2.2.

6 Katuturan ng mga Salita

Binibigyang-katuturan ang sumusunod na mga katawagan ayon sa

pagkakagamit sa pag-aaral at pananaliksik na ito.

Katatagan. Ito ay positibong pakikibagay sa kabila ng mga pagbabago

(Luthar,2006). Sa pag-aaral na ito ang salitang katatagan ay ginamit sa

paraang susuriin ng mga mananaliksik kung gaano katatag ang isang

mag-aaral sa pag-harap ng mga pagbabago sa buhay upang matamo o

matutuhan ang pangalawang wika.

Antas. Tumutukoy sa katayuan, bilang o posisyon ng tao o bagay. Ito ay

maaaring sumukat sa lebel ng isang tao o tumukoy sa ranggo o degri nito

(www.google.com). Ginamit ito sa pamamagitan ng pagtukoy ng lebel ng

katatagan ng mga mag-aaral sa pagtamo o pagkatuto ng ikalawang wika

kung gaano ito kataas o kababa ang kanilang lebel ng katatagan o antas

ng katatagan ng loob.

Salik. Isa sa mga elementong bumubuo ng isang tanging resulta o

kalagayan (blogspot.com). Ang salitang salik ay ginamit sa pagpapakita

ng mga kadahilanan kung paano ito nakakaapekto sa mga mag-aaral

upang matamo ang ikawalang wika.

Kaparaanan. Ito ay estilo na nangangahulugan ng mga pamamaraan o

paraan. Ito ay ginagamit sa iba’t ibang aspeto (www.google.com).

Ginamit ito sa pamamagitan ng pag-alam sa mga pamamaraan ng mga

mag-aaral kung paano nila natutuhan ang pangalawang wika. Ano ang

mga hakbang o mga paraan na kanilang ginagawa.

Pagkatuto. Isang mahalagang bahagi sa buhay ng tao, dahil dito

nagsisimula ang lahat ng bagay. (Duka,Cecillio D. 2008). Ang salitang

pagkatuto ay ginamit sa pag-aaral sa pamamagitan ng pag-alam sa mga

pamamaraan na ginagawa ng mga mag-aaral upang matutuhan ang

pangalawang wika.

Pamamaraan. Tumutukoy sa metodo, iskima, o plano upang makamit

ang isang bagay o upang matapos ang isang gawain (www.google.com).

Ang mga pamamaraan ay tumutukoy sa mga hakbang na ginawa ng mga

mag-aaral upang matamo ang ikalawang wika.

Makiangkop. Tumutukoy ito sa kung paano makibagay sa isang

sitwasyon o pangyayari ang isang tao upang maging bahagi riton

(Merriam-Webster). Ang salitang ito ay tumutukoy sa kung paano

makibagay ang isang mag-aaral sa kapwa o sa talakayan sa asignaturang

Filipino gamit ang ikalawang wika.

Panghalang na salik. Ito ay kabaliktaran na epekto, kung saan mas higit

na nanaig ang positibong kaisipan kaysa sa negatibong kahihinatnan nito

(Jessor, Turbin, at Costa 1998). Ipinakita rito ang pagiging matatag ng

isang mag-aaral sa pagharap sa mga balakid sa buhay.

Gawi. Tumutukoy sa mga araw-araw na bagay na nakasanayan nang

isang tao o grupo ng mga tao (www.google.com). Sa pag-aaral na ito ang

gawi ay tumutukoy sa kaugalian na mayroon ang isang mag-aaral sa kung

paano niya matamo ang ikalawang wika batay sa kanyang antas ng

katatagan.

Pag-unlad. Ito ay proseso o resulta ng pagtamo ng mga bagong

kasanayan o natutuhan (Merriam-Webster). Sa pag-aaral na ito ang

salitang pag-unlad ay tumutukoy sa pagtamo o pagkatuto ng mga mag-

aaral sa ikalawang wika.

3.5 Paraan ng Palilikom ng Datos

Ang mananaliksik ang mismong mangangalap ng mga impormasyon

upang lubos itong maunawaan ang mga saklaw at mga posibilidad sa pag-aaral

upang matiyak ang kalidad ng mga ipapakitang datos.

Sa paglikom ng mga datos ng mananaliksik, ang unang hakbang na

gagawin ay ang paghingi ng pahintulod sa punongguro sa Mataas na Paaralang

Junior, Pamantasang Ateneo de Zamboanga, na gamitin ang mga mag-aaral sa

baiting pito upang maging respondent sa gagawing pag-aaral. Ang kasunod na

gagawin ng mananaliksik pagkatapos mapahintulutan ng punongguro ay

kakausapin ang mga guro sa asignaturang Filipino upang titignan kung sino sa

mga mag-aaral sa baiting pito ang maaring maging respondent sa pamamagitan

ng pagtukoy kung sino dito ang may kahirapan sa pagkatuto ng pangalawang

wika. Matapos mapili ang mga magiging respondent ay makikipag-ayos ang

mananaliksik sa tagapayo ng mga mag-aaral ukol sa oras at panahon ng

pagtatakda ng pagkalap ng mga datos.

Sa araw ng paglikom ng datos, titipunin muna ng mananaliksik ang mga

mag-aaral ng bawat seksiyon upang ilahad ang maikling oryentasyon.

Ipapaliwanag sa mga mag-aaral ang layunin ng mananaliksik at ang kanilang

gampanin, pagkatapos tatalakayin din sa kanila ang panuntunan sa pagsagot sa

mga talatanungan upang maisagot nila ito ng maayos.

 Upang masiguro ang mga nakalap na datos, ang mananaliksik ay

magsasagawa ng interbyu sa iba’t ibang saklaw na pag-aaral, sa guro at

magulang.

3.5.1 Etikal na Konsiderasyon

Sa pangangalap ng mga datos, sisiguraduhin ng mananaliksik na

dumaan ito sa tamang proseso ang lahat ng mga gawaing kaugnay ng

pag-aaral. Una kukuha muna ang mananaliksik ng papel etika na

ipalalagda sa komite ng Research Ethics sa institusyon ng Western

Mindano State University. Kasunod nito ang pagbigay alam sa

punongguro ng paaralang respondente kalapit ang aprubadong papel

etika, sa gagawing pag-aaral. Pagkatapos mapahintulutan ay makikipag-

ugnayan naman sa mga tagapayo ng mga napiling mag-aaral. Ilalahad at

ipapaunawa rin sa mga mag-aaral ang kanilang karapatan at limitasyon,

gayundin ang kanilang gampanin sa pananaliksik.

Kung nagkataon na may mga mag-aaral ang aayaw o titigil sa

paglilikom ng datos, ay hindi pipilitin sapagkat malaya at may karapatan

ito na hindi makilahok sa pag-aaral.

Ang anumang resulta ng paglilikom ng datos ay tatanggapin ng

mananaliksik at walang babaguhin ayon sa sariling kagustuhan nito. Wala

itong kikilingang sagot at magiging matapat ang mananaliksik sa

pagtanggap ng mga impormasyong kanyang nalikom.

 Samantala, ang instrumenting gagamitin ay sisiguraduhing

dumaan sa pagsusuri at balidasyon gaya ng pagpapacheck sa mga

dalubhasa at pilot testing.