1

INTRODUKSYON
Kilala ang mga Pilipino bilang mga masayahing tao na tumatangkilik sa
anumang uri ng entertainment: pelikula, musika, sports, at iba pa. Kasabay sa
pag-usbong ng teknolohiya at medya, tayo ay naging lantad na rin sa iba‟t ibang
uri ng entertainment mula sa ibang mga bansa. Isa sa mga bansang nakakakuha
ng atensiyon ng mga Pilipino sa kasalukuyang panahon ay ang bansang Korea na
kung saan tinatangkilik ang kanilang mga variety shows, telenobela (K-drama),
at musika (KPop), lalong-lalo na ng mga kabataan at estudyante. Ano nga ba ang
mga kadahilanan sa hindi maikukubling pagtangkilik ng mga Pilipino sa kulturang
Koreano, partikular sa larangan ng entertainment? Mas nakalalamang nga ba ang
Korean entertainment kung ikukumpara sa sariling atin? Ano ang lawak at abot
ng impluwensiya nito sa mga estudyante? Ito ang mga katanungang nais bigyang
kasagutan ng pag-aaral na ito.
Ayon kay Temblor (2016), ang K-drama ay kilala sa pagkakaroon ng
magandang storya at sinematograpiya na siyang naging daan upang mas
tumangkilik ang mga Pilipino sa kultura ng Korea na siyang tinatawag na Hallyu.
Ang mga banyagang telenobela kagaya ng Marimar, Rosalinda, Passion de Amor
at iba pang mga Mexican na teleserye ay inilunsad sa mga programang
pantelebisyon sa Pilipinas noong dekada „90s kung saan maraming Pilipino ang
tumangkilik sa mga storya at artista. Subalit noong 2003 ay sumikat ang mga
“Asianovelas” sa Pilipinas kung saan mas tinangkilik ito ng mga Pilipino kaysa
Mexican at Filipino na teleserye. Nagsimula ang pagsikat ng Asianovelas nang
ipinalabas ang Meteor Garden sa Pilipinas noong Mayo 2003. Sa parehong
panahon ay sumikat din ang Hallyu o Korean wave sa bansa. Simula noon, ay
sunod-sunod nang ipinalabas ang mga Korean dramas sa Philippine TV.
Taong 2009 din nagsimulang pumatok ang Kpop sa Pilipinas kagaya ng
Wonder Girls at 2ne1. Ilan sa mga sikat na musika ng Wonder Girls ay ang
“Nobody”, habang sa 2ne1 naman ay ang “Fire” at “I don‟t care”. Maraming
kabataan ang humanga sa mga kantang ito kung saan naging bukambibig ito ng
mga Pilipino noon, mapa bata man o matanda. Marami din ang gumagaya sa
sayaw at kanta kahit na hindi nila ito naiintindihan. Mula noon ay patuloy na ang
 2

pagdami ng mga grupong Koreano na mas minahal ng mga Pilipino at patuloy na

nanghihimasok sa bansa kagaya ng EXO, Super Junior, Big Bang, BTS, Girls
Generation, BlackPink at iba pa.
Bagama‟t mayroon ng mga pag-aaral hinggil sa paksang ito sa ating bansa,
hindi pa rin maikakaila ang kakulangan sa pag-aaral kung saan kakaunti pa
lamang ang napa-publish. Ang pananaliksik na ito ay may tatlong layunin: 1)
mabatid kung ano ang kaibahan ng mga anyo ng entertainment sa Korea at
Pilipinas; 2) malaman ang lawak ng impluwensiya nito sa mga estudyante ng
MSU-IIT; at 3) matuklasan ang mga kadahilanan sa likod ng pangtangkilik na ito.
Upang makakalap ng mga datos, isang sarbey ang isinagawa sa 70 na estudyante
ng MSU-IIT mula sa iba‟t ibang kolehiyo.
Sa larangan ng pananliksik, mahalaga ang pag-aaral na ito sa pag-aambag
ng karunungan sa mga kakaunting pananaliksik hinggil sa mga impluwensiya ng
Korean entertainment, lalong-lalo na sa mga estudyante ng MSU-IIT.
Makakatulong rin ito sa atin upang mas maintindihan ang mga rason sa patuloy na
pagtangkilik ng kulturang Koreano at kung ito ba ay nakatutulong o nakakasama
sa mga kabataan ngayon. Matutulungan din tayo nitong mas maintindihan ang
kapangyarihan ng medya at malimitahan o mapausbong pa ito base sa mag
epektong dulot nito.

BALANGKAS TEORETIKAL
Hindi maikukubli ang paglaganap ng impluwensiya ng kulturang Koreano
sa mga Pilipino sa kasalukuyang panahon. Hinggil dito, may mga teoryang
sumusuporta at naglalayong magbigay-paliwanag sa haypotesis na ito. Kabilang
na rito ang teorya ng Media Dependency, Cultural Proximity, at Intercultural
Transformation.

Media Dependency Theory. Binibigyang-diin sa teoryang ito na ang tao ay

nagkakaroon ng mahalagang koneksyon sa medya. Ayon kina Sandra Ball-
Rokeach at Melvin Defleur (1976), habang dumedepende ang tao sa medya ay
mas nagiging dominante ito sa kanyang buhay na siyang nagiging pangunahing
 3

dahilan upang ang kanyang pamumuhay ay maimpluwensiyahan. Sinasabing

umaasa ang tao sa medya sa kadahilanang napupunuan nito ang kanyang mga
pangangailangan, kagustuhan, at pansariling layunin na hindi niya nakakamit sa
ibang mga bagay at pamamaraan. Dulot ng matinding paggamit ng tao sa medya
ay umaaabot ito sa puntong naaapektuhan at nababago na ang kanyang personal at
kultural na aspeto.
Cultural Proximity Theory. Isinasaad ng teoryang ito na ang mga tagapanood o
audience ay nakakahanap ng pagkakatulad sa kung ano ang kanilang napapanood.
Isa sa mga mahahalagang aspetong tinitingnan ay ang linggwahe o wika na
ginagamit, ngunit binigyang-diin din ni Straubhaar na hindi lamang wika ang
tinitingnan at nakukuha ng mga manonood, kundi maging ang kasaysayan,
relihiyon, etniko, pagkakakilanlan, pamamaraan ng pagkilos, di-berbal na
komunikasyon, pattern sa pamumuhay, at iba pang mga relasyon sa kapaligiran.
Naiimpluwensiyahan nito ang pamamaraan ng pamumuhay, pananamit, at paraan
ng pag-iisip ng mga tagapanood.
Intercultural Transformation Theory. Ayon kay Young Yun Kim, nag-aadjust
ang tao sa pagbabago ng kultura na siya ring dahilan upang lumawak ang kanyang
pananaw at matuto ng mga panibagong kaalaman at pagkilos. Nagdudulot rin ito
ng malakihang pagbabago sa kanyang personalidad at na kung saan nagkakaroon
siya ng maraming pagpipilian. Mahihinuha sa sinabi ni Kim na kung lantad ang
tao sa iba‟t ibang kultura ay maaari na siyang mabago nito.

BALANGKAS KONSEPTWAL
Ipinapakita sa balangkas konseptwal ang sakop ng pag-aaral na ito kung
saan nais malaman ng mga mananaliksik ang epekto ng Korean entertainment sa
mga estudyante ng MSU-IIT. Layunin ng pag-aaral na ito na masagutan ang
sumsunod: ipinagkaiba ng Korean entertainment at Filipino entertainment,
impluwensiya ng Korean entertainment sa mga estudyante, at mga dahilan sa
pagtangkilik nito.
 4

PAGLALAHAD NG MGA SULIRANIN

Ayon sa mga teoryang nakalap, may mahalagang papel ang media sa pag-
aadapt ng tao sa ibang kultura. Sa kadahilanang ito, nais bigyang-kasagutan ng
mga mananaliksik ang mga sumusunod na katanungan:
1. Ano ang ipinagkaiba ng mga anyo ng libangan sa Korea at Pilipinas?
2. Ano-ano ang mga impluwensiya na nakuha ng mga estudyante ng MSU-
IIT sa Korean dramas at Kpop?
3. Ano ang mga dahilan kung bakit maraming estudyante sa MSU-IIT ang
nahuhumaling sa kulturang Koreano?

METODOLOHIYA
Ang pag-aaral na ito ay isinagawa upang malaman ang kaibahan ng
entertainment sa Korea at Pilipinas, matuklasan ang mga impluwensiya nito sa
mga estudyante, at malaman ang kadahilanan sa likod ng pagtangkilik nila rito.
Ang unang suliranin ay sinagutan sa pamamagitan ng isang masusing
pananaliksik. Para naman sa ikalawa at ikatlong suliranin, isang sarbey ang
ginamit sa pangangalap ng datos. Ang sarbey ay naglalaman ng 42 na aytem at
isang maikling seksiyon para sa demograpika na inilaan para sa pangalan,
kolehiyo, edad, anyo ng medya na kinatatangkilikan, at kung saan ito unang
nalaman ng mga respondente.
 5

Ang mga tumugon sa sarbey ay 70 estudyante ng MSU-IIT, kapwa babae

at lalaki, na may hilig at pagtangkilik sa Korean shows at musika. May 7
kolehiyo ang unibersidad kung kaya‟y 10 estudyante ang nagrepresenta sa bawat
kolehiyo. Ang mga respondente ay pinili sa pamamagitan ng random sampling.

RESULTA NG PAG-AARAL
Base sa sarbey na isinagawa ng mga mananaliksik, ang sumusunod na
impormasyon ang nakalap:

17.18%
15.64% 15.50%
14.77%
13.36% 13.82%

9.73%

CASS COET SCS CED CBAA CON CSM

Figure 1. Porsyento ng mga estudyanteng naimpluwensiyahan ng Korean

entertainment
 6

Figure 2. Porsyento sa mga aytem na nagpapakita ng impluwensiyang nakuha ng

mga estudyante (Mga Aytem 1-14)
 7

Figure 3. Porsyento sa mga aytem na nagpapakita ng impluwensiyang nakuha ng

mga estudyante (Mga aytem 15-28)
 8

Figure 4. Percentage sa mga aytem na nagpapakita ng dahilan sa pagka-

impluwensiya ng mga estudyante
 9

DISKUSYON

PINAGKAIBA NG MGA TELENOBELA AT MUSIKA

SA KOREA AT PILIPINAS
Ang entertainment industry ng Korea at Pilipinas ay may sariling
pagkakaiba sa isa‟t isa. Ayon sa pag-aaral ni Sanchez, L. (2014), ang pagtangkilik
ng mga Pilipino sa mga Koreanovelas ang siyang naging sanhi upang i-adapt ito
ng mga Filipino filmmakers. Ilan sa mga pelikulang ito ay ang “My Only You”
at “Green Rose”. Ayon sa isang sarbey, maraming Pilipino ang tumatangkilik sa
K-drama dahil bago ito sa mga nakasanayang storya at hindi ito madaling
nahuhulaan ng mga manonood. Ang mga artista ay nakakapagbigay ng kilig at
emosyon na gustong ipahayag ng pelikula. Ang “kilig” factor (romantikong
pananabik) ay isang makabuluhang elemento sa maraming K-Drama series,
kabilang dito ang pagkakaroon ng magaganda at guwapong cast tulad ng mga
popular na K-Drama aktor na sina Lee Min Ho, Song Hye-Kyo, Kim Soo-hyun,
Song Joong-ki, Gong Yoo, at iba pa. Karamihan din sa mga drama ng Korea ay
naglalaman ng mga family-friendly na tema na tugma sa ating kultura at
nakasanayan natin. Pag-ibig, pagkakaibigan, relasyon ng pamilya at kasaysayan
ay iilan lamang sa mga tema na ipinakita ng maraming Korean dramas at ang
mga ito ay parehong mga katangian at kaugalian o tradisyon na pinahahalagahan
din natin. Ayon sa artikulo ng The Freeman, karamihan sa mga magulang ay
kumportable din sa K-Drama dahil ito ay kadalasang “naaangkop na panoorin ng
kanilang mga anak.” Karamihan ng mga K-Drama ay Rated-G (General
Patronage o para sa pangkalahatang manunuod) na may mas mababang
konsentrasyon sa karahasan at/o sa mga wikang pagmumura tulad ng maraming
mga palabas mula sa Kanluran.
Ayon naman sa pag-aaral ni Good, M.K. (2013), ang pagtangkilik ng mga
Tongan youth sa Filipino na mga teleserye ay ang kadahilanan na nagbibigay ito
ng koneksyon sa mga manonood sa pamamagitan ng pagpapakita ng realidad sa
Pilipinas. Nakakaakit ang mga palabas na ito dahil sa mga suspense at dramatic na
aksyon. Ngunit sa ibang pananaliksik ay inilahad ang mga dahilan kung bakit
 10

maraming mga Pilipino ang hindi tumatangkilik sa sariling palabas. Isa sa mga
dahilan nito ay ang pagkakaroon ng komun na istorya at walang orihinalidad.
Karamihan sa mga palabas sa Pilipinas ay tungkol sa gulo na nangyayari sa
pamilya kaya marami ang nagsasawa.
Sa aspeto naman ng musika, ayon sa pag-aaral nila Noblejas et al., ang
mga Pilipino ay mahusay sa pagpapahayag ng emosyon sa musika. Ang mga
Pilipinong musikero ay kilala sa pagiging biritero/biritera at kadalasan sa mga
musika na nililikha ay klasikal. Ang Korea naman ay kilala sa pagkakaroon ng
mga idol groups kung saan binubuo ito ng apat hanggang labing-lima na
miyembro sa kada grupo. Sila ay sikat sa pagkakaroon ng kakaibang beat at tunog
na nakakapanghikayat sa mga tagapakinig kahit na hindi naiintindihan ang mga
liriko nito. Ang mga artists nila ay hindi lamang marunong kumanta marunong din
sila sumayaw na mas nakakahikayat sa mga kabataan.

MGA IMPLUWENSYA NA NAKUHA NG MGA ESTUDYANTE SA

KOREAN DRAMAS AT KPOP
Dahil maraming Pilipino ang namamangha at sumusuporta sa Korean
Dramas at Kpop groups, naging impluwensyal din ang mga ito sa ilang
kabaataan na nanonood nito. Base sa datos na nakalap ng mga mananaliksik,
92.9% ng nagsasabing “Gusto kong pumunta o pumupunta ako sa mga Korean
restaurants upang tikman ang kanilang mga pagkain” ang siyang pinakamataas na
impluwensyang nakukuha ng mga estudyante mula sa Korean entertainment.
Marami na ngang impluwensya ang naidulot ng Korean Entertainment sa mga
kabataan ngayon at dito makikita ang pagiging epektibo ng impluwensyang ito sa
labis na pagnanais ng mga estudyante na malaman at mabuhay sa pamamaraan ng
kanilang mga Korean idols - kahit na sila‟y nasa Pilipinas pa lamang ay ninanais
na nilang makatikim ng mga Korean foods o putahi. Bukod dito, ang aytem na
nagsasabing “Nanghihingi ako ng pera sa aking mga magulang para pambili ng
memorabilya ng aking idolo” ay nakakuha lamang ng 32.3% na siyang may
pinakamababang bahagdan sa lahat ng mga impluwensyang nakukuha ng mga
kabataan. Ito‟y nangangahulugang kukonti pa lang sa mga estudyante ang
 11

nanghihingi ng pera sa kanilang mga magulang upang makabili lamang ng mga

memorabilya ng kanilang mga idolo o di‟ kaya‟y hindi sila humihingi ng pera
dahil alam nilang hindi rin sila pagbibigyan at suportado ng kanilang mga
magulang sa pagiging Korean fan. Isa rin sa dahilan kung bakit hindi sila
nanghihingi ng pera sa iba ay dahil mas gusto nilang gamitin ang kanilang
naipong pera sa pagbili ng mga ito sapagkat mas makabuluhan ito para sa kanila.
Maliban sa mga impluwensyang nabanggit, marami pang impluwensya
ang nakukuha ng mga kabataan o estudyante ng MSU-IIT na aming natuklasan.
Ang mga ito at ang kanilang kaukulang porsyento ay ang sumusunod:
(a)Naaanyayahang kumanta kasabay sa himig ng K-POP music, 73.7%,
(b)Napapasayaw sa mga K-POP music, 72.9%, (c)Labis na paghanga sa mga
Korean artists, 85.7%, (d)Impluwensya sa paraan ng pananamit, 76.0%,
(e)Impluwensya sa paraan ng pag-estilo ng buhok, 72.9%, (f)Impluwensya sa
paraan ng pag-aplay ng mga pampaganda, 70.0%, (g)Impluwensya sa personal na
pagkakakilanlan, 60.6%, (h)Paghimok ng K-pop sa pagbili ng kanilang music
album, 58.9%, (i)Nahimok sa pagbili ng mga produktong inaadbertays ng mga
Korean stars, 67.7%, (j)Nahimok sa pagsali ng K-pop fan group sa social media,
73.7%, (k)Naging miyembro ng isang K-pop fan group sa social media, 68.0%,
(l)Nahimok ang interes sa Korean Entertainment na sumama sa iba pang mga
panatiko ng Korean Entertainment, 70.9%, (m)Napapaunlad ang kaalaman
tungkol sa kultura ng Korea, 77.4%, (n)Pagnanais na makapunta sa Korea dahil sa
interes sa mga grupo ng Korean Entertainment, 89.7%, (o)Nahimok na panoorin
ang kanilang mga concert, 79.4%, (p)Mabubuo ang aking buhay bilang fan kapag
matugunan ko sa personal ang aking mga biases, 82.0%, (q)Mas gusto ang K-pop
kumpara sa OPM, 48.9%, (r)Nahihikayat na matuto sa kanilang linggwahe,
86.3%, (s)Nilalaanan ng mas higit pa sa 5 na oras ang panonood ng K-drama,
67.7%, (t)Inuuna ang panunood ng K-drama kaysa sa paggawa ng takdang
aralin/pag-aaral, 54.3%, (u)Nag-iipon para merong pambili ng mga memorabilya
ng idolo, 57.4%, (v)‟Pag may bagong K-drama ang idolo, agad-agad itong
pinapanood, 71.4%, (w)Bumibili ng memorabilya sa idolo kahit ito‟y magastos,
54.3%, (x)Nangongolekta ng memorabilya na tungkol sa idolo/bias, 52.9%, (y)K-
 12

pop na halos ang pinakikinggan araw-araw, 54.3%, (z)Kapag napakinggan ang K-

pop, gumagaan ang loob kumpara sa OPM, 52.3%.

MGA DAHILAN KUNG BAKIT MARAMI ANG NAHUHUMALING SA

KULTURANG KOREANO
Base sa datos na nakalap ng mga tagapagpananaliksik, ang mga
sumusunod na limang dahilan ay mayroong pinakamataas na porsiyento o
maraming sumang-ayon sa tanong kung bakit nga ba marami ang nahuhumaling
sa kulturang koreano: ang “Nanonood ako ng mga Korean entertainments upang
mawala ang aking pagod at stress” ay nakakuha ng pinakamataas na porsiyento na
merong 90.0% at ang nais ipahiwatig dito ay naging paraan na ng pampalipas oras
ng mga estudyante ang Korean Entertainments upang mabawasan o
matanggalan ng stress o kung ano man ang kabigatan ang kanilang nararamdam o
pinapasan. Ang pangalawang dahilan ay “Nanonood ako ng mga Korean dramas
dahil maganda ang kanilang storya” na nagtamo ng 88.9%. Sa artikulo na isinulat
ni Belonio (2017) nakita niya na ang karamihang tema ng mga K-dramang ito ay
naglalaman ng family-friendly na genre. Ang mga balangkas ng kuwento ng mga
ito na kalimitan ay hindi madaling hulaan kaya marami talagang sumusuporta at
nanonood nito. Ang pangatlong dahilan naman ay “Kinikilig ako kapag nanonood
ng mga Korean dramas” na nakakuha ng 871%. Ayon pa rin sa pag-aaral ni
Belonio (2017) tunay nga na nag-aabang ang mga manonood sa “kilig” factor na
dala ng mga K-drama at mga musika nito. Ang ika apat na dahilan ay
“Nahihikayat akong manood ng mga Korean drama dahil sa mga gwapo at
magagandang artista”. Ayon sa artikulo mula sa The Freeman, hindi lamang
kalimitang maganda ang kwento sa mga seryeng ito kundi pati na rin ang mga
artista na gaganap ay magaganda ang gwapo rin. Ang ika limang dahilan na
“Nanood ako ng mga Korean shows dahil nakakatawa ang mga artista nila” ay
pareho silang nakakuha ng 82.6%.
 13

KONKLUSYON
Batay sa datos na nakalap, ang pinagkaiba ng telenobela sa Korea at
Pilipinas ay nakapokus sa plot ng istorya at sa mga artistang gumaganap.
Maraming Pilipino ang tumatangkilik sa K-drama dahil hindi raw madaling
nahuhulaan ng mga manonood ang plot. Ang banyaga at mestisong pisikal na
anyo ng mga artista sa Korea ay nakakadagdag din daw sa mas mabisang
pagpapaabot ng kilig at emosyon na siyang laganap sa mga kabataan ngayon.
Samantalang ang pelikulang Pilipino naman ay kadalasang may komun na istorya
at naglalaman ng plot na madaling hulaan ng mga manonood. Karamihan din sa
mga palabas sa Pilipinas ay tungkol sa gulo na nangyayari sa pamilya, kung
kaya‟y tila marami ang nagsasawa sa paulit-ulit na tema. Sa aspeto naman ng
musika, ang mga Pilipinong musikero ay kilala sa pagiging biritero/biritera na
kadalasan ay may genre na klasikal. Samantalang ang Kpop ay kilala sa
pagpoprodyus ng mga kantang moderno pakinggan na may kakaibang beat at
tunog na siyang mas bumebenta sa mga kabataan.
Hindi maikakatwa na mayroong mga impluwensyang naidudulot ang
Korean entertainment sa mga tumatangkilik dito. Pinakadominante ang
pagnanais nilang pumunta sa mga Korean restaurants upang matikman ang
pagkaing Koreano. Sila rin ay nagnanais na makapunta sa Korea at ma-meet ang
kanilang mga idolo. Karamihan ay naaanyayahan ding kumanta at sumayaw
kasabay sa himig ng Kpop music. Sa labis na paghanga sa mga Korean artists,
kinokopya na rin ang kanilang paraan ng pananamit, pag-aayos sa buhok, at
pampaganda. Nahihimok rin sila sa pagbili ng mga Korean music album at
produktong inaadbertays ng mga Korean stars, manood ng mga concerts ng
kanilang idolo, at pagsali ng Kpop fan group sa social media. Pinapaunlad din
nila ang kanilang kaalaman tungkol sa kultura ng Korea, lalong-lalo na ang
kanilang linggwahe. Sa isang banda, mas nagugustuhan na ng mga kabataan ang
Kpop kumpara sa OPM. Kpop na nga ang halos pinapakinggan nila araw-araw.
Nahihikayat din sila na mag-ipon upang merong pambili ng mga memorabilya ng
idolo kahit na ito‟y may kamahalan. Karamihan ay naglalaanan din ng higit pa sa
 14

5 oras na panonood ng K-drama sa isang araw na minsa‟y inuuna pa kaysa sa

pag-aaral o paggawa ng takdang aralin.
Maraming dahilan kung bakit nahuhumaling ang mga Pilipino sa kultura
ng Korea. Karamihan ay nahuhumaling sa panonood sa K-drama sa kadahilanang
nakabibighani ang mga bida nito na dinagdagan pa ng maganda, nakakakilig, at di
nakakaumay na istorya. Maliban pa diyan, ang kanilang mga reality shows ay
sobra rin daw na nakakatawa na siyang tumutulong mapawi ang pagod at stress
nila. Karamihan din ay nahikayat na tangkilikin ang Kpop dahil sa naiiba at
modernong upbeat ng kanilang mga kanta. Hindi lang sa pagkanta magaling ang
kanilang mga Kpop idols, kundi maging sa pagsasayaw rin, kung kaya‟t patok na
patok ito sa mga kabataan. Diumano‟y nakapagpapagaan din ang musikang Kpop
sa loob ng isang tao.
 15

MGA REPERENSIYA

Carbonell, J. B. et al. (2017). "K-Drama Sensation and Academic Performance of

Grade 12 Students of Cagayan National High School." Isang tesis ng mga
mag-aaral ng Cagayan National High School - Senior High School

Fuentes, M. (2017). "The Impact of Kpop Music to the Academic Life of Filipino
Students." Nakuha mula sa Scribd:
https://www.scribd.com/doc/232879825/The-Impact-of-Kpop-Music-to-
the-Academic-Life-of-Filipino-
Students?fbclid=IwAR2faGAnIi0iP_xg2_6rxXIM9_4TCNzNZ7WaR49R
qGb2a2VoWdGDDO1QEBA

Good, M. K. (2017). "Filipino Film Lovers." Anthropology Now, 41-51. Nakuha

mula sa Tandfonline:
https://www.tandfonline.com/doi/abs/10.1080/19428200.2013.11869138?j
ournalCode=uann20&fbclid=IwAR2XNr18N6iy8Xp1fyk2KwErYX8F2G
QrfGdrVFchZgy5q8z25hMbR9X5nB0

Robillos, M. J., Gerez, H. G., at Ronda, J. C. (2016). "Level of K-Pop Influence to

the Third Year BSEd Students." Isang tesis ng mga mag-aaral ng Leyte
Normal University

Sanchez, L. J. (2014). "Koreanovelas, Teleseryes, and the "Diasporization" of the

Filipino/the Philippines." Plaridel, 1-20. Nakuha mula sa Tandfonline:
https://www.tandfonline.com/doi/abs/10.1080/19428200.2013.1186138?jo
urnalCode=uann20
 16

HINGGIL SA MGA MANANALIKSIK

JULYEN CLAIRE Z. CABRERA. Siya ay nagmula sa

Brgy. Tubod, Isabel Leyte at kasalukuyang naninirahan
sa Iligan City. Siya‟y ipinanganak noong Agusto 27,
1998 sa LIDE PASAR Hospital at panganay na anak
nina Julius R. Cabrera at Monyen Z. Cabrera. Siya ay
kasalukuyang nag-aaral sa kursong BS Psychology sa
MSU-IIT. Nagtapos siya ng elementarya at sekondarya
sa Holy Child Parish School of Isabel, Inc. Isabel, Leyte.

JHULIAN KLEIN B. JAO. Siya ay nagmula sa Zone

Diamond, Hinaplanon, Iligan City. Siya‟y ipinanganak
noong Hulyo 10, 1998 sa E & R Hospital, Iligan City at
bunsong anak sa apat na magkakapatid nina Ulysses L.
Jao at Anecity B. Jao. Siya ay kasalukuyang nag-aaral sa
kursong BS Psychology sa MSU-IIT. Nagtapos siya ng
elementarya sa Abecedarian Developmental School at
sekondarya sa Lanao Chung Hua School, Iligan City.

SHERA D. LASMARIAS. Siya ay nakatira sa

Lasmarias Compound, Tibanga, Iligan City. Siya‟y
ipinanganak noong Nobyembre 30, 1997 sa Iligan City at
ang nag-iisang anak nina Yuri Christian T. Lasmarias at
Jovey D. Lasmarias. Siya ay kasalukuyang nag-aaral sa
kursong BS Psychology sa MSU-IIT. Nagtapos siya ng
elementarya sa Living Spring Academy at sekondarya
sa MSU-IIT Integrated Developmental School, Iligan City.
 17

JANE MARY P. LIBRE. Siya ay kasalukuyang

naninirahan sa Phase 2, Bahayan Luinab, Iligan City.
Siya‟y ipinanganak noong Abril 4, 1998 sa Mahayahay,
Iligan City at nag-iisang anak nina Celso L. Libre at
Leonila P. Libre. Siya ay kasalukuyang nag-aaral sa
kursong BS Psychology sa MSU-IIT. Nagtapos siya
ng elementarya sa Iligan City East Central School at
sekondarya sa La Salle Academy, Iligan City.

EARLY JOAN E. NIEZ. Siya ay kasalukuyang

naninirahan sa Purok 3, Noria, Pala-o, Iligan City. Siya‟y
ipinanganak noong Mayo 24, 1998 sa Iligan City at
pangalawang anak nina Wenceslao N. Niez at Joannar E.
Niez. Siya ay kasalukuyang nag-aaral sa kursong BS
Psychology sa MSU-IIT. Nagtapos siya ng elementarya at
sekondarya sa La Salle Academy, Pala-o, Iligan City.

LUCRIZ JEWELA D. ORZALES. Siya ay nagmula sa

Cantilan, Surigao del Sur at kasalukuyang naninirahan sa
Brgy. Tibanga, Iligan City. Siya ay ipnanganak noong
Setyembre 24, 1998 sa Cantilan at pang-apat na anak nina
Lucio C. Orzales Jr. at Josephine D. Orzales. Siya ay
kasalukuyang nag-aaral sa kursong BS Psychology sa MSU-
IIT. Siya ay nagtapos ng elementarya at sekondarya sa
Saint Michael College, Cantilan Surigao del Sur.
 18

BLESSY JEAN D. PANES. Siya ay nagmula sa bayan ng

Wao, Lanao del Sur at kasalukuyang naninirahan sa Brgy.
Canaway, Iligan City. Siya ay ipinanganak noong June 25,
1999 sa Wao District Hospital at panganay na anak nina
Jerry F. Panes at Garly D. Panes. Siya ay kasalukuyang
nag-aaral sa kursong BS Psychology sa MSU-IIT. Siya ay
nagtapos ng elementarya sa Wao Grace Christian School at
sekondarya sa MSU - Wao Comunity High School.