Yunit 1: ANG EPEKTIBONG GURO AT MALIKHAING

PAGTUTURO
Nakatuon ang kabanatang ito tungkol sa katangian ng isang epektibong guro, mga dapat
iwasan ng isang guro at mga paraan kung kung paano nga ba nagagawa ng isang guro na maging
epektibo at malikhain ang gagawing pagtuturo.

Learning Outcomes
Pagkatapos ng kurso ang mga mag-aaral ay inaasahang:
1. Nakalilikha ng mga graphic organizer bilang paglalarawan sa guro
2. Naipapahayag ang sariling saloobin sa kahalagahan ng guro sa buhay ng mag-aaral
3. Nailalarawan ang mga katangian ng epektibong guro sa pamamagitan ng pagguhit.

Introduksyon
Sino ang nasa larawan?
Kailan ba natin masasabing epektibo at matagumpay ang pagtuturo?
Ano-ano ba ang mga katangiang dapat taglayin ng guro para magkaroon ng epektibong
pagtuturo?
Ano-ano ang mga dapat isaalang-alang upang maging epektibo ang pagtuturo?

Ang susunod na seksiyon ay naglalaman ng mga esensyal na impormasyon ng mga

paksang mula sa learning outcomes. Basahin at unawain ang nilalaman ng modyul na ito. Sana
ay matuwa kayo habang sinasagutan ang iba’t ibang inihandang gawain.
 Ang Guro

Ang guro ang pinakamahalagang baryabol sa loob ng silid-aralan na nakapagsasagawa

ng matagumpay at epektibong pagtuturo.
12 Katangian ng Epektibong Guro (Wayne at Youngs, 2003)
1. Walang Itinatangi - pantay-pantay ang pagtingin ng guro sa kanyang mga mag-aaral.
2. May Positibong Pag-uugali - pagbibigay rekognasyon sa bawat mabuting gawi at hindi
namamalayan ang mga pagkakamali ng mga mag-aaral.
3. May Kahandaan - may malawak na kaalaman sa paksang ituturo at may kakayahang
iugnay sa iba pang larangan. Mabisa niyang nagagamit ang mga kagamitang panturo at
matalino niyang nasasagot ang mga katanungan ng mga mag-aaral.
4. May Haplos-Personal - dapat kilala ng baat guro ang kanyang mga mag-aaral.
5. Masayahin - marunong magpatawa at ngumiti sa klase.
6. Malikhain - marunong mag-isip ng mga bagong gawaing pumupukaw sa inters at
kakayahan ng mga mag-aaral.
7. Marunong Tumanggap ng Pagkakamali - may kababaang loob sa pagtanggap ng
kamalian sa klase.
8. Mapagpatawad - may mahabang pasensiya at mabilis o madaling itinatama ng guro
ang pagkakamaling nagawa ng mga mag-aaral. Hindi rin siya namimirsonal bagkus
bibigyang pagkakataong magpaliwanag ang mga mag-aaral sa pagkakamaling nagawa.
9. May Respeto - ginagalang ng guro ang iba’t ibang atangian, abilidad, paniniwala,
kahinaan, kalakasan at pinagmulan ng kanyang mga mag-aaral. Hindi rin siya nagbibitiw
ng mga masasakit na salita sa mga mag-aaral.
10. May Mataas na Ekspektasyon - may tiwala ang guro sa akayahan ng bawat mag-aaral.
May mataas na pamantayan ang guri na nakakahamon sa mga mag-aaral na lalong
magpursigi.
11. Mapagmahal - maalahanin ang guro. Binibigyang-tuon ang mga mag-aaral na
nahihirapan sa klase.
12. Ipinadaramang Kabilang ang bawat mag-aaral - naghahanap ang guro ng paraan na
maging kabilang ang mag-aaral sa talakayan.
 Mga dapat Isaalang-alang Para Sa Epektibong Pagtuturo
1. Kaligirang Sosyal (Social Climate) - binibigyang diin nito ang kapaligirang natural,
kaayusang pisikal, sitwasyong instruktyunal at kaaya-ayang katauhan ng isang guro.
2. Baryedad sa Gawaing Pagkatuto (Variety in the Learning Activities) - tinutukoy nito
ang baryedad o ang iba’t ibang paraan ng paglulunsad ng aralin, sa paglinang ng gawain
at maging sa paraan ng pagtataya at ebalwasyon sa kakayahan ng bawat mag-aaral.
3. Oportunidad ng mga mag-aaral sa pakikilahok (Opportunity of the Student
participation) - nakatuon ito sa pagbibigay ng pagkakataon sa lahat ng mga mag-aaral sa
klase na makapagpakita ng kani-kanilang kakayahan at kasanayan.
4. Pagwawasto at Pidbak (corrections and Feedback) - binibigyang diin nito ang
sumusunod:
 Ang sariling pagwawasto ng mga mag-aaral sa kanyang kamalian
 Sariling pagwawasto ngunit may pagtulong ng kamag-aral
 Sariling pagwawasto sa tulong ng promting o sa tulong ng
pagtatanong

Mga Salik sa Pagtuturo

1. Mag-aaral - laging isa-isip na ang mag-aaral ay may kani-kaniyang katangian. Lahat
ay may karapatang maturuan at matuto ng mga bagay na nararapat niyang matutunan.
Maaring magkaiba sa iba’t ibang aspekto ng kanilang katangian.
2. Edad - may mga batang-batang mag-aaral, mayroon ding may-edad na, may
dalaga/binata, at mayroon ding matandang mag-aaral. Bawat isa ay nagtataglay ng iba’t
ibang lebel na dapat matutunan.
3. Kasarian - ang interes ng lalaking mag-aaral ay iba sa interes ng mga babaeng mag-
aaral. Marapat lamang na malaman ng guro ang kaibahang ito lalong-lalo na sa
pagbibigay-halimbawa sa mga pagtatalakay.
4. Ugali - nagmula sa iba’t ibang tahanan at kapaligiran ang mga mag-aaral sa loob ng
using silid. Bawat isa ay natuto ng magkakaibang paraan ng pakikisalamuha sa kapwa.
Mahalagang tungkulin ng guro ang pagiging pangalawang magulang s loob ng silid-
aralan.
5. Kultura - Kinakailangan sa isang guro ang pagiging sensitibo at mulat sa iba’t ibang
kulturang maaring pinagmulan ng kanyang mga mag-aaral.
6. Talino - Walang itinuturing na bobong mag-aaral. Bawat isa ay may kani-kaniyang
talinong taglay. Kaiba man sa nakakarami ngunit may sariling kakayahan ang bawat
mag-aaral sa maraming bagay o aspekto.
 Katangiang Dapat Iwasan ng Guro
1. Mahilig magkumpara sa kaniyang estudyante
2. Hindi marunong magpatawad
3. Palaging siya ang tama
4. Galit parati
5. May negatibong ugali

Gawain 1
Panuto: Sa pamamagitan ng WEB, lumikha ng Graphic Organizer na siyang maglalarawan sa
salitang “GURO”.

GURO
Gawain 2
Panuto: Sa pamamagitan ng Message in a Bottle, sumulat ng mensahe na maglalahad ng
pagpapahalaga ninyo sa mga guro.

Message in a Bottle
Gawain 3
Panuto: Ilarawan ang ng epektibong guro sa pamamagitan ng pagguhit. Sundin ang kriterya sa
pagguhit.
 Buod
Tunay ngang kahanga-hanga ang isang guro. Malaking pananagutan ang nakaatang sa
balikat ng isang guro. Maselang tungkulin ang kanyang ginagampan sa paghubog hindi lamang
ng kaisipan at katangiang pisikal ng mag-aaral kundi ng buo nitong katauhan. Ang madalas na
mabasa o marinig na pahayag na ang “pagtuturo ay isa sa pinakadakilang gawain” ay hindi
pagmamalabspagmamalabis na pahayag.

Binabati kita!!! Napagtagumpayan mo ang unang bahagi ng modyul na ito. May

mga katanungan ka ba? May mga bahagi ba ng talakayan na hindi mo
naunawaan? Maari mong isulat iyan sa espasyong nakalaan sa ibaba.

Isulat ang nasa iyong isip…

__________________________________________________________________
__________________________________________________________________
__________________________________________________________________
__________________________________________________________________