Ang kahulugan ng sanaysay ay "essay" sa Wikang Ingles.

Ang sanaysay ay isang uri ng sulatin na nagpapahayag ng

pananaw o opinyon ng nagsulat nito. Ang isang sanaysay ay may pokus sa iisang diwa at paksa. Ang mga sanaysay ay
may layong magbahagi ng impormasyon, magpahayag ng nararamdaman, magbahagi ng opinyon, manghikayat ng ibang
tao, at iba pa.Kilala ang sanaysay bilang "essay" sa Ingles.Ito ay isang uri ng sulatin o komposisyon na naglalayong
maibahagi ang saloobin ng nagsulat nito. Ito rin ay maaaring magbahagi ng impormasyon, magpahayag ng
nararamdaman, magbahagi ng opinyon o damdamin, manghikayat ng ibang tao, at iba pa.Ang isang sanaysay ay
maaaring tumalakay ng iba't ibang paksa gaya ng pag-ibig, kapaligiran, pamilya, lipunan, mundo, at iba pa.

Dalawang Uri ng Sanaysay

Ang sanaysay ay may dalawang uri. Maaari itong maging pormal o di-pormal.

Pormal na Sanaysay: Ang pormal na sanaysay ay may maayos na pagkakasunud-sunod at gumagamit ito ng mga salitang
akma sa paksa. Ito ay batay sa pananaliksik at pag-aaral. May seryoso o pormal na tono ito ukol sa paksa nito.

Di-Pormal na Sanaysay: Sa kabilang banda, ang di-pormal na sanaysay naman ay batay sa mga opinyon at pananaw ng
nagsulat nito. Ito ay maaaring galing sa karanasan o obserbasyon ng may-akda. Ang mga paksa ng mga di-pormal na
sanaysay ay pang-karaniwan, personal, at pang-araw-araw. Bukod dito, hindi kinakailangang seryoso ang di-pormal na
sanaysay. Ito rin ay mas madaling maintindihan at sundan.

Mga Bahagi ng Sanaysay

May tatlong bahagi ang mga sanaysay. Narito ang mga bahagi ng sanaysay na maaaring makatulong sa iyo sa paggawang
ng mga sanaysay:

Panimula o Simula: Ito ang pinakamahala dahil kinukuha nito ang atensyon ng mga mambabasa. Dito nagbibigay ng
ideya ang may-akda tungkol sa paksa ng sanaysay.

Gitna o Katawan: Dito naman sinasalaysay ang mga mahahalagang ideya tungkol sa paksa. Dito nagbibigay ng paliwanag
o halimbawa ukol sa paksa.

Wakas: Ito ang huling bahagi ng sanaysay na nagtatapos sa sanaysay. Dito nagbibigay ng hamon ukol sa paksa ang may-
akda sa kanyang mga mambabasa. Ito ay para maisakatuparan ang mga nabanggit na puntos sa katawan ng sanaysay.

Iba’t iba ang paraan ng pagpapahayag maaring paglalahad,paglalarawan,pagsasalaysay at pangangatuwiran.Ang

paglalahad ay may layuning magpaliwanag.Layunin ng paglalarawan ang ipakita ang ipakita ang kabuuang anyo ng
tao,bagay, o pook upang maipakita ang kaibahan nito sa mga kauri.Kung ang nais ay maglahad ng mga pangyayari
pagsasalaysay ito.Pangangatuwiran kung ito ay may layuning umakit sa iba sa pamamagitan ng pagbanggit sa mga
katuwiran.

Paglalahad-isang anyo ng pagpapahayag na naglalayong mabigyang linaw ang isang konsepto o kaisipan,bagay o
paninindigan, upang lubos na mauunawaan ng nakikinig o bumabasa.Sa pamamagitan nito ay nagiging ganap ang
pagkakatuto ng isang tao dahil nabibigyan siya ng pagkakataong makatuklas ng isang ideya o kaisipan na
makapaghahatid sa kanya ng kasiyahan at kalinawan sa paksang pinag uusapan.