Dexter S.

Salim BSED Filipino 2-A Iskor: _________

REPLEKSYONG PAPEL TUNGKOL SA KUNG PAANO MAPAPAUNLAD AT

MABIBIGYANG-HALAGA ANG KULTURANG KINAGISNAN
BILANG ISANG MAG-AARAL

Sa bawat araw na dumarating sa ating buhay, nariyan lagi at bumubungad sa atin ang
mga iba’t ibang kultura ng mga dayuhan na pilit tayong tinatawag at iniimbita. Pagtawag na
sila’y tangkilin natin at pag-imbita nilang sumanib tayo sa kanila at makiisa. Ngunit sa
paglaon ng panahon, habang tumatagal ako sa pagiging isang Pilipinong mag-aaral ay
napakarami ko ng natutunan pagdating sa pagkakaiba-iba ng ating mga kultura at lalo na
kung gaano kahalaga ang isang kulturang kinagisnan.

Bilang isang mag-aaral, makakatulong akong mapaunlad at mabigyang-halaga ang

aking kulturang kinagisnan sa maraming paraan. Una, bilang may karanasan na sa
pagpapatakbo ng isang programa sa paaralan noong nasa sekondarya pa lamang ako, ay
magagamit ko ang karanasan at kasanayan kong ito upang makabuo ng panibagong programa
na kung saan ay nakatuon sa pagpapahalagang mabuti sa kulturang kinagisnan at ang
pagpapaunlad nito. Maaaring symposium man o tertulya basta ang mahalaga ay maipaabot sa
mga mag-aaral na mahalagang bigyang-halaga natin ang ating sariling kultura upang ito’y
umunlad at tangkilikin ng iba na siyang makakatulong sa iba’t ibang aspeto ng komunidad,
tulad na lamang ng ekonomiya. Pangalawang paraan, sa simpleng pagpapaalala sa lahat ng
mga kakilala mong nasanay nang tumangkilik sa mga dayuhang kultura na limitahan o kung
maaari ay ibaling na lamang ang atensyon nila sa sariling nating kultura dahil malaki ang
maitutulong nito sa ating bansa. Sa pamamagitan ng simpleng pagpapaalalang ito sa mga
kakilala ay matututo silang gawin din ito sa kanilang mga kakilala hanggang sa mapasa sa iba
at makasanayan na. Ika nga sa sikat na kasabihang “tangkilikin ang sariling atin”, sino pa ba
ang unang mga tao ang tatangkilik sa sarili nating kultura kundi tayo-tayo lang din naman at
wala ng iba. Isa pang paraan, bilang isang mag-aaral na 21st century learner, magagamit ko
ang kasanayan ko pagdating sa mga social media at sa teknolohiya upang ipaabot sa mga
kapwa ko rin mag-aaral na maraming dahilan kung bakit napakahalagang mapaunlad natin
ang sarili nating kultura. Isa na rito ay upang matulungan natin na ang ating bansa na lumago
at hindi bumagsak. Sa bawat maliit na pagtulong nating ito sa ating bansa, ay paniguradong
gagawa ito ng malaki at mabuti epekto sa ating kinagisnang kultura.

Ngayong pilit tayong tinatawag at iniimbita ng ibang dayuhang kultura, huwag

magpadalos-dalos. Huminto saglit at mag-isip. Mag-isip na kung pababayaan mo ang iyong
kulturang kinagisnan, sa tingin mo ba’y makakatulong ito sa bayan? Mahalaga na habang
maaga pa at isa pa tayong ganap na mag-aaral na patuloy na natututo ay mapaunlad natin ang
ating sariling kultura at bigyang-halaga ito tulad sana ng pagpapaunlad at pagbibigay-halaga
mo sa iyong sariling pagkatao.