I. Buod ng Kabanata Ikalabing-Siyam: “Wala ng alapaap”
Ang ikalabing-siyam na kabanata ay pinanimulaan ng mga pagsalaysay at mga malalalim
na paglalarawan sa dinaranas ni Meni na inilalarawan bilang isang gabing walang makahahalintulad, at ang kalumbayang dinaranas ni Talia na kanyang kapatid na umuwing halos wala ng diwa kundi dahil kay Yoyong dahil sa bagsik ng lasong dala ng paghihiwalay. Pawang ipinapahayag sa mga sinapit ng dalawa na ang pag-aasawa ay isang matalim na panlansag ng ubod ng tibay na relasyon sa pagitan ng magkakapatid at maging relassyon sa magulang, ngunit si Delfin ay pawang ay masasabing alipin ng puso dahil nagpakita ng pagiging malambot at katapatan kay Meni. Ipinahayag din ang mga kayamanang dati’y tinatamasa ni Meni na mga sinamsam at ipinagkait sa kanya nung inibig niya ang maralita ngunit may dunong at tanyag na ngalan sa bayan na si Delfin. Natalakay din ang muling pagkikita nina Delfin, Meni at Felipe na ikinagalak naman nila ng husto ngunit, ikinagulat din ni Felipe ang nadatnan sapagkat ibang-iba ang itsura ng nasilayan nito si Meni at inilarawan ito bilang isang litrato ng libingan.