kaisipan, at kasanayan sa pagpoproseso ng mga impormasyong

masasalamin sa teksto. Ipinahayag naman ni Leo James English isang awtor ng

English-Tagalog na Diksyunaryo na ang pagbasa ay pagbibigay ng kahulugan sa mga

nakasulat o nakalimbag ng mga salita. Ayon naman kay James Dee Valentin, ang pagbasa ay

ang pinakapagkain ng ating utak at sa maraming pagkakataon napatunayan nating marami sa

mga nagtatagumpay ang mahilig magbasa.

Ayon sa Department of Education o DepEd, sa mga nakalipas na taon, unti-unti nang

bumababa ang bilang ng mga estudyanteng may interes sa pagbabasa. Pinaniniwalaang isa sa

mga dahilan ay ang modernisasyon ng ating mundo. Ang mga estudyante ngayon ay

nakatuon na sa Internet at halos hindi na nagbabasa ng libro sa kadahilanang nakaasa na sila

sa mga websites katulad ng Google na maaaring makatulong sa kanila sa paggawa ng

kanilang mga takdang-aralin.

Saklaw at Limitasyon

Saklaw

Ang pananaliksik na ito ay nakatuon sa lebel ng komprehensyon sa pagbasa ng

pang-akademikong tekstong naratibo ng mga mag-aaral ng Unibersidad ng Arellano.

Maisasagawa ng mga mananaliksik ang pag-aaral sa pamamagitan ng pagsasagawa ng sarbey

sa palatanungang papel na ipamamahagi sa mga piling mag-aaral ng Unibersidad ng

Arellano na siyang magsisilbing basehan ng mga nagsisiyasat upang maging matagumpay

ang pagsasaliksik.

Limitasyon

 Sino

Ang pananaliksik na ito ay para sa mga estudyante ng Unibersidad ng Arellano,

Sangay ng Malabon, Jose Rizal Kampus

 Saan

Ang pananaliksik ay kasalukuyang nagaganap sa loob ng Unibersidad ng Arellano,

Sangay ng Malabon, Jose Rizal Kampus.

 Kailan

Ang pananaliksik na ito ay nag-umpisa sa unang semestre taong 2019-2020.