1.

Алдехидите и кетоните се органски соединенија кои

содржат КАРБОНИЛНА ФУНКЦИОНАЛНА група.
2. Јаглеродниот атом од карбонилната група е ѕр2-
хибридизиран и затоа формира ДВЕ ЕДИНЕЧНИ врски
со двата соседни атоми и една ДВОЈНА врска со
кислородот.
3. Алдехидите не покажуваат ПОЛОЖБЕНА изомерија туку
само скелетна изомерија т.е. изомерија на јаглеродната
низа од радикалот.
4. Главен лабораториски начин за добивање на алдехидите и
кетоните е со ОКСИДАЦИЈА на алкохоли која се
изведува во присуство на концентрирана сулфурна
киселина.
5. Индустриското добивање на алдехидите и кетоните се
изведува со хидратација на АЛКИНИ во присуство на
концентрирана сулфурна киселина и ЖИВА(II)
СУЛФАТ како катализатор.
6. За алдехидите и кетоните, најважна реакција на
карбонилната група е реакцијата на НУКЛЕОФИЛНА
АДИЦИЈА.
7. При реакцијата на адиција на алкохол на алдехид или
кетон, во молски однос 1:1, се добиваат соединенија кои
се нарекуваат ПОЛУЦЕТАЛИ односно ПОЛУКЕТАЛИ.
8. Реакцијата при која алдехидите и кетоните реагираат сами
меѓу себе, т.е. на една молекула алдехид или кетон се
сврзува друга молекула на алдехид или кетон, се
нарекува АЛДОЛНА КОНДЕНЗАЦИЈА.
9. За докажување на ацетон и кетони со метил група сврзана
за кето групата се користи ЈОДОФОРМСКАТА
РЕАКЦИЈА.
10. Кетоните може да се разликуваат од алдехидите по
тоа што не се оксидираат со ТОЛЕНСОВ реагенс и
со ФЕЛИНГОВИ раствори.