Giya sa Pagtudlo sa Mother Tongue

Ikaduha nga Halintang

I. MGA TINUTUYO
Pagkatapos sang klase, ang mga estudyante sang ikaduha nga halintang dapat nga:
A. Makakilala sang dinalan kag tinagpong;
B. Makaporma sang dinalan gamit ang mga tinagpong; kag
C. Makasugid sang kinalain sang dinalan sa tinagpong.

II. MGA TULUN-AN

A. Topiko: Dinalan kag Tinagpong
B. Palasandigan: Mother Tongue Based Multilingual Education Learners’ Material
Teacher’s Guide in Mother Tongue
C. Gamit sa Pagtudlo: Laragway, ilustrasyon sang diskusyon
D. Pamatasan nga Ginahabilinggan: Pagpalangga sa aton Lenggwahe

III. MGA PAMAAGI

A. Pagpanghanda nga Hilikuton
1. Pagrepaso
Basaha ang mga dinalan kag kilalahon kon ini nagasugo ukon nagapalihog.
Ibutang ini sa husto nga kahon.
Magpaligo kag husaya imo buhok. Palihog dal-a ang imo mga libro.

Palihog bunyagan ang mga bulak sa hardin Magpungko na kag magpamati sa akon.

Palihog tinlu-i ang aton hulot-klasehan.

Nagasugo Nagapalihog

B. Pangkauswagan nga Hilikuton

1. Pagganyat
Give me what I want hampang gamit ang tinagpong.
Tungaon ko kamo sa duha ka grupo. May ihambal ako nga mga butang nga inyo
pangetaon kag pauna-una hatag sa ako. Ang grupo nga may husto kag madamo
nahatag sa akon amo ang madaog.

* Hatagi ako sang mali-ot nga lapis

* Hatagi ako sang asul nga pangduag
* Hatagi ako sang laragway sang maanyag nga babaye

2. Pagpahayag kag Pagpaathag

Basahon naton ang mga grupo sang tinaga nga ginhatag ninyo kagina.

malip-ot nga lapis maanyag nga babaye

asul nga pangduag

  Ano ang mahambal ninyo parti sa tinaga nga ara sa pisara?
 Nagahatag bala ini sang kumpleto nga ideya?
 Ano ang tawag sa mga tinaga ukon grupo sang tinaga nga ini?

Basahon naton:

Ang TINAGPONG nagatumod sa grupo sang mga tinaga nga nagahatag sang indi
kumpleto nga ideya.
Halimbawa:
sang nagpuli si tatay
ang mga tawo
 Pwede bala naton magamit ukon mahatag ang kumpleto nga ideya gamit ang
mga tinagpong?
 Sin-o ang makahatag sang kumpleto nga ideya gamit ang mga tinagpong nga
ara sa pisara?
-May ara nga malip-ot nga lapis si Ben.
- Asul nga pangduag ang masami gamiton ni Lenny.
- Maanyag nga babaye si Sarah Geronimo.
 Ano ang tawag sa mga tinaga ng may kumpleto nga ideya?

Basahon naton:

Ang DINALAN nagatumod sa grupo sang tinaga nga nagahatag sang kumpleto nga
ideya.

Halimbawa:
Si Gloria manami magsaot.
Masustansiya nga pagkaon ang prutas.

 Lantawa ninyo liwat ang mga tinagpong kag dinalan. Tun-i ini sang mayo. May
ara bala kinalain ang tinagpong sa dinalan?
 Ano ang kinalain sang duha?

Tandaan nga ang tinagpong amo ang grupo sang mga tinaga nga nagahatag sang
indi kumpleto nga ideya samtang ang dinalan amo ang grupo sang tinaga nga
nagahatag sang kumpleto nga ideya.

3. Pagbug-os
 Ano ang dinalan? Sin-o ang makahatag sang halimbawa sang dinalan?
 Ano ang Tnagpong? Sin-o makahatag sang halimbawa sang tinagpong?
 Ano ang kinalain sang duha?

4. Pagdapat
Pangita-a ang insakto nga pares sa tagsa ka tinagpong para makumpleto ang
dinalan. Ikonek ang mga tinaga sa inidas A sa mga tinaga sa inidas B.

A B
matam-is nga pagkaon * * sang mga bulak
puti nga kamiseta * * ang tsokolate
matanum si Jenny * * naghampang sa plasa
ang mga bata * * ang ginasuksok ni Bea
IV. PAGTILAW
Butangi sang A kon ini isa ka halimbawa sang tinagpong , B naman kon ini is aka
halimbawa sang dinalan. Isulat ang imo sabat sa linya.
_____1. tempranu pa nagtulog

_____2. Ginalimpyuhan ni Ana ang ila sala.

_____3. wala gana magkaon

_____4. puti nga babaye

_____5. Si Efren mapisan magtuon sa Mother Tongue.

V. HILIKUTON SA BALAY

Mag hatag sang lima (5) ka halimbawa sang dinalan kag tinagpong. Isulat ang inyo
sabat sa inyo papel.

ARRON P. BENGUAN