Epekto ng Panonood ng K-Drama sa Pakikipag Komunikasyon ng mga Grade 11 SSCI Strand sa

Wikang Filipino sa Adamson University

Inihanda nina:

Lasco, Anthony

Ombrete, Jedd Heleina

Revesencio, Mharian

Tan, Alyanna

11 SSCI 03

Bb. Maria Venus G. Solares

 KABANATA I

SULIRANIN AT KALIGIRAN NITO

INTRODUKSYON

Sa patuloy na pagpasok ng modernong panahon, patuloy din ang pag usbong ng mga
makabagong media sa ating bansa. Lingid sa kaalaman ng lahat na isa itong malaking salik sa
paggamit ng sariling wika. Ayon sa Social Weather Survey, 37.8% lamang ng populasyon ng
Pilipinas ang gumagamit ng wikang Filipino. Ang pagkakaroon ng wika ay nagsisilbing daan sa
pagkakaisa ng mga mamamayan at paglalahad ng pagkakakilanlan ng pinagmulan. Ito rin ay isa
sa mga importanteng kasangkapan na bumubuo ng partikular na bansa sapagkat ito ang
ginagamit sa pakikipag komunikasyon. Ngayong ika-21 siglo, maraming nabago sa wika at sa
paraan ng pakikipag komunikasyon. Bunga ng pagiging malikhain ng tao, maaaring sila ay
makalikha ng mga bagong salita.

Naging laganap din ang sining ng iba’t-ibang bansa, partikular sa South Korea kung saan
nasgimula ang Hallyu o Korean Wave. Ito ang tumutukoy sa impluwensiya ng kultura ng South
Korea sa Pilipinas at ibang bahagi ng mundo. Nagsimulang mag-broadcast ang South Korea ng
mga teleserye taong 1960. Ang Korean drama ay tumutukoy sa teledrama sa Korean na wika na
ginawa sa South Korea, halos sa isang pormat na miniserye na may mga natatanging katangian.
Ang isang episode ay karaniwang binubuo ng 16-32 mga episode, bagaman may mga K-dramang
tumatagal ng mas kaunti sa 16 na episode at mayroon ding tumatagal ng higit sa 100 na episode.
Ito ay naglalahad ng mga kwentong komedya, aksiyon, pantasiya, o kahit mga kwentong
naganap sa mga sinaunang panahon o tinatawag na sageuk. Ang kauna-unahang K-drama na
iniere sa Pilipinas ay ang Bright Girl at nasgimula itong ihayag noong 2003 sa GMA Network.
 Naging sikat ang mga K-drama sa iba’t ibang bansa dahil sa paglaganap ng Hallyu wave.
Mula ng lumakas ito, napapanood na ang mga K-drama sa mga telebisyon sa labas ng Korea at
sa mga websites tulad ng Netflix, YouTube, Naver, at marami pang iba, na may kalakip na mga
subtitles sa iba't ibang wika. Ayon sa pananaliksik, sa 30 million na Pilipinong nanonood online,
70% ng mga Pilipino ang nanonood ng K-drama. Malugod na itinatanggap ang mga K-drama sa
iba't ibang mga bansa lalo na sa Pilipinas at kung kaya naman ay nagkaroon din ng mga epekto
sa mga manonood nito.

KALIGIRAN NG PAG-AARAL

Ang wikang Filipino ay maihahalintulad sa isang butong itinanim na sa paglipas ng

panahon ay tumubo; inalagaan hanggang sa yumabong, namunga, at pinakikinabangan ng mga
Pilipino (Arceo, 2013). Ayon sa Konstitusyon 1987 Artikulo XIV Seksyon 6, ang wikang
pambansa ng Pilipinas ay Filipino. Ito ay dapat payabungin at pagyamanin pa, batay sa umiiral
na wika sa Pilipinas. Ngunit sa paglipas ng panahon, ang mga Pilipino ay nagsimulang gumamit
ng wikang Filipino at mga salitang banyaga sa pakikipag komunikasyon at dahil doon ay
sumibol ang code switching. Ang code switching na tinatawag ay ang salitan na paggamit ng
dalawa o higit pang wika o barayti ng wika, lalo na sa iisang diskusyon. Ayon kay Estrellanes,
nangyayari ang ganitong kaganapan dahil sa kagustuhan ng karamihan sa mga Pilipino na
matuto ng wikang banyaga. Ayon sa mga pananaliksik ukol dito, ginagamit ang code switching
para makalikha ng magandang interaksyon.

Ayon naman kay Rep. Jose Atienza, Jr. (2014), ang mga banyagang teleserye ay
kumakain sa primetime iskedyul ng mga kumpanya sa telebisyon at sa gayon ang mga
teleseryeng gawa ng Pilipino ay napupunta sa hindi magandang iskedyul. Ang primetime ay ang
iskedyul ng mga broadcast sa telebisyon, karaniwang sa pagitan ng 6:00 PM hanggang 10:00
PM. Ang isang banyagang teleserye naman ay isang serye sa TV na ginawa ng isang bansa
maliban sa Pilipinas (Tubianosa, 2014). Mula rito, ipinatupad niya ang House Bill No. 3839.
Isinasaad dito na ipinagbabawal ang mga banyagang teleserye na mag-broadcast sa primetime
upang marekober ang lokal na media.

PAGLALAHAD NG SULIRANIN

Ang pangunahing suliranin ng pananaliksik ay ang mga sumusunod:

1. Meron bang epekto ang Korean Drama sa pakikipag-komunikasyon ng mga mag-

aaral sa wikang filipino?

2. Kung meron, ano? At ito ba ay nakakatulong o nakakaminsala?

3. Paano nakakaapekto ang panonood ng Korean Drama sa pakikipagkomunikasyon sa

wikang Filipino?

KAHALAGAHAN NG PAG-AARAL

Ang mga sumusunod ay ang makikinabang sa pananaliksik:

Guro. Mapapakinabangan ito ng mga guro sa Filipino sa pamamaraan na

magkakaroon sila ng sapat na kaalaman patungkol sa epekto nito sa pakikipag
komunikasyon at sa gayon ay magkakaroon sila ng ideya kung paano nila
matuturuan ang mga estudyante.
 Magulang. Ang pananaliksik na ito ay benepisyal sa mga magulang sapagkat
magkakaroon sila ng ideya kung saan at ano ang mga bagay na kina-iinteresan ng
kanilang mga anak.

Kabataan. Sila ang may pinakamalaking kapakinabangan sa pag-aaral na ito dahil

magiging daan ito upang mas pahalagahan at tangkilikin nila ang Wikang Filipino.

Mananaliksik sa hinaharap. Maaaring magamit ito ng mga mananaliksik sa hinaharap

bilang batayan ng pagsusuri ng mga kaugnay na panitikan sa kanilang pag-aaral dahil
maaaring may kaugnayan ito sa pag-aaral na kanilang isasagawa sa hinaharap. Maaari rin
nilang gamitin ang pag-aaral na ito upang ipaalam sa mga tao ang tungkol sa epekto ng
panonood ng K-drama sa pakikipagkomunikasyon.

SAKLAW AT DELIMITASYON

Ang pananaliksik na ito ay nakatuon lamang sa grade 11 strand bilang respondente sa

ginagawang sarbey. Ang K-drama / Korean drama ay ang kinahihiligan ngayon ng mga kabataan
kaya naman ito ang napili naming gawan ng pananaliksik. Saklaw nito kung ano ang posibleng
epekto at resulta ng hatid ng panunood ng Korean drama sa mga mag aaral ng grade 11 strand.
Sa pananaliksik na ito ay makakakalap ng sapat na datos at impormasyon kung ano ang maaring
dulot nito sa pakikipag komunikasyon, negatibo man o positibo.

DEPINISYON NG MGA TERMINOLOHIYA

epekto – isang kinalabasan, naging resulta o naging bunga ng isang pangyayari, bagay at mga
sitwasyon.
Hallyu – tumutukoy sa pagkalat ng kultura ng Timog Korea sa buong mundo.

impluwensiya – isang lakas, puwersa o kapangyarihan na nakapagpapabago na nagmumula sa

labas ng isang tao o isang bagay na naimpluwensiyahan nito.

K-drama – tumutukoy sa mga palabas sa telebisyon na gumagamit ng wikang Koreano at

nilikha sa Timog Korea.

kredibilidad – ang sukat ng pagiging katiwa-tiwala ng isang indibidwal.

kumpidensyal – itinago, o sinadya na itago, lihim sa loob ng isang tiyak na bilog ng mga tao;
hindi inilaan upang makilala sa publiko.

media – isang bagay na tumutulong makapagdala o paglilipat ng impormasyon.

siglo – isang panahon na sumasakop o bumubuo sa isang daang taon.

salik – ano mang bagay, pangyayari o sitwasyon na maaaring magkaroon ng impluwensya sa

maaaring kahinatnan ng anumang paksa.

teledrama - isang uri na napapanood sa telebisyon na karaniwang hindi makatotohanan o

walang pawang pruweba na masasabing ito ay totoo.
 KABANATA II

KAUGNAY NA LITERATURA AT PAG-AARAL

REVIEW OF RELATED LITERATURE

Ayon kay Villanueva, Abinguna, et al. (2017), ipinapakita kung maaring nababago ang
pagmamahal ng pilipino sa kanyang sariling bansa dahil sa panonood ng K-drama. Ipinakita sa
pag-aaral na ito na pangalawa sa pinakamalaking pursyento ang mga estudyante na may mas
maraming kaalaman sa Korea kaysa sa Pilipinas (26% sunod sa pinakamalaking 62% na walang
masyadong kaalaman sa Korea at Pilipinas). Dito rin isinaad na ang mga estudyante na kanilang
napanayam ay halos kalahati ng kanilang libreng oras sa school ay nakalaan sa panonood ng mga
K-drama o kaya ang mga ibang medya na may kinalaman dito. Sa pag-aaral na ito ay
napatunayan na may epekto nga ang K-Drama sa tingin ng mga kabataan sa ating bansa.

Ayon kay Magtortor (2010), ang patuloy na pagsikat ng Korean wave sa buong bansa ay
nagkaroon ng malaking epekto sa mga tao sa pamamagitan ng teledramas, films, at iba pa.
Sinasabi rin na ang mga kabataan ang higit na naiimpluwensyahan ng Korean wave, at isa na
roon ang mga kabataang Pilipino. Ayon naman kay Casasola (2009), ang mga K-drama ay
talagang nakaka humaling, gawa ng mga malikhaing storya at nakakaakit na mga tauhan nito.
Pansin naman na karamihan sa mga Pilipino ay bumabase sa kulturang Koreano bilang
inspirasyon sa kanilang trabaho sa paggawa ng mga pelikula, musika, at gawa ng sining. Mula
noon at ngayon, ang panlasa sa musika, pelikula at fashion ay nabago, napabuti at nagging mas
kapana-panabik sa paningin ng kabataang Pilipino.
 Ayon sa Common Wealth Magazine, isa sa mga pinakadakilang imbensiyon sa ika-20
siglo ang telebisyon. Kasama ang malalaking network ng telebisyon, ang mga istasyon ng TV ay
nagpapakilala ng maraming programang banyaga, kabilang ang mga drama mula sa Korea, Japan
at America. Ayon naman sa The AJU Business (2012), mayroong dalawang drama na naglalaro
ng mahahalagang tungkulin sa kasaysayan ng mga Korean drama. Una ay Jewel in Palace at You
Who Came From the Star. Ang mga drama na ito ay hindi lamang lumikha ng mga interes ng
dalawang bilyon sa net, kundi nakuha din ang mahigit animnapu't apatnapung libong Taiwanese
tourists na pumunta sa Korea noong 2014, ayon kay Cheng Yi Shou, Pangulo ng Korea Tourism
Organization. Ayon kay Yin (2013), ang panonood ng Korean drama ay nagbibigay ng malaking
epekto sa manonood dahil sa malalim na emosyong pinapakita at inilalabas ng drama.
Pinapatunayan dito na hindi lahat ay kailangan ng malaking pera upang sumikat at maging
mahusay ang kanilang mga palabas.

Ayon kina Semilla at Soriano (2017), isa sa mga rason kung bakit naaakit ang mga senior
high school students sa panonood ng K-Drama ay ang tampok na mga artista. Dahil sa mga
artistang ito, mas nagaganahan silang manood dahil maaaring maganda o gwapo ang bida ng
isang K-Drama. Isang rason pa ang magandang storya na inilalarawan ng bawat K-Drama. Isang
rason na rin ang kilig na nadarama ng mga estudyante pag sila ay nanonood ng K-Drama.
Sinasabi sa kanilang pananaliksik na ang K-Drama ang "escape" nila sa dinaranas na stress sa
eskwelahan. Dahil sa mga rason na ito, patuloy na gumugugol ng oras ang mga senior high
school students sa panonood nito. Nasabi rin sakanilang pag-aaral na kayang isakripisyo ng mga
estudyante ang kanila oras ng tulog, at iba pang importanteng gawain para lamang makapanood
ng K-Drama. Ayon sa kanilang pananaliksik, napagtanto ng mga mananaliksik na ipinakita ng
mga mag-aaral na naging malaki ang epeko ng K-Drama sa kanilang pag-uugali. Interesado ang
mga senior high school students na aralin ang Hangul o Korean language.

SINTESIS

Ang mga resulta ng mga pananaliksik na may kinalaman sa aming pag-aaral ay

kalahatang nagpapakita ng pagkakaroon ng malawakang epekto sa mga kabataan na nanonood
ng K-drama. Sa ung unang pag-aaral, “The Relationship of South Korean Influence to the
Nationalism of Grade 12 ABM and HUMSS Students in EAC-SHS”, ay nagpapakita ng
malaking impluwensiya ng K-drama sa tingin sa ating bansa bilang mas mababa kung
ikukumpara sa bansang Korea. Sa ikalawang pag-aaral naman, “The Influence of Korean Drama
Series and the Academic Performance of Grade 9 Students of RMMC”, ay pinapakita ng
katamtaman ngunit halatang pagbabago sa mga grado ng mga mag-aaral bilang isang
paggambala. Ang pangatlong pag-aaral, “Epekto ng Panonood ng Korean Drama sa Self-image,
Ideal Self at Self Esteem ng mga Mag-aaral”, ay nagpapakita ng malalaking kabaguhan sa
pagbuo ng konsepto sa sarili na alinsunod sa Korea at hindi sa kultura ng Pilipinas. At ang
pinakahuli, “The Impacts of Korean Dramas among Senior High School Students of the
Marinduque Midwest College” ay nagpapakita ng resulta na ang mga mag-aaral ay ginawang
hawakan at basehan ng kanilang buhay ang mga napapanood nila sa K-drama.

Ang mga resulta na ito ay nagpapakita ng isang nakakabahalang pattern. Ang lahat ng
aral na ito ay tumutukoy sa impluwensiya at epekto, na kung saan ang mga resulta ay may
malaki o katamtaman na pagbabago. Maari itong maiuugnay sa aming pag-aaral na, ayon sa
datos na naibigay, maaaring mayroon ngang pagbabago sa pagkomunikasyon ng mag-aaral sa
ika-11 na baitang ng SSCI03 sa Adamson University at kung meron man ito ay maaaring maging
katamtaman o malaking pagbabago.

BATAYANG TEORETIKAL

Cultural Proximity Theory

Sa kanyang pagtatangka na maunawaan ang paglaganap ng nilalaman ng telebisyon ng

Brazil sa mga Latin-American, ang Cultural Proximity Theory ay isinagawa noong 2003. Ayon
kay Joseph Straubhaar, ang mga taga-panood o audience ay nakakahanap ng pagkakatulad sa
kung ano ang napapanood nila. Isa sa mahalagang tinitignan nila ay ang wika o lenggwaheng
ginamit. Binigyang diin niya na hindi lamang wika ang tinitingnan ng mga manonood sapagkat
naiimpluwensiyahan din ang pamamaraan ng pamumuhay, pananamit, at paraan ng pag iisip ng
mga tao. Ang kanyang teorya ay nagsasabi na ang mga tagapakinig sa telebisyon ay naghahanap
ng nilalaman na lokal na media dahil sa pagiging tradisyonal at sa kultura at wika. Ngunit kung
nabigo ang lokal na media na ihatid ito, binanggit ni Elasmar (2003) ang paniniwala ni
Straubhaar na mas gusto ng tagapakinig sa telebisyon ang nilalaman na may magkatulad na
teksto mula sa mga bansang malapit sa heograpiya, kultura at wika nila.

Media Dependency Theory

Ayon sa teorya nina Sandra Ball-Rokeach at Melvin DeFleur (1976), habang

dumedepende ang isang tao sa media upang matugunan ang kanilang mga pangangailangan, mas
nagiging mahalaga ang media sa buhay ng tao na siyang nagiging dahilan upang
maimpluwensyahan ang kanilang pamumuhay. Mayroong dalawang salik na humuhubog sa
antas ng pag depende ng tao sa media. Una, ang mga pangangailangan ng tao na binibigay ng
media at ang mga pagbabago sa lipunan na maaaring makapagpabago sa pangangailangan ng tao,
sa gayon ang pagtaas ng kanilang dependency. Binibigyang diin sa teorya na ito na ang tao ay
nagkakaroon ng mahalagang relasyon o koneksyon sa pagitan ng media. Gamit lamang ang
media ay napapasok na ng ibang bansa ang iba-t ibang kultura at kaugalian.

Intercultural Transformation

Ayon sa teorya ni Young Yun Kim (1996), nag aadjust ang mga tao sa pagbabago ng
kultura kung saan lumalawak ang mga pananaw ng tao, at natututo sila ng panibagong kaalaman
at kilos. Sa pamamagitan ng iba't ibang paraan, ang indibidwal ay nalalantad sa mga kultura ng
dayuhan at sa gayon ay maaari na nitong mabago ang tao. Nagkakaroon ng pagbabago sa
kanilang pagkatao at nagkakaroon ng maraming pagpipilian. Ito raw ay madaling naisasagawa
sapagkat talamak ang media at pakikipag komunikasyon. Dagdag pa ni Kim na
makapangyarihang paraan ito upang malawakang maipalaganap ang kultura ng bawat isa.

BALANGKAS KONSEPTWAL
Input Process Output
Datos na nakuha Pagsasagawa ng Sapat na kaalaman
mula sa mga mag- sarbey ukol sa epekto ng
aaral ng grade 11 SSCI Pag unawa at panonood ng K-
strand ng Adamson pagsusuri ng mga drama sa pakikipag
University datos komunikasyon sa
wikang Filipino at
kung paano ito
matutugunan
 KABANATA III

DISENYO NG PANANALIKSIK

Ang isinagawang pananaliksik ay gumamit ng deskriptibong disenyo ng pananaliksik

upang malaman ang epekto ng panonood ng K-drama sa pakikipag komunikasyon sa wikang
Filipino ng mga grade 11 SSCI strand. Naniniwala ang mga mananaliksik na angkop ang
disenyong ito para sa pag-aaral na ito sapagkat pinag-aaralan dito ang pangkasalukuyang
ginagawa na naglalarawan o nagbibigay kahulugan sa isang paksa.

RESPONDENTS/TAGATUGON

Ang respondente sa pag-aaral na ito ay ang mga piling mag-aaral ng grade 11 SSCI
strand sa Adamson University. Ang mga mananaliksik ay pumili ng 15 na mag-aaral na maaaring
kumatawan sa kabuuan ng isinasagawang pag-aaral.

PANGANGALAP NG DATOS

Ang mga mananaliksik ay gumamit ng purposive sampling sa pangangalap ng datos. Ito

ang angkop na pamamaraan sapagkat ang mga respondente ay pinipili batay sa katangian ng
isang populasyon at ang layunin ng pag-aaral. Siniguro ng mga mananaliksik na magsagawa ng
maikling oryentasyon sa mga mag-aaral upang masiguro na nauunawaan ng mga sasagot sa
talatanungan ang bawat detalye ng pag-aaral
INTSRUMENTASYON

Ang mga mananaliksik ay gumamit ng talatanungan o survey questionnaire bilang

pangunahing instrumento sa pagkalap ng mga datos na ginamit sa pag-aaral. Ang talatanungan ay
naglalayong kumalap ng impormasyon ukol sa epekto ng panonood ng K-drama sa pakikipag
komunikasyon sa wikang Filipino ng mga grade 11 SSCI strand. Narito ang kopya ng amin
sarbey kwestyuner upang mas lubos na maunawaan ang pag-aaral

Pangalan: ____________________________________________________________________

Panuto: Punan ng angkop na impormasyon o datos ang mga sumusunod na katanungan

1. Gaano ka kadalas manood ng Korean drama?

[ ] Madalas
[ ] Minsan lang
[ ] Madalang
[ ] Hindi kailanman

2. Natututo ka ba ng mga Korean na salita at parirala kapag nanonood ng K-drama?

[ ] Oo
[ ] Hindi

3. Gaano mo kadalas nagagamit ang mga salitang Korean sa pang araw-araw na

usapan?
[ ] Madalas
[ ] Minsan lang
[ ] Madalang
[ ] Hindi kailanman

4. Gaano mo kadalas gamitin ang wikang Filipino sa pakikipag usap?

[ ] Madalas
[ ] Minsan lang
 [ ] Madalang
[ ] Hindi kailanman

5. Gaano ka kahusay sa paggamit ng wikang Filipino bilang midyum sa pakikipag

usap?
[ ] Napakahusay
[ ] Katamtamang ang kahusayan
[ ] Mahusay
[ ] Hindi gaanong mahusay
[ ] Walang pakialam

6. Masasabi mo bang mahusay ka sa paggamit ng salitang Korean?

[ ] Napakahusay
[ ] Katamtamang ang kahusayan
[ ] Mahusay
[ ] Hindi gaanong mahusay
[ ] Walang pakialam

7. Sang-ayon ka ba sa code switching o ang salitan na paggamit ng dalawa o higit pang

wika?
[ ] Oo
[ ] Hindi

8. Sa pag usbong ng sining ng ibang bansa, sa tingin mo ba ay napapahalagahan pa rin

ang wikang Filipino?
[ ] Oo, dahil
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________
 [ ] Hindi, dahil
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________

9. Sa iyong palagay, naging hadlang ba ang iyong pagkatuto ng mga salitang Korean?
[ ] Oo, dahil
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________

[ ] Hindi, dahil
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________

10. Sa iyong palagay, paano nakakaapekto ang Korean drama sa pakikipag

komunikasyon?

________________________________________________________________________
________________________________________________________________________
________________________________________________________________________
________________________________________________________________________
________________________________________________________________________
ISTATISTIKAL TRITMENT

Sa itong tatlong gagamitin, ang Z-Score ay basehan ng mga probabilidad ng paglabas ng

mga score na resulta sa survey, samantalang ang Mean at Standard Deviation ay makakatulong
sa paggawa ng isang malinaw na grapiko ng mga bigay na resulta.

ETIKAL NA ISTANDARD

Batay sa Data Privacy Act of 2012, ito ay nag lalayon na protektahan ang lahat ng uri ng
impormasyon, maging pribado, personal, o sensitibo. Ang mga datos na nakalap mula sa mga
respondente, gaya ng kanilang pagkakakilanlan, ay mananatiling kompidensyal. Ang mga
mananaliksik ay magiging tiyak at tapat sa presentasyon ng resulta ng pananaliksik. Sinisigurado
rin nang mabuti na may kredibilidad ang kapapanayamin at may pahintulot upang maiwasan ang
pagiging biased sa datos na makukuha.