FL116

PANITIKAN NG MGA UMUUNLAD NA BANSA

THAILAND

Pula – blood of life

Puti – purity of the Buddhist faith
Asul – the monarc
Thai = “Kalayaan”
Thailand = “Lupain ng mga Malaya”
Opisyal na Pangalan : Kingdom of Thailand (Dating Siam)
Kabisera : Bangkok
Uri ng Gobyerno : Constitutional Monarchy
Mga Tanim : Bigas, Prutas, Gulay
Industriya : Electronics , Textiles, Iron, Steel at Petroleum Refining
Populasyon : 67,553,110
Mamamayan : Thai
Opisyal naWika :   Thai
Pangalawang Wika : Ingles
Kabuuang Sukat : 513, 115 kilometro kwadrado

HEOGRAPIYA
Matatagpuan ito sa gitna ng Timog-Silangang Asya. Konektado ito sa Cambodia sa
Timog-Silangan, Malaysia sa Timog, karatig ng Myanmar sa Kanluran, nasa hangganan ng
Laos sa Hilagang Silangan at Hilaga, karatig ng Siam Gulf sa Timog, at Karagatan ng India sa
Timog-Kanluran.

KLIMA
Ang kabuuang Thailand ay dumaranas ng klimang monsoonal. Ang maulang panahon ay
nararanasan mula Mayo hanggang Setyembre, kung saan ang buong bansa ay tumatanggap ng
70% dami ng ulan. Ang temperatura ng bansa ay inaabot hanggang 80%F na nagmumula ng
Enero.
TOPOGRAPIYA
Ang bansa ay nahahati sa limang rehiyon.
1. Ang mabundok na hilaga kung saan matatagpuan ang Doi Ithnamon, ang pinakamataas na
bundok ng bansa.
2. Ang gitnang kapatagan dahil sa Delta ng Chao Phraya ang pinakamataas at pinakamaunlad
na teritoryo ng bansa.
3. Ang matalampas na Konat.
4. Ang hilera ng mga bulubundukin sa Timog-Silangan.
5. Ang Tangway ng Thailand.

Sa gitnang kapatagan matatagpuan ang Delta ng Bangkok, pinakamalaking rehiyon ng

bansa. Dito inaani ang pinakamaraming produktong bigas kung kaya’t ito’y tinaguriang “Basket
ng Bigas” ng bansa.

 Nangangahulugang "kalayaan" ang salitang Thai.

 Nakilala ang Thailand bilang Siam, na naging opisyal na pangalan hanggang Mayo 11,
1949. Sa Golpo ng Siam nakukuha ang napakaraming isda at iba pang yamang tubig. Ang
lata sa porma ng casserite ang pinakamahalagang mineral ng Thailand na nanggagaling sa
rehiyon ng Phuket at Ranong.
 Ito ang kakumpetensya ng Pilipinas sa pagluluwas ng palay sa daigdig.
 Ang bansang Thailand ay kilala dahil sa kanilang masaganang ani at dahil sila rin ang nag-
eexport ng mga bigas sa maraming bansa. 
 Ika-49 sa pinakamalaking bansa sa buong mundo ang Thailand.
 Ang Thailand ay pangatlo sa gumagawa ng pinakamaraming goma sa buong mundo.
 Karamihan ng iniluluwas ay bigas, mais, jute at goma.
 Ang Thailand ay nahahati sa 75 mga lalawigan (changwat) na pinagsama-sama sa limang
pangkat ayon sa lokasyon. May dalawang espesyal na pinamamahalaang distrito: ang
kabiserang lungsod ng Bangkok (Krung Thep Maha Nakhon sa Thai) at Pattaya, na ang
Bangkok ay nasa panglalawigang antas, samantalang ang Pattaya ay bahagi ng lalawigan ng
Chon Buri. Ang ibang mamamayang Thai ay binibilang pa rin ang Bangkok bilang
lalawigan, kaya naging 76 lalawigang bansa ang Thailand. Nahahati ang bawat lalawigan sa
maliliit na mga distrito. Noong 2000, mayroong 796 na distrito(amphoe), 81 mas maliliit na
distrito (king amphoe), at 50 distrito ng Bangkok (khet). Ang ibang bahagi ng lalawigan na
naghahanggan sa Bangkok ay tinatawag din na Kalakhang Bangkok ( pari monthon). Ang
mga lalawigan na ito ay ang Nonthaburi, Pathum Thani, SamutPrakan, Nakhon Pathom,
Samut Sakhon. Ang pangalan ng bawat kabiserang lungsod (mueang) ay katulad din ng sa
lalawigan nito. Halimbawa, ang kabisera ng lalawigan ng Chiang Mai (changwat Chiang
Mai) ay Mueang Chiang Mai.
RELIHIYON (2000 census)

Buddhist (opisyal) - 94.6%

Muslim - 4.6%,
Christian - 0.7%,
Iba pang relihiyon - 0.1%
 PERA
Thai Baht
Pisikal na katangian
1000 – may pagkatsokolate ang kulay na may puting
background
500 – may pagkalila ang kulay
100 – may matingkad na pagkapula ang kulay
50 – may pagkaasul at gawa ito sa plastik na
materyal

20 – may pagkaluntiang kulay

PUNONG MINISTRO PRAYUTH CHAN-OCHA

Ipinanganak siya noong Marso 21, 1954. Nagtapos din siya sa

National Defence College of Thailand, isang Independent Politician.
Ang kanyang may bahay ay si Naraporn Chan-o-cha.

HARING BHUMIBOL ADULYADEJ

Ipinanganak siya noong Disyembre 5, 1927 sa Cambridge ng isang

Thai Princess. Tinagurian siyang Thailand's longest-reigning king
ever. Nanunungkulan siya simula pa noong Hunyo 9, 1946.

KAUNLARAN

Ang bansa ay katatagpuan ng populasyong may iba’t ibang paniniwala at lahi. Ngunit
dahil sa katatagan ng pamahalaan ng bansa, mataas na bahagdan ng lakas paggawa at mataas na
antas na literasya, ang Thailand ang isa sa mga bansang di nalalayong maging isa sa mga Newly
Industrialised Counry ng rehiyon.
 Gamit ng bansa sa industriyalisasyon ang kanyang likas na yamang nanggagaling sa
kagubatan, goma at lata. Kasalukuyang napakaunlad ng produktong tela at yaring kasuotan ng
bansa.

KASAYSAYAN
Mula nang pumasok ang mga imperyalista sa
Timog-Silangang Asya, kinakitaan na ang
Thailand ng galing sa pakikibagay sa mga ito
upang huwag lamang masakop ng mga dayuhan.
Sinulsulan ng Thailand ang magkakalabang
bansa, na nagpapaligsahan kung sino ang mas
maraming teritoryong maaangkin, upang siya
mismo ay hindi maangkin. Noong Ikalawang
Digmaang Pandaigdig. Pumanig ang Thailand sa
Hapon laban sa Amerika at Britanya. Nang
humina at natalo ang Hapon, nakipag-areglo
naman ang Thailand sa mga bansang Kanluranin
na nananalo sa digmaan sa Korea, nagpadala pa
ito ng mga hukbo upang tumulong sa mga di-
Komunista. Noong ang Vietnam naman ang
maging tanghalan ng tunggalian sa pagitan ng
mga Komunista at di-Komunista, nagpadala
muli ng tulong ang Thailand sa panig ng mga di-
Komunista.
Subalit sa loob ng sariling bansa, hindi rin nakaligtas ang Thailand sa mga kaguluhan.
Simula noong 1938, pawang mga militar na ang humawak sa pamahalaan ng Thailand. Noong
1973, nagsimulang mag-aklas ang mga estudyante laban sa pamahalaan. Mga tatlong taon silang
pinagbigyan at nagkaroon ng halalan para sa mga opisyal ng pamahalaan.
Subalit noong Oktubre 1976, sinagupa ng mga konserbatibong elemento ang mga
estudyante sa Bangkok. Maraming namatay. Muling bumalik ang militar sa pamahalaan na
nanatili hanggang noong 1979. Pag-alis nila ay muli na namang nagkaroon ng mga halalan.
Sa kasalukuyan, isa sa pinakamauunlad na bansa sa Timog-Silangang Asya ang
Thailand. Ang pagtutulungan ng pamahalaan at mga negosyante ng bansang ito ang dahilan kung
bakit isa ito sa pinakamalalakas na kandidato upang sumunod sa yapak ng mga
industriyalisadong bansang tulad ng Hapon at Korea.

PULITIKA AT PAMAHALAAN
 
Ang Hari ay may kaunting direktang kapangyarihan ayon sa konstitusyon; subalit, bilang
hari, siya ay simbolo ng pambansang pagkakakilanlan at ang napiling tagapagtanggol ng
Budismo sa Thailand. Ang pinuno ng pamahalaan ay ang Punong Ministro, na pinipili ng hari
mula sa mga kasapi ng mababang kapulungan ng parliyamento, na kadalasang pinuno ng partido
ng mayorya. Kadalasang tinatalaga ng Punong Ministro ang gabinete. Ang parliyamento ay
tinatawag na Pambasang Kapulungan (rathasapha) at ang kanyang kamara na binubuo ng
Kapulungan ng mga Kinatawan, (sapha phuthaen ratsadon) na may 500 pwesto at ang Senado
(wuthisapha) na may 200 pwesto. Ang mga kasapi ng parehong Kapulungan ay inihahalal sa
pamamagitan ng popular na botohan. Ang sistema ng hudikatura ay may tatlong antas, ang
pinakamataas ay ang Kataastaasang Hukuman (sandika). Aktibong kasapi ang Thailand ng
ASEAN.

ANG BUDISMO SA THAILAND

Isang pinag-isang Kahariang Thai ang itinatag noong kalagitnaan ng ika-14 na siglo.
Kilala bilang Siam hanggang 1939, ang Thailand ang tanging bansa mula sa Timog-Silangang
Asya ang hindi nasakop ng mga mananakop na Europeo. Sa pangkalahatan, agrikutural ang
bansa ngunit may mga industriya sa malalaking siyudad. Nobenta’y singko porsyento (95%) ng
populasyon ay Budista, at mga kaisipang Budista ang pinag-ugatan ng kultura at mga kaugalian.
Lubhang mahalaga ang papel ng Budismo sa buhay ng tao. Sa pagsilang ng isang bata, itinakda
na ang kanyang relihiyon. Lumalaki siya sa piling ng mga monghe sa templo, kantahan at mga
ritwal. Karaniwan ang pag-oordina sa batang lalaki sa pagkanobisyado, lalo nasa oras ng
pagkamatay ng isang nakatatandang kamag-anak, magulang o nuno. Sa nobisyado, nabibigyan
ng pagkakataon ang isang batang lalaki na makatuntong sa mas mataas na pag-aaral. Kadalasan,
nanatiling nobisyado ang isang batang lalaki hanggang sa magbinata siya, at sa gulang na
dalawampu, hindi malayong piliin niya ang pagmomonghe. Karaniwang idinaraos ang
pagmomonghe sa panahon ng Phansah (Rains Retreat), kung kailan nagreretiro ang mga monghe
para sa tag-ulan. Higit na nagiging mabuting mamamayan ang pamumuhay-monghe. Ang tapat
na tagasunod ni Buddha ay kusang-loob na nabubuhay ayon sa limang aral nito - mga aral na
papatnubay sa kanya sa proseso ng pagsilang at muling pagsilang, at mailigtas sa kanya sa mga
paghihirap. Walang gantimpala o parusa, langit o impiyerno para sa mga sumusunod o susuway
sa mga aral, pero malinaw na ang mga ginagawa nila’y magreresulta lang ng dapat mangyari,
bukas-makalawa. Ito ang tinatawag na karma. Ang karma ng tao ang nagtatakda ng magiging
kondisyon ng pang-araw-araw na buhay niya, at anumang karma ang matira sa oras ng
kamatayan ay dadalhin sa susunod na buhay at magsisilbing kondisyon sa muling pagkabuhay.
Sa edad na beynte-uno, obligadong magpatala sa army ang isang lalaki ngunit sa paraang
palabunutan. Kung mabunot ng binata ang pulang petsa mula sa kahon, magseserbisyo siya sa
loob ng dalawang taon; kung itim, nakalibre siya. Ang serbisyo na kadalasang nagaganap
pagkaraan ng pagmomonghe ay nagpapalubos sa pagkalalaki ng isang binata, at naghahanda sa
kanya sa pag-aasawa.
KULTURA AT KAUGALIAN
 Ang kultura ng mga Thai ay labis na naimpluwensyahan ng Tsina at ng India. Subalit,
marami ring mga kakaibang mga kultura ang umusbong sa Thailand mula noong nagsimula
ang kultura ng Baan Chiang. Ang unang estadong Thai na nabuo ay nagsimula sa isang
Kahariang Budista ng Sukhothai noong 1238, kasunod ng paghina at pagbagsak ng
Imperyong Khmer noong ika-13 hanggang ika-15 siglo.
 Ang pagbati sa pamamagitan ng pagngiti ay isang mahalagang simbolo sa kultura ng mga
Thai.
 May magandang ugali at palakaibigan ang mga tao, kaya tinatawag na land of smiles ang
bansang Thailand.
 Ang paraan ng pamumuhay ay pakikipagkalakalan, pagsasaka, pagluluwas ng bigas at goma.
 Bawal ang maingay sa mga Thai dahil para sa kanila ito ay ang mga taong mahihirap at
walang pinag-aralan.
 Bawal hawakan ang ulo ng mga Thai at bawal ipakita ang paa o ipanturo.
 Kinakailangang magtanggal ng sapatos o tsinelas kapag papasok ng bahay at sa templo.
 Bawal tapakan ang barya.
 Ang PDA (Public Display of Affection) ay ipinagbabawal sa Thailand.
 Kapag pupunta sa templo bawal magsoot ng sleevless shirts, flip-flops at shorts o skirt.
 Ang mga mas nakababata ang dapat unang pagbigyan ng Wai, pagkatapos ng pagabati ng
mga nakababata ito naman ay tutugunan din ng mga nakatatanda.
Wai- ito ang tawag sa karaniwang paraan ng pagbati ng mga Thai, nagpapakita rin ito ng
paggalang. Ito ay nagrerepresenta rin sa pagiging palakaibigan ng mga Thai.
Ang paraan nito ay pagtaas ng dalawang kamay at pagdidikit ng dalawang palad na
Bankhun- pasasalamat sa mga nakatatanda o magulang

Sa mga namumuno sa Simbahan

 Mahigpit na nirerespeto ng mga Thai ang relasyon nila sa mga namumuno sa simbahan.
 Katulad sa iba, kinakailangang igalang ng mga anak ang kanilang magulang dahil ito ang
mas nakatataas. Ganyundin, ang relasyon ng guro sa mga mag-aaral, at ang mga pinuno sa
kanilang nasasakupan.

Kaugalian sa Pamilya 
 Ang pamilya ang pundasyon ng mamamayan ng Thai.
 Ang pamilya ng Thai ay kabilang sa pamunuan ng simbahan na kung saan ang mga
magulang ang mas nakatataas.
 Ang mga bata ay tinuturuang gumalang sa kanilang mga magulang.

Kaugalian kung may Pulong

 Sa pulong, mas ginagamit nila ang pangalan kaysa sa apelyido kapag tatawagin ang isang
Thai. Ito ay nagpapakita ng paggalang sa pangalan ng isang Thai.
 Kailangang hintayin munang ipakilala ng tagapagsalita sa unahan ang isang Thai. Sa
pamamagitan nito malalaman ng lahat kung ano ang kalagayang panlipunan ng isang Thai.

Kaugalian sa Pagbibigay ng Regalo

 Kung ang isang Thai ay naimbitahan sa isang tahanan, hindin dapat umasa ng regalo.
 Ang balot ng regalo ay dapat kaakit-akit at maraming disenyo katulad ng laso o ribbon.
 Ang angkop na regalo ay bulaklak, mamahaling tsokolate at prutas.
 Bawal magregalo ng mga bagay na may kinalaman sa kamatayan.
 Iniiwasan ang pagreregalo na may balot na kulay berde, itim, at asul dahil para sa kanila ito
ang mga kulay na pampatay o sa bangkayan.
 Ang ginto at dilaw na kulay ay pinapaniwalaan na “Bughaw na Kulay” kaya’t ito ang
madalas nilang ginagamit na pambalot.
 Kulay pula lang ang dapat gamiting pambalot kung ang pagbibigyan nito ay isang “Chinese
Thai” o Intsik.
 Hindi dapat buksan ang regalong na natanggap kapag kaharap ang nagbigay nito.
 Ang pera ang karaniwang regalo sa mga kasalan.
Kaugalian sa Pananamit
 Sa mga negosyante, kinakailangang pormal ang kanilang kasuotan sapagkat sila ay
konserbatibo.
 Ang kalalakihan ay dapat magsuot ng matitingkad na kulay sa pagtratrabaho.
 Ang kababaihan ay dapat magsuot ng pormal na damit.
 Ang mga Thai ay madaling manghusga batay sa pananamit at alahas na kanilang sinusuot.

Ilang katanungang hindi dapat banggitin sa mga Thai ng mga taga ibang bansa:
o Magkano ang iyong kinikita?
o Ano ang iyong relihiyon?
o Ilang asawa ang mayroon ka?
Ang mga tanong na ito’y maaaring masamain ng mga Thai, dahil para sa kanila ay
nakakahiya at nakakainsulto ito sa pagkatao nila.

EDUKASYON
Mataas ang antas ng kamuwangan sa Thailand, at ang edukasyon ay naibibigay ng isang
maayos na sistemang pampaaralan ng kindergarten, mababang paaaralan, at mataas na
sekondarya, maraming dalubhasaang bokasyunal, at mga pamantasan. Ang pribadong sektor ng
edukasyon ay mahusay ang pagkakabuo at malaki ang naitutulong sa pangkalahatang
pamamahala ng edukasyon kung saan hindi kayang maibigay ng pamahalaan sa mga pampubliko
nitong paaralan. Ang edukasyon ay sapilitan hanggang ika-9 na baitang, at ang pamahalaan ay
nagbibigay ng libreng edukasyon hanggang ika-12 baitang.

TRANSPORTASYON
Taxi
Ang taxi sa Bangkok ay may pinakapormal na sistema sa
pamasahe. May nakatakdang pamasahe sa bawat
destinasyong tutunguhin. Mas laganap ang sasakyang ito sa
Bangkok.

TUK-TUKS
Ito’y ginagamit sa mga malapitang tunguhin sa mga bayan
sa Thailand lalo na sa Bangkok. Kaya nitong magsakay ng
dalawa hanggang tatlong pasahero.

TRAINS
Isa ito sa pikakomportableng sasakyan sa Thailand na
pangmalayuang pambyahe kung ayaw sumakay ng
eroplano. May apat na seksyon ang byahe ng tren sa kanila,
ang una ay Easthern line na patungong Cambodia, ang
ikalawa ay Northern line patungong Chiang Mai sa
 Thailand, ang ikatlo ay Southern line na patungong
Malaysia at ang huli ay Western line na patungo ng Nam
Tok sa Thailand.

MAHAHALAGANG PAGDIRIWANG
Bagong Taon (Pagdiriwang ng Songkran)
Itinuring ng Sinaunang Thailand ang Pagdiriwang ng Songkran
bilang Bagong Taon, dahil ito ang maluwag na panahon sa
kalagitnaan ng Abril kung kailan naaangkop na magsagawa ng banal
na panrelihiyong gawain. Kabilang sa mga gawain ng Pagdiriwang
ng Songkran ang: magsabit ng pambansang mga bandila sa buong
bansa, paliligo sa Buddha, paliligo ng mga monghe at pagsaludo sa
mga asperge hanggang sa mga matatanda upang magdasal para sa
biyaya. Kaya, tinatawag ito ng mga tao na Pagdiriwang ng Pagwiwisik ng Tubig. Ang Taunang
Pagdiriwang ng Pagwiwisik ng Tubig o Annual Water-Sprinkling Festival ay mula Abril 13~15
bawat taon. Ang unang seremonya sa umaga ng tradisyonal na Pagdiriwang ng Songkran ay ang
magdasal. Pumipila ang mga kabataan upang magbigay ng papuri sa mga matatanda, umaasa na
makuha ang kanilang pagbasbas at magandang suwerte sa susunod na taon.

Loy Kratong

Ang Loy Kratong ay ang pinakamakahulugang pagdiriwang ng mga

tao sa Thailand na may mga mito o kwento. Idinaraos ito sa gabi ng
Disyembre 15 ayon sa kalendaryo ng Thai. Ang mga magsasaka ay
nagsisindi ng mga ilaw sa tubig upang pasalamatan ang diyos ng
ilog dahil sa pagbibigay ng mayamang tubig upang mabigyan nila
ng irigasyon ang mga pananim at magdasal para sa magandang
panahon sa susunod na taon; ang mga kabataan ay nagpapadala ng mga salita sa mga ilaw sa
tubig at umaasa na makakahanap ng mabuting makakasama; ang mga Budista ay nagdadasal na
lumayo ang mga kapinsalaan kasama ng tubig at dumating ang ligaya kasama ng mga alon. 
Pagdiriwang ng Saranggola
May isang mahabang kasaysayan ng pagpapalipad ng mga
saranggola sa Thailand. Palagi itong itinuturing ng mga Thai na
isang uri ng simbolo. Ito ay puno ng mga pangarap ng mga tao,
mga gusto at mahusay na mga gawang kamay (handicraft) at
ipinapalipad ang mga ito sa kalangitan. 

Seremonya ng Pag-aararo
Mayo ang taunang Seremonya ng Pag-aararo (Ploughing
Ceremony) sa Thailand. Ang bansa ng Thai ay isang pang-
agrikulturang bansa mula sa sinaunang panahon. Ang
agrikulturang populasyon ay 80% kaya itinuturing ito ng buong
bansa na isang marangyang pagdiriwang. Ang Hari, ang pamilyang maharlika at ang mga pinuno
ng pamahalaan ay dadalo sa Seremonya ng Pag-aararo na idinadaos sa   Bangkok Wang Jia Tian.
Ang araw na ito ay banal na inanunsiyo bilang isang pambansang piyesta opisyal. 

Pagdiriwang ng Elepante sa Surin

Ang Surin ay nasa hangganan ng Probinsiya ng Roi Et sa Hilaga,
Cambodia sa Timog, karatig ng Probinsiya ng Sisaket sa Silangan at
konektado sa Probinsiya ng Burirum sa Kanluran. Ang Probinsiya
ng Surin ay nagsimulang nagpapanatili ng mga elepante mula sa
sinaunang Pamumuno ng Khmer. Ginamit din nila ang mga
elepante upang makipaglaban, mangaso at magbiyahe. Ngunit, ang
dahilan kung bakit ang elepante ng Surin ay tanyag sa
buong mundo at nagpapatulala sa mga turista sa loob at
labas ng bansa ay ang pagsasagawa ng pangangaso ng
elepante na idinadaos ng Probinsiya ng Surin kada
Nobyembre. Naging makasaysayan na ang pagdiriwang
ng Elepante sa Surin, mahigit 40 taon nang tanyag sa
buong mundo ang pagdiriwang na ito. Milyon-milyong
turista mula sa loob at labas ng bansa ang nabibighani
kada taon, na hindi lang nakapagbibigay ng malawakang pagpapalitan ng pera mula sa iba’t
ibang bansa (foreign exchange) para sa Thailand ngunit nagtataguyod din sa pang-ekonomiyang
kasagaan ng Probinsiya ng Surin.

MAGAGANDANG TANAWIN SA
THAILAND

Khao Yai
National Park
Masasabing isa sa mga pinakamagandang park sa buong
mundo. Maraming makikita ritong kakaiba at natatangi
ang pasyalang ito.

Ramkhamhaeng National Museum

Ito ay bahay na maraming artifacts na natagpuan mula sa archaeological excavations sa
Sukhothai, pati na rin ang mga donasyon sa pamamagitan ng mga lokal. Ang museo ay nahahati
sa tatlong lugar: ang Lai Sue Thai Chet Roi Lara Memorial Building, Outdoor Museum.
Railay Beach

Isa ito sa pinakamagandang baybayin sa bansang Thailand.

Koh Phi Phi
Isa ito sa magandang bakasyunan. Maganda rin ditong manood ng paglubog ng araw.

Khao Sok National Park

Matatagpuan ito sa probinsya ng Surat Thani. Ito ang
pinakamalaking gubat sa Silangang Thailand.

Wat Suthat
Ito ay Royal Temple sa Bangkok, naitayo ito noong 1807
sa pamumuno ni King Rama. Kinapapalooban nito ang
mga imahe ng Budda ng Phra Sri Sakyamuni.

MGA SAGISAG – PAMBANSA NG THAILAND

PAMBANSANG AWIT
Phleng Chat Thai – Ang awiting
ito’y pinagtibay noong 1939 (B.E.
2482). Hinimigan ito ni Phra
Jenduriyang at isinatitik ni Colonel
Luang Saranuprabhandi.

PAMBANSANG KASUOTAN
Chut Thai phra ratcha niyom
Ito’y isang pormal na kasuotan sa mga mahahalagang oksyon
PAMBANSANG IBON
Siamese Fireback( Lophura diardi)
Ang pakpak nito’y kapag nakabuka ay may habang 9 sentimetro.

PAMBANSANG HAYOP
Chang Thai o “Thai elephant”

May mahaba itong buhay kaya ginawa itong pambansang hayop ng

Thailand. Sumasalamin din ang elepante sa pamumuhay ng mga
Thai.

PAMBANSANG LARO
Muay Thai
Ito’y larong may dalawang kalahok na maglalaban. Ginagamit rito
ang kanilang siko, tuhod, baba at kamay upang matalo at
mapabagsak ang kalaban.
PAMBANSANG BAYANI
King Naresuan
Isinilang siya noong April 25, 1555 sa Phitsanulok. Anak
siya nina King Phra Maha Thamma Racha atPhra
Wisuttikrasattri

PAMBANSANG PUNO
Golden Shower /Tree
Ang puno ring ito ang Pambansang bulaklak ng Thailand.
Ang kulay dilaw na bulaklak ay kumakatawan sa
relihiyon nilang Budismo at sa Lunes na araw ng kapanganakan
ng Hari’t Reyna ng Thailand.
PAMBANSANG PRUTAS
Purple Mangosteen
Ang prutas na ito’y kilala rin sa tawag na Fruit of the
Gods. May matamis na lasa at hugis almond ang mga buto
nito.
PAMBANSANG ARKITEKTURA
Sala Thai (Thai-style arbor)
Ito ay sumisimbolo sa karunungan ng mga Thai. Kakaiba ang
kanilang mga arkitektura ay kakaiba sa ibang bansa.

TRADISYUNAL NA KASUOTAN

Thai Chakraphat

Ito’y konserbatibong kasuotan. Ang bandana nito ay mayroong burda at

punong-puno ng magandang disenyo. Angkop isuot ito sa seremonya ng
maharlika at nasyonal na pagdiriwang.

Thai Borompiman
Ito ay panggabing kasuotan na pormal, may mahabang manggas na
damit at pwedeng ibotones sa harap man o sa likod. Ang pang-ibaba
nito’y mukang kadugsong ng pang-itaas na damit. Angkop para sa
matatangkad at payat na pangangatawan.

Thai Chakkri Style

Ito’y pormal at eleganteng kasuotan. Ginamitan ng sinulid na kulay ginto’t pilak

Thai Chitlada
Ito’y kasuotang hindi masyadong pormal na maaring isuot sa pagsalubong ng mga
bisitang maharlika. Ito’y may botones na kulay ginto o pilak at may maganda rin
itong mga disenyo.

Thai Ruean Ton

Ito’y kaswal na kasuotan. May damit na walang kolar ay may
pahaba at pahigang guhit na disensyo ang palda.
Thai Dusit
Ito’y kasuotang angkop isuot sa mga panggabing seremonya.

MGA PAGKAING THAILAND

Kasama sa pang-araw-araw na pagkain ng mga Thai ang kanin. Ang paborito nilang
pagkain ay laging iniuulam sa kanin kasama ng curries (spicy stews at iba’t ibang karne, isda at
gulay.) Ang Thai ay maipagmamalaki sa kanilang pambihirang pagpapahalaga sa pagluluto at
paghahanda ng pagkain. Ilan sa kanila ay kilala dahil sa kanilang espesyal na lutuin. Ang
karamihan ay nagbibigay o naglalaan ng kanilang panahon, pagod, ganyundin ang pera para
matikman lang ang mga pinagmamalaking lutuin o pagkain sa lugar na ito.
Khao Pad

Ito ay sinangag na kanin na may hipon, manok at iba pang pampalasa.

Nilutong
Ito ay may lahok na manok, baboy at lamang dagat. Matamis ang
sarsa nito na may gulay. Ito ay popular sa mga turista.
Pad Thai
Ito’y noodles na niluto sa sauce ng sampalok at may lahok na tofu at
iba pang pampalasa. Mas masarap ito kainin sa gabi.

Tom nami
Ito ay may sabaw na pagkain, mahalang at maasim. May lahok din itong
hipon at tanglad (lemon grass).

MGA TRADISYUNAL NA INSTRUMENTONG PANGMUSIKA

Ranat Ek
May pagkakahawig ito sa xylophones. Ang mga key nito
ay gawa sa kahoy. May iba’t ibang laki ang key nito upang
makalikha ng iba’t ibang tunog.
Grajabpi

Ito’y instrumentong may kwerdas. Ito’y ginagamit sa mga

klasikal na musika. Gawa ito sa teak wood na may apat na
kwerdas. Pinapaniwalaang isa ito sa
pinakamatandang Thai instrument.

Khong wong lek

Ito’y isang kakaibang instrumento, binubuo ito ng 18 na
maliliit na gong. Nakaayos nang kalahati na hugis bilog.

Ranat Ek Lek

Ito’y may pagkakatulad sa Ranat Ek, ngunit ang mga keys

nito ay gawa sa metal. Ang malalapad na keys nito’y
nakakabit sa resonador na gawa sa kahoy.
TRADISYUNAL NA SAYAW SA
THAILAND
Khon
Ito’y sinasayaw batay sa kwentong nilalaman ng musikang
tumutugtog. Ang mga mananayaw ay karaniwang nakamaskara.
Kilala rin ito sa tawag na Thai mask performance.

Lakhon

Ang sayaw na ito’y hindi kasimpormal ng Khon. Mahalaga ang

galaw ng katawan at kamay sa sayaw na ito, kaaya-aya rin itong
panoorin dahil punung-puno ng emosyon ang bawat galaw ng mga
mananayaw. Mas mainam sayawin nang maramihan. Ang
karaniwang mananayaw nito ay mga babae.

Fawn Thai
Ito’y isang uri ng sayaw na Folk Dance.
MGA KILALANG MANUNULAT

Chart Korbjitti
Una siyang nakilala sa paglalathala ng kanyang nobelang Khamphiphaksa noong 1981. Ang
kanyang akda ay tinaguriang Book of the Year ng Thailand Literature Council ang kanyang
Libro ay nagwagi sa S.E.A. Write Award. Natanggap niya ang ikalawang Gantimpala. Tinanghal
din siyang National Artist in Literature noong 2004

Kulap Saipradit
Siya ay isang manunulat sa pahayagan at isa sa pinakamagaling na Nobelista ng Thailand
nang kanyang henerasyon. Siya ay isang aktibista na sumusulat ng patungkol sa karapatang
pantao. Dahil sa mga paksa ng kanyang sulatin sa pahayagan siya ay nakulong sa loob ng
mahigit 4 na taon. Ang akda niya’y Kulap in Oz

Phra Sunthorn Vohara

Kilala siya sa tawag na Sunthorn Phu, Siya rin ay kinikilala sa Thailand bilang isang
“royal poet” Nagsimula siyang magsulat noong panahon ng Rattanakosin Era. Ang kanyang mga
akda ay Phra, Aphai Mani, Nirat Suphan, Nirat Phuka othong, at Nirat Muang Grang.

MGA AKDANG PAMPANITIKAN NG THAILAND

ALAMAT

Alamat ni Prinsesa Manorah

isinalin sa Filipino ni Dr. Romulo N. Peralta
Isang alamat na pasalin-salin sa iba’t ibang panahon at henerasyon mula noong
panahon ng Ayutthaya at nagbigay-inspirasyon kay Haring Rama V ng Thailand..

TAUHAN
Kinnaree Manorah – isang prinsesa, pinakabata sa pitong magkakapatid
– kalahating babae at kalahating sisne (bibe)
Haring Prathum at Reynang Jantakinnaree – magulang ni Prinsesa Manorah
– nakatira sa Kaharian ng Bundok Grairat
Prahnbun – binatang naglalakbay sa kagubatan ng Himmapan
– nakahuli kay Prinsesa Manorah
Ermitanyo – nakatulong kay Prahbun na mahuli si Prinsesa Manorah
Dragon – nagbigay ng makapangyarihang lubid Prahbun upang mahuli si Prinsesa Manorah
Prinsipe Suton – nabighani sa kagandahan ni Prinsesa Manorah at agad itong pinakasalan
Haring Artityawong at Reyna Jantaivee – naninirahan sa Udon Panjah
– magulang ni Prinsipe Suton

Ang Buwang Hugis - Suklay

isinalin sa Filipino ni Dr. Romulo N. Peralta
TAUHAN

Asawang lalaki – isang mangingisda na lumuwas ng bayan.

Asawang babae – nagpapabili sa asawa ng kendi at suklay na hugas buwan.

Anak na lalaki – anak ng mag-asawa.

Lolo at lola – mga magulang ng lalaki na mangingisda.

Tagapangalaga ng tindahan – tumulong sa lalaki sa paghahanap sa pinapabili ng kanyang

asawa.

SANGGUNIAN

http://www.slideshare.net/jenshare22/sining-at-kasaysayan-ng-thailand
http://asiagroupfour.weebly.com/indonesia-at-thailand.html
https://www.academia.edu/7256887/Kultura_ng_Mga_Bansa_sa_Timog_-Silangang_Asya
http://www.pompgorn.com/thai-national-costume.html
http://nitp.taipei/ct.asp?xItem=30109408&ctNode=55006&mp=102166
http://www.depednegor.net/uploads/8/3/5/2/8352879/filipino_9_tg_draft_4.1.2014.pdf
https://www.scribd.com/doc/34410340/Panitikan-Ng-Mga-Umuunlad-Na-Bansa
https://travelguidetoasia.wordpress.com/2014/08/06/mga-bagay-o-lugar-na-hindi-mo-dapat-
palagpasin-sa-thailand/
https://timeinthailand.wordpress.com/2012/12/02/why-is-thailand-called-the-land-of-smiles/
https://www.google.com.ph/search?
q=thai+baht&biw=1093&bih=534&source=lnms&tbm=isch&sa=X&ved=0ahUKEwjs8cTJ_K3
KAhVMHJQKHdBKD7QQ_AUIBigB#imgrc=aG7AlXYobhGxwM%3A
http://www.worldometers.info/world-population/thailand-population/
http://www.discoverythailand.com/know_the_money.asp
https://www.justlanded.com/english/Thailand/Thailand-Guide/Travel-Leisure/Public-transport-
in-Thailand
https://iluvthailand.wordpress.com/2008/07/12/thai-national-anthem/
http://asia.isp.msu.edu/wbwoa/southeast_asia/thailand/Thailand_anthem.pdf
http://tl.phuket.thai-sale.com/tajskaya-eda/
Gonzales et. al. (2001), Araling Panlipunan Para Sa Mataas Na Paaralan. SIBS Publishing
House,Inc
http://www.lonelyplanet.com/thailand/transport/getting-around/local-transport
http://thailandmusicproject.weebly.com/thailand-instruments.html
http://www.vtaide.com/ASEAN/Thailand/dances.html
http://www.thailandtriptour.com/sukhothai/tl/tourism-sights.html

PASULAT NA ULAT
ISINULIT NINA:
RICA U. ALQUISOLA
LALAINE B. PUERTA
SHEENA N. PASACSAC
RUTH ANN PELEJO
3C-1
ISINULIT KAY:
BB. MELODY G. AGUDILLA
GURO
ENERO 23, 2016