Paaralang De La Salle Santiago Zobel

Taong Panunuran 2011 – 2012

PAG-ARRAL PARA SA UNANG MAHABANG PAGSUSULIT
FILIPINO I

I. Panuto: Basahin ang tula at sagutin ang mga katanungan pagkatapos. Isulat ang malaking titik ng tamang
sagot sa patlang. (Mga bilang 1-10)

KAY AMA
Emelita Perez Baes

Nagising nga akong tila nangangarap na isang anino

sa maputing tabing ng aming kahapong nilikha ng tao;
sa pagkakawalay sa isang magulang ay waring natuto
nahawi ang ulap na nagbigay silim sa kanyang talino.

Siya’y naparuol walang abug-abog sa rugtong ng tali,

ang kinahinatnan ay signos ng ulap ng panunubali;
kanyang kaluluwang nakitalamitam sa dilim na tangi
ay nakipanaghoy sa luha ng anghel habang nagmumuni.

Kay lungkot isipin ang gayong kasaklap na pagkakalayo

na kung gunitain pati hininga ko ay halos mapugto;
at pati ang langit ng bagong umaga’y waring nagdurugo
at ang dapithapon kung pagmamasdan ko ay naghihingalo.

Haplos ng pag-ibig ang naiwan niya sa supling ng puso,

kanyang inulila’y may bakat ng luhang sa pisngi dumapo;
kay Ina ang buhay ay ibayong saklap sa pagkasiphayo
at may nakalaang tiising pasanin sa kanya’y titimo.

Ngayon kung babalik sa pinag-iwanang lubid na putol,

dadamhi’y pangako sa luksang pangarap na tinatalunton;
tataas ang mukha’t lalong kikisig pa sa taglay na suot
at damdaming ama’y hahanga ngang lubos sa sariling hinlog!

________ 1. Tungkol saan ang binasang tula?

A. Ang pagmamahal ng isang kaptid sa kanyang pamilya.
B. Ang mga sakripisyo na inalay ng isang ama dahil sa pagmamamahal para sa kanyang anak.
C. Ang isang inang nagsusumamo para sa pagmamahal ng kanyang anak.
D. Isang lalaking naghaharana sa kanyang iniirog.

________ 2. Ano ang tono o emosyon na naipapakita sa nasabing tula?

A. Pagkalungkot
B. Pagmamahal
C. Saya
D. Sumasayaw

________ 3. Ano ang uri ng sukat na nakikita sa nasabing tula?

A. Lalabing-animin
B. Lalabingwaluhin
C. Wawaluhin
D. Lalabindalawahin

________4. Bakit malungkot ang nagsasalita sa tula?

A. Iniwanan siya ng kanyang iniirog.
B. Nakulong ang ama dahil sa hirap na dinaranas nila.
C. Inulila siya ng kanyang ama.
D. Hindi siya nakapasok sa paaralan noong araw na iyon.
________5. Ano ang uri ng tula ayon sa pagkakabuo?
A. Dula
B. Blangko Berso
C. Malayang Taludturan
D. Liriko

________6. Ano ang uri na tugmaan na makikita sa nasabing tula?

A. Ganap
B. Karaniwan
C. Tradisyunal
D. Duplo

________7. Sa anong saknong mas nakasaad ang sakit ng pangunguliia sa magulang?

A. Saknong 1 at 2
B. Saknong 3 at 5
C. Saknong 3 at 4
D. Saknong 1 at 4

________8. Saang saknong nakasaad ang pagiging isang amang maipagmamalaki ang kayang anak?
A. Saknong 5
B. Saknong 2
C. Saknong 1
D. Saknong 4

________9. Ano ang isang magandang pagdiriwang upang isaalaala ang tulang ito?
A. Araw ng Mga Puso
B. Pasko
C. Pasko ng Pagkabuhay
D. Araw ng mga Ama

________10. Ano ang pinakaangkop na dahilan at isinulat ng may-akda ang tula?

A. Kailangan niya ito para sa kanyang klase
B. Nakipaghiwalay sila ng kanyang asawa
C. Nagkagalit sila ng kanyang ama
D. Nangungulila sa para sa pagmamahal ng kanyang ama

II. Ilagay ang angkop na sagot na babagay sa bawat elemento ng tula. Pumili lamang ng isang saknong para sa
lahat ng elemento. (11-15)

SAKNONG BILANG: _________

Sukat ng bawat taludtod

Tugmaan (mga salita sa

bawat taludtod)

Talinhaga

Persona

Tono
III. Ilagay ang angkop na sagot na babagay sa bawat elemento ng tula. Pumili lamang ng isang saknong mula sa
tulang PAG-IBIG para sa lahat ng elemento. (15-20)

SAKNONG BILANG: _________

Sukat ng bawat taludtod

→ 1.5 puntos

Tugmaan (mga salita sa

bawat taludtod) → 1.5
puntos

Persona

Tono

IV. Ilagay ang naangkop na panahon ng tula para sa mga sumusunod na paksa.

______________________ 21. Epiko

______________________ 22. Haiku
______________________ 23. Awit
______________________ 24. Korido
______________________ 25. Karagtan

V. Tula: Gumawa ng isang tula na may kaisipang “PAG-AARAL”. Gumamit ng tradisyunal na uri ng taludturan na
may labing-anim na pantig at may tugmaan. Sumulat ng dalawang saknong para sa tula. (26-30)