Benguet State University

College of Arts in Sciences

Department of Humanities
La Trinidad, Benguet

Mga Taga-ulat:
Cambod, Christian Mauting, Amy
Edwas, Cynthia Victore, Rommel
Francis, Alexis Jhyne

Gamit ng Wika sa Media

Ang wika ang nagsisilbing tulay sa mabisang komunikasyon, mas epektibong
pakikipagtalastasan at mas epektibong pakikipag- ugnayan. Sa pamamagitan ng paggamit ng
wika malaya nating naipapahayag ang ating saloobin at kaisipan hinggil sa mga bagay- bagay.
Ang wika ay isa ring napakahalagang instrumento sapagkat ito ang nagiging tulay sa
pagkakabuklod buklod ng mga mamamayan ng isang bansa. Pinagtitibay nito ang diwa ng
pagkakaisa at pakakintindihan ng mga mamamayang nasasakupan. Bukod dito, ang pagkakaroon
din ng sariling wika ay nakakatulong sa pag-angat ng ekonomiya ng isang bansa. Kung kaya,
bilang isang kabataan ng bagong henerasyon dapat nating pangalagaan at tangkilikin ang wikang
sariling atin. May pagtugon sa lahat ng komunikasyon, at kung walang pagtugon, mayroon itong
harang. Ang wika ang maaaring harang para sa mabisang komunikasyon. ito ang isang problema
sa ating bansa; ang hindi pagkakaintindihan dahil sa wika na magkaiba.
Ang media ay ang pangunahing paraan ng komunikasyon sa masa. Dahil sa media,
nalalaman natin kung ano ang mga pangyayari sa ating mundo. Galing sa kung ano man ang
lagay ng ating panahon, hanggat sa pinakabagong k-drama, Pero ang lahat ng ito ay dahil sa
ating wikang ginagamit. Ang media ay may malaking ginagampanan sa pagpapaunlad ng wikang
pambansa. Ngayong modernong panahon, mas malayang nakakagamit ang mga tao ng kahit
anong salita sa pagpapahayag ng damdamin o paglalahad ng impormasyon gamit ang media.
Marahil sa paggamit na ito naihulma ang kung anong meron ngayon sa wikang Filipino. Ang
media ay tumutukoy sa mga bagay na nagiging daan upang magpahatid ng mensahe o
impormasyon sa pagitan ng dalawang tao o bagay.
Tatlong Uri ng Media
1. Mass Media
Nangangahulugang pang-masang media o pang-madlang media sa wikang Filipino. Ang
mass media ay ang uri ng media na may kapangyarihang umabot o makarating sa maraminhg
mga tao na tinatawag ding masa o madla. Ito ang pinagmulan ng mass media.
Broadcast Media
Isang uri ng impormasyon para makapaghatid ng mga balita sa pamamagitan ng radyo,
telebisyon. Isang halimbawa nito ay ang paraan ng paghahatid ng impormasyong audio o
midyang pangmasa.
Halimbawa:
Ang radyo ay isang uri ng media na ginagamitan lamang ng wika sa pag bibigay ng
impormasyon. kung saan kalimitang inihahayag ng announcer ang balita, jokes, drama at iba
pang programa gamit ang wikang Filipino. Dito naririnig ng mga tao ang mga makabagong salita
na patok sa panahon ngayon. Higit na nakakatulong ito dahil maraming tao ang nakikinig sa
balita sa mga radio drama, OPM at kung ano ano pa. Wikang Filipino rin ang nangungunang
wika sa radyo sa AM man o sa FM. May mga programa rin sa FM tulad ng Morning Rush na
gumagamit ng wikang ingles sa pagbrobroadcast subalit nakakarami pa rin ang gumagamit ng
Filipino. May mga estasyon ng radyo sa mga probinsiya na gumagamit ng rehiyunal na wika
ngunit kapag may kinakapanayam, karaniwang wikang Filipino ang kanilang gamit sa pakikipag-
usap. Sunod ay ang telebisyon at pelikula ang dalawa na may pagkakatulad dahil ang gumagana
dito ay ang wika at ekspresyon.
Ang telebisyon ay makokonsidera natin na isa sa mga modernong instrumento na
pinagmumulan ng mga reaksyon at pahayag ng mga Pilipino sa mga isyung tumatakbo sa bansa.
Ito ay dahil sa mga graphics at sanaysay na makakapagpakita ng mga isyu sa tao. Kung kaya
marami-raming mga tao ang nawiwili sa panunuod nito dahil sa kaaya-aya nitong mga storya at
pagbibigay-aliw. Wikang Filipino ang nangungunang midyum sa telebisyon sa bansa. Ang
pagdami ng mga palabas sa telebisyon particular ang mag teleserye o pantanghaling programa na
sinusubaybayan ng halos lahat ng milyong-milyong manonood ang dahilan kung bakit halos
lahat ng mga mamamayan sa bansa ay nakakaunawa at nakapagsasalita ng wikang Filipino.
Walang subtitle o dubbing ang mga palabas sa mga wikang rehiyonal. Ang madalas na exposure
sa telebisyon ang isang dahilan kung bakit sinasabing 99% ng mga mamamayan sa Pilipinas ang
makapagsasalita ng Filipino at maraming kabataan ang namulat sa wikang ito bilang kanilang
unang wika maging sa mga lugar na di katagalugan.
2. Print Media
- ay ang mga dyaryo, magasin, libro. Ito ay isang uri ng teksto kung saan ang
impormasyon at iba pa ay malayang nahahawakan.
Halimbawa:
Ang tabloid ay isang paraan upang magbigay balita at maakapaglahad ng komentaryo sa
mga mambabasa nito. Nasa kultura na din ng marami ang pagbanticasa ng actual na tabloid o
tabloid mula sa online. Ang tabloid ay isa ring uri ng media na kung saan nakasaad ang mga
artikulo na naglalahad ng mga opinyon at mga umaalingawngaw na isyung kinakaharap ng bansa
kada-araw. Mas hindi nga lamang organisado at magandang nakasulat ang mga pahayag dito
kung ikukumpara sa pahayagan. Kung sa radio at telebisyon nahahaluan na ang wikang Filipino
ng wikang Ingles, sa medium na ito medyo purong wika ang ginagamit depende sa kung anong
bersyon – maliban na nga lamang kung may ekspresyon na ginamit sa wikang Ingles upang
makaagaw ng pansin.
Sa diyaryo naman ay wikang Ingles ang ginagamit sa broadsheet at wikang Filipino
naman sa tabloid maliban sa iilan. Ngunit tabloid ang mas binibili ng masa o karaniwang tao
tulad ng mag drayber ng bus at dyip, mga tinder sa palengke, mga ordinaryong manggagawa
atbp na nakasulat sa wikang higit nilang nauunawaan. Ang lebel ng Filipinong ginagamit sa mga
tabloid kadalasan ay hindi pormal na wikang ginagamit sa mga broadsheet. Nagtataglay ito ng
malalaki at nagsusumigaw na headline na naglalayong maakit kaagad ang mga mambabasa. Ang
nilalaman ay karaniwan ding senseysyonal na lumalabas ang impormalidad.
3. Outdoor Media
- paghahatid ng impormasyon gamit ang signages at billboard. Regulatoryo ang gamit ng
wika dahil nagbibigay ito ng diretsyo.
4. Digital Media
- ginagamitan ng uri ng Social Media o teknolohiya (computer at internet). Isang
halimbawa ng Digital Media ay ang mga commercial na lumalabas sa tuwing nanonood ng
youtube. Nagbibigay ito ng impormasyon at nanghihikayat na bumili o mag order ng mga
produkto.
Ayon kay Dimaano, sa pangkalahatan, may kanya- kanyang gampanin ang bawat isa
kung paano mapapaunlad ng wika ngunit ang layunin nito ay ang makapag bigay impormasyon
at aral sa mga tao sa paraan na madali itong maiintindihan at ang pag bibigay halaga sa ating
kultura lalo na sa ating wika upang tangkilikin din ito ng mga Pilipino. Kung kaya gamit ang
mga media na ito, mas nabibigyan pansin ang ating pag papahalaga sa wika, ang isa sa mga
kultura na bumubuo sa ating pagkakakilanlan. Sa paglago ng ating wika, kasabay nito ang pag
lago ng ating kultura.
2. Social Media
Ayon kay Duane, Ang social media ay mga website at application na kailangan ng
internet at computer o ano mang gadget gaya ng tablet, cellphone, at iba pa. Ito rin ang nagiging
daan upang ang tao ay makalikha, magbahagi at makipagpalitan sa mga virtual community ng
impormasyon, ideya, at mga interes sa pamamagitan ng mga teksto, larawan, at video. Higit sa
lahat ay ang social media na kung saan ay ito ang may pinaka magandang naidudulot sa mga tao
lalo na sa mga kabataan. Sa pagkakaroon nito ay mas napapalawak pa nila ang kanilang
kaalaman sa pag papalaki lalo ng kanilang natutunan sa pag gamit ng social media. Ang pag
gamit ng mga ito ay nakatutulong sa atin sa pag papalago pa umano ng ating natutunan at
maaring ituro sa iba na kung saan ay tumatayo tayo sa ating sariling pagkakakilanlan na kung
anong meron tayo at kung ano ang isang Pilipino na may sariling wikang ipinag mamalaki.
Halimbawa:
Ayon kay Torres (2016), maraming magagawa ang social media sa pag papaunlad ng
ating wika dahil sa social media tulad ng “Twitter” ang mga tao ay nakakapaglahad ng kanilang
mga saloobin tungkol sa isang isyu. Ito rin ay nakakatulong sa pag papalaganap ng mga balita na
kailangang malaman ng mga tao sa isang lugar. Mas napapadali din ng social media ang
paggamit ng kanilang sarilng wika sa pamamagitan ng pag-tweet. Nadadagdagan din ang
bokabularyo dahil sa mga nakikita nila na mga tweets o kumento sa kanilang social media
accounts. Ito rin ang tumutulong sa pag labas ng mga opinyon at mga saloobin ng mga taong
gumagamit ng social media. Ang isang halimbawa nalang nito sa ating bansa, tulad na lamang ng
mga bagyo o sakuna. Ng dahil sa social media mas nag kakaroon ng dagdag kaalaman ang
sambayanan sa mga tumatamang bagyo dito sa ating bansa. Ang social media rin ay
napakapopular sapagkat pinapayagan nito ang mga estudyante na maka ranas ng kanilang
pakikipag talastasan gamit ang internet. Ito rin ay tumutulong sa mga estudyane na masanay sa
teknolohiya lalo na sa modernong panahon. Isang halimbawa na nito ay ang pag seselfie, ang pag
kuha ng litrato at ang pag post ng mga ito sa social media ay nakakaapekto sa lenguahe natin
sapagkat kumakalat agad sa ibang tao ang iba’t-ibang salitang ginagamit nila dito. Mula sa mga
introduksyon ng mga bagong salita at ang pag salin nito sa wikang Filipino may epekto ito sa
pag kokomunika natin sa ating kapwa. Ang social media at tunay na nakakapagbigay ng
magagndang epekto sa ating wika sa iba’t-iba nitong aspeto.
Ayon din kay Dichoso (2016), ang magagawa ng social media katulad ng Facebook sa
pag unlad ng wika ay layunin nitong pag-aaral na patunayang may mabubuting dulot rin ang mga
ito sa pang-araw-araw na buhay ng tao. Ang pag gamit ng Facebook ay mas napapalawak ang
mga kaalaman ng mga mag-aaral, napagtitibay ang relasyon ng mga magkakaibigan,
nakahahanap ng bagong mga kaibigan, napagbubuti ang buhay-sosyal, nagtatagpo ulit ang mga
dating mga kaibigan na matagal ng walang komunikasyon sa isa’t-isa at higit sa lahat,
naipapahayag sa buong mundo ang sariling ideya at pananaw sa buhay. Napakahalaga ng
komunikasyon upang magkaroon ng transaksyon sa pagitan ng mga tao, upang mapaunlad nila
ang kanya-kanya nilang gawaing pang-ekonimiya, gaya lamang ng gobyerno, mga pribadong
negosyo at iba pa.
Ang Facebook rin ay isa sa mga uri ng social media kung saan maaaring ipahayag ng
isang tao ang kanyang nararamdaman o damdamin, makinig o magbasa tungkol sa isang isyu, at
sumang ayon o kumontra dito. Ito ay isang daan rin tungo sa komunikasyon ng mga tao kung san
nagagamit ang wika ng gumagamit nito. Masasabing ang Facebook ay naging matagumpay
sapagkat ito ay nagagamit ng 1.79 bilyong tao sa mahigit 70 wika. Sa lahat ng uri ng social
media, isa ito sa pinakakilala dahil mas madali itong gamitin, madaling maintindihan ng
nakararami, at maraming pwedeng gawin dito katulad ng panonood ng videos, paglalaro at iba
pa……………Hokage! Seenzone, Selfie, YOLO, LOL, at PAK GANERN ay iilan lang sa mga
salita na kamakailan lang ay sumikat at ginagamt halos ng lahat ng kabataan epekto ng pag
usbong ng bagong teknolohiya at ng social media. Dinamiko ay isa sa mga katangian ng ating
wika na kung saan ito’y nangangahulagang nagbabago at nadaragdagan ng mga bagong salita
ang ating wika. Teknolohiya ang dahilan kung ba’t may nawawala at nadaragdagan ng salita ang
ating wika. Sa pag usbong ng teknolohiya ay napapadali nalang ang paghahatid at pagtanggap ng
impormasyon, at nagiging mas mabilis ang komunikasyon lalo na nang dumating Internet. Kung
tutuusin, ang multikultural na komunidad natin ay hanggang sa pambansang antas lamang ngunit
ng umusbong ang social media, naimpluwensiyahan tayo ng mga taga-labas ng bansa. Sa
pananamit, pagkain, gamit, at gayundin ang ating kultura’t wika. At dito na pumasok yung ibang
uri ng wika: sosyolek.
Mga halimbawa:
YOLO – You Only Love Once
Friendzone – kaibigan lang ang turing sayo ng taong mahal mo
Seenzone – hindi tinugunan ang mensahe mo
LOL – Laugh Out Loud
Edi Wow! – ekspresyon ng tuwa o inggit
 Dahil sa pag unlad ng teknolohiya, sa pagpasok ng cellphone nabuhay yung mga
jejemon, KHa7OuLad pfOuh n1tO o kundi naman ay ta0ng gn2 mg typ. Sa paghahatid ng
mensahe sa cellphone ay dapat mapaikli ang mga salita upang makatipid sa load kung kaya’t
ganito kung hindi man ay para lang maging sikat o kakaiba. Kung may jejemon mayroon din
namang bekimon, uri ng wika na ginagamit ng mga bakla. Ang mga halimbawa nito ay churva,
haler, at pak ganern.
Sa sosyolek naman ay dito na pumapasok ang conyo (napabilang din sa balbal) kung saan
hinahaluan ng salitang Ingles ang iyong bawat salita na pawang nasa ayos, like nito na nireread
niyo. Makikita natin na ang teknolohiya ang salarin ng paglitaw ng mga ganitong salita at
pananalita. Sa kasalukuyan, ang social media ang mismo ang nagdidikta sa ating kultura, dahil
din ito siguro na tayong mga Pilipino ay gaya-gaya sa mga kung anong uso sa ibang bansa. Sana
naman bilang Pilipino ay mayroong tayong paninidigan na hindi basta-basta nalang padadala sa
impluwensiya ng mas pinalawak na multikultural na komunidad na dulo’t ng teknolohiya at
social media.
Ayon kay Castillo (2016), ang magagawa ng social media katulad ng You Tube sa pag
unlad ng wika ay sa pamamagitan ng pag papakita ng mga bidyo tungkol sa ating bansa lalo na
sa larangan ng wika. Maraming mga estudyante ang nagamit ng internet ngayon. Ginagamit nila
ito upang mag saliksik sa kanilang takdang aralin. Sa pagamit ng You Tube maaari nila itong
gamitin upang mag hanap ng mga bidyo upang mas maindtindihan nila nilalaman ng isang bagay
imbis na nasa texto lamang. Hindi lang to pang akademikong gamit, pwede din itong pang aliw.
Katuald ng musika upang pakalmahin ang sarili. Pwede din itong gamitin sa pag lalahad ng ating
damdamin sa paraan ng pag bibidyo ng sarili. Dahil ang You Tube ay pang publikong website na
pwedeng bisitihan na kahit na sino. Sa pag gamit ng ating sariling wika, pwede natin ito
maipakilala ang wikang Filipino sa iba’t ibang bahagi ng ating bansa. Maari din dito
makapanood ng iba’t ibang klase na bidyo na tungkol sa pag papaunlad ng ating wika, katulad ng
pwedeng ulitin ang debate ng ating mga dating kandidato sa pag ka presidente. Mapagyayaman
ang wika natin dahil sa halimabawa na ito sapagkat ang lengwahe na ginamit sa debate ng dati
nating mga kandidato ay Filipino. Mas naintindihan ito ng mga Pilipinong manonood at mas
naramdaman nila na parte din sila ng debate at nasasabi din nila ang kanilang saloobin sa
pamamagita ng pag comment sa You Tube. Makakahanap din tayo dito ng mga bagong na balita
sa iba’t ibang bahagi ng bansa, katuald ng tungkol sa lagay ng trapiko, showbiz, at mga
dokumentaryo.
3. NEW MEDIA
Ang mga bagong media ay mga form ng media na katutubo sa mga computer,
computational at umaasa sa mga computer para sa muling pamamahagi. Ang ilang mga
halimbawa ng mga bagong media ay mga telepono, computer, virtual na mundo, solong media,
mga laro sa website, interface ng human-computer, computer animation at interactive na pag-
install ng computer.
 Ang bagong midya ay ang pagnakakapunta sa o pagnakakakuha ng nilalaman anumang
oras ayon sa pangangailangan, sa anumang aparatong dihital, pati na sa interaktibong tugon ng
tagagamit, malikhaing pakikilahok at pagbubuo ng pamayanan sa paligid ng nilalaman ng midya.
Isa pang mahalagang pangako ng bagong midya ay ang "demokratisasyon" ng paglikha,
paglalathala, pagpapamudmod at pagkonsumo ng nilalaman ng midya. Ang isa pang aspeto ng
bagong midya ay ang pangtunay na panahon na paglikha ng bago at walang patakarang
nilalaman. Karamihan sa mga teknolohiyang nilalarawan bilang "bagong midya" ay dihital, na
kadalasang may katangian ng pagiging mamanipula (mababago), mainenetwork, masinsin,
mapipiga, at interaktibo.
Ang ilan sa mga halimbawa ay ang Internet, mga websayt, mga larong bidyo, mga CD-
ROM, at mga DVD. Hindi kasama sa bagong midya ang mga programang pantelebisyon, mga
pelikulang tampok, mga magasin, mga aklat, o mga lathalain nasa papel – maliban na lamang
kung naglalaman ang mga ito ng mga teknolohiyang nagpapagana ng interaktibidad na dihital.
Ang Wikipedia, isang ensiklopedyang nakaugnay sa linya ng Internet, ay isang halimbawa, na
naglalangkap ng dihital na tekstong dihital, mga imahe at mga bidyo na may mga kawing na
pangweb na napupuntahan sa Internet, at mayroon ding pakikilahok ng mga tagapag-ambag,
interaktibong tugunan ng mga tagagamit at pagbubuo ng isang pamayanan ng mga kalahok na
mga patnugot at mga tagapagkaloob ng donasyon para sa kapakinabangan ng mga mambabasa
na hindi kasapi sa pamayanan.
Bilang pagbibigay ng lagom, napag-alaman na ang wika ay ginagamit ng media sa
pagbibigay ng impormasyon at depinasyon. Ang wika ay ginagamit ng media upang lumikha ng
mga konstruksiyon ng realidad. Ang wika rin ay ginagamit ng media upang magpahayag ng mga
pananaw na magpapanatili sa status quo. Ito rin ay napag-alamang likas na selektibo at symbolic
Violence at posibleng konteksto ng pagbabago ng wika.

Mga Sanggunian:
https://kahalagahanngsocialmedia.wordpress.com/
https://free15394.wordpress.com/
Flew, 2008 Manovich, Lev. ‘’New Media from Borges to HTML.’’ The new media reader.
Patnugot. Noah wardrip-Fruin &Nick Montfront. Cambridge, Massachuttes, 2003. 13-25